Corpus of Electronic Texts Edition
Book of Leinster, formerly Lebar na N˙achongbála (Author: [unknown])

section 6

Athirne and Amairgen son of Ecet Salach

{MS folio 117b} BAÍ goba amra i nUltaib .i. Eccet Salach goba a ainm. Ainm
13565] {MS folio 117b 10} n-aill do Echen. suí cech admait. conna rabi riam l^ iarum goba bad ferr. Rucad iarum mac dó. Amairgen a ainm. Ro buí iarum in macsin i mmacrai cethéora mbliadna déc. cen labrad. Ro ás a. brú iarum combo méit adbul teig móir. & ba feithech glasremor in brúsin. & a smucli asa sróin inna beolu. Ba dub a
13570] {MS folio 117b 15} chroccend. Batir gela a fiacla. Ba glasbán a aged. Amal da urbuinne builg goband a lurgne & a sliastai. Batir laebladracha a thraigid. Batir adbolmóra a adbronna. Batir ardda imchiana a da ngruad. Batir domna dubderga a dí súil. Ba lebormailgech {MS folio 117b 20} anúas. Ba garb drestaide a folt. ba mellach cnámach carrgarb
13575] a druim. Nibó cáemduine samlaid. Dia follaigthe cu ciana inna suidiu cen foglanad doacmaised a múrtraide dó cotice a di leiss. Batír é a sercla gruth bruithe. mór luatha. mera derga. {MS folio 117b 25} caera glassa. diasa loscthi. gais chrema. cnoi caecha a mbith for clár oca oca airfitiud.
13580]

Dofoíd iarum Athirne a gilla .i. Greth a ainm co Ecet Salach do chor béla i tenid. Co n-acca Greth in n-arracht ndóer ndochraid ísin ara chind for lar in tige. Danéci co anmín. atrágestar Greth. Buí ingen Ecit i cathair cumtachtai & tlacht derscaigthe impe {MS folio 117b 30} issin tig. & sí a hoínur oc comét in tige. & in mac na fail. Co cualatae
13585] ní in mac fri gilla nAthirni. In n-ith Greth gruth ol se fo thrí. Niro recart Greth. & atrágestar co mmór. Asbert im frisseom arisi. Grínmuine gránmuine gais chrema. cuae uinn. ubla greti. gruth. in n-ith Greth gruth.

{MS folio 117b 35} Atnaig Greth dó assin tig. conid corastar dar droichtiu ind
13590] liss. isin cechair. Luidi iar sin co rranic Athirne. Atchonnarcais ócu ol Athirne olc féth fil fort. Deithbir dam ol Greth . Mac cetheora mbliadan naro labrastar riam dom acallaim indiu. & fotfuicfeso in macsin cen grád mani dibdaither. Cid asrubairt frit ol Athirne. Ni handsa ol Greth. In n-ith Greth. &c. Imchomairc
13595] {MS folio 117b 40} Athirne cindas both isind liss. Adfét dó in gilla uile amal luide Greth assind liss.


p.436

{MS folio 117b} Tanic Ecet fo chetoir. Asbert a ingen fris. Ro labrastar Amargen indiu ol si fri gilla nAthirni dodechaid sund do denam bela lais. Cid asbert friss. In n-ith Greth gruth. &c. Bid ed
13600] bias de ol Ecet. Ticfa Athirne do marbad in meic arna ragba {MS folio 117b 45} fair. ar biaid mór sóis ocun mac ro rádi in sein.

Dotet ind ingen iarum cosin mac lé assind liss dond airgi buí oc Sliab Mis tess. Dogní Ecet deilb in meicc di chriaid & suidigis fo láim chlí dó etir & a builg. & dobert dagthimthach imbi. & suidigis
13605] inna liugu amal bid ina chotlud no beth.

{MS folio 117b 50} Tic Athirne iar sin & a gilla Greth. Co n-accatar in mac inna thálgud. Dognith a mbieil leo. & batar ro maith & adacht for {MS folio 118a} samthaig. Dambert Athirne imma chend na || delba ucut amal bed in mac beth and. & atnaig do for teiched & eigther
13610] impu.

Lotar in tsluaig ina ndiaid. Tecmalla Aithirne a folad & a inmass issin less. & gabtha fair a les. Tecait Ulaid gleithir eturru. {MS folio 118a 5} Doberar .uii. cumala & log a einig dó & dognither cora eturru. & gaibid Athirne in mac for altram .i. Amorgen & legais suithe filidechta
13615] laiss. Conid iarum ro laig senordacht for Athirne & ro gab Amorgen ardollomnacht Ulad.