Nemnach .i. firthipra fil ocon tsíd i n-airthiurdesciurt na {MS folio 30a5}Temrach in glassi bec theit a Nemnig sair is fuirri atá in muilend cetadernad do Chiarnait chumail Chormaic.
Lathrach tigi Mairisen fil on tsíd fri Nemnaich atuaid. & teora
3795] {MS folio 30a10} clocha beca imbe. Is samlaid ra suidiged in tech hísein. lár ard
Ráith Loegaire meic Neill fri sodain atúaid. Cethri prímdorais
3800] {MS folio 30a 20} cach ardda inti. & ro suidiged corp Loegaire foa scíath co ngruibni frisin clod immechtrach. airtherdescertach na rígratha Loegaire
i Temair. & a aiged fodess oc cathugud fri Lagniu.
{MS folio 30a 25}Atá i toeb ratha Loegaire anairdes lect Matta .i. Matta .i. amus
de Lagnib ro baí i fail Chormaic. Ra batar laa and oca cluchi
3805] cethri oclaig i taeb ratha Loegaire anairdes. dorelic Matta urchur de {MS folio 30a 30}
chloich and. co ndechaid for cunt a da less co n-erbailt in t-óclach de.
Ráith ríg i táeb rátha Loegaire atuaid. Ataat trí decra inganta i
{MS folio 30a 35}suidiu .i. lathrach ind rígthaige Chormaic i n-airthiurdesciurt na
ratha a lleth fri raith Loegaire fodess. Lathrach ind Foraid la
3810] {MS folio 30a 40} taeb ind rigthaige aníar. Múr Tea eturru a lleth fodess .i. Tea ben Herimoin. Liathdruim & Druim Cain & Múr Tea & Cathir
{MS folio 30a 45}Chroind anmand Temrach i tossuch. Ra adnacht iarum Tea ben
Herimoin etir lathrach ind Foraid & ind rigthaige. Conid de
sin ra ainmniged Temair .i. Tea mur .i. in cnocc bec fil eter na
3815] da múr a lleth fadess is and atá.
{MS folio 30a 50}Attá tipra fo thath ratha anair. & tri anmand fuirri .i. Liaig & Tipra Bo Finde. & Derc nDub. is de ata. ni théit a lLáeg co lLiaig .i. indala n-aí a Temair sair. alaile a Temair siar.
{MS folio 30a 55}Duma na Bó fri Duma na nGiall aníar .i. in Glass Temrach.
3820] Duma na nGiall fri lathrach ind Foraid sairtúaid.
Fál i tóeb Dumai na nGíall atuaid. .i. cloch in sin no géissedl^ {MS folio 30b}fontí no gebad rígi nHerend. Fál ainm na clochisin .i. fó ail .i. ail fo ríg.
{MS folio 30b5}Lecht Con & Cethin issin leittir i comairdas Ratha Ríg síar.
3825] Ataat dí chloich and .i. Lecht Con indala n-aí & Lecht Cethin alaile. conid annfocal .i. Cú & Ceithen .i. ro marb Cú & Cethen rannaire
{MS folio 30b10}
Cormaic for lár ind rígthaige i Temraig. ro gab cach ndiriuch ar
sain fo digas na Temrach síar co n-arrass and. conid romarb brathair
{MS folio 30b15}ind fir ro marbsom. & asrubairt Cormac arnaro marbtha Cú.
3830] ní tharraid etargaire coro marbait a ndís.
Atá firthipra issin chobfán ó Lecht Chethin fathúaid. Lóeg a
Rath na Senad i comair Dumai na nGiall fathúaid.
3835] {MS folio 30b 25} Lathrach pupaill Adomnain isind ráith hísin. & a cross ara belaib. na ratha sair & a suide fri croiss andess.
Attá lathrach in tigi ra losced ar Benén. gilla Patraic & for Lucat {MS folio 30b 30} Mael ed bec o chroiss Adomnain sairdess .i. i tóeb na conaire anair a bic.
3840] Ataat teora clocha beca i taeb Rátha na Senad. tuaid. .i. teora {MS folio 30b 35}clocha ra laithea forsna druidi. It e a n-anmand .i. Mael & Bloc
& Bluicne .i. Mael sair & Bloc fadess. & Bluicne sairtúaith.
{MS folio 30b 40}Atá Lecht ind Abaicc fri anair. Is amlaid atá in cubat sairdes
& siardes. tri traigid nammá a thomoss. Esc bec this. Is samlaid
3845] atá in ligi. & cloch bec fo thalmain na airthiur & alaile na iarthur. {MS folio 30b 45}Fogabtar tri traigid indala fecht & a trí co leith in fecht aile.
Ataat da duma frisin cubat atuaid .i. Dall & Dorcha acht nad {MS folio 30b 50} fail múr eturru. & na clocha & in cubat .i. Dorcha ainm in dumai iartharaig. Dall & Dorcha dano ainm in dumai airtheraig.
3850] {MS folio 30b 55} Atá Long na mBan on dumu airterach síartúaid Is amlaid ra suidiged lathrach in taige hisin. leithred foe fothúaid & airrand
andess. & comthercbail múir imme anair. & aníar. & is faellitel^
{MS folio 30c}biuc i lleth tuascertach de fathúaid & fadess. Ata a chóir fuath
{MS folio 30c5}tige fotai. A cethair déc de dorsib ind. l^ a .xu. ut alii dicunt. a
3855] secht sair & a secht síar. & asberat is and dosmelte Fess Temrach. {MS folio 30c10}
Deithbir són or no thailled ermór fer nHerend and. & iss hé
sin in tech mílib amus.
Atá duma bec fri láthrach in taige anairdess. isin chiund {MS folio 30c15}descertach Dumai na mBan a ainm.
3860] Atá cubat Caelchon & a arad i comair in chind airtherthuascertaich {MS folio 30c 20}
Luinge na mBan. Caelchú ind sin mac Loairn meic Ruaid meic
Caiss. de Eoganacht Caisil. Is dia chlaind Tuatha Cis oc Temraich.
& is dibside Aicme Rois Temrach.
{MS folio 30c 25}Tredua Nesse mathar Chonchobuir isin chind airtherthuascertach
3865] i comair chind airtherthuascertaig Luinge na mBan sairtuaith.
{MS folio 30c 30}Rath Chonchobuir meic Nessa i taeb in Tredua atúaid & a dorus sair. i comartus Medi Con Culaind.
{MS folio 30c 40}Ata a comardus Ratha Conchobuir sairtúaid. Sescend Temra. i comardi & Long na mBan siartuaid .i. sescend salach bec fil and {MS folio 30c 45}i taeb Chairn na Macraide.
Atá Rath Granne o Sescund Temrach aníar for forard na tulcha.
3875] {MS folio 30c 50} Atá fo thath Rath Gránni atuaid Fán na Carpat i comarddus na Cloenfertai tuascertchi sair.
Ataat na dí Chloenferta fri Ráith Granni aniar Isin Cloenferta{MS folio 30c 55}
descertaich ra hort ind ingenrad i Temuir. Isin Cloenfertai{MS folio 30c 60}
thuascertaich [...] in mbreth i n-agid [...] brethi ruc
3880]
Cormac imman glassin do orgain dona cairchib. l^ {MS folio 30d}
Ata Carn na Macraide Lagen i taeb Sescind Temrach atuaid.
{MS folio 30d5}Attá Cross Férgossa .i. naemailithir. Is hé fil i Carraic Clúmain i taeb Chairn na Macraide. andes anair.
Ata dessel Temrach eter in da Charn na Maccraide .i. eter in
3885] {MS folio 30d10} carn tuascertach & in carn descertach.
Atta Carn Macraide Hua Neill i taeb dessil Temrach atúaid.
{MS folio 30d15}Rath Cholmain meic Caelchon ó Charn Macraide Hua Néill sairtúaid .i. on charn tuascertach.
{MS folio 30d 20}Atá Duma ind Luchdoind i taeb Ratha Colmain meic Caelchon
3890] aníar.
Attá Adlaic & Diadlaic i comardus Ratha Colmáin sairtúaith. {MS folio 30d 25}i táth na lettrach frisin raith anairtúaid .i. dí thiprait ind sin .i. Adlaic indala n-aí & Diadlaic alaile. acht nad fil deffir eturro.