Corpus of Electronic Texts Edition
Book of Leinster, formerly Lebar na N˙achongbála (Author: [unknown])

section 9

Brislech Mór Maige Muirthemni

{MS folio 119a} [...] nad fordamarsa gol ban & mac cen etráin forru cosindiu. La sin docing in .l. banrigan ara chind & tornochtait a cíche friss. Is accu ro taiscelad ar tús cichi ban do nochtad .i. forna macgnimradaib.
13765] {MS folio 119a 5} & oc fastud Chon Culaind i nEmain Macha. & dobretha na téora dabcha usci do díbdúd a brotha. & ní tarlaiced a llaasin dochum in chatha.

Atchiu ni thic Cu Chulaind úaib indiu a maccu Calatin tresin ceird tosuigthi fil lib or Lugaid. Is cian dond fir fil sund ó Dún
13770] {MS folio 119a 10} Chermnai & o Belaib Con Glais. & o Themair Lochra. & o Chombur Tri nUsce beith fri Beolu Menbolg. Is olc in chelg tosuigthe file lib. is cian cu tic Cu Chulaind or Lugaid. Ticfa uainne imbarach. Ro bátar and co arnabarach. & dolbit clann Chalatin na sluaig im Emain Macha combo oensmúit forloiscthe in Macha uile. &
13775] {MS folio 119a 15} coro cuired Emuin Macha forsna sluagaib. & co torchratar na gascid dia n-adlennaib. & dobreth a mifoclad do Choin Culaind. Conid and asbert Lebarcham.

R. Atraí a Chu Chulaind comerig cob airthe Mag Murthemne ar firu Galeoin a gein Loga soalta soí frit
13780] churad cathchlessu. A Chu Chulaind comerig co mburetar {MS folio 119a 20} basa lia indrid Murthemni. Móra airdi óic do níth. nachit Cormac cotalgad Admuintire i céin Chonchobuir. ní tá Conall comnesam Cormaic ar nin eroemaid ar ni tria gairi cotobgní Lugaid lanchlemnas goin frisgegna gním. Gaib
13785] immut a andremuig a huí Chathbad comérig. Atrai. Conid and atbert Cu Chulaind .


p.443

{MS folio 119a} .R. An dím a ingen. ni mm'óenur domiulsa Chonchobuir {MS folio 119a 25} coiced ciabo bidbu imnedach ní imgen m'oenur ar is diairle iarna scís mo scís. nidam eirr imtholtanach accobrach
13790] imgona indiu.

Is and atbert Niab ingen Cheltchair ben Conaill Chernaig.

.R. Deithbir duitsiu ón a Chu Chulaind nit charpat Conaill {MS folio 119a 30} comathar caín róg renar ar Ultaib i n-athaib buaderthaib bith conid uanchend airm inid accid. ar ní imgonaid na
13795] aill ni gním ní chenae acht a fithis móir meic Amairgin.

A ben em ar Cu Chulaind ciabam trúsa nim tharraid cubes conróetar m'ainech nim ág archelad ni mmo guin immgabaim.

{MS folio 119a 35} Iar sin ro ling Cu Chulaind fora gaisced. & ro gab fathi immi. In cetna fathi ro -.ab immi ro maid fair co torchair a delg asa láim.
13800] Conid and atbert Cu Chulaind.

.R. Ni bidba bratt beres robud. is bidba delg athchummas chness. co tuitt tria thraigid. sciath for scanfaiter fuidb. {MS folio 119a 40} scarad faebuir. fri desláim mo duirn mosbaim fuil anabaid crechtnaigfit formnai fer. airchisfither dia már des Maig
13805] Murthemni dimes.

Iar sin ro gab a fathi immi. & ro gab a sciath co faebur chonduala fair. Conid and atbert fri Loeg mac Riangabra. Innill dún a {MS folio 119a 45} phobba Laíg in carpat. Tongu do dia a tonges mo thúath or Láech ciano beth coiced Conchobuir immon Liath Macha nis
13810] tibritis dochum in charpait. Ní erbart frit cosindiu. In menma nom airfitiged do gs ní hé domriacht. Maso áil duit tair féin da acallaim ind Leith fadessin. Teite Cu Chulaind a dochum. {MS folio 119a 50} & ro impa in t-ech a chlé friss fo thrí. & ro scaíl in Morrígu in carpat issind aidchi remi. ar nirbo ail lé a dul Con Culaind dochum in
13815] chatha. ar rofitir noco ricfad Emuin Macha afrithisi. Conid de asbert Cu Chulaind frisin Liath Macha.

.R. Níbu gnáth a Leith lithe for clé frim fechuir fíach {MS folio 119a 55} fonat gaibim gním donothlogmar éc. m thintla mo menma {MS folio 119b} i mmuige mag dianot imredinn ciana éssi derga || imchíana
13820] eich sceó ruith scarad creta cungai fortche forsa suidmís suide suilig ro don bai Badb i nEmuin Macha. Nibu gnath.

La sodain dodechaid in Liath Macha co tarlaic .a bolgdéra móra fola fora dib traigthib. La ssin ro ling Cu Chulaind in carpat. {MS folio 119b 5} & docuridar bedg de fodes iar Sligi Midluachra. Co n-accai in
13825] n-ingin ara chind .i. Lebarcham ingen Auae & Adarci. .i. mug &


p.444

{MS folio 119b} cumal ro boí i tig Conchobuir .i. Auae & Adarc. conid and asbert Lebarcham.

.R. Nán fácaib nán fácaib a Chu Chulaind. Fíal do gnúis. {MS folio 119b 10} gartach do grúad. goirthech caíngnúis do gnúis cnedach
13830] caín in tocad. ardo díth dubae dia mairgfem. mairrg ar mná. mairg ar maccu. mairg ar súle sir do guba muiche cichseo dano céim rigairech don chath ara mbebad airdde die mór Maige Murthemne dit éis.

& cumma asrubairtsi & asbertatar na tri coicait ban baí i nEmuin
13835] {MS folio 119b 15} Macha o guth mór.

Ba fer na fácbaitis ar Lóeg ar iss ed naro sáraigis cosindiu nert ceniuil do máthar. Acc amae ol Cu Chulaind. geib leic Loíg. la araid airitiud. la errid imdegail. la cunnid comairle. la firu {MS folio 119b 20} ferdacht. la mná mifre. tair rium don chath. Na frithail in
13840] n-airchisecht nachit chobradar. Tossuither in carpat éis for desel. La sin dobeir in banchuire gáir guil. La sin dobeir in banchuire gair guil & golgaire & bosschaire. Rofetatar nícon ricfed co Emuin Macha.