Dodechaid tra Athirne fecht and for turus isin fogomur do thaig a daltai Amorgene co mbaí adaig and. & coro fobbair imthecht
13620] {MS folio 118a 10} arnabarach. Conid and atbert Amorgen ac fostud Athirni.
- Raithe fo foss fogomur
feidm and for cach oenduine
la tóeb na llá langarit.
Loíg brecca a broind osseilti
13625]
ditnit ruadgaiss raithnigi.
Rethit daim a dumachaib
ri dorddan na damgaire.
Derccain duba a ssithchailtib.
Slatta etha amm ithgortaib
- {MS folio 118a} os íath domuin duind.
13630]
{MS folio 118a 15} Draigin drissi delgnacha
fri toeb in lair leithlessi.
lan do mess trumtairnith.
Tuittit cnoi cuill cainmessa
do robilib rath. R.
13635]
Ro thriall dano imthecht isin gemrud. conid and atbert Amorgen.
- Dubaib rathib rogemred.
robarta tond tuargabar.
iar toíb bethad blai.
bronaig eoin cach iathmaige.
13640]
{MS folio 118a 20} acht fiaich fola forderge
fri fuaim gemrid gairg.
garb dub dorcha dethaite.
Diumsaig coin cnamchommaig
curtir ar aed iarnlestar
13645]
iar lo dorcha dub. D.
Ro triall dano imthecht isind erruch. Conid and atbert Amorgen.
- Glass úar errach aigide.
Is uacht in gaeth gignither.
glaidsait lachain lindusci.
13650]
luin ic ecnacht corr cruadeigmi.
{MS folio 118a 25} Cluinit cúana a dithrubaib.
fri eirge moch matarnaid.
dúscit eonu indferaid.
mór fiad resa firtheichet
13655]
a fid a féor glas. G.
Ro triall dano imthecht issin tsamrud conid and atbert Amorgen ica chetugud dó.
- Fó sín samrad sithistar
sadal fid forard forglide.
13660]
Nach fet gaithe gluaseba.
glas clum caille clithaige
sóit srotha saebusci
{MS folio 118a 30} tess hi fota fon. F.
Ro cetaiged dó iarum imthecht issin tsamrud. O rasiacht
13665] iarum oc Athirne imthecht. is and ra thothlaihsetar a daltai .i.
{MS folio 118a} Amargin coro thothlaigedsaide co Athirne ní dia éicsi do thadbsin dóib. Is ed tothlugud dorone Amairgin .i. tarb do thabairt is tech dia marbad do Athirne. conid and atbert Athirne oc tairmesc marbtha in tairb.
13670]
- {MS folio 118a 35} In tarban treballach
bailcerblach adircech
mer mothlach munelach.
Oinmit na immirgi
athair na n-innile
13675]
tairrechtaid cecha tana in tarb. T.
Doberar gamain is tech dia marbad dar eis in tairb. conid and atbert Athirme.
- Berach oach aircheltach
and elit im beim buridach
13680]
samrad sirfes i cein
dersaid bec beodartaid.
mani tugedar d'ilbiadaib
{MS folio 118a 40} nocho didnad dam.
nia bron dían degduine
13685]
dligesum dia berbud
manip biada ber. B.
Diarberar iar sin caire is tech dia marbad. Conid and atbert Athirne.
- Cetnait chromm lomm lesc
13690]
lintach liuntach lenamnach.
ni ecmainger cen andre ét.
esbadach aith iarna dith imma tlacht.
toeb toll tana tuidmide
tadbanar for sliastaib sním.
13695]
sainemla beo bas.
{MS folio 118a 45} buaid di a llacht a llóe.
uar aigide i ngabras airrbe
roilbe ruad rofes ona filedaib
cobarthach caich cet. C.
13700]
{MS folio 118a} Doberar muc is tech iar tain co n-erbailt Athirne iar tain ic erail a mmarbtha.
- Mo chen mata moaigther
do nach moaigther miad.
airrechtach cecha debtha dure.
13705]
ni ar dánaib dothiastar
acht dia letharthaib lai.
{MS folio 118a 50} lassamuin biad boligthe
riana laile bal don matai is mo chen. M.
Ataigther tene trom trichemruad dó iar sin. Conid and atbert
13710] Athirne. ||
- {MS folio 118b} Tene trom trichemrúad
tairges uacht n-oinfir
erge lond. lassair lainderda.
iar li grene glan
13715]
fri silliud súla.
suillse in cach taig
tairges tene. T.