Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 42

{MS folio 47a}

Dallán mac Móre cecinit.


    1. 6695] Cerball Currig cáemLife
      clód catha for Cond.
      ra facsin a áebdreche
      arbath Cnogba corr.
    2. Ar cara 's ar culicán.

      6700] cáemgnéach land na láim;
      mac mór molbthach Muricáin
      co mbúadaib co mbáig
    3. {MS folio 46b 5} Buaid crotha búaid cáemcheneóil
      for Cerball in Chairn;

      6705] búaid catha cirb claidebrúaid.
      búaid n-étgaid. búaid n-airm
    4. Ardanfud dond dilinni
      déscin Cerbaill chóem
      fond fíal fortacht firinne

      6710] fírlaith Mugna is Móen
    5. Mass gass glan gluair gelbdaide
      gébaid mBanba mbuirr;
      {MS folio 46b 10} doss dess dían degduine
      díscrútan hua nDuind.

    6. 6715] Díscrútan a chomrama
      cechlaiter co bráth;
      a chatha 's a chongala
      úaim nos cechla cách.
    7. Comrama dia chomramaib

      6720] Cerbaill cirt na náem;
      .uiii. catha ra chloastar
      for Fland sochla saer.

      8. p.227

    8. {MS folio 47a} Cath Mathaig. cath Mucnaime.
      cath Bregmaine band.

      6725] cath Aichle nirb assusón
      do thur Themra thall.
    9. Cath Tlachtga ba tortbuillech
      cath Rige. cath Ross;
      cath Crinna ra chloastarsom

      6730] for Fland febda foss.
    10. Comram dia chomramaib
      Cerbaill rodos caith;
      {MS folio 47a 20} deich catha ra churestar
      for ríg Muman maith.

    11. 6735] Cath Luachra ba lenamnach.
      cath Lui for leirgg luimm;
      cath fuilech Fetomuir.
      cath Toa. cath Truim.
    12. Cath Cnamchaille curestar.

      6740] cath Argetrois úair;
      cath Gabráin. cath Silchoite.
      tulchad Raigne rúaid.
    13. {MS folio 47a 25} Na deich catha cinnimse
      for Mumain mór in dind;

      6745] ro bris mac mór Muricain
      for Finguine find.
    14. Oenchath déc duaibside
      brisfid Cerball caemm;
      for Cormac cid comalta

      6750] for ríg Casil cáein.
    15. Comrama dia chomramaib
      Cerbaill luaith ro lass;
      {MS folio 47a 30} .uiii. catha for Conchobor
      for ríg Connacht cass.

      16. p.228


    16. 6755] {MS folio 47a} Cath Moga. cath Moenmaige.
      cath Sinna na slúag;
      do braneón nirb airbire.
      cath Eidnige úar.
    17. Cath Luatraid. cath Cétmaige.

      6760] cath Buasi co mbuais;
      cath Boirend co mbithbuirre
      for Conchobor cluais.
    18. {MS folio 47a 35} Comrama dia chomramaib.
      hú Faelain in mind maith;

      6765] na da chath ra chloastar
      for Aed Findliath flaith.
    19. Cath Sleibe Fúait fortamail
      co furiud co feirg.
      cath Torand ba fortamail

      6770] co tres rúad co reidg.
    20. Ra chuir Cerball cetguinech
      cath for slúag nGall gel.
      {MS folio 47a 40} na comrama atchuadammar
      is Cerball fodoscer. .C.

    21. 6775] M'aes cumtha cumnigim.
      caemFland Usnig aird.
      Cú Chinad mac Fergusa.
      Cellach Mór o Mairg
    22. Ingen Flaind ros láncharus

      6780] co nglaccaib lánglana fosgniat.
      a da grúad co nglansoilsi
      co ndath losa líac.

      23. p.229

    23. {MS folio 47a} Bran degrí hua nDúnchada
      dergnáma slúaig Gall;

      6785] Ailill Mór hua Muridaig.
      Tressach Berba barr.
    24. Itge Patraic primapstail
      dom snádud for nem;
      mo menma ba minascaid

      6790] is co Crist foscer. C.

p.230