Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 37

Medb Lethderg cecinit.

    1. Macc Moga Corbb celas clú

      6385] cun feras crú dara gáib;
      ail uasa ligi ba líach
      {MS folio 44b 25} ba slaide chlíath dar Clíu Máil.
    2. Mo rígan ni ráided góe
      ba deil ba bróe ri cech n-airc;

      6390] dubidir ri bran a brae
      gerithir a gae ri ailt
    3. Gilidir a chness ra hael
      ar óen co tiagmais ar cae.
      airddithir a scíath ri scál

      6395] sithithir a lám ri lae.
    4. {MS folio 44b 30} Forc rí Herend trognaib tríath
      ra chodnaig scíath ri cach sceo;
      erca brech biathais dia bir
      riachais ar fir in cach gleo.

    5. 6400] Secht catha ra láe ma thir
      imráe díb mar cach n-ailt;
      cá cath dib ingnad in bét
      nach dingbad cét in cach airc.
    6. {MS folio 44b 35} Tri catha Atha Find Fáil.

      6405] cath Átha in Scáil ba scae ráen;
      cath Fosta ba forrach niad.
      focer ra triath Maige Máein.
    7. Cath Glasse Críche ra chlóe
      nithe dia mbae bretha ar báig;
      6410] cath Bernais rabert in Cú
      ra thairbir a chlú crú fá gáib.

    8. p.214

    9. {MS folio 44b} Ra chóssain da arm a thír
      dar marb ríg narbo lac
      cosnam Galián gignis fích

      6415] ba dirsan díth arin mac. M.

Medb Lethderg ingen Chonáin Chualand is í ro chan in marbnadsa. ic sádud na cloiche fil fora lige. i Sleib Suide Chon Corbb. La {MS folio 44b 45}Fedlimid Rectaid im athair Cuind Cétchathaig ro marbad Cú Chorbb mac Moga Corbb i cath. & ra foí in Medbsin iar sain ra
6420] Feidlimid Rectaid. & atá inad a tige béus i Temraig. & is sí dorat deog nemi i Temraig do Lugaid Laigse mac Laigsig Cendmóir. {MS folio 44b 50} & is sí ra fodail na Loígsi & na Fotharta i secht rannaib. ar dáig na betis d'oentaéib combad lugaite a nert i n-agid ríg Lagen.l^


p.215