Corpus of Electronic Texts Edition

Book of Leinster, formerly Lebar na Núachongbála (Author: [unknown])

section 48

Clanna Falge Ruis in ríg

1. 
   7100] {MS folio 49a} CLanna Falge Ruis in ríg.
   clanna Dáre cén drochdíl;
   síl Enechglais taebgil tra
   clanna oenfir & oenmna.
2. Medb ingen Bresail bulid
   
   7105] a ben Chathair atchlunid;
   {MS folio 49a 30} mathair na mac nglan
   prap ros rathaig in rigan.
3. I n-oenfecht batar ina broinn.
   in triar i carcair chumaing.
   
   7110] ré bliadna nir luaid les
   cruaid lé & tiamda a torrches.
4. Lám chlé Ruis Falge cen feill.
   {MS folio 49a 35} i lláim Enechglaiss imtheind.
   baí slicht in chalaid cu cnaim
   
   7115] na falaig mán findláim.
5. Ros Falge finnat na fir
   is ónd falaig ainmnigthir.
   a síl co saidbre saine
   is Ú Falge iatsaide.
6. 
   7120] {MS folio 49a 40} Lam dess Ruis Falge uile
   ar cind Daire in degduine;
   fúair farrach a láime in laích
   Dáire Barrach mac Cathair.
7. Dáre Barrach co ngnuis glain
   
   7125] doringni esba amlaid.
   éicnech ra imluaid a bais
   ara findgruaid Enechglais.
8. {MS folio 49a 45} Guth na rigna ra n-athair
   do meic caema it comarthaig.
   
   7130] ráid in gné síraig nach saich
   ar is firfáid cach firlaith.

---

p.242

9. {MS folio 49a} Comardai do mac a Medb
   is rignaide do rodelb;
   triana n-airdmes ra halta
   
   7135] {MS folio 49a 50} a cairdes bud cengalta. l^
10. {MS folio 49b} Do meic a Medb co mbaide
    bat ríg bat rodaíne;
    tri cind choire criche Breg.
    tri croda Life Lagen.
11. 
    7140] Cip é brisses báig na fer
    da síl & da seimed
    ra ré cen roga can rath
    {MS folio 49b 5} niba hé in sona saeglach.
12. Ór derg tuarastul in trír
    
    7145] ra taeb ech mbretnach mblathmín;
    ór derg o cech anruth and
    ina sargud na saerchland..

p.243