{MS folio 107b} GEssa & ilberta bítis for Coin Culaind for clothmaccaem {MS folio 107b 25} Croebruade. for mac sethar Conchobuir for lígbratanach Line for buageltach mBreg. Batar íat a geisi. A slonniud do óenlaech. traig fordail di chonair ria comlund oenfir. Comlund
12570] do opa do oenfir. Techt i ndáil cen airiasacht. techt ra oenlaech {MS folio 107b 30} dochum dala. Feiss eter mná cen firu ocaib. geiss dó commaid la mnai. geiss dó grian d'ergi fair i nEmain Macha acht combad é atressed rempe.
Fecht n-oen atraacht i nEmain i tus laí ria ngréin. Atbert fria
12575] araid carpait. Maith a mo phopa Laeg ar Cu Chulaind. fetar {MS folio 107b 35} na fil it menmain ar Laeg. Cid son ar Cu Chulaind. na eich do gabail & in carpat do innell. ed em ar Cu Chulaind. ar iss ed ar Laeg ni toil dot gasciud iss indilti in carpat. is gabtha ind echrad. Tair dí dit charpat. Atraaacht Cu Chulaind. Cid leth
12580] na mochaergi ar Conchobor. Cian uad a mo phopa chaem Conchobuir ona lud do chur chuardda im Murthemniu. & is digraiss {MS folio 107b 40} lend techt indiu. Nadba cian ind aurnaide duit a meic ar Conchobor. ar is mitharba lend cach main & cach maith it ingnais.
Luid Cu Chulaind dia charput iar tain. Tarblaing na charput
12585] chobsaid chomerma. Saigis Láeg brot forin n-echraid. Snedis {MS folio 107b 45} slaitt i cend seta & imthechta. Rancatar rempu co Athis Murthemni. Maith a Laeg ar Cu Chulaind is oebind in dindgnasa. Deithbir son ar Laeg. daig is gle muir o sund. & ro raid na briathra. & dorone laid
12590]
- Oebind sund amne.
i fich Maige Murthemne
eter tír & Muir Mend.
tarpig torthig trebardrend
- {MS folio 107b 50} Mani anam sund amne.
12595]
i foir Maige Murthemne. ||
{MS folio 108a} is diar ngessib cen ail
techt cen chomlund co hEmain.- Ni faccasa tiactain duit.
a hEmain erctha carpait.
12600]
do dula for cula di.
cen chomram doridisi.- Arai anmait sunda tra.
a Laeg a meic Riangabra;
{MS folio 108a 5} co mbermais lind líth co ngail.
12605]
comram croda co hEmain.- Ni fubai dam a laech laind.
olda duitsiu a Chulaind;
ni fuil mo thoisc armotha.
acht airm nodot faccursa.
12610]- Is airesin fáth co ngail.
sinsit m' eich for Cruachanmaig;
doriacht .l. cend lem de.
Emain im chenn iarnaide.- {MS folio 108a 10} Is iarom sain fath cen gaí.
12615]
ba maith in comlund oenlaí;
tucais cen mebail cét ngus
co hEmain mor d'oebinnius. Oe.
Maith a Laeg fodail in n-echraid & discuir in carpat ar bith contulind mo laem cotulta. Uair is dom gessib techt co hEmain
12620] {MS folio 108a 15} cen chomlund. Scuris Laeg in carpat & tascrais ind echraid. Ocus dérgis fortgemne in carpait foa. & dobert fuan corcra cortharach taris & cendadart clúmdaide fo chind. & tul.is Cu Chulaind a laem cotulta. Bai Laeg ic foraire & ic forcomét do.
Níba cían dó ic forcomet mara & tíri co n-acca in curach n-adbal
12625] {MS folio 108a 20} no bruinned dochum tíre. Metithir óen na primsliab in chorr thuisech din churuchsin. & ba haidbliu leis. in chorr aile. Adbliu leis co mmór oldás gesca ralach rodírge os fult fidbaide in laech-
{MS folio 108a} seiss for braine in churaig. Da rámma do iurn aithlegtha i ndib {MS folio 108a 25} lamaib dó ic tescad in mara immi sain chan. No rannad bledmila
12630] in mara immi do bressaib na ruadrama súas i n-ardda clethi. co tuittitis i frithdruing na conaire cetna a dochum co mbítis ar medon in churaig. Co tibedsom a mangfáitbiud gaire for aird impu. co ndigsed tresess cona nirt nonbair dar ginchráes dó. Comtar écnaig {MS folio 108a 30} a thruim & a glainene for ettegail dar commur a chraes & a bráget.
12635] Samla beolo fidchuaich indara súil dó fria chind dianechtair. acht mod ma 'dresed corr in tsúil anaill do ind a grúade. Samalta comchubrech daim amríata cech finna sescnidi imluathi acarb sinis {MS folio 108a 35} tria fortrennaib a chrúadchind fri fonascad ngaíthe. Baí dano Láeg coa thuarascbail & tairderc for aird. & dorone in laed.
12640]
- Atchiu churach dar Muir Mend.
ascnas i n-iathaib Herend;
adbal lim airdde ind ethair.
darin fairgge forlethain.- Oenláech fil na sudi and.
12645]
mó do ócaib Gaedel is Gall;
{MS folio 108a 40} fothesc in fairgge 'male.
uad súas co niulu nime.- Oensúil ina chiund céim ngle.
meit fri coire colpthaige;
12650]
in tsúil aile aidble glond.
ni ró corr asa chlocond.- Sciath aca ar lár a ethair
cona thugi dublethair;
fo tailfed dag ni gó dam.
12655]
cethri drond dechenbar.- {MS folio 108a 45} Claideb mór dia leith deis.
tricha traiged no tomaiss;
mairg dia tibre a buille.
tráth doficfa a laechluinde.
12660]
- {MS folio 108a} Eirgem suas facbam in mag.
a Chu Chulaind na comram;
nacharthair in laech lond.
dáig nad cossid a chomlond.- Atbiur fom scíath scenbda tra.
12665]
A Laeg a meic Riangabra;
{MS folio 108a 50} nach fuiciub in mag met glond.
co fesser in me a chomlond. ||- {MS folio 108b} Dia mbetis Ulaid malle.
immut a meic Dechtire;
12670]
dosberad fo thaidbsin troch.
in laech atchiu sin churoch. A.
Maith a Loeg insaig in laech n-ucut na n-iarfaig moa chrích {MS folio 108b 5} & moa genelach & a ainm & a atharthír & cia dú consaige. Luid dano a dochum & tarrasair forin phurt cind chomair dó. Can
12675] lod a mórlaech ar Laeg. ni labair dano fri sin co Láeg. Can lod a laech móir fil isin churuch ar Laeg. Niro labair beus. Atbert {MS folio 108b 10} Laeg in tress fecht. Can lod a laech móir. cia th'ainm & t'atharthir. c'airet imrecaim do set. Dogénsa mo slonnniud duit ar atchiu is delb arad fort. & menbad sin nithó. Dena dí ar Láeg
12680] ar iss ed connagam fort. Goll mac Carbad mac ríg na Germane {MS folio 108b 15} tuascertaige don domun. Triur brathar ataam .i. Goll & Cromm & Rig. Ocus focherdsam crandchur immna teoraib insib .i. im inis Bretan. im inis Danmarg. im Herind. Mo chrandsa dano taet ass ar tús. dosbert for Herind. Atbiursa mo dee ar Láeg is
12685] {MS folio 108b 20} cétcrand co torud chraind dedenaig. Maith a gillai ar Goll cia coa mbí. Cosind laech ucut arin tulaig i mmedón in maigi ar do chi. Cia conseiss in tulaig n-ucut ar Goll. Cu Chulaind mac Sualtaim sund do feraib Herend ar Laeg. Atchualammar in láech mbecsin ar Goll. ráid friss arco tí coragba mo chor & mo thuarastas
12690] {MS folio 108b 25} & arco fargbur errige Herend frí. laim fessin leiss. Meni thoga anísin .i. bith formu chur & mo thur collad a Herind sechtair. Dolluid Laeg a dochum Con Culaind. Ocus iarfaigid Cu Chulaind dó. cúich in suut. Goll mac Carbada. & ro innis uile aní remi
{MS folio 108b} connici collad a Herind sechtair. Maith a Laeg na n-insaig doridisi
12695] {MS folio 108b 30} & ráid friss na gaibed i n-airiur do airireraib Herend din chursa. & nad gaibed cocrích nUlad a n-ed beorsa i nHerind. Dothaet i frithdruing na sliged cetna. & adfét a aithesc. Maith aile a Guill {MS folio 108b 35} atbert in laech ucut isin tulaig fritt. na taisc do churach co calad do chaladaib Herend in n-ed bessum i mbethaid. & na taise dochum
12700] nUlad in tsainruth.
La sodain dobert Goll band feramail fora churach co 'mmarossed dar noí sessaib i tír tírim. Tanic Laeg i rroí madma do innaigid {MS folio 108b 40} Con Culaind. Dothaet Cu Chulaind do saigid Guill. foróbair cach díb ic folmaisi gona araile. Luathium luis Goll a láma.
12705] Gabais [...] Coin Culaind dara armu no n-imnais eter a láim & a thoeb ar ammus a churaig. Maith a siriti a siabairthe a {MS folio 108b 45} hebarchaim. luid torut mar tháet bó dar láeg. Vot chur mar churait idain mna. Rot naisc mar nasces idu feda. Rot tregdastar mar thregdas fadb omnaid. Ro tuairgestar mar thuargther íasc
12710] {MS folio 108b 50} for ganmig. Rot snigestar niar negar a lundu. Is litiud meic bic {MS folio 109a} dia scamun dorone in laechsin dít. || Ni fuil do dluig do gasced l^ dot tarim eter dagóco Herend dind lóso. Colla dom inchaib ní mó na mo chumlond féin in fersin.
Bidgais Cu Chulaind co 'mmarossed dar noí n-immarib on Gull
12715] {MS folio 109a 5} sechtair. Ni roacht o Gull tascud l^ tincur dind fót forsa mbaí. co lingis Cu Chulaind mar cach n-ethait a haeraib co seiss for bil scéith in Guill. Dobert Goll fochrothad dá uilind fon scíath co roacht band fata úad. Indara fecht lingis Cu Chulaind for bil {MS folio 109a 10} in scéith chetna. & nochtais in Cruadín Catutchend .i. a chlaideb.
12720] Cumma no gabad chloich & crand & cnáim. Dobert béim do Gull co tall in cend i comarda a muniuil de. & dobert athbéim ina médi conid i n-oenfecht condráncatar a da gabait chliss dochum talman. {MS folio 109a 15} & dobert in tress co ndergenai da n-ordain de. & no facband amlaid- sin. & atbert na briathra & ro ráid in laed.
12725]
- Cend Guill seo atchí im láim a Laech.
a meic Riangabra rogaeth;
dotháet sunda budni drend.
do chosnam insi Herend.
- {MS folio 109a} Asrubairt rimsa rad ngle.
12730]
Goll mac rig na Germane;
naco mbeind aice cen ail.
nach beind i nHerind adbail.- {MS folio 109a 20} Atrubartsa frisin láech.
frisin fer fichda forbaeth;
12735]
ciano trebaind sund nach than
na gebaind a thuarastal.- Ro chomraicsem imme sain.
messe & Goll mór din maig;
dorochair Goll arin traig.
12740]
conid é a chend so atchi im láim. .C.
{MS folio 109a 25} Maith a Laeg ar Cu Chulaind aig brot forin n-echraid & sneid slaitt forru. Cia dú són ar Laeg. Co Emain móir Macha ar Cu Chulaind. Dia nernta form ni ragmais o Dún Delga & ó ingin Forgaill. Cid duit a Láeg na forcuala a n-atbert mo phopa
12745] Conchobor i tús laí indiu. Bec do grád la Conchobor ar Láeg. {MS folio 109a 30} acht co mbethi ri gleicc & ri gliaid dar cend a chuicid. Fó leiss ciano thiasta ass. fó leiss cenco tiasta. Mad fír duit anísin ar Cu Chulaind bamsa deorad dar crích nUlad fri bliadain & ni fuigbet Ulaid mo greim. Mád gó im bát innarbthach féin uamse & nibat
12750] {MS folio 109a 35} munter dam ár ní miad lim mo ara do marbad.
Imthúsa Con Culaind ni sed iss innisti sunna colléic acht imthúsa Con aill meic Gleo Glaiss a Cualnge. Briuga cetach atacomnaic. Tarmchemnigid remi .lll. carpdech co hEmain Macha i tús laí. {MS folio 109a 40} Aill bruitt budi. aill bruitt deirg. aill bruitt úane. aill bruitt gorma.
12755] aill bruitt chorcra. aill bruitt duba. And seiss Conchobor for rubu na rígrátha fri hEmuin immuich. co mmathib Ulad imme. for forodmaig na hEmna.
{MS folio 109a 45} Mo chen mo chen a Chonaill meic Gleo Glaiss ar Conchobor. Is ed conairnecmar ar Conall. Atetha samlaid ar Conchobor.
12760] Nithó ar Conall. acht fled mórchain tarclamad limsa duitsiu. A {MS folio 109b} tochathium || damsa ar Conchobor. Cia lín ludfamar ar Conchobor. Ulaid fir sceo mnaib maccaib ingenaib feib amal connís ar Conall. ar dia mbetís eter biu & marbu Ulaid i n-oenbali atethaidís leór a llessaigthi fri bliadain láin limsa ic Dún Cholptha i Cualngiu.
12765]
{MS folio 109b 5} Gabtar far n-eich a Ultu & indliter far carpait ar Conchobor. Ro gabait echrad Ulad & ro indlit a carpait. Táncatar mathi Ulad .i. damrad dermór cóicid Herend meic ríg & ruirech & amus & ócthigern. & gillarad chass crodund in choicid. & macra.da & {MS folio 109b 10} bantrochta cáemchendchassa chuicid Ulad. aindre & ingenrada &
12770] maccaeme. glámma & clíara. fiallach ciúil & airfitid. fir denma drecht & nath & admolta Ulad. Comeirgset i nn-oenfecht a hEmain samlaid. Senchaide & brithemain & echlacha & obláire & forbfir & ónmiti & grácberthaig.
{MS folio 109b 15} Tancatar Ulaid uile i n-oenchonair im Chonchobor. And atbert
12775] Conall roga ar díb conairib lim duit a rí chuicid Herend. Cia da chonair ón ar Conchobor. Conar réid fota. l^ conar garit amréid. In chonar garit amreid ar Conchobor. luid dar formna laí acht {MS folio 109b 20} súail. Ni fail do amréid inti ar Conall acht Garb Glinni Rige. Ni nGlend Rige tiagait na slúaig ar Conchobor acht i Slíab Fúait
12780] cach remdirgi. Ni fácbam mo chonair la Garb Rige tria bithu ar Conchobor. Niro rathaig in Garb na sluaig do dul secha co cuala culgaire na carpat fo deoid. Luid Garb fo deired na slúag {MS folio 109b 25} conascar .l. láech díb assa carptib. Fosrimmart i ngonaib & i crobuillib báis do methescul derid in tslóig.
12785]
Dolluid Conchobor co tech Conaill meic Gleo Glaiss co Dún Colptha i Cualngiu. Ro frithalit na slúaig & na sochaide ar dánaib {MS folio 109b 30} ar grádaib ar dligedaib. ar úasli ar chaínbésaib do neoch badas tadas fínaib firmathi. Ro esráit tigi ardda urgbaidi do aín & do úrlúachair & do cholcthib clúmdaide. & cach neich bad comtig do
12790] mathib Ulad dia frithálim fri i mbrudin bronnfarsing bélscailti {MS folio 109b 35} Conaill meic Gleo Glaiss in n-aidchisin. Maith a rí chúcid Herend a Chonchobuir inro dál nech dit muntir itíaid innocht. Niro dál ar Conchobor do neoch ro fácbus i nEmain. Cid són ar Conchobor. Coro oslaicther din choinse imdeglas in lethtrichait
12795] chet .i. do Chonbél. Is é nar n-airend ar chuirib ar chobdenaib echtrannaib. Iar sin ro oslaiced do Chonbél.
{MS folio 109b 40} Tucait airigthe bíd & lenna dona sluagaib iar sin. & dorónait gretha glanfothraicthe dóib assa aithle. Fliuchcaemna folcthi & fothraicthe. Ro figdírged a canuch cetamuin do cach laech fo
12800] leith. Dobert cúachsnaidm curad ar cach laech fo leith. Tucait {MS folio 109b 45} na dáer & na dorsaire do faire na cathrach iar tam. Ro tasselbad a llind & a mbiad do Ultaib i n-áitt oenbale. Ro dáiled mid mesc {MS folio 110a} medarchaín forsna sluagaib || a cuachaib a cornaib a coplestraib.
{MS folio 110a} Imthús na slúag iss ed iss innisti sund colléic. acht tarrasatar
12805] ac ól & ic oebinnius. Imthusa Chon Culaind im maith a Laeg cuir m cend sin carpat & aig brot forin n-echraid & do dait co hEmain. {MS folio 110a 5} Lotar rempu. Ba samla fri crích in da chlod doringensat roith iarnaide carpait Con Culaind in lásin do thaebaib na sliged. Ba samalta ri helta dubén ic snigi dar mag moradbal. ina curtis na
12810] eich do cheppaib & do chorrfótaib & di fuatnib talman asa n-aigthib {MS folio 110a 10} síar sechtair fri fonascad ngaithe. Ba samalta fri eill ngéisi ic snige dar mag móradbal ana curtis rempu d'uanfadaig dar glomraigib a srían. Ba s amla ri diaid do rigbruidin in dendgur & ind análfadach & in smútgur. ar tressa na hérma dobert Laeg mac
12815] Riangabra ar da n-echaib Con Culaind in lásin.
{MS folio 110a 15} Dofarnaic reme co faidchi na Emna fon samlaidsin. Maith a Laeg ar Cu Chulaind indar lim is fás ind Emainse thall innocht. Cid dia fil lat sin ar Laeg. Ar ní chlunim gáir l^ gretha inti ar Cu Chulaind. Ni chlunim gáir echlach l^ boccmell sluaig l^ tarcon
12820] {MS folio 110a 20} turusa inti. Ni chlunim gáir chiuil l^ airfiti inti. Fosta latt éssi fostada th' echraidi co ndigsa dia fis cia teidm tethra dothait forsna sluagu. Fostaid Laeg ind echrad. & luid Cu Chulaind i nEmain. Is é cétlaech dorala dó i nEmain Súanan Salcend rannaire Conchobuir. Ar ní facbad a rannaire féin Emain do grés.
12825] {MS folio 110a 25} Maith a Súanain cid lotar na sluaig. Co tech Conaill meic Gleo Glaiss i Cualngiu ar Suanan. Inrom imraidse Conchobor ritsu ar Cu Chulaind. Ni chualammar ar Suanan. Is fír a n-adbert Láeg. nad fil mo gradsa la Conchobor. Atbiur mo brethir na bia Emain feib amal conairnecus. nodas ber i corthair tened. Ni bia
12830] {MS folio 110a 30} éludach esti. l^ óen di éis oirgni. Dá ní no thairmescad Choin Culaind do grés .i. cichi & aurbrunne ban do thasbenad dó. l^ raind espai & airchetail cachnaitis fiadu. Ro gab ecla inti Súanan & cachain rand.
- Mo chen a Chu Chulaind chruaid
12835]
a hú Chathbad chlaidebruaid;
failti duit sund armothá
cach óenaidchi & cach oenlá.- Mo chen fort fein fichtib tor.
is mo chen ar Conchobor;
12840]
mo chen ar Dechtir mét rath.
is mo chen ar Sualtach.
- {MS folio 110a} Na bí ic imthecht na hoidche.
fúairi flichi firdoirche;
a Chu Chulaind cetaib reb
12845]
airis i fus is mo chen. M.
{MS folio 110a 40} Níra chomaill Cu Chulaind trá anro thingell .i. Emain do loscud acht tánic ar cúl immach. Maith a Laeg aig brot forin n-echraid dó rún co tech Conaill meic Gleo Glaiss i Cualngiu dáig iss ed lotar na sluaig & Conchobor. Dia ndernta form ar in gilla ni ragmais
12850] {MS folio 110a 45} a hEmain innocht. dered dind ló. Cromm barr cráeb. ísel cithar fidbad. ro laig fíad i fórib. salaig cretta carpat. lesc ri fomóir cumscugud. ni tráth imlúate echraide. Níram irgaire ar Cu {MS folio 110b} Chulaind. Nitho ar in gilla. Roga ar da conair || lim duit conar fota réid l^ conar fota amréid. In garit amréid ar Cu Chulaind.
12855] Ni fil d'amreid inti ar Laeg acht Garb Glinni Rige. Ní fácbaini mo chonair la óenláech ar Cu Chulaind.
Luid Cu Chulaind reme i cend séta. Co cuala in feólbéim issin {MS folio 110b 5} glind ba nessam dó .i. i nGlind Rige anro thascair reme in Garb do sluagaib Ulad. Luid Cu Chulaind fon feolbéim. Co n-ecmamg
12860] comlund dó & Garb Glinne Rige. Ro gab cách díb guin & airlech araile dona slegaib slemunchruadib. Facsit la Coin Culaind dond {MS folio 110b 10} imbualad l^ dond imrubad. Lecis a sleig úad & gabais a láim & dobert crothad cotud furri condas tuc á gualaind cona slinnén. Léicis Garb Glinne Rige a iachtad écomlaind ar aird. I fail nech
12865] beo sund ar Láeg. Am beósa ar Cu Chulaind & domroched mo {MS folio 110b 15} chlaideb. Dobert Laeg dó in claideb. Nochtais Cu Chulaind in Cruadin Catutchend co tuc béim don Garb co topacht in dá cend bátar fora óenméidiu de & dobert athbeim dó ina médi conid i n-oenfecht ráncatar a da gabait chliss for talmain & tuc in tress
12870] {MS folio 110b 20} buille dó co nderna dá n-orddain de. Maith ar Láeg cinnas comlaind. In n-ed bam beó ticfa frim ar Cu Chulaind & dorigne in laed.
- Garb Glinni
olc a fúath is a inni .&
12875]
sochaidi dorochair leiss
nirbo thabarta d'eisleis.
- {MS folio 110b} Dorat .l. crecht form chness
dom leith chle & dom leith dess;
ni fail díb ar talmain tend.
12880]
crecht arna fagbaim fairrend.- {MS folio 110b 25} Ro chomraicsium rad cen fell.
iar techta dún isin glend;
ticfa frim céin bam béo.
nirbo chennais ar cruadgleo.
12885]- Atrubart rutt cen fell.
ria techta duit issin glend;
is eol dam na mbiad duit de
dot trut & Garb Glinne. G.
Cuir in da chend a Laeg issin carpat & saig brot forin n-echraid
12890] {MS folio 110b 30} & dó romaind co tech Conaill meic Gleo Glaiss i Cualngiu. bid fír for Laeg. Tancatar rempu i sligedaig saethair co torachtatar in n-abaind i fail tige Conaill. frisi nn-abar Aband Cholpthai i Cualngiu. Mór ind aband ar Cu Chulaind. Domroched fertas mo {MS folio 110b 35} charpait coro fromur in n-áth riasinn echraid. Atchuala Conbél
12895] cú Conaill fúaim ind usci fri formnaib in míled. Oslaicis a ginchráes & atnaig a gloim n-archon for aird. co ndigsed treess dar ginchraes dó. Dobert Cu Chulaind in fertais na gin & a laim & gabais {MS folio 110b 40} a thrommu & no n-imnaisc mo chend feib imnaiscther lathranna staible co nderna briscbrúar dia chnámaib na chroccund & dobert
12900] urchur uad de ó abaind Cholpthai i Cualngiu co Belut. conid de atá Belut forsin chloich fora torchair Conbél cú Conaill meic Gleo Glaiss.
{MS folio 110b 45} Dothaet reme co dorus na cathrach. Apair oslucud remut a Laeg & na raid missi and. acht apair gnáthmaccáem do maccáemaib
12905] na hEmna ||
{MS folio 111a} Dothaet Láeg co dorus na cathrach. Oslaicid a dorsaire. Cia condnaig in n-urslucud. maccaem do maccaemnaib na hEmna sund ar Laeg. Ni uasalgen i nEmain intí ná tanic in fleidsea {MS folio 111a 5} cosin trathsa. & naro cumniged im biad l^ im lind. d'oslucud remi
12910] dia tísed sund. Na radid a mogadu. borb & anseirc in mac fil sund. Atberum ar mbrethir ar na dorsairi in maccaem dia tucsat
{MS folio 111a} Ulaid i n-áitt oenbaile brón & tár & tarcusul na ticfa co solustráth {MS folio 111a 10} éirge imbárach isin cathraig co tuca cách aichni for araile. Rochuala Cu Chulaind in guthsain. Ocus gallán clochi boí forsin
12915] faichthi. A thrian i talmain & a da trían uasa. dofúargaib fria ais & tarlaic a urchur dar fiartharsna ind imdorais coro briss in {MS folio 111a 15} dunad & coro marb .lll. mogad batar ic frithalim na sluag na ranic fer maíti airgni úad innund. Ro nocht a chlaideb & dothaet is tech darna sluagaib & a chlaideb frithnocht leis. Cona rathaig fer
12920] dotheing dúaig diarbo chomainm Bricriu mac Carbad Uill di Ultaib. & doroni in rand.
- {MS folio 111a 20}Cu Chulaind sund srethaib gal
a ócu áille Ulad;
claideb nocht na deiss dendgil.
12925]
ní tráth comóil comérgid.- Arm nocht cip é dombera.
cucum im thech trenmeda;
ní n-ainset ríg mod n-amra.
ná meic ríg ná rigdamna.
12930]- In láech i fail in t-arm láim.
atberim tria immarbáig;
{MS folio 111a 25} ma cach mairer sund co se.
fort ní chunnig commairge.- {MS folio 111a 5} Dobérsa degbuilli duit.
12935]
a Bricriu báeth briatharguirt;
raticfa ra mod n-ellaim.
meni chosce do drochthengaid.- Attúsa ar commairge chrúaid.
Con na Cerdda asin Chraebruaid;
12940]
ceno radiur rad cen brath.
nocon águr mo marbad.- {MS folio 111a 30} Is eol dam na mbia duít de.
a Bricriu ataí for buadre;
mairfidir sib malle.
12945]
tussu & do chommairge.
- {MS folio 111a} Mairg ro raid a brethir móir.
meni chomalla a chétóir;
mad dia ndig for culu de.
atberthar bid genaige.
12950]- Éirgid a Ultu ána
& comaillid for mbága;
{MS folio 111a 35} tócbaid for clú erctha raind.
& marbaid Con Culaind. C.
Cia airm i tát francainais mo thige ar Conchobor. Senoll Uathad.
12955] Bruchur a Bruachairne. Sescnén mac Forduib Mani Lámgarb. Cia airm i tát mo meicse ar Fergus. Buinne Find. & Illand {MS folio 111a 40} Ilair cland. Cia airm i tát meic Uisnig. Noísi & Ánle & Arddán. Maith ar Conall cia airm i tát mo brathirse. comérgid & congnaid fri Coin Culaind.
12960]
Atragat na sluaig. Ro baí fe 'nund & fe anall in dúsin. essgal & tessgal. rocloss fúargfothrom na sluag i céin. Atraacht Sencha {MS folio 111a 45} iar tain & ro chroth in cráeb sída ósna sluagaib combtar sídaig amal betis meic oenathar & óenmathar. Ra coraigit a scéith fora ndelgnaib. a claidbe fora n-adartaib. & a slega fora n-adlennaib.
12965] {MS folio 111b} Tánic cách na inad óil. || Dobreth Cu Chulaind a chlaideb na fintech. Ro gab flesc findairgit & dobreth béim di i mmulluch Conchobuir o bun irlai co clais a chuil. Díambad áil dam ar se is é in claideb dobéraind & ni fail do slogaib ocut lín t'anacail {MS folio 111b 5} menbádat aite & brathair máthar.
12970]
Tánic Conall Cernach & Fergus. dobrethsat póca do Choin Culaind & ra fucsat leo dind fochlai fennida. Tancas ó Chonchobur na díaid co n-airdig meda i llestur argait óengil dó co mbethaid & slánti ónd ríg. Tanic Laeg immach fiadna sluagaib & fuachais dí {MS folio 111b 10} chúalle. & dobreth cend Guill for indara cualle. & da cend Gairb
12975] Glinni Rigi arin cuailli aile. Maith a Laeg ar Conchobor cia cend in cend attnech acarb mór út. Cend Guill meic Carbada ar Láeg meic ríg na Germane tuascertaige in domain. conarnaic dó fri Coin Culaind ar Áth Mór i mMaig Murthemni. Niba Áth Mór a {MS folio 111b 15} ainm ondiu co bráth ar Athirne acht Áth nGuill. Conid de atá
12980] Áth nGuill fri Dún Delga anís. Cit n-é dá chend in da chend út forind oenmuníul ar Conchobor. Da cend Gairb Glinne Rige ar
{MS folio 111b} Láeg. Atlochur dom chumachtaib ar Conchobor. Ro thascair .l. do deriud na sluag ic tiachtain secha.
{MS folio 111b 20} Mo chen do thichtu a Chu Chulaind ar Conall mac Gleo Glaiss.
12985] Ro gelcais do láma isin chathraig i tanacais innocht. Cia holc daróne ar Conchobor. Trí choicait mogad bátar ic frithalim na sluag rodos marb d'óenurchur don gallán chloche ambúaruch. Nach baí cú maith latsu ar Laeg. Ní raba i nHerind acht cú na {MS folio 111b 25} cerdda coin bad ferr oldás ar Conall Cernach. Fuil culén dó
12990] limsa níba ferr a athair oldás. doberthar duitsiu do inchaib Con Culaind. Doberthar .lll. mogad uaimsi ar Conchobor dar cend aigthe Con Culaind.
Fessatar co cend trí cóicthiges and i tig Conaill meic Gleo Glaiss. Ba hé sescend a n-oigidechta a cetadaig & niba hí ind adaig
12995] dedenach.
{MS folio 111b 30} Tancatar na sluaig co hEmain asa aithle. And atbert Cu Chulaind fri Laeg. Aig brot fora n-echraid & sneid slaitt forru. & do duit co tech Eogain meic Durthacht co fosud fer Fernmaige. co fargbam in coiced fri bliadain conna faccara nech di choiciud
13000] Ulad ar n-agid fri bliadain airm innar n-imdergad. Maith a meic {MS folio 111b 35} ar Conchobor niba fír anísin. Atetha breth do bél féin duit. Ni géb mo breth féin ar Cu Chulaind acht breth bertait brithemain & filid in chuicid. Tucait aes dána Ulad ar leth. & is sí breth rucsat screpul cacha sróna. unga cacha cathri. ech aigenmais cacha grega.
13005] {MS folio 111b 40} Screpul cacha bóbotha. mucc mucríme cach treóit. Cumal cacha cathrach. Ro maith Cu Chulaind a dá trían sain dá aiti & dá thigernu & do brathair a mathar. Dorat a trían n-aill dar cend a einich do filedaib in chuicid. Combad marthanach in echtrasin dó mar cach n-echtra dochuaid riam. Ocus in mochergisin mar
13010] cach mochergi.
{MS folio 111b 45} Conid hísin Aided Guill meic Carbada & Aided Gairb Glinne Rige.,