Corpus of Electronic Texts Edition

Book of Leinster, formerly Lebar na Núachongbála (Author: [unknown])

section 18

Augaine Már mac ríg Hérend

1. {MS folio 35b} AUgaine Már mac ríg Herend
   airdairc ruiri
   gabsat a chland insi Banba
   amra duini.
2. A lluith Cobthach barsna Brega
   bríg nad clithe.
   Loegaire ba líth laithe
   
   4875] i ngab Life.
3. Labraid hua Loegaire
   din lígmaig.
   {MS folio 35b 30} i nDind Ríg ba ruathar n-anrath
   ort in rígrad.
4. Rigrad Herend úaco fledól
   fiallach comsech;
   ros n-ort uili cani samlaith
   Labraid Longsech
5. Is lán Heriu dia clannab
   
   4880] cern co soírfuil;
   Cobthach Loegaire díb línaib
   da mac oenfir
6. {MS folio 35b 35} Is ó Chobthach atá síl Cuind
   i cach magin.
   is ó Loígaire la sodain
   diabol Lagin.
7. Lán ind árim na .uii. bliadan
   ar díb cétaib.
   gabsat cocad re ngein Isu
   
   4885] inar tétaib.

p.160