7300] {MS folio 51a} Luid Feidilmid Rechtaid o Themair do sáerchuaird for Laigniu. {MS folio 51a 35}Aidliss do chelebrad de Fiachraig Cassan boí for gairi oca. Ba
haitiside dano da athairsium .i. do Thúathul Techtmar. Iss ed
atbert Fiachra Cassan friss. Niba samlaidsin ám téiged t'athair
.i. Tuathal Techtmar. Cinnas ám a mmo sruith téigedsaide ol
7305] Feidilmid. Is and asbert Fiachra Cassan. Ro boísium imnedach {MS folio 51a 40}
i tossuch a bethad ám ol Fiachra Cassan. Is é a óenur forácbad
da chenéol i nHerind ar ro díbdáit uili cland Ugaine Máir la
athechthúathaib Herend iar n-écaib Fiachach Findfalaid .i. athair
{MS folio 51a 45}Tuathail Techtmair. & ro gabsat athechthuatha Herend flathemnas
7310] Temrach. Rom bert im a mathair intí Tuathal chucumsa. ar ba cara da athair missi & ba tarissi dó beith form foesam. acus
dano ba meisi ba toesech na tri coícat amus batar oc Ellim mac
Conrach fri dilgend saerchland Herend na tócbaitis cend & na
{MS folio 51a 50}
ergitis na cend. ra churiusa dano Tuathal eterna l^ amsaib & ba
7315] {MS folio 51b} Tuathal Amus atberthea friss. do dichlith a cheneoil. Luid iarum in gilla lathi óen and co dorus na Temrach. & bai Ellim in rí ac
ól in tansain. & atbert Tuathal frisna dorseori dola da innisin
{MS folio 51b 5}don ríg a bith is dorus & íttu fair. Ra innisetar na dorsaide sain.
Iss ed asbert Ellim nach leicfithea istech é. & na bertha deog immach
7320] dó. Ra innisetar na dorsaide sain do Thuathul. Tan atchuala Tuathal sain. iss ed atbert. Nira dligiusa ar se diultud frim i
{MS folio 51b 10}
Temraich. Uair baile athar & senathar damsa Temair. Ra innisetar
na dorsaide sain do Ellim. Iss ed atbert Ellim ni demin lim
combad fír dó & ni fordergfaither fair i Temraig. Tanic tra
7325] iar sain dom insaigidsea. & ra innis dam in dímíad tucad dó & ba {MS folio 51b 15}olc limsa sain. & tucussa deichelt ríg dó. & ra radius friss dola
taris d'iarraid sochraite do chosnom rige nHerend. & cia fogabad
cenco fagbad ra beindse ara chind ar brú mara mo trí choicait
{MS folio 51b 20}
amus & mo brathair fein cona tri coícdaib amus batar aiceside ac
7330] Eochaig Anchend béos. batar acisede ri dílgend na saerchland. Imthigid iarum Tuathal fon córgudsin & cech ní ranic a les leis.
I cind amsire iar tain fácbaimse Ellim & ticim d'indsaigid Echach