Corpus of Electronic Texts Edition
Book of Leinster, formerly Lebar na N˙achongbála (Author: [unknown])

section 18

Tréide Cétna Labratar Iarna Genemain

{MS folio 126a 30}CIA treide cetna labratar iarna genemain fó chétoir & cid ro labraiset. Ni handsa. Aí mac Olloman meic Delbaith. & Morand mac Cairpri Chind Chaitt. & Noinniu Noíbrethach. Is de chetus ro labrastar Óe macc Olloman .i. Baí Fiachu mac Delbaith {MS folio 126a 35} rí Herend for cuairt ríg & a bráthair na farrad .i. Olloni mac
14590] Delbaith. Batar laa and ic tomailt i nInis Tige i n-iarthur Herend .i. in rí Fiachu & a brathair Ollom. Leth in tige oc cechtar de. A druí dano for belaib ind ríg .i. Fiachach. Oro bátar oc tomailt a {MS folio 126a 40} fessi dothaet athach gaethe móre tarsin tech. conos tarat uile i socht mór niét in delma. Cid forcanas ind athach ar Fiachu frisin druid.
14595] Iss ed forcanas or in druí dán ingnad do thurcbail i nHerind. Cinnas dana ón or in rí & cia ó ngenend & cia bale i ngenfe. Dán bas chomgráid frit grádso ol in druí. & bid is tigseo genfes. & bid {MS folio 126a 45} ón mnai út tall do brathar genfes. Is torrach & beraid mac innossa & bid comgráid fritso. & ticfa grád amra aile and bas úasliu dia
14600] fogenat for ngradasi .i. grad ecalsi.

Ra firad trá uili anísin Ra genair in mac fo chetóir. & ro thríall {MS folio 126a 50} in rí a marbad in meic. coro thairmisc a athair .i. Ollom ar níba lia in rí is taig andaside. In tan ro bas ocond imrádud imme co cualatar in mac oca rád. Domurcbaid súas coro acilliur in ríg.
14605] Turggbair suas iar sin. Ní damsa dot inchaib a Fiachrai or se. Cid dober duit ar in rí. Ni handsa. Mo bruig mo lánamuin {MS folio 126b} lonchore co ndabaig dandlugae tucthar om ríg mucra escra. || cuach carpat calg tricha bó bró fíann fiacho. O Fiachna damsa insin uile ar in mac. Doberthar ar Fiachu. Cia ainm regas arin macsa
14610] i fectsa. Tabar Aí fair ar in drui. Conid assain trá ro ainmniged {MS folio 126b 5} aí airchetail .i. ó Aí mac Olloman. & is sí sein aí cetaerbairt Aí mac Olloman.

Morand im mac Carpri Chind Chait. Is de ro labrastarsede .i. ro marbtha lasin Corpre hísin cech soerchland ro boí i nHerind.
14615] Ar ba di athechthuathaib Herend dó. & ro gab rige nHerend ar ecin. & rap olc a rige ar ní bíd acht óengranne i cind cecha dési. {MS folio 126b 10} & oendircu a ccind na cuslindi. & oendircu i mmulluch na darach ina re. Ructha tri meic don Chairpriu hísin. & ro bádidís leis fo


p.470

{MS folio 126b} chetoir. ar ba doig ropdís torathair. Fo bíthin no bitis a cathbairr
14620] fo cennaib. In tres mac rucad dó .i. Morand. Ro thriall in cétna {MS folio 126b 15} do denam fris .i. a bádud. Ro herbad da oclach leis da chur i mbeolu na tuinne. Ora laiset uadib é i tuind mara brissis in tond in cathbarr & tócbaid in tond uasa in mac co n-accatar a gnúis for barr na tuinne. Is and asbertsom. Garg bé tond ar in mac.
14625] {MS folio 126b 20} Folengat chuce na ocláig & dofocbat súas. Nacham turcbaid ar seseom. Úar bé gáeth. Cid dogenam din macsa ar indara fer. Dogenam ar in fer aile facbam é i téig ar beind chloche i ndorus tige na cerda .i. Máen a ainmside cerd ind ríg. & cométam in mac dús in lessaigfe in cerd é. O dochuaidside assa thig co n-acca in
14630] {MS folio 126b 25} mac isin téig. & no mbeir leis isin tech. Fursain caindel a ben ar se. co n-acther in frithisea fuarusa. Tucad cucu iar sin caindel conid and atbert Morand. Solus bé caindell. Ro alt in mac la Moen iar sin fora seilb féin. Rofetatar im na oclaig út narbo lesseom in mac.
14635]

{MS folio 126b 30} Fecht and iarum dolluid Carpre do ól lenna do thig Moín. In tráth rop ániu doib oc ól. luid in mac as cach ucht i n-araile co ndechaid i n-ucht Chairpri. Ro mainigther in gein ar Carpre. Cóich in macsa la osnaid móir do chur. Focheird dano a máthair in meic .i. ben Charpri osnaid aile. Cid itáid ar Móen. in format
14640] {MS folio 126b 35} nofar geib. Cid inmain lemsa in mac & cid mac dam ropad ferr lem combad libsi é. ara mét far serce lim. & ara riachtain a lessa duib. Ni tharla tra aní hísein dúinni ar Carpre. Maith ém a Chorpri ar in dias oclach út ropad maith a lúag neich dobérad {MS folio 126b 40} duit mac amlaid. Ropad maith imm ar Carpre. Ro beraind a
14645] chomthrom de argut dara chend. & ropad trian de ór. Acht ni tarba a rád ar is erlabra dímaín a ndogníd. Amal bid oca no bemmís ar na ocláech fonaiscther fort so. Fonaiscther fair. Oro {MS folio 126b 45} naidmed fair folengat na óclaig cuce co tucsat in mac ina ucht. & coro dilsigset dó. Is é in macsa ar siat rucsam uait dia bádud.
14650] & iss ed so daronsam de. Is fír uile ar in cerd. Is desin tra ro bai mac Main fairseom. & it e sin teora briathra toesecha ro ráid Morand iarna genemain fo chetóir .i. garg bé tond. úar bé gaeth. Solus bé caindel.

{MS folio 126b 50} Gabais tra Morand ardbrithemnacht Herend iar sin. & ba
14655] marb a athairseom .i. Cairpre. & ro faidseom a mac co Feradach Find Fechtnach i crích nAlban dia thócuriud i rríge nHerend ar ro theichside ria Corpriu dar muir innund arnaro marbtha leiss. Co {MS folio 126b 55} tanicside fo gairmseom. & corra gab ardríge Herend Ocus Morand i n-ardbrithemnacht Herend. & ||
14660]