Corpus of Electronic Texts Edition

Book of Leinster, formerly Lebar na Núachongbála (Author: [unknown])

section 49

Slan seiss a Brigit co mbuaid

1. {MS folio 49b} SLan seiss a Brigit co mbuaid
   {MS folio 49b 10} for gruaid Lifi lir co tráig;
   
   7150] is tu banflaith buidnib sluaig
   fil for clannaib Cathair Máir.
2. Ba móu epert in cach ré
   airle Dé fri Herind uill.
   indiu cid latt Liphe líg.
   
   7155] ropo thír caich ar n-uair.
3. {MS folio 49b 15} O doréccu Cuirrech caín
   assa tháeb na torc
   [...]
   tír;
   dobeir macdath for cach meild
   in cor foceird for cach ríg.
4. 
   7160] Ba rí Loegaire. co ler
   Ailill Áne adbol cor
   marid Currech cona lí
   ní mair nach rí ro boí for.
5. {MS folio 49b 20} Ni mair Labraid Longsech lán
   
   7165] iar tundsem a thríchait cáem.
   i nDind Ríg ba hadba gnath.
   o thuc bráth do Chobthach Cael.
6. Gabais Herind hua Luirc.
   Oengus Roirend réim co sairc.
   
   7170] rolá flathi dara feirt
   {MS folio 49b 25} Maistiu munbrecc Moga Airt.
7. Ailend aurdairc álaind fál fuis.
   fail mór flathi foa cnius .
   ba mó foscnad tan atchess
   
   7175] Crimthan Coscrach ina crius.

---

p.244

8. {MS folio 49b} Gáir a ínaig iar cech mbuaid.
   {MS folio 49b 30} im chúail claideb cumtaig drend
   bríg a fían fri indna ngorm.
   gloim a corn for cétaib cend.
9. 
   7180] Gles a hindeón comdad cúar.
   clúas a duan do thengthaib bard;
   bruth a fer fri comlund nglan.
   cruth a ban fri óenach n-ard.
10. {MS folio 49b 35} A hól meda for cech mbruig.
    
    7185] a graig allmar ilar tuath;
    a seinm rond do rígaib fer
    fo duilnib sleg cóicrind cruach.
11. A ceóil binni in cach thrath.
    a fínbárc for tondgur fland;
    
    7190] a fross argait orddain máir.
    {MS folio 49b 40} a tuirc óir a tírib Gall.
12. Co muir nAlban amal chair
    raith a orddan la cech ríg.
    ru fer amaill im cech cain.
    
    7195] Alend alaind cona bríg.
13. Bressal ba rí for Eilgg.
    Fiachra Fobrecc fein co ngairg.
    {MS folio 49b 45} Fergus Fairgge. Find mac Roith
    carsat boith i nAlind aird.
14. 
    7200] Adrad lithu ni fiu clúas
    solud na sén siabras bás.
    is bréc uile iarna thur
    indid Alend is dún fás.
15. {MS folio 49b 50} Foglass a ngein tibes duit
    
    7205] {MS folio 50a} a maigreid l^ tuaith cricha Cuirc.
    di cech lín ro n-alt a húair
    doringne luaith Liphi Luirc.

---

p.245

16. {MS folio 50a} Currech Lifi lir co hor.
    Currech Sétnai síth co ler.
    
    7210] is mor ríg fris rala cor.
    Currech Corpri Nio Fer.
17. {MS folio 50a 5} Cathair Már ba forgu delb.
    reraig Herind ilar ndolb.
    ce chutgáre oca ráith
    
    7215] ro scáich a ngal ilar fodb.
18. Fiachna Fomnae Bresal ran.
    rerid sál co snigib sleg.
    trichait ruirech réin cu cor
    {MS folio 50a 10} gabsat tír im Themair Breg.
19. 
    7220] Benna Iuchna álaind port
    imma ndessid ilar fert.
    fega latt i nAlmain aird
    adba Thaidg meic Nuadat Necht.
20. Fodbae Feradaig fo mind.
    
    7225] {MS folio 50a 15} immu nd-aigtís buidne bend.
    a barr breglass a brat líg
    is mór ríg rala dar cend.
21. Dunlang Fornacta ba fíal.
    flaith fri Niall ro chathu cloí
    
    7230] ce adfeissed scel do neoch.
    ni hé in bith ceta boi.
22. {MS folio 50a 20} Brigaiss Illand im thuaith
    tríchait catha fri cech ríg;
    hua Ennai. ald fri nath.
    
    7235] nibu sluag cen rian ríg.
23. Ba rí Ailill ernad rath.
    resi ndressed cath crodond cruaid.
    {MS folio 50a 25} Cormac mac Corpri. Colmán Mór
    Brandub barc i mbatar sluaig.

---

p.246

24. 
    7240] {MS folio 50a} Ba slicht flatha Faelan find.
    Fiannamail fri forbud fland.
    Bran mac Conaill co llín glond
    ba si in tond dar cach n-ald.
25. {MS folio 50a 30} A Brigit 's a tír atchiu.
    
    7245] is cach a úair immudrí
    ro gab do chlú fora chlú
    ind ríg is tu fordatá
26. Tathut bithlaith lasin Ríg
    cen a tír i fail do rúaim.
    7250] a ue Bresail meic Déin.
    {MS folio 50a 35} i slan seiss a Brigit co mbuaid. S.

p.247