sed post mortem Cerbaill hoc cecinit
- MO chen a chlaidib Cherbaill
{MS folio 47a 50} bát menic i mórenglaim.
6795] bat menic ac cur chatha
ac dichennad ardflatha.- Rapsat menic ac dul chrech
i llamaib ríg na robreth;l^
{MS folio 47b} bát menic ac raind tána
6800] ac degríg do dingbála.- Bat menic i lláim ragil
bail i mbítis Lagin
bat menic eter rígraid
bat menic im mordirmaib.
6805] Mór de rígaib ca raba
dara churis chomrama.
mór sciath ro scaltis i tress.
{MS folio 47b 5} mór cend .mór cliath. mór caemchnes.- Xl. bliadan can brón
6810] ro bá oc Enna na n-ardslóg;
ni rabadais riam i n-argg.
acht i llámaib ríg rogarg.- Datrat Énna nír breth gand
da mac fadéin do Dunlang.
6815] .xxx. bliadan duit na seilb
do Dunlang tucaisiu theidm.- Mór ríg rot techt ar eoch ard.
co Diarmait rigda rogarg.
{MS folio 47b10} bliadain ara cóic dec duit
6820] in n-airet ro bá ac Diarmuit.,
- {MS folio 47b} I n-oenuch Alend ra hed
rat tidnaic Diarmait durgen.
datrat Diarmait in rí nár
d'fir Mairge do Muricán.
6825] {MS folio 47b 15} Xl. bliadan co tend
ro bá i lláim ardríg Alend.
ni raba bliadain can chath
ac Murican morglonnach.- Dotrat Muricán ri Gall
6830] i taig Carmain do Cherball;
nít tuc Cerball do dune
céin ro buí ar bith bude.- Ropo días derg do días glan.
i cath Odba na n-oiged;
6835] da fargais Aed Findliath fóen.
{MS folio 47b 20} i cath Odba na n-ardróen.- Ropo derg th'faebur rofess.
i mBeluch Mugna rat mess
cath Maige Ailbe inn áig
6840] fá ndernad ind immarbáig.- Romut ro maid in cath cain.
dia dardaín ac Dún Ochtair;
{MS folio 47b 25} da darochair Aed garb glé
isin leccaind os Líathmuine.
6845] Is romut ro maid in cath.
lá ro marbad Cellach;
mac Flannacain línib slóig.
i Temraig aird uasalmóir.- Is romut ro thraiged tess.
6850] i cath Bóinne na mborbcless;
dar thuit Cnogba cleth inn áig
immut fégad ar th'orgráin.
- {MS folio 47b} Ropsat fraechda nirbsat meirb.
rapa laechda do lúathfeidm;
6855] dar thuitt Ailill frossach Fáil
i tossuch ind immforráin.- Ni rabadais lá madma
ac Cerball na cáemgarda.
nir atluig lugi n-ethig.
6860] ní thanic dara bréthir.- {MS folio 47b 35} Nocho rabadais lá liúin.
fuarais mór n-aidchi n-anuil;
fúarais mór ríg co rath áig.
fúarais mór cath it chomdail.
6865] A chlaidib ríg na rolog
na sail bith for merugod;
fogeba duit th'fer dána
tigerna do dingbala.- {MS folio 47b 40} Cia festa forsa mbia seilb.
6870] na chia risa tibre theidm;
din ló dochuaid Cerball ass.
cia ca mbia do lepthanas.- Nichat léicfider sech láim
co róis Tech Náis co nertbáig.
6875] bail i tá Find na fled
atdérthar ritt is mo chen. M.