12421] sunda {MS folio 106a} ROPO fer amra airegda inti Conchobor mac Nessa Imráterfor Ultaib. O máthair ro hainmniged .i. Ness ingen Echach Salbudi ríg Muman a mathairseom in Chonchobuir. {MS folio 106a 5} Is airi dano ro ainmnigside Ness .i. Bátar da aiti déc ocá haltrom
12425] inna hingeni do réir Echach. Assa a ainmsi leosom i tossuch ar ba hurussa a haltram. Fennid amnas i nHerind in tansin .i. Cathbad mac Rossa a ainm. Sech ba druiside ba fénnid. Luidside {MS folio 106a 10} dí cuaird fénnidechta hi crícha Muman. Iss ed doralaside cona féin do thig a haitisi .i. ingine Echach. Orta leis issind oenaidchi
12430] a da haite déc na ingine. & nicon fess cia ro ort in n-orggain.
Luid iarum iar suidiu ind ingen for fennidecht & gabais gaisced. ampersir {MS folio 106a 15} luide trib nonbaraib fo Herind. co ffessed nech ro marb a haiteda. & ro chrín na túatha. Is cumma nos crínad uili daig ni fitir sainriuth a bidbada. Ni hassa bith fria fodechtsa ol cách. Is
12435] desin ro boí Ní hassa fuirri. Luidsi dí for fiannas i cocrich nUlad. {MS folio 106a 20} Luidsi laa and dí a hoenur dia fothrucud. Conid tecmang cucci in fennid cétna .i. intí Cathbad. Co tudchaidside eturru & cranna & ardagaib. Co 'mmanarnaic dóib. & co mbaísi do mnaí gradaigthe ocosom. & co mbert mac dó. Ba hé in mac hísin dí .i. Conchobor
12440] {MS folio 106a 25} mac Cathbad. Ba caín tra a n-orddan ro genair i suidiu .i. intí Conchobor. Deithbir són dano uair issind úair ro génair Crist iss and ro genairseom. Ro bátar .uii. fáthi oca thairchetul secht mbliadna riana genemain. No geinfed gein n-adamra la gein Crist forsin chloich ucut forsaro genair Conchobor & ropad irdairc
12445] a ainm i nHerind.,
{MS folio 106a} BA mór a n-orddan do Chonchobur hi cind .uii. mbliadan iarna {MS folio 106a 30} genemain iss and ro gab ríge nUlad. Ba sí a thucaitside .i. boí Ness ingen Echach a mathairseom i n-oentama. Boí dano {MS folio 106a 35} Fergus mac Rossa i rrígu Ulad. Adcobrastarside in mnaí .i. Ness
12450] do mnaí dó. Nathó ol sisi condom rab a log .i. ríge mbliadna dom mac. Conid tairle nocon erbarthar mac ríg frim mac. Tabair ol cach & bid lat a rrige cia chongarthar ainm ríge. Foid tra iar {MS folio 106a 40} suidiu in ben la Fergus. & congairther ríge nUlad do Chonchobur. Ro gab tra in ben for tinchosc a meicc & a aite & a muntire .i. lomrad
12455] indala fir & a thidnacul diaraile. & a hórsi & a hargat do thidnacul do aradaib Ulad ar dáig iartaige dia mac.
{MS folio 106a 45} Tanic dí cend na ree hísin dia bliadna. Dorimgart i suidiu Fergus a giallu. Immacallaim immi or Ulaid. Ro imraidsetar i n-oendáil. Ba dímicin mór leo Fergus dia tabairt hi tindscra.
12460] Roptar buidig im do Chonchobur ara degthidnacul dóib. Ba sí {MS folio 106a 50} im a n-immacallam anro rir Fergus scarad dó friss. Anro chennaig Conchobor anad aici.
{MS folio 106b} Iss and sin tra ro scar Fergus fri ríge nUlad. & iss and sin tra ro gaired ardrige choicid Herend do Chonchobur mac Cathbad.,
12465] si {MS folio 106b } BA mór ind airmitiu tra doratsat Ulaid do Chonchobur. Ba a airmitiu ám leo .i. cech fer di Ultaib doberad ingin {MS folio 106b 5} macdacht a feiss la Conchobor in chetaidchi combad hé a cétmunter. Ni rabai for talmain gein bad gaíthi.u. Nocho ruc breith ríam uair nocho léicthe do. fo bíth na rucad gubreith. napdis messaiti
12470] a thorthi. Ni rabi dano forsin talmain caur ba tressiu. & ni reilced {MS folio 106b 10} ríam i n-eislind .i. do airichill meic ind ríg. No bítís cauraid ampersir arsidi catha & láith gaile ara bélaib hi cathaib & immaircib arnabad eslind dó. Cech fer do Ultaib dobered aidchi n-oegidechta. fess dó lia mnaíside in n-aidchisin.
12475] {MS folio 106b 15} Cóiciur ar trib fichtib ar .ccc. ina thegluch Conchobuir .i. a llín laa bís issin bliadain iss é lín fer no bíd hi tegluch Conchobuir. Commaid im no bíd eturru. .i. fer cech n-aidchi dia mbiathad. Is and im ticed in fer toesech in biatta in n-aidchiIsin hi cind bliadna {MS folio 106b 20} doridisi. Nirbo bec im in biathad .i. mucc & ag & dabach do cach
12480] fir. No bítis fir is taig im nach faerad sain. .i. Fergus mac Roig amal adfiadar. Masu fír ba húais a méit .i. in tsechta Fergusa nibu comthig la nech n-aile .i. Secht traigid etera ó & a beolo. ampersir uii. n-artim etera da súil. & .uii. n-artim na sróin. & uii. n-artim {MS folio 106b 25} inna bélaib. Lán coid méich fliuchad a chind coa folcad. Secht
12485] n-artim na luirg. Bolg méich ina thistu. Secht mna dia ergaire mani thairsed Flidais. Secht mucca & uii. ndabcha & uii. n-aige do chathim dó. & nert .dcc. and. Ba hecen dosum dí sechtmain {MS folio 106b 30} do biathad in teglaich sech cach. Conchobor im fessin no gaibed in samuin dóib fo dagin terchomraic in tslúaig móir. Ba hecen
12490] in tsochaide mór do airichill. fo bith cech fer do Ultaib na tairchebad aidchi samna dochum nEmna. no gatta ciall de & focherte a fert ampersir {MS folio 106b 35} a lecht & a lie arnabarach. Airichill mór di for Conchobor. No noisigthe leis na tri lae ria samain. & na tri laa iar samain fri tomailt i tig Conchobuir. Ba caín dano in tegdas. Tri tigi la Conchobor
12495] .i. in Chroebrúad & in Téite Brecc. & in Chroibderg. Issin {MS folio 106b 40} Chroebdeirg. no bítis in chennal & na fuidb. Issin Chroebruaid im no bitís na rríg .i. ba rúad dono rígaib. Isin Teiti Bricc dano no bítis na gae & na scéith & na claidib .i. ba brecc do imdornchoraib {MS folio 106b 45} na claideb n-orduirn. & do chainnlig na nglasgae cona muncib &
12500] cona fithib óir & argait & do lannaib & imthimchellaib na scíath di ór & argut. & do intindrim dano na n-escra & na corn & na mbaiglend.
Is airi no bertís a n-arma uadib i n-oentech. Cech ní gargg
{MS folio 106b 50} rochluintís mani roistís dígail fair fo chetóir. Atraiged cech fer
12505] {MS folio 107a} dialailiu combid cach díb oc tuarcain a chind & a scéith for a cheiliu sethnón in taige. co mbertis a n-arma uadib uile isin Teite mBrecc. Ind Ochoin Chonchobuir and .i. sciath Conchobuir. cethri imle óir impe. & Fuban Con Culaind. & Lamthapad Conaill Chernaig. & ind Oacutechnech Flidais. & ind Orderg Furbaide. & in
12510] {MS folio 107a 5} Choscrach Causcraid. & ind Echtach Amairgin. & ind Ír Chondere. & in Chaindel Nuadat. & ind Leochain Fergusa. & ind Uathach Dubthaig. & ind Lettach Errgi. & in Brattach Mind. & ind Luithech Noisen. & ind Nithach Loegaire. & in Chroda Chormaic. & in {MS folio 107a 10} Sciatharglan Senchada. & in Chomla Chatha Cheltchair. Moo
12515] turim dano anro boí do sciathaib and olchena.
Mor n-orddain dano & ániusa & alluda & aurdarcais. in teglachsa Conchobuir. Cenco beth do threnferaib & chauradaib and chetmus. acht Fergus mac Róig ba lór do chalmataid. in fer {MS folio 107a 15} atacomaing na teora Formaela Mide. i cath Gárige for Táin Bó
12520] Cualnge .i. teora builli dorat forsin talmain o doánic a ferg fri Conchobor co filet na trí cnuiccsin and béus & merait and co bráth. Cenco beth do gasciud and acht Conall Cernach mac Amargin {MS folio 107a 20} Iarngiunnaig ba lór fri immarbáig .i. ond úair gabais gaí inna láim ni rabi cen guin duini cech lai do Chonnachtaib & argain fri
12525] daigid cech n-aidchi. & nar chotail riam cen chend Connachtaig foa glún. Ni rabi i nHerind ferand boairig forsna rubad Conall Cernach guin duine. Is é ám Conall Cernach ro rand muicc Meic {MS folio 107a 25} Da Thó ar comram gascid ar belaib láth gaile fer nHerend. Fer ro diglastar Ultu for firu Herend .i. do neoch díb ro marbad &
12530] mairfither co bráth. Fer na dechaid assa noendin o gabais gai inna láim.
Cenmotha dano in gilla urdairc imma n-agat fir Herend .i. Cu {MS folio 107a 30} Chulaind mac Sualtaim meic Becaltaig meic Moraltaig meic Umendrúaid a sídib. & Dolb mac Becaltaig a brathair. & Ethne
12535] Ingubai ben Elcmaire a sídib. a siur. & Dechter ingen Chathbad a mathair Chon Culaind imscoich & imacher a gnímrad in gillai. {MS folio 107a 35} Ba dolig bith friss in tráth ba fergach. Imrethitis a dá thraigid & a n-adbrond comtís luathidir ruathur funemda. Nach finna no bíd fair ba athidir delg sciach. & no bíd banne fola for cach finna.
12540] No theiged indala súil ina chend. & araile ass fot airthema. Ni {MS folio 107a 40} athgned coemu na cairdiu. Cumma no sliged iarna chulaib ampersir ara belaib. Sech cech fer i nHerind dó a ngaisceda tuc o Scáthaig Buanand ingein Ardgeimme i lLetha .i. cless Caitt. & cless Cuair. ampersir
{MS folio 107a} ubullchless & faeborchless & faenchless & cless clettinech. & tetchless
12545] {MS folio 107a 45} & corpchless & ich n-erred. & cor ndeiled. & léim dar néim. & filliud erred nair. & gai bolga & bai brassi. & rothchless & ótar. & cless for analaib. & bruud gine & sían curad. & beim co commus & tathbéim & réim fri fogaist co ndirgud chrette fora rind co fornaidm niad.
{MS folio 107b} Moo turim im teglaig Conchobuir. & turim a thigi. .i. tri choicait
12550] {MS folio 107b 51} imdád is tig. & teora lanamna in cach imdai. Stiall archopur do derggibur a teg & na imdada. Imdai Conchobuir for lár in taige. Airinig creduma impe. co mbarridaib argit. & eoin óir forsna {MS folio 107b 5} hairenchaib. & gemma do liic lógmair it e súli no bítis ina cennaib. Slatt argait uas Chonchobur & teora ubla óir furri. fri tinchosc in
12555] tslúaig. & in tan no chroithed no thurcbad son a gotha fessin. no thoad in sluag & ce dofaidsad snathat for lar in taige rocluinfide {MS folio 107b 10} lasin tuí i mbítis ar airmitinsom. Tricha láth ngaile i n-imdai Chonchobuir fri ól. Ol nguala .i. dabach Geirg for lár in tige bithlán. Is í thucad a Glind Gergg diar ort Gerg la Conchobor. Fer
12560] frithalma more is taig .i. Bricriu mac Carbada .ix. meic Carbada {MS folio 107b 15} Uill is taig. .i. Glaine & Gormainech. Mane Minscoth. & Ailill Duress. & Ret & Bricriu. Fer nemnech drochthengthach in Bricriu. Ba lór do neim dó dia ngabad forsin rúin no bid fora menmain no ássad bolgg corcra assa etun & ba metithir ferdorn. Co n-apradsom
12565] {MS folio 107b 20} fri Conchobor mebais din boilgg innocht a Chonchobuir. Mór tra do daínib ingantaib ro batar i taig Conchobuir fon innasain ., .,