Cellach Hua Ruanada cecinit.
- SLuindfet duib dagaisti in dana
bid diglaim ratha; do raith
eter isel & uasal
5230] {MS folio 38a 20} co rrabat i cluasaib caich.- Sétrad fata ferr a fegad.
aiste drumchla dana dein. '
rind airchetail rabuic riagla
gabait na cliara do cheim
5235] Setrad ngarit gres saer sorcha
suairc dath;
ni fuil co n-anmain nach molfa
romtha a rath.- In rannaigecht menmnach mór.
5240] assin topor engach úar;
fegaid mar ata a áeb.
is caem do denam na nduan.- {MS folio 38a 25} In rannaigecht bec bulid.
can mangairecht can mebail;
5245] itaba sund co saigid
i n-airib dana dremaig.- Dechnad mór at millsi a laide.
úas indse gil gréne
{MS folio 38 a 30} caiste ria ni dan side
5250] aiste is ferr i nHere.- Lethdechnad lugbairt craeb chumra
ni saeb selba;
and sain ni laiste mo labra
aiste amra.
5255] {MS folio 38a} Is aisti rathmar co rrind.
is eicsiu athlam indlim;
bagaim conid bairdni bind.
debidi alaind imrind.- {MS folio 38a 35} Debide scailte na scél.
5260] ní híside nad athgén;
iss hi seo ind aiste blaith brass
i ngnathaigther in senchass.- Aiste uallach acum
ní hord aicnid imniabthaig :
5265] maith maisse cech raind réil rigréin
a ddéin miding milbriathraig.- Snam sebaicc so sluindebthair
{MS folio 38a 40} rosia firu fungaire;
dentar limsa dúas ní gó;
5270] do chnuas na cno cumraide.- Cassbairnne chumaide
is brass mar nos binnige;
noco chóir a cammfige
dar cend n-oir iss indile
5275] Anamain irdairc
uasal in slonnod.
nis denand duine
uile acht ollom.- {MS folio 38a 45} Is iat sain ardaiste in dána
5280] fognas na llaíde; nar loing.
do Dia bermait buide ar mberla
cia duine. segda nach sloind. S.