Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 19

Túathal Techtmar ba rí Temrach

    1. {MS folio 35b} TUathal Techtmar ba rí Temrach
      tolgda magen
      {MS folio 35b 40} Eochu mac Echdach an fugell
      ba flaith Lagen.
    2. Lende banmac ben ba Tuathail
      tucht dunrími.
      Báne a hainm ingen co mbáig
      Scáil a sídib.
    3. Scéla derba a ndí ingin

      4890] tuchtach díne
      Fithir Darine delm cadla
      ambra bríge.
    4. {MS folio 35b 45} Ba dia tochmorc dolluith Eochu
      art nad chlithe.
      co ruc Fithir fordarc flathe
      leis i lLife.
    5. La sin dolbais ba marb Fithir
      fír infíadam
      dobreth Darine durímem

      4895] du Echaid iaram.
    6. O imránic fria siair
      scél cen réde
      {MS folio 35b 50} ba marb Fi thir fuam co n-áni
      ara féle.
    7. Fuabairt Tuathal dia digail
      tolcda gened
      adacht Lagniu lethan fuidel
      tobar tenedl^
    8. {MS folio 36a} Dobert doíri forsna Laigniu

      4900] luath atchiam.
      bóroma már miad as maam
      nadba ríam.
    9. Rosuc Tuathal tri chert catha
      coimdiu grianda
      roscomrad dó tre deilm digla
      .xxx. bliadna.
    10. {MS folio 35b5} Berthis Feidlimid .uii. mbliadna
      brig co certa;
      rosnuc Cond ba comdiu flathe

      4905] fiche fechta.
    11. Fianna dobreth do Art
      bríg na dénur.
      tri deich bliadna brigach huriuth
      cen nach lénud.
    12. Asloíset Lagin ar Chormac
      clú nad labra;
      {MS folio 35b10} dobbeotar fair ba fri ogra
      aidchi samna.

      13. p.161

    13. {MS folio 36a} Sainreth gním dogníth la Dunlang

      4910] ba gním demnach
      gním na n-ingen airdairc n-aerbach
      i taeb Temrach.
    14. {MS folio 36a15} Tricho ingen den rígraith
      rechto buadaig.
      cét dia n-ingenaib na cáemaib
      lachar nuadaib.
    15. Tricho ingen ar trichait cét
      coscor caingnech.
      iss ed selge slóg dar Bregmag

      4915] laechrad Lagnech.
    16. La deich n-ingena do Chormac
      coblod n-áne
      Ailbe Gruadbrec Treithne Lethleór
      & Gráne.
    17. Lemuin Letherthe la Scéithi
      Admór Ainge
      {MS folio 36a 20} Fásse. Talinne delm n-áne
      Innerb cainethar cain coeimde.
    18. Cain secht n-ingena la Fergus

      4920] cen chint fortil
      Domnae ndeach & Semmouir
      la Tar Forcil.
    19. Echtan Chailech Sand Be Tibre
      dál as derbo.
      Inderb Iten Bilene a Tuirbiu
      Cear a Cerno.
    20. {MS folio 36a 25} A dí deac arm d'Ailill
      bantrocht saerdae.
      Emer Talten & Naírne

      4925] & Moirne.
    21. Sogen Feidelm Frithnán
      febdai dála.
      Brechtan Buadach ba lí súla
      na teor Mamma.
    22. Dofích Cormac a chlainn febdai
      flatho finde.
      {MS folio 36a 30} timart Lagniu luad nad indo
      a chual rinne.
    23. Ess ed ro bi dinaib clannaib

      4930] crích des Cloíned
      da ríg deac dal cen uabair
      galaib oenfer.
    24. Amru bodbríg immud batar
      brigach n-athbach
      Fergus Foltlebor ba sochlach
      Ailill cathbuadach Cind Nathrach.
    25. {MS folio 36a 35} Nenaisc bóramai ba brigach

      4935] in breo buadach.
      nenaisc condmaith tri chach mbliadnai
      nenaisc giallnai & sluagad.

      26. p.162

    26. {MS folio 36a} Segdai ratha fil ar Lagnib
      lathar féile.
      ratha retland rath escai
      & gréne.
    27. Ratha gruaide & gnuise

      4940] gním nad bine.
      {MS folio 36a 40} ratha cuibse & ciche
      & cride.
    28. Ratha ceneoil & clanna
      & cíalla.
      ratha flathi & fenni
      & fianna.
    29. Ratha a fir ratha a mná
      mór a reined.
      ratha a meic medar adbuil

      4945] ratha anmain & einech.
    30. Ratha etha & mblechta
      mó cach molad.
      {MS folio 36a 45} ratha tuatha & tocad
      & torad.
    31. Ratha toísig & trebond
      dalaib gargaib.
      cona sciathaib cona ngaib
      cona calcaib.
    32. Ratha topair & trethain

      4950] & tíre.
      de cach cether coblud n-áne
      rath cach ndíne.
    33. Is rath erro drucht la dathen
      demni dála
      {MS folio 36a 50} ratha a mbeoil ratha a fíra
      ratha a llama.
    34. Ratha maigi & muri
      moo scelaib.
      ratha nime cona braenaib
      cona néllaib.
      4955]
    35. Nasca uili forna duilib
      ara canam.
      eter aer & tene
      & tarand.l^
    36. {MS folio 36b} Nach dúil nach cland fil is nimib
      nuallaib adblib;
      it é ratha rethaib solmaib
      fil ar Lagnib.
    37. Ara clannaib ara ceniúl

      4960] nual cach thratha.
      de neach file & bias
      co dé mbratha.

      38. p.163

    38. {MS folio 36b} Imm brith uadib
      inna bórime bríg adbail
      cene maras medar n-inmain
      nem tar talmain.
    39. Dollotar Mumnig dia ndilgiund
      tressa mílib
      grengsait Laigniu laichaib d'amsaib

      4965] assa tírib.
    40. Dolluid Coirpre dia soírad
      srúaim nad sachu.
      {MS folio 36b10} immúa mathra issind Lifiu
      fich secht cathu.
    41. Cath i nGabair la
      cath Fee cath Lifi no slonnid.
      cath Maige nAilbe. cath Ferna.
      cath Commair.
    42. O dusnecmart tri secht cathu

      4970] scél nad étla.
      nenaisc Corpre fora mathrai
      a cís cétna.
    43. {MS folio 36b15} Cia mét in cís asinberam
      briathraib fíraib
      tri coicait cét caíniu dálaib
      lend co lígaib.
    44. Tri coicait cét dinnaib torcaib
      ni dim guaib
      tri coicait cét is di gnoaib

      4975] dona buaib
    45. Bretha uile armaib rathaib
      firaib fíalaib
      {MS folio 36b 20} cach ae a húair allud amin
      i cach bliadain.
    46. La tri coicda
      dinaib lanamnaib lucht londgnad
      forsna fledaib fúan cen imned
      forsin condmad.
    47. Coica sémech

      4980] immi agtait.
      {MS folio 36b 25} coíca ech ní eraic fóil
      i srianaib óir & argait.
    48. Coica coire
      immin coire n-amra n-umai.
      da dam deac lucht in chori
      ba sét subai.
    49. Sithbe iairn a dí loairc
      lathar n-amra;
      ba o Lagnib in fer ferda

      4985] fri bruith slabra.
    50. Is amlaid dligthe
      in fer find fail fri slonnud
      {MS folio 36b 30} cona ael cona inbiurb
      cona chonnud.

      51. p.164

    51. {MS folio 36b} Cethracha ríg risra íccad
      rígdai flathi
      o flaith Tuathail delm nad clithe

      4990] co flaith Finnachta rod mathi.
    52. O flaith Finnactai ní tucad
      tuath tri borrfad
      {MS folio 36b 35} cosin flaith find fil fri anfad
      i fil Dondchad.
    53. A ndoruirmius cani soindisc
      scel cen buafad
      cruth ascomrath ní cen saethar
      o baí Tuathal. T.


4995] Fiadnaisi ar tús i nHerind cia conammidir. Ni handsa. Ocha {MS folio 36b 40} mac Sengaind do Feraib Bolg. tan nad rabe naidm l^ árach l^ aitire acht fiadnaissi namma & sessed lóge in lessa na coisced no bered [...] d'fiadnaisse in tansain.

p.165