Corpus of Electronic Texts Edition
Book of Leinster, formerly Lebar na N˙achongbála (Author: [unknown])

section 15

{MS folio 124b}Aided Meidbe.
14390]

{MS folio 124b 35} CID dia tá aided Meidbe ingine Echdach Feidlig a Temraig. Trí meic Find .i. Conall Anglonnach & Eochaid Find & Eochaid Feidlech. Tri meic dano la Eochaid Feidlech & tri ingena. Na tri meic. Bres & Nár & Lothur .i. na Trí Find Emna. Na tri ingena .i. Eithni Uathach & Medb Cruachan & Clothro Cruachan
14395] dia n-ebrad.

    1. Teora ingena Echdach Feidlig
      fuaim iar fochlu.
      Eithni Uathach. Medb Chruachan
      & Clothru.

{MS folio 124b 40}

In Chlothru dano is sí banrígan i Cruachain riasiu no gabad Medb flathius ar ecin ón o Echdaig. Batar tri meic Echdach oc
14400] triall ríge do gait ara n-athair. Dolluid Clothru dia tairmesc & {MS folio 124b 45} dia codnugud. Araisom dano dofocrait cath for Eochaid. Dolluid Clothro ara cind. In do sárgud far n-athar duib ar si. Is anfír mór cia dognether. Is ecen tra ar ind oic. In facbaid iartaigi etir ar in ben. Ní morithir or ind oic. Is doich tuittim dúib
14405] {MS folio 124b 50} trianafar n-anfír. Taít chucumsa ar si or is inbaid comperta dam. dús in faicfid iartaige lim. Dognither on. Luid cach fer ar n-úair díb cucci. co mbaí maith de .i. Lugaid Riab nDerg mac na Tri Find Emna. Na taít a fectsa ar sisi i n-agid for n-athar. Is lór d'anfír dúib comrac riafar siair cenco tisaid do chath ria-
14410] {MS folio 125a} far n-athair. Iss ed tra sin ro thairmisc || iat de choscur in chatha. Is and dí domeled Clothru dligeda Connacht i n-Inis Clothrand for Loch Rí. Asberatsum tra is Medb ros marbsi. & is triana taíb tucsat na claidib in Furbaide mac Conchobuir. Gabais indí {MS folio 125a 5} Medb rige Connacht iar tain & dobert Ailill i flaithemnas chuci.
14415] & is i nInis Clothrand domeledsi dligeda Connacht. & ba geis dissi cena fothrucud cecha maitni assin tiprait ar dorus na indsi.


p.462

{MS folio 125a} Luid dí Furbaide fecht and co hInis Clothrand. & saidid cualli forsind licc forsa ndenad Medb a fothrucud. & ro chengail {MS folio 125a 10} suanemain do chind in chualli .i. cualli ba comard ri Meidb.
14420] & sínid in suanemain dar Loch Rí síar & sair. Berid leis in suanemain dia thaig. In tan iarum no bitis macrad Ulad oca cluchi ba é cluchi Furbaide no síned a suanemain eter da chualli & no bid oc {MS folio 125a 15} díburgud eturro & ni anad co n-ermaised in ubull no bíd for cind in chualli.
14425]

Fecht and di boí dál mór eter Connachtu & Ultu im Loch Rí aníar & anair. & dorala Medb oca fothrucud matain moch assin tiprait osin loch cetna. Is alaind in delb út or cách. Cia sin ar Furbaide. Siúr do máthar or cách. Boíseom oc ithi blogi do {MS folio 125a 20} thanaig. Niro ansom dí ri cungid clochi. Dobeir in mbloig
14430] isin tabaill. Oro boí a hetan Meidbi friu. dosleici in mbloig conid n-ecmaing ina mullach. Conid romarb dond óenurchur i ndigail a mathar.

Aided Meidbe in sin.,


p.463