Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 17

Noenden Ulad & Emuin Macha

NOinden Ulad cid dia tá. Ni handsa. Crunniuc mac Agnomain di Ultaib briuga cetach atacomnaic. Baí i ndithrub & i rroilbib & meic imda leis. Ba marb iarum a ben. Tan buí {MS folio 125b 45} lathe and ina thig a oínur. co n-accai in mnai chuce ina thech.
14550] Ba cuchtach leis innas na mná. Fecaid in ben fo chetóir. o dofessid for ergnam do denam. amal bid is taig no beth riam. O thanic co aithchi donairbir in muntir cen athchomarc. Foaid la Crunniuc {MS folio 125b 50} isind aidchi. Baí oca amser már iar sin & ni buí ní ba terc dóib leesi di cach thorud eter biad & etach & indbass. Nibá cian iar sin
14555] ferthair oenach la Ultu. No thegtis Ulaid dond oenuch. fiur mnai mac ingin. Farruma dano Crunniuc la cach dond oenuch. Etach maith immi. bláth maith fair. Is tacair duit trá ol a ben friss ni {MS folio 126a} forbara anfót do rád. Is decmaing ón ol seseom. || Curthir a n-oenach. doberar carpat ind ríg forsin mblai deod laí. Dobert
14560] búaid in carpat cona echaib. Asbert in sluag ni fuil ní as lúathiu andáit na eichseo. Asbert Crunniuc is luathiu mo bensa ol seseom. {MS folio 126a 5} Airgaibthersom lasin ríg fo chetóir. Adfiadar don mnai anísin. Is turbaid ém damsa ol si dul dia fuaslucudsom & mé alacht. Cid turbaid ol in tectaire mairfithirsium meni risiu.
14565]

Tolluidsi dond oenuch iarum. et ros gabat idain. Tomforidse ol si risin sluag or is mathair ruc cách uaib. Anaid frim coro {MS folio 126a 10} lamnar. Ro fémid uadib. Maith tra ol si biaid olc bas mó de. & biaid for Ultaib uile re mór. Cia th'ainmsiu ol in rí. Iss ed mo ainmse ol si & ainm mo gene bias arin oenuchsa co bráth. Macha
14570] ingen Sainrith meic Imbaith m'ainmse ol si. Comluid iarum {MS folio 126a 15} frisin carpat. & in tan roanic in carpat cend na blae ro scáich a asaitsi ara chind. co mbert emun .i. mac & ingen. Is de atá Emuin Machae in sin. Iactaidsi dano lia hasait. nach duine rodachúala son foscerded i cess. cóic laa & cethri aídche. Fir Ulad uili ro
14575] {MS folio 126a 20} batar and dosniced uili do gs ind ellsin. fri saegul nónbair o cach fiur ro baí and. Cóic laa & cethri aidche. l^ coic aidche & cethri laa. iss ed sin ro boí noinden Ulad. Nert mna siúil ba hed no bíd


p.468

{MS folio 126a} la cech fer di Ultaib fri saegul nonbair. isind noenden. Treide {MS folio 126a 25} forna bíd noenden di Ultaib .i. meic & mnaa Ulad & Cu Chulaind.
14580] Iss ed heret ro mbaí for Ultaib. ó amsir Cruincon meic Agnomain meic Curir Ulad meic Fiatach meic Urmi. conice amsir Forco meic Dalláin meic Mainich meic Lugdach. &c. Curir Ulad is de dogairter Ulaid.

Is desin tra atá Noenden Ulad & Emuin Macha.
14585]


p.469