BOí rí amra for Laignib .i. Mac Da ,Thó a ainm. Bui cú oca.
13015] {MS folio 112a} No ditned in cu Lagniu uile. Ailbe ainm in chon. || & lán Heriu dia aurdarcus. Tancas o Ailill & o Meidb do chungid in chon. I n-oenuair dano tancatar & techta Conchobuir meic Nessa do chungid in chon chetna. Ro ferad failte friu uile. & {MS folio 112a 5} ructha chucisium isin mbruidin. Is ísein in tsessed bruiden ro
13020] boí i nHerind in tansin .i. bruden Da Derga i crích Cualand. & bruden Forgaill Manaich. & bruden Meic Da Reo i mBrefni. & bruden Da Choca i n-iarthur Mide. & bruden Blai Briuga i nUltaib. Secht ndoruis isin bruidin. & uii. sligeda tréthi. & .uii. tellaige inti. & .uii. core. & dam & tinne in cach coire. In fer dotheiged
13025] {MS folio 112a 10} iarsin tsligi dobered in n-ael isin coire. & na tabrad don chetgabail iss ed no ithed. Mani thucad ní don chéttadall ni bered a n-aill. Ructha trá na techta na imdai chucisium do airiuc thuile doib riasin feiss. Ro raidset a n-athes Do chungid in chon {MS folio 112a 15} dodechammarni ó Ailill & ó Meidb ar tecta Connacht. & dobertar
13030] tri fichit cét lilgach a chetóir. & carpat & da ech bas ferr la Connachta. & a chommaín i cind bliadna cenmotha sin. Dia chungid dano dodechammarni ar tecta Ulad o Chonchobur. & ni messo Conchobor do charait. & dano do thabairt sét & indile. & doberthar a chomméit {MS folio 112a 20} cétna i cind bliadna. & biaid degcaratrad de.
13035]
Ro lá dí i socht mór intí Mac Da Thó. Co rrabi tri thráth cen dig cen biad. cen chotlod. acht co immorchor ón taib co araile. Is and ro ráid a ben riss. Is fota in troscud i taí. atá biad lat cenco n-essara. cid no taí. Ni tharat frecra forin mnaí. conid and ro ráid in ben.
13040]
- {MS folio 112a 25}Tucad turbaid chotulta
do Mac Da Thó co thech;
ros boí ni no chomairled
cenco labradar fri nech.
- {MS folio 112a} In ben Asoí dosoí uaim fri fraig
13045]
in ferg fene co londgail;
a ben trebar dosbeir mod
bith dia ceiliu cen chotlud.- .In fer. Asbert Crimthand Niad Nair.
ni thardda do rún do mnaib;
13050]
run mna ní maith concelar
{MS folio 112a 30} maith ar mug ni athenar.- .In ben. Cid fri mnai atberthasu
mani thesbad ní aire;
ní ná téit do menmasu
13055]
teiti menma neich aile.- .In fer. Cú Mes Roida meic Da Thó
ba holc lathe etha dó;
dofaeth mór fer find fria rath
bid lia turim a chath.
13060]- {MS folio 112a 35} Manip do Chonchobur bérthair
is derb bid mogda in gním;
nocon faicebat a sluaig
bas mó do buaib na do thír.- Mad do Ailill era
13065]
leis Falmag darsin túaith;
dodonbéra mac Matach
atanebla i luim lúaith.- .In .ben. Tathut airle limsa ris
ní holc fri íarmairt n-inni;
13070]
{MS folio 112a 40} tabair doibsium dib línaib.
cumma cia thoetsat immi.- .In fer. In chomairli doberisiu
is í ním déni cutal;
Ailbe doroid Dia
13075]
nicon fes cia o tucad. T.
{MS folio 112a} Iar sin atraacht suas & no mbertaigedar. Bad maith dún tra ol se & dona haigedaib dodnancatar. Anaitside leis trí laa & trí {MS folio 112a 45} aidche. & hairmtgr chuci fo leith techta Connacht. Ro bása tra ar se i n-imsnim mor & cuntabairt móir coro glé dam .i. doratusa
13080] in coin do Ailill & do Meidb. & tecat ar cend in chon co sochraid & ros bia lind & biad. & bertait in coin. & is fo chen dóib. Buidig {MS folio 112b} techta || Connacht dond athesc. Luid iar sin co techtaib Ulad. Doratusa trá ar se asmo chuntabairt in coin do Chonchobur. & bid uallach tiastar ara chend .i. formna mathe Ulad. Bertait
13085] ascada & ros bia failte. Budig techta Ulad.
{MS folio 112b 5} I n-oenló im ro dalaitseom eter anair & aniar. Niro follaiged leosom dano táncatar da coiced Herend i n-oenló co mbátar i ndorus bruidni Meic Da Thó. Ticseom féin immach & dogní failte friu. Nirobar fachlisem a ócu. ar apaide is mo chen duib. Tait
13090] {MS folio 112b 10} issin les. Lotar iarum uili isin mbruidin. Leth in tigi dano la Connachta & in leth aile la Ulto. Nirbo bec dano in tech. secht ndoruiss ind. & l. imdad eter cech da dorus. Niptar aigthe carat im fleid im bátar isin taig. Sochaide díb ro fuachtnaig fri araile. {MS folio 112b 15} Tri chét bliadan ria ngein Christ ro boí in cocad eturru. Marbthair
13095] dóib dano in mucc Meic Da Thó. Tri fichit gamnach coa biathadsaide co cend .uii. mbliadan. Tri neim im no bíata coro lathea ár fer nHerend impi.
Tucad dóib i.arum in mucc. & .xl^. dam dia tarsnu cenmotha in biad archena. Mac Da Tho fessin icond ferdaigsecht. Mo chen
13100] {MS folio 112b 20} duib ar se ni dabar samail rissin ataat aige & mucca la Laigniu. A testa desin mairfider dúib imbarach. Is maith in mucc ar Conchobor. Is maith im ar Ailill. Cinnas rainnfither in mucc a Chonchobuir ar Ailill. Cinnas ar Bricriu mac Carbada anúasane. {MS folio 112b 25} bale i taat láith gaile fer nHerend acht a rraind ar galaib & ar
13105] chomramaib & dorat cách dib buille dar sróin a cheile riam. Dentar ar Ailill. Is cóir ar Conchobor. Atát gillai dún is taig ro imthigitar in cocrích.
Ricfaiter a les do gillai innocht a Chonchobuir ar Senlaech Arad {MS folio 112b 30} a lLuachraib Conalad aniar. Ba menic ag méth díb d'facbail
13110] acumsa & rota Luachra Dedad fó tóin. Ba méthiu a n-ag foracbaisiu ocainni .i. do brathair fadéin .i. Cruachniu mac Rúadluim a Cruachnaib Conalad. Nirbo ferrsaide ar Lugaid mac Con ruí {MS folio 112b 35} andás in Loth Mor mac Fergusa meic Leti foracbad la Echbél mac
{MS folio 112b} Dedad i Temair Lochra. Cinnas fir lib ol Celtchair mac Uthechair
13115] Conganchness mac Dedad do marbad damsa & a chend do béim de. Immotarla trá dóib fo deóid. co tarat in t-oinfer for firu Herend {MS folio 112b 40} .i. Cet mac Matach. Dofúargaibside im fair a gasced uas gaiscedaib in tsluaig. & ro gab scín inna laim & dessid ocon muicc. Fagabar tra ar se do feraib Herend tairismi comrama frimsa l^ lécud na
13120] mmucci do raind dam. Roslá i socht na hUlto. Atchi a Loegaire {MS folio 112b 45} or Conchobor. Niba fír ar Loegaire Cet do raind na mucce arar mbelaibni. An bic a Loegaire corot acilliur ar Cet. Is bés dúibsi {MS folio 113a} infar nUltaib ar Cet. cech mac gaibes gaisced acaib || is cucainni cend a baire. Dochuadaisiu dano isin cocrích. immatarraid dún
13125] inti. foracbais in roth & in carpat & na heocho. Atrullais fein & gai triut. Nis toirchi in muicc fon innasin. Dessidside dano. {MS folio 113a 5} Niba fír or laech find mór dodechaid assind imdai Cet do raind na mucci arar mbélaibni. Coich and so or Cet. Is ferr do laech andaisiu or cach. Oengus mac Lama Gabaid sin do Ultaib. Cid
13130] dia ta Lam Gabuid for th' athairsiu or Cet. Cid ám. Rofetarsa {MS folio 113a 10} or Cet. Dochuadusa sair fecht and. Eigther immum. doroich cách. Doroich dano Lám. Tarlaic urchor do gai mór damsa. Dosléicimse dano dosom in ngai cetna co mben a laini de co mbui for lár. Cid dobérad a mac do chomram frimsa. Téit Oengus
13135] ina suide.
In comram do thairisem beus or Cet l^ in mucc do raind damsa. {MS folio 113a 15} Niba fír a rraind duitsiu chetumus ar laech find mór de Ultaib. Cia and so or Cet. Eogan mac Durthacht sin ar cách .i. rí Fernmaigi. Atchonnarcsa riam or Cet. Cia airm indom facca ar Eogan. I
13140] ndorus do thaige oc tabairt tana bó uait. Ro héged immumsa {MS folio 113a 20} isin tír. Tanacaisiu fon égim. Ro thelgs gai formsa co rraba asmo scíath. Dollecimse duitsiu in ngai cetna. co lluid tret chend. & co mbert do súil asdo chind. Atotchiat fir Herend co n-óensúil. Messe tall in tsúil aile asdo chind. Dessidside dano.
13145]
{MS folio 113a 25} Frithalid dano a Ulto. in comram beus ar Cet. Nis raindfe innossa ar Munremor mac Gergind. Inn é seo Munremur ar Cet. Is me ro glan mo gó fo deoid a Munremur or Cet. Ní fuilet trí thráth and o thucusa tri laíchcind uait im chend do chétmeic ast ferund. Dessidside dano.
13150]
{MS folio 113a 30} In comram beus or Cet. Rot bia són ar Mend mac Salcholcan. Cia so or Cet. Mend or cách. Cid ane or Cet. mac na mbachlach cusna lesanmannaib do chomram chucum. Ar ba úaimse fúair th' athair in t-ainmsin .i. Messe ra ben a sail de do chlaidiub conna
{MS folio 113a} ruc acht oenchoss úaim. Cid dobérad mac ind oenchoisseda
13155] {MS folio 113a 35} chucum. Dessidside dano.
In comram beus or Cet. Rot bia or laech líath mór forgránna do Ultaib. Cia so or Cet. Celtchair mac Cuthechair sin or cách. An bic a Cheltchair or Cet manip dom thuarcain fo chetóir. Ro {MS folio 113a 40} tanacsa a Cheltchair co dorus do thigi. Fo heged immum. Tánic
13160] cách. Tanacaisiu dano. Dotluid i mbernai armo chindsa. doreilgis gae damsa. Ro thelgiusa gai n-aill chucutsu. co ndechaid triat liasait. & tria uachtur do macraille. Ataí co ngalur fúail {MS folio 113a 45} ond úairsin. noco rucad mac l^ ingen duit ond uairsin. Cid dotbérad chucumsa. Dessidside dano
13165]
In comram beus or Cet. Rot bia son or Cuscraid Mend Macha mac Conchobuir. Cuich seo ar Cet. Cuscraid or cách. Is adbar {MS folio 113b} ríg || ar deilb. ni buide frit or in gilla. Maith or Cet. Cucainn cetna thanacais do chétgasciud a gillai. immatarraid dún issin chocrich. foracbais trian do muntire. & is amlaid dochuadais &
13170] {MS folio 113b 5} gai triat bragit. conna hetai focul fort chend i córai ar ro loitt in gai féthi do braget. Conid Cúscraid Mend atotchomnaic ond uairsin. Dorat tra fon n-innasin ail forsin cóiced uile.
In tan dí ro mbertaigestar ocon muicc & scían inna láim. co n-accatar Conall Cernach is tech. Is and tarblaing for lár in taige.
13175] {MS folio 113b 10} Ferait Ulaid im failte móir fri Conall. Is and rola Conchobor in cennide dia chind & rod mbertaigedar. Is maith lind ar cuit do thairiuc ar Conall. Cia rannas dúib. Ro ddét dond fir nod ranna ar Conchobor .i. Cet mac Matach. In fir a Chit ar Conall tusso do raind na mmuicce. Is and asbert Cet.
13180]
- {MS folio 113b 15} .R. Fo chen Conall.
cride licce.
londbruth loga.
luchair ega.
gus fland ferge.
13185]
fo chích curad.
crechtaig cathbúadaig
ad comsa mac Findchoeme frim.
conid and atbert Conall.
- {MS folio 113b} .R. Fo chen Cet
13190]
Cet mac Matach.
magen curad
cride n-ega.
eithre n-ela.
eirr trén. Tressa
13195]
trethan ágach
{MS folio 113b 20} caín tarb tnúthach
Cet mac Magach.
Bid mend inar n-imchomrucni ón ar Conall & bid mend inar n-imscarad. bid airscela la fer mbrot. bid fiadnaisi la fer manath.
13200] adcichset airg loman londgliaid fer dar fer is taig seo innocht. {MS folio 113b 25} Eirg ón muicc dí or Conall. Cid dano dot béradsu chucci ar Cett. Is fir or Conall do chungid chomraime chucumsa. Dobér oenchomram duit a Cheit ar Conall. Tongu na tongat mo thuath ora gabus gai im láim nach menic ro bá cen chend Connachtaig fóm
13205] chind oc cotlud. & cen guin duine cech oenlá & cech oenaidchi.{MS folio 113b 30}
Is fir or Cet at ferr do láech andósa. Mad Anluan no beth is taig doberad comram ar araile duit. Is anim dún na fil is taig. Atá im ar Conall ic tabairt chind Ánlúain assa chriss & nos leice do Chet ara bruinni co rroimid a loim fola fora beolu. Ro gabside
13210] {MS folio 113b 35} im ón muic. & dessid Conall aicce.
Tecat don chomram a fechtsa ar Conall. Ni fríth ón la Connachta laech a thairismi. Doratad im damdabach dona boccótib immi imm chuairt ar ro boí drochcostud is taig do chloendiburgun la drochduini. Luid iarum Conall do raind na mmucci & gebid
13215] {MS folio 113b 40} dano cend in tarra ina beolo co rránic dó raind na mmucci. ra suig in tairr .i. aere ind nónbair conna fargaib ní de.
Ni tharat im do Chonnachtaib acht a da cois na mmucci fo brágit. Ba bec dano la Connachta a cuit. Atragatsaide. Atragat dano Ulaid co rriacht cách araile. Ro boí trá builli dar ó i suidiu.
13220] {MS folio 113b 45} comba comard ra sliss in taige in carnail ro baí for lar in taigi. co mbatar na srotha don chrú forsna dorsi. Maidith dano na sluaig forna dorsi co rralsat grith mór co suifed fuil mol for lár {MS folio 114a} ind liss .i. cach oc truastad || a cheile. Is and gabais Fergus dóib dair mór ro boí for lár ind liss assa fremaib. Maidit immach
13225] dano asind liss. Doberar in cath i ndorus ind liss.
{MS folio 114a} Is and luid mac Da Thó immach & in cú inna láim coro leiced {MS folio 114a 5} eturro. dús cia díb no thogad .i. rús con. Doraíga in cú Ulto. & ro leci for ár Connacht ar ro mebaid for Connachta. Asberatsom iss i mmaigib Ailbe ro gab in cú fertais in charpait fo Ailill & fo
13230] Meidb. Is and donáraill Fer Loga ara Ailella & Medba .i. co rrala {MS folio 114a 10} a cholaind for leth. & coro an a chend i fertais in charpait. Atberat dano is de atá Mag Ailbe .i. Ailbe ainm in chon.
Dolluid a mmaidm andes for Beluch Mugna sech Roírind. for Áth Midbine i mMastin sech Druim Criaig fris rater Cell Dara
13235] {MS folio 114a 15} indiu. sech Ráith Imgain. i Fid nGaible. do Áth Mac Lugnai. sech Druim Da Maige. for Drochet Cairpri. oc Áth Chind Chon i mBiliu. is and ro lá cend in chon asin charput. Ic techt iar fraechrud Mide síar. is and donarlaic Fer Loga isin fraech .i. ara Ailella. & ro ling isin carput iar cúl Conchobuir corra gaib a chend dar aiss.13240 {MS folio 114a 20} Beir buide n-anacuil a Chonchobuir ar se. T'ógríar ar Conchobor. Niba mór ar Fer Loga .i. mo breith latt do Emain Macha. & mná oentama Ulad & a n-ingena macdacht do gabail cepoce cecha nón a immum. co n-erbrat Fer Loga mo lennansa. Ba écen ón ar ní {MS folio 114a 25} laimtis chena la Conchobor. & ra leiced Fer Loga dar Áth Luain
13245] síar dia bliadna & dá gabair Chonchobuir leis co n-allaib óir friu. Conid desin ro cet.
- A gillu Connacht nad liu
far trommacht ic rada gó;
gilla lasma bec far cuit
13250]
forfodail muicc Meic Da Thó- Na tri coicait coica fer.
dó dollótar almaib tor;
{MS folio 114a 30} comrac úalle im Albe sin
bec in cin tria changin chon
13255]- Conchobor buadach ro thelt.
Ailill sluagach & Cet.
Bodb iar n-araib fora slicht
Cú Chulaind ní damair cert.- Congal Aidni and anair.
13260]
Fiamuin Dúin Binne don muir;
ro ches tairmthechta iar sin.
Eogan mac Dairthechta duib.
- {MS folio 114a} Tri meic Nerai ar lín lerg.
{MS folio 114a 35} tri meic Uislend cobra ngarg;
13265]
Senlaech Arad nadbo borb
a Cruachnaib Con Alad ard.- Dubthach Emna ard a bríg.
Baithén Berba breithir bláith.
Illand irdairc ilair glond.
13270]
Munremur lond Locha Sáil.- Conall Cernach cruaid a gal
Marcan Sinna setrod son;
{MS folio 114a 40} Celtchair Ulad fer dar fer
Lugaid Muman mac Tri Con.
13275]- Fethis Fergus Ailbe n-oll
crothais dóib dairbre ndall;
gabais fianbrat dar sciath scenb
brónderg toidlech dar fer fland.- Cethern mac Fintain ro bíth.
13280]
uathad a llín forsind áth.
{MS folio 114a 45} Fir ól nEcmacht ermaig sluaig
nis relic uad ri se thráth.- Feidlimid co n-ilur thor
Loegaire Buadach sair.
13285]
ba leth ndograi immon coin
Conaeth mac Mornai nach mair.- Mora airig aidbli band
crodai curaid cumtaig dind;
mora fina fortbi chland
13290]
móra gialla móra gill. A. ||