Corpus of Electronic Texts Edition
Book of Leinster, formerly Lebar na N˙achongbála (Author: [unknown])

section 10

Beochobra Con Culaind isind ló fúair bás.
13845]

{MS folio 119b 25} IT brónaig banchuiri buidnib dér. diar n-apthaib. di maigib díe dall fríth fonúair fasciugrat ceirm co forcingi dinn risib rot bith mairg ro fathatar flathi fer i ar mbuntaib bethaed gamain íath imderga essi. Ammiti tuathchaecha taircebat mo {MS folio 119b 30} milliud morulad atomchuinfet concechalsat buada atmbelat
13850] eslabrai a baccaib ráth. Randfaider domun deslámaib dichra aige eblas eirr óencharpait ét im thúaith teora forranu fonena {MS folio 119b 35} nithu. ni ciat súli ní nad aiccet. Aithguba sirechtach sercfid brú in churad o ingnasaib. Concoillfither fír fer forgoba oinfer ecomluind ili eter da roth rosia dihal díriuch. Lorg
13855] Léith Macha mairg ét i ssídib sies ingantu adderga uane {MS folio 119b 40} urchraide noes nibu thais arcuech n-aignech la dulu diluba atabiusa fri ecraitiu aithber aithber iarum dithi de lathe Mag Murthemni atharda iba srúaim sruthborr slán lam broind


p.445

{MS folio 119b} begdolb crú iar feis nom fothraicfe Nith nemnech nél sorcha
13860] somlas semide. fuile form chuirp cribsaite. cretta fuidbechta {MS folio 119b 45} fuáim talman triuin tormaid écnaithi adrainfet comarbae cumachta. beca berthair ith amserdaib dith slabrae slab comdetae. cluim cathu canis n-imarburt. Gand gein gignithar gair ria ndomun díth. bith daer a acille bid dorcha a amser.
13865] {MS folio 119b 50} togaethfaid sochaide soifid iliu hé rofiastar i mbo cen athfir. Riris goí cloifid fir fessair cathu. carcair airchind imdibe ball brisiud cnama cumma tuinne tadlach sula saebrechta úabair ór urraib. arget ar crannaib. gemma a lecaib linfait {MS folio 119b 55} saint sleibe glainithe. gressach taircsiu sáer diamlaid ar
13870] {MS folio 120a} dofessammar fair i forciund a dala lathe || dia mbaidfider bith móras doine duib duile dia cennach. acht adraid in mac cona recht is ferr dúib co fa secht os mé im uabor immarordus a leic dogenaind bad ferr arom beth mad cet bith. It bronaig.

{MS folio 120a 5} Iar sin tuargabtar in banchuire gair guil & golgaire ar rofetatar
13875] nach ricfad co Ulto Cu Chulaind.

Ro boí tech a mumme rod n-altsom ara chind forin tsligid taidledsom béos in tan na theiged fora érim secci fadess & aness. Lestar co ndig leesi ara chindsom do gs. ibid dig. & documlai ass {MS folio 120a 10} & celebraid dia mummi. Téit ass iar Sligi Midluachra. iar Maig
13880] Mogna. Co n-accai ní na teora ammiti túathchaecha ara chind forin tsligid. Orce co nemib & epthaib fonoíset for beraib cairthind. Ba do gessib Con Culaind cen adall fulachta dia chathim. Geiss {MS folio 120a 15} dó dano cárna a chomanma do ithi. Rethid & ba do dul seccu. rufitir níbu 'c denam a lessa ro bass and. Conid de asbert friss
13885] ind ammait. Tadall latt a Chu Chulaind. Ni adliub ém ol Cu Chulaind. Até in biad cu ol si. Diambad fulocht mór no beth and or si ro adelta. Úair is bec fil and ni thaidle. Ni tualaing {MS folio 120a 20} mór nad fulaing l^ nad geib in mbec. Ataellasom iarom. & tonindnaig ind ammait leithi in chon dó assa laim chlí. Adetha Cu Chulaind
13890] iarum assa láim & dambeir fó sliasait clí. Ind lám rod gab & in tsliasait fo tarat ro gabtha o chund co fond conna rabi a nnert cétna indib.


p.446

{MS folio 120a} Documlat ass iarum iar Sligi Midluachra timchell Sleibe Fuait {MS folio 120a 25} fades. Conid and asbert Cu Chulaind fri Loeg. Cia facca dún
13895] a phopa Loíg. Conid de asbert Loeg. Troich imda & mórchoscuir. Fe amae ol Cu Chulaind. Fuaim immairic eich dubderga comrethi clár clé clithi remituit a rae ar mothuittet eich i fochluib. fe. cian {MS folio 120a 30} adraigsemar messchuriu fer nHerend. In tan dochúaid Cu Chulaind for Sligid Midluachra fodess co 'mmanaccai dó & an dunad
13900] boí i mMaig Murthemne. Is and asbert Erc mac Carpri.

.R. Atchiusa sund carpat cóem crichid cumtachglan co {MS folio 120a 35} pupaill uanicda co mórsaide do chlessaib cliss gascid i carput chaín chlessamna colgatchaín. Is amlaid atá in carpatsain for da n-echaib cendbeca cruindbeca corrbeca crú eich bedgaich
13905] bolgsróin bolgroisc uchtlethnai brondlethnai. cidat cuibdi comriata inn echradsin nídat comdatha. indala ech díb {MS folio 120a 40} luglíath lemnech maignech tairngech torandchlessach stuagmar fótmar focursid. In t-ech aile im círdub cenand brúmar co mbrúaib duba dorchaide. Da chuing ardda fororda foraib.
13910] Fuil fer findcass foltlebor issin charputsin. Luinech derg {MS folio 120a 45} daigerda na láim ar derglassad. enblaith etarluamnach uasa erra oenchairpait. Folt dúalách trí ndatha fair .i. folt dond ra tuind cind. folt croderg iar n-irmedon. mind orda ra tuigedar dianechtair. Caín cocarus in chind & ind fuiltsin
13915] co uirend teora imsrotha de immo chend. Comba samalta {MS folio 120a 50} ra tétaib órsnáid dar or n-indeona fo láim suad saincherda. na ra buiderad ris taitni grian i llathi samrata i mmedón mís mai. taidlech cecha fadmainni d'fuilt ind óclaígsin.

A sein chucund m fersin a firu Herend no frithalid.
13920]

{MS folio 120a 55} Turgabad fert fotbaig fo Erc mac Carpri in tansin. & doringintea {MS folio 120b} lebend sciath imbe. & dorónta tri catha || cróda comchóire do feraib Herend in tansin. & atbert Erc. Frithalid a firu Herend in fersin .i. Coin Culaind. & ro ráid na briathrasa.

.R. Comergid a firu Herend. atraigid fil sund Coin
13925] Culaind costodach coscarach claidiubderg. iraichlid erachlid. {MS folio 120b 5} airegid. Iactbadir cind de sein ailfitir aichthi cosc n-admait ditnui taclaid ferg fair. Óenní sin amáin mac Dé mac duini. mairg mindóene mairg séis mairg sreith mairg suthchernaid


p.447

{MS folio 120b} gen in flaith flaith findnélach fornélach fossad fichda fírchlich
13930] {MS folio 120b 10} feromail ra hart in domuin dedenaig. boí dano noí mís fo chleith ingeni détlaind bunaid. machit Macha immanar neóil slecht mairc ro chaith slecht bud adbur anmich airchind dian tic bacher Cua comergid. Comergid.

Cinnas fuirechlem. Cinnas aurisfemmar clessu ol firu Herend.
13935] Ni handsa. Is í mo chomairlisi dúib ol Erc na cethri chuicid. {MS folio 120b 15} filet sund di choicedaib Herend denid óenbuidin díb & óenchlár dona sciathaib immon mbuidinsin anúas & imma cuairt & foraib. & tabraid triar cacha arda immon mbudinsin. & dias oc imessarcain do neoch as tressiu don tslúag. & cainte co culluaisc accu. Co rragbat
13940] {MS folio 120b 20} algis dia gaibseom féin .i. Blad ar Bladaib a ainmside. & dano co rragbat algis dona gaib indlithib dolleicther fair beus. Atá i tairngere dia gaiseom rí do marbad de. mani gabthar algis de. & tabraid gáir guil & éigmi. ni geba in fer ara bruth & forbruth na {MS folio 120b 25} n-ech. & ni chunnecha comlund chucaib anial ro chunnig oc Tánai
13945] bó Cualnge. Dognither anísin amal ro rádi Erc.

Dotháet tra Cu Chulaind dochum na buidni. & dorat na trí torandchless forsin carpat .i. torandchless cet & torandchless tri cet & torandchless tri nónbur. do urscartad na slóg di Maig Murthemni. Tanic Cu Chulaind cusin mbudin. & gabaid glés
13950] {MS folio 120b 30} n-immberta a airm forru. Is cumma no imbred na gai & in scíath & in claideb & na clessa. comtar lir gainem mara & renna nime & drucht cétamuin & loa snechtai & bommand ega. & dulli for fidbaid. & budi for Bregmaig. & fér fo chossaib grega i lló samraid a lleithchind {MS folio 120b 35} & a llethchloicne & a llethlama. & a llethchossa. & a cnáma derga
13955] comscaílte iarna n-esrédiud fo Mag Murthemni. & ropo liath in magsin dia n-inchinnib iarsin tress dibergesin & imberta arm dorat Cu Chulaind forru.

Iar sin co n-acca in dís ocond immessorgain cena n-etarscarad. Is mebol duit a Chu Chulaind cen etargaire na dessise ar in cainte.
13960] {MS folio 120b 40} La sin trá ro thairling Cu Chulaind chucu. & dobeir buille dia durn i cend chechtar de co tanic a n-inchind dara cluasaib & dara srónaib immach. Darónais a n-etargaire or in cainte. ni drónand nechtar de olc ria cheile. Ni betis na tost tria impide forru ar Cu Chulaind. {MS folio 120b 45} In gaisin damsa a Chu Chulaind or in cainte. Tongimse a tonges
13965] mo thúath. nach mó a richtu a lessa duitseo andas damsa. Ataat fir Herend form sund & atú forro dano. Not airubsa dano mani thuca ar in cainte. Nirom aeradsa dano riam i cinaid mo drochthidnacuil.


p.448

{MS folio 120b} l^ mo dothchernais. La sodain ro díbairg in ngai dó 's a urlond {MS folio 120b 50} reme co ndechaid triana chend. & coro marb nonbur friss anall.
13970] Dodechaid Cu Chulaind triasin mbuidin co forcend. La sin ro gab Lugaid mac Con Ruí in tres ngai n-indlithe ro boí oc maccaib Calatin. Cráet dofaeth don gaiseo a macc.u Calatin ar Lugaid. {MS folio 120b 55} Dofaeth rí din gaisin or meic Calatin. Iar sin ro theilg Lugaid {MS folio 121a} in ngai || forsin carpat co tarlai i lLáeg mac Riangabra. co tarlaic
13975] a mbuí do innib ina medón co rrabi for fortchi in charpait. Is and sin ro ráid Láeg. Goirt rom gaet. &c

Iar sin tra dobeir Cu Chulaind in ngai ass. & celebraid Lóeg. {MS folio 121a 5} Conid and atbert Cu Chulaind bam eirrse & bam ara isind lathiusa indiu. In tan rosiacht Cu Chulaind co forcend na buidni. Co
13980] n-accai in diis oc imessorgain ara bélaib & cáinte co cullúaisc oca. Is mebul duit ol indala fer a Chu Chulaind cen etairgaire etruind. La sin tarblaing Cu Chulaind chuccu & sreith cechtar de a leth co {MS folio 121a 10} nderna brosnaig ndiib immon carraic ro boí ina farrad. In gaisin damsa a Chu Chulaind ol in cainte. Tongusa a tonges mo thúath
13985] ní mó richtain a lessa in gai duitsiu oldaas damsa. Cethri choicid Heren d form láim & form gail & form gaisced do aurscartad di Maig {MS folio 121a 15} Murthemni isind lósa indiu. Nott aírubsa ol in cainte. Ni dlegar dím acht oenailgis isind losa. & dano ro íccus do chind m'enig indiu chena. Aírfatsa Ultu it chinaidsiu ol in cainte. Nira aertha ém
13990] ríam ol se i cin mo díbese. nach mo dothchernais. A mbec arathá {MS folio 121a 20} dí dom saegulsa ní airfaither issind lathiusa indiu. Dobert Cu Chulaind in gai dó ar urlaind co ndechaid triana chend & coro marb nónbur ris aníar. & fethid triasin mbuidin amal atrubramar remaind.
13995]

Ro gab Erc mac Cairpri in tres gae indlithi ro boí oc maccaib Calatin. Cid bias din gaiseo a maccu Calatin ar Erc mac Carpri. {MS folio 121a 25} Ni handsa. Dofuit rí din gaisin ar meic Calatin. Rochuala lib dofaíthsad din gai o chianaib ro leici Lugaid. Is fír on ém or meic Calatin. dorocliair rí arad Herend de .i. ara Con Culaind .i. Laeg
14000] mac Riangabra. Tongus a tonges mo thúath ni tét ar guin ríg {MS folio 121a 30} rod mbí. La sin dolleici Erc in gai fair conid ecmaing issin Liath Macha. Gataid Cu Chulaind in ngai ass. & celebrais cách dia cheile díb. La sodain leicthi in Liath Macha & leth a chunga fo


p.449

{MS folio 121a} brágit co ndechaid i lLind Léith i Sliab Fuait. Is ass dodechaid
14005] Con Culaind is inti dano dochuaid iarna guin. Conid de asbert {MS folio 121a 35} Cu Chulaind. Rires t'ech óenchuing sunda indiu ol Cu Chulaind. La sain ataig Cu Chulaind a lethchoiss fo chend inna cunga. & faidid tresin mbudin in n-inas cetna. Co n-acca in dís ocind immesorgain ara chind. & cainte co cullisc ocaib. Ros etarscar
14010] iarum. & nirbo messu in t-etarscarad dorat forru andaas forsin {MS folio 121a 40} cethrur n-aile. In gaisin damsa a Chu Chulaind ol in cainte. Ní mó a richtain a lessa duit in gai andás damsa. Not aírubsa ol in cainte. Ro íccus dom inchaib indiu. ni dlegar dam acht oenalgis isind lousa. Aírfatsa Ultu it chinta. Ro iccus dia
14015] {MS folio 121a 45} n-inchaib ol se. Airfatsa do chenel or in cainte. Tír ém nad ranacsa riam ní ricfat scéla m'écnaig remum. uair is bec atá dom saegul. Dotheilg Cu Chulaind in ngai dó & a urlond reme co ndechaid triana chend & tré trí nonboru aile. Is rath co feirg a Chu Chulaind ar in cánti.
14020]

{MS folio 121a 50} Iar sin tra luid Cu Chulaind aridisi tresin mbuidin co forcend. Iar sin dano ro gab Lugaid in tres gai indlithi ra boí oc maccaib Calatin. Cid bias din gaiseo a maccu Calatin Tuitfid rí de ar meic Calatin. Rochuala lib dofáethsad din gai ro leci Erc imbuaruch. Is fir ón or se darochair rí ech Herend de .i. in Liath
14025] {MS folio 121a 55} Macha. Tongusa a tonges mo thuath ní taít ar guin ríg rod bí. {MS folio 121b} La ssin dolléci || Lugaid in ngai do Choin Culaind co n-ecmoing ind co tarlaic anro buí ina broind co rrabi for fortchi in charpait. La sin dolluid in Dub Sainglend úad co lleith a chunga co lluid i {MS folio 121b 5} lLoch nDub i crích Muscraige Tíre. Is ass dodechuid dochum
14030] Con Culaind. Is and luid aridisi coro fichi in loch la sodain.

Iar sain tra tarrasair in carpat a oínur forsin maig. Iar sin atbert Cu Chulaind. Rop ail damsa ol Cu Chulaind dul connici in loch ucut d'ól digi ass. Is cet lind ar iat acht co tís chucund {MS folio 121b 10} aridisi. Forcongersa foruib or Cu Chulaind mani thísiursa féin
14035] co tistaisi armo chend.

Iar sin tra ro theclaim inne a brond ina ucht. & téit ass dochum ind locha. Amal ro n-ánic in loch ataig a láim sethno a brond co fargab anro boí do indib ina broind. Ibid dig iarum & fothruci {MS folio 121b 15} ass. Is de atá Loch Lámraith i mMaig Murthemni. Ainm aile
14040] dó dano Loch Tondchuil. Iar sin docuridar bedg ass. & forcongair foraib co ndigsitis ara chend.

Dodechaid iarum crích mór ond loch síar. & rucad a rosc airi. & {MS folio 121b 30} téit dochum coirthi cloiche file isin maig co tarat a choimchriss


p.450

{MS folio 121b} immi nar ablad na suidiu nach ina ligu. combad ina sessam atbalad.
14045] Is iar sin dodechatar na fir imma cuairt immi & niro lamsatar dul a dochum. Andar leo ropo beo. Is mebol dúib ol Erc mac {MS folio 121b 25} Carpri cen chend ind fir do thabairt lib i ndigail chind m'atharsa rucad leis coro adnacht fri airsce Echdach Nia Fer. Rucad a chend assaide co fil i Síd Nenta iar nUsciu.
14050]

Iar sin tra dodechaid in Líath Macha co Coin Culaind dia imchomét i céin ro boí a anim and & ro mair in lon láith assa étun. Is iarum {MS folio 121b 30} birt in Liath Macha na tri dergruathra immi ma cuairt. co torchratar .l. leis cona fiaclaib. & xxx. cach cruí dó iss ed ro marb don tslúag. Conid de atá nitathe buadremmend ind Léith Macha iar marbad
14055] Con Culaind. Conid iar sin dolluid ind ennach fora gualaind. Nirbo gnáth in corthe út fo enaib ar Erc mac Corpri. Iar sin tra {MS folio 121b 35} ra choraig Lugaid a moing dara aiss. & benaid a chend de. Iar sin tra dorochair a chlaideb a llaim Con Culaind co n-eccmoing a láim doí di Lugaid co rrabi for lár. Benair a lám doí dano di
14060] Choin Culaind dia digail.

Documlat ass iarum in tslúaig & doberat leo cend Con Culaind & {MS folio 121b 40} a laim dói co tancatar Temraig. Conid and atá otharlige a chind & a láime doí. & lán lainne a scéith di úir. Conid de asbert Ceiid Faelad mac Ailella. i nAidedaib Ulad.
14065]

    1. Doceir Cu Chulaind caín tuir.
      trénfer i nnAirbiu Rofir
      reraig buidne ba mó clith.
      for Mac Tri Con for Lugthig.

    1. lín todforchair ferda nglé
      14070]
      nirbo thuttim midlaige.

    1. {MS folio 121b 45} Cethri ochtair cethri deich.
      cethri coícait cain in treith;
      cethri trichait tolgda rím
      cethri cethrachait cruaidgnim.
      14075]

    1. Cethri fichit fríth co feib.
      fosroirtib mac Sualtin;


p.451

    1. {MS folio 121b} Ro gaet i n-athgubu
      tricha ríg di erchoraib.
      im uii. fichtiu anchinne
      14080]
      fosnacaib di erbonaib.
    2. Ata cend chonar do.
      droneirr i n-ochtor Temro.
      uaigthe iarom a forceth.
      d'airsciu Cairpri Niod Fer
      14085]
    3. {MS folio 121b 50} Ata cend Echdach indiu
      i sSíd Nenta iar Usciu;
      Úaigthe cend Corpri caín rí
      do airsciu Echdach i Tethbai.

Iar sin documlat in tslúaig ass fades co rancatar abaind Lifi.
14090] {MS folio 122a} Amal rancatar in n-abaind || asbert Lugaid fria araid. Is trom lim mo chriss lán immum ol se. Is áil dam mo fothrucud. Docuredar ass erchomuir in tslúaig. Fothraicid iarum. Documlaiset ass iar suidiu. Atetha íach etera da cholptha. {MS folio 122a 5} docuiredar suas dia araid. benaidside tenid dia urgnum fo chetóir.
14095]

Is iar sin documlat slúaig Ulad atúaid o Emuin Macha dochum Sleibe Fuait iar cur a cessa díb. Ro boí cinniud tria chombáig iarum eter Choin Culaind & Conall Cernach .i. ciped chia díb no {MS folio 122a 10} marbtha ar tús a digail dia cheiliu. & mad misse marbthair ar tús ar Cú Chulaind cia luathe nom dígela. A lla not gentar ar
14100] Conall Cernach do digai; damsa resin fescursin. & mad misse marbthair and or Conall. cia luathe nom digéla. Nipa úar th'fuilsiu limsa for talmain ol Cu Chulaind in tan not digél.

{MS folio 122a 15} In tan iarum dodechaid Conall Cernach resin slúag ina charput co comarnic frisin Liath Macha & a thoesca fola tríít oc dul do Lind
14105] Léith. Conid and asbert Conall Cernach.

.R. Ni cumgid cuinge co lLind Léith co rrega co fuilib fonnaide fo chollaib clí co fuidlechtaib fuili fir sceo eich im {MS folio 122a 20} láim doí Lugdach. Lugaid mac Con Ruí meic Dare iss e ro marb mo chomaltsa Coin Culaind.
14110]


p.452

{MS folio 122a} Luid íar sin Conall Cernach & in Liath Macha reme coro lá cuairt sinn arbaig. Co n-accatar Coin Culaind immon corthe. Luid dano in Líath Macha co tarat a chend for brunnib Con Culaind. Is dethitiu don Liath Macha in corp út ar Conall. Téit tra Conall {MS folio 122a 25} iar tain. & ataig a thraig fri airrbe. Tongusa a tonges mo thúath.
14115] ar se. rop airrbe rofir in so. Ro batsis ainm dond inud ol in druí. Bid ed ainm in tiriseo co bráth. Airrbe Rofir.

Tocumlaí iarum i ndegaid in tslúaig. Is and ro boí Lugaid oca fothrucud. Decce dún a mmag ol Lugaid fria araid na tistar {MS folio 122a 30} chucund cen aicsin. Doféccai secha in t-ara. Dofil oenmarcach
14120] sund chucund or se. & is mór a. gripe & a luas dothet. indar lat is feochuine Herend fil uasa. Indar lat it loa snectai breccait a mmag fris anair. Ní inmain in marcach dothaet and ar Lugaid {MS folio 122a 35} .i. Conall Cernach in sin forsin Deirg Druchtais. Na eoin atchonnarcais uasu. na fóit a cruib ind eichsin. na loa snechtai
14125] atchonnarcais do breccad in maige friss anair. uanbach a bélaib ind eichsin. & a gglomraib in tsréin. Fég darisse ar Lugaid cisi chonar dotháet. Dotháet dochum ind atha ar in t-ara .i. in chonar {MS folio 122a 40} dodechaid in slúag. Dolléic sechund in t-echsin ar Lugaid ní áil dún comrac fris.
14130]

In tan iarum rosiacht Conall Cernach co medón ind átha doféccai secha dé de araid sucut ar se. Dofeccai secha in tres fecht. Dé de rig sút ar se. Is ferr damsa a adall. Adella cuccu. Is fo- {MS folio 122a 45} chen aged fécheman. ol Conall Cernach. Intí dano dia ndligi fiachu dosfothlaig fair. Dligim dítsu ar Conall Cernach .i. marbad
14135] mo chomcheili Con Culaind & itú ic triall a acrai fort. Ní cóir ón or Lugaid ar ní armide ar laechdacht duitsiu comrac frimsa sund co rrí búaid mo choscair lim tír Muman. Dogénaindse mani {MS folio 122a 50} beth techt dún for oenchonair & i comlabrai & i cotchennas or Conall Cernach. Nipa hansa a mbia di sudiu or Lugaid. Regatsa
14140] amne for Belach Gabrúain co ndechus for Belach Smechuin. Airgsiu amne for Gabuir for Mairg Lagen co comairsem i mMaig Argetrois. Lugaid is é cetaranic. Tanic a cheile ina diaid .i. {MS folio 122b} Conall Cernach. Tarlaic urchor fair || dia slig. & a choss frisin coirthe fil i mMaig Argetrois co ndecmaing i lLugaid conid de
14145] atá Corthe Lugdach i mMaig Argetrois.


p.453

{MS folio 122b} Luid iarum iarna chétguiniu co mboí oc Fertai Lugdach i nDroictib {MS folio 122b 5} Ossairge. Conid and immanarraid dóib. Rop áil damsa or Lugaid conum rabad fir fer úaitsiu. Cid ón or Conall Cernach. Connacham thised úait acht oenlám. ar ní fil acht oenlám lim. Rot bia or
14150] Conall Cernach. Cengaltar a lám iarum dia thóeb co suanemnaib. Ro batar ind sin eter da thráth din ló. & ni fuair nechtar de eill {MS folio 122b 10} fora cheile. In tan nad fúair Conall Cernach eill fair dofeccai secha a gabuir .i. in Deirg nDruchtaig. Cend con furriside. for- dibad na firu isna cathaib & isna irgalaib. La sin donic in gabuir
14155] chuci corra gaib mír assa thoíb co tarlaic inna raba ina broind {MS folio 122b 15} co rraba imma chossa. Fe amae or Lugaid ní fír fer anísin a Chonaill Chernaig. Ni tharddusa duitsiu or Conall Cernach act darmo chend féin. Ni tharddus im duit dar cend na robb & na n-ecodnach. Rofetursa tra or Lugaid nad ragasu co rruca mo
14160] chendsa latt. uair dofucsamni cend Con Culaind. Co tardda {MS folio 122b 20} trá ar se mo chendsa ar do chend & co n-erbara mo rígise fordo ríge. & mo gaisced fordo gaisced. Ar is ferr limsa combad tú laech bad dech no beth i nHerind. La ssin benaid Conall Cernach a chend de.
14165]

Tocumlai ass iarum cosin cend leiss. Co comarnic fri Ulto i rRoirind hi tirib Lagen. Forruimther a cend forsin chloich & ro {MS folio 122b 25} dermatad and. Co rrancatar Gris. Is and sin imchoemnacair Conall Cernach. in tuc nech uaib a cend ar se. Ni thucsam ar cách. Is and asbert Conall Cernach. Tongusa a tonges mo thúath
14170] or se ní midbine in sin. Is de atá Midbine oc Roirind. Tintaiset {MS folio 122b 30} dochum in chind arise. Co n-accas ní ro berbai in cend in cloich co ndechaid treithe. Niro damsat Ulaid co mbuaid choscair do Emuin Macha in tsechtmainsin. Ro damastar im anim Con Culaind co tarfád don .l. rígan ro saraigestar a llaa re tuidecht don chath.
14175] Co n-accas ní Cu Chulaind ina siaburcharput isind aeór os Emuin Macha. Conid and ro chan Cu Chulaind dóib co n-erbairt iarna eistecht.

{MS folio 122b 35} Eomuin Eomuin. oll olleith. tan ré Talcind trebfait iathu Emna. ticfat de Eoraip Elpae. di usciu ethar domuin
14180] dobním co sluagaib Succet sailiu gil gigsit co rríg n-ardnime alchel coton Sion suidigthe leis raigma do lathiu lanbratha. {MS folio 122b 40} Fer cain congeba frim anair isind oínmaig. maith in sin co comairsem a Emain.


p.454