Corpus of Electronic Texts Edition
Book of Leinster, formerly Lebar na N˙achongbála (Author: [unknown])

section 12

Cu Chulaind atbert. De aduentu Christi.

{MS folio 122b 55} CRist cetarét iathu écmacht n-anfót frecnairc || {MS folio 123a} fallnabthair ar chenel fechid. ar chel coemrí Comdiu
14200] ísund úasund athardae domoin do imdún duin fri nelbruig nia doíne ticfa a recht cach leth linfaid. lenfaid. do thogaís. troethfaid Isu iffern. imergib áil Ádaim i flaith forbais foláim {MS folio 123a 5} fris mbet formdig ingair fris failtniget fris raidfet recht nime. cia riseo cia tuili. dia n-eperat arbuir in rí ro ícc talmain ar
14205] flaith fordonosdá. ar ríchid natesbaí do foirm nert nime la forlinad suide séis for dindaib flatha. in rí iar mbúaid chatha. {MS folio 123a 10} oenaib. dedaib tredaib tria chumachta nat erglond. nad ecguth. nad erbur. Dall taidbsiu do doínib. robud ria. mbás. bias renna nime. Fochroithfet. grian gel inderg dithsir réim
14210] nglas rotha resair esce foleth luigther in luachthaidiu amser tria. torromu. Ísu as uasliu. as isliu tria erscartad


p.455

{MS folio 123a} iffirn. tria suidigud suide tria thuaslucud flatha. tria lanarbur {MS folio 123a 15} catha. tria lanchumacta nime im nimib. im doine im duile im bethu tria bithu. Crist.
14215]

Luid in Liath Macha do chelebrad do Emir. Co tara a chend ina hucht. & dochuaid ina dessel fo thrí. & desel Dúin Imrid. & Duin Delga.