{MS folio 14b 45}Incipit do flathiusaib Herend & dia hamseraib o ré Mac Miled co hamsir Tuathail Techtmair.
HISin chethramad amsir in domain táncatar Gaedil i nHérind
1805] .i. i n-amsir Duída meic Iase. diar triallad tempul Solman {MS folio 14b 50} & hi .xx.mad bliadain flathiusa imperii regis Asíriorum dia dardain
arai lathe sectmaine. i k l^ maí araí lathi mís greni. Ferthair
{MS folio 15a}cath l^ i Taltin eter maccu Miled & Tuaith De Danand. Co torchratar
and tri ríg Tuathe De Danand cona tri rígnaib. Dorochair ám
{MS folio 15a5}Isin bliadain iar sen cumtach Dúin Etain la Surge. & cumtach
Duin Fine la Cacher & cumtach Delginsi Cualand la Setga. &
1815] cumtach Dúin Náir i Sléib Modoirn la Gosten.
I cind bliadna iar sen .i. iar cath Talten fertha cath eter Herimon
{MS folio 15a10} & Eber i mMaig Argetrois .i. ic cosnam Dromma Clasaig i crích
Mane. & Dromma Bethaig i mMoenmaig. & Dromma Fingin i
mMumain. ara torthige. Dorochair Eber Find mac Miled sin
1820] chathsin. & dorochratar dond leith aile. Gosten. Sétga. Surge. na trí tóesig.
{MS folio 15a15}Gabais Herimón rige nHerend & ro classa da rígraith leis .i.
Raith Oind i Crich Cualand & Raith Bethaig os Eóir. Dorat rige
coicid Galian do Chrimthan Sciathbél de Domnannchaib. Dorat
1825] rige Muman do chethri maccaib Ebir .i. Áer. Orba. Fergna. Feron. {MS folio 15a 20}
Dorat ríge cóicid Connacht do Ún mac Ucce. & do Etan. Dorat
rígi cóicid Ulad do Ébiur mac Ír. a quo Ulaid Emna.
Hisind amsirsin tancatar Cruthnig co ngabsat Inber Sláne i
nHuib Cendselaig. Ros léic Crimthan chuce. arin leges fuair
{MS folio 15a 25}
1830]
druí Cruithnech dó do chath fri Tuaith Fidga .i. tuath de Bretnaib. cach oen fori ndergtaís ba marb. & nis gaibtís acht iarna nemide.
Conid é in leges blegon sé fichet bó mael find do dórtud isna hettrigib
{MS folio 15a 30}
bale i ferfaithe in cath Unde cath Ardda Lemnacht. & dorochratar
uile Tuath Fidba triasin ceilgsin. Cora gaib Catluan mac Cing
1835] do Chruthentuaid. nert mór for Herind. Coros innarb Herimon. Is and sin tanic Cruithnechan mac Cinge do chungid ban for
{MS folio 15a 35}Herimon. Co tarat Herimon dó mnaa na fer ro batte ocna
Dumachaib .i. Bres & Bróes & Buagne. & ráth grene & ésca forra
connabad lugu ro gabtha ferand ó feraib i Cruithentuaith indás
1840] ó mnáib co bráth.
Hisind amsirsin Herimoin cumtach Duin Sobairchi & Duin
{MS folio 15a 40}
Chermna. & Duin Binni. & Cairge Brachaide. i mMurbulc la Mantan
mac Cachir. Ocus cumtach Tochair Inbir Móir i crích Hua
nEnechglais. Cualand la hAmairgen mac Miled. Ocus cumtach
1845] Ratha Sailech i Fánat la Fulmán. Ocus Ráith Rigbaird i mMurisc la hEtan mac Occe.
{MS folio 15a 45}Is na amsir tomaidm .uii. Rige Lagen. & tomaidm .uii. mBrosnach
{MS folio 15a}Éle. & tomaidm Eithne i nHuib Neil. & tomaidm teora Socc la
Connachta. & tomaidm Locha Riach. & Locha Ren. & Locha Cimbe.
1850] & Locha Findmaige. la Connachta. & Locha Da Chaech i lLaignib. {MS folio 15a 50} & Locha Laíg la hUltu. Ferthair cath eter Amargin & Cacher. i Cúil
Chachir. & docer Cacher and. Ferthair cath eter Herimón &
{MS folio 15b}Amairgin .i. cath Bili Tened l^ i mMide. & docer Amairgin in brithem
& in fili and.
1855] Mebais ria nHerimón cath Comraire i torchratar Én & Etan da mac Occe. & Ún mac Ucce. Atbath Herimon iar tain i nArgetros.
{MS folio 15b5} & ro class a fert and & sátir a lia .i. ic Raith Bethaig ós Eóir. i cind
.xuii. mbliadan a flathiusa. & gabsat a tri meic ríge Herend &
nos rannat Herind i trí .i. Mumne & Lugne & Laigne. Atbath
1860] {MS folio 15b10} Mumne de thám i Cruachain. Docer Lugne & Laigne i cath Ardda Ladrand la maccu Ebir .i. Aer. Orba. Feron. Fergna. i tres bliadain
a flathiusa. Ráthe dóibside i rríge co torchratar la hÍriel Fáid
mac Herimóin.
Gabais Iriél Faid mac Herimóin ósar na clainne ríge Herend
{MS folio 15b15}
1865] iar tain. Ro slechta da mag déc laiss .i. Mag Rechet. & Mag Éli la Lagnib. Mag Commair. Mag Sleibe la Ú Néill. Mag Sanais la
Connacta. Mag nDairbrech i mMide. Mag Techt la Hú Mac
Cuais. Mag Lugna la Ciannachta Glinne Gaimen. Mag Faithne
{MS folio 15b 20}
lasna hAirthera. Mag Inis la Ultu. Mag Culi Feda la Airgialla. &
1870] ro classa secht rígratha leis .i. Ráith Croich i mMaig Inis. Raith Bachair i lLatharnu. Raith Chuingeda i sSemniu. Raith Modig.
Raith Buirg i Slectaib. Raith Lochit i nGlasscharn. Fich Iriel
{MS folio 15b 25}cath Arda Inmaith i Tethbu. i torchair Surge mac Duib. Brisis
cath Tenmaige for Eochaid Echcend rí Fomóre. & cath Lochmaige
1875] i torchair Lug Roith mac MaFemis. Atbath Iriel i mMaig Muade i ndechmad bliadain a flathiusa. amal ro chan in senchaid.
- {MS folio 15b 30} IRIel ósar na clainne
mac rig Fotla foltchaimme.
rí Sleibe Mis rí Macha
1880] ro bris .iiii. cruadchatha.- Cath Cúile Martha maith sein
inro marbtha meic Ebir;
anmand doib ri cath ri clód.
Aer. Orba. Fergna. Ferón.
1885] {MS folio 15b} Cath Arda Inmaith atúaid.
i torchair Surge slattchrúaid;
{MS folio 15b 35} cath Tenmaige ropo thend
i torchair Eocho Echcend.- Cath Lochmaige luad cen geis
1890] i torchair mac MaFemis.
da mag déc derb lend uile
ro sléchta con degduine.- Díb Mag Séle sluinter lat.
Mag nÉle & Mag Rechet;
1895] Mag Sanais. MagTecht cen tnú.
Mag Fáithne la hAirtheru.- {MS folio 15b 40} Mag nDairbrech i mMide marc
díb Mag Lugna la Ciannacht.
Mag nInis la Ultu iar tain.
1900] Mag Cule Feda hi Ferndmaig.- Ro classa ic Iriél iar tain
.uii. ratha do rígrathaib
Raith Chróich i mMaig Inis áin.
Raith Chungida. Raith Bachair.
1905] {MS folio 15b 45} Raith Lochit. Raith Glaisse Cuilg.
Raith Móidig. & Raith Buirg;
x. mbliadna i flathius ba flaith.
do mac Herimoin ardmaith.- Mumne & Luigne is Laigne.
1910] tri meic Odba cen anble;
Tea Temrach tend a treóir.
mathair irdairc Iareóil.
{MS folio 15b 50}Gabais Ethriel mac Irieóil Fátha rige Herend & ro slechta .ui. {MS folio 16a}maige lais l^ .i. Tenmag la Connachta. Mag Lugair la Luigne. &
1920] TOisig na llongse dar ler.
dia tancatar meic Miled.
{MS folio 16a10} bit mebra limsa rim lá
a n-anmand 's a n-aideda.- Ebleo Fuat Brego Blad bil.
1925] Lugaid Murthemne milid.
Buas Bres Buagne na mbríg mór.
Dond. Ir. Eber. Herimon.- Amairgen Colptha cen chrád
Eber Herech Herennan;
1930] {MS folio 16a15} Cualnge. Cúalu. Nár amne
Mumne Luigne & Laigne.- Fulman. Mantán Surge ar sen.
Aer. Orba Feron. Fergen;
Én Ún. Etan. Gosten gle.
1935] Setga Surge Sobairche.- Palap mac Herimóin áin.
& Cacher mac Mán táin.
{MS folio 16a 20} do dígail Itha na n-ech.
dechenbor .xxx.a toesech. T.
1940] Atbath Brego i mBregaib bind.
marb Murthemni con morlind;
Cualnge & Fúat cencor fand
ro marbsat Tuath De Danand.
- {MS folio 16a} Dorochair Cualu ní chél.
1945] la Crimthand scorach Sciathbél;
{MS folio 16a 25} do thám Blad i mBladma bind
Nár & Ebleo i nEblind.- Amairgen file na fer.
marb i cath Bile Thened;
1950] marb Ir i Scelic na scál.
marb conn Inbiur Erennán.- Dond is Bile is Búan a ben.
Díl is Érech mac Miled;
{MS folio 16a 30} Buas Braes Buagne cosin mblaid.
1955] ro báided ocna Dumachaib.- Dorochair Sobairche seng
na dún re Echaid Echcend;
Mantan is Cacher na cned.
dorochair la hAmairgen.
1960] {MS folio 16a 35} Aided Fulmán co feraib.
la Hérimón ic Slemain;
dorochair Lugaid na land
i cath la Firu Domnand.- Dorochair Luigne is Laigne
1965] la maccaib Ébir anble.
dorochair in cethrur cóir
la Íriél mac Hérimóin.- Cethri meic Ebir tall tra
Aer. Orba. Ferón Fergna.
1970] {MS folio 16a 40} ranic tarsna buidne a blad
atbath Mumne i mMaig Cruachan.- Sin chath for tenus na treb.
sin maig i torchair Éber;
torchratar malle.
1975] Gosten Setga & Surge.
- {MS folio 16a} Ún mac Ucce ard a rath.
Én is Etan ildathach
{MS folio 16a 45} Herimon bind na blaide.
ros ding i cath Comraire.
1980] Docer Suirge mac Duib daith
la Iriél i nArd Inmaith;
Eber mac Ír fer inn óir.
la Palap mac Herimoin.- Palap uallach fúair rinni.
1985] i cath gubach Gesilli;
a sain co cummair comse.
{MS folio 16a 50} bás tóesech na loechlongse. T.- A Christ ós clannaib cuimnig.
mac meic Flaind a laechLuignib; l^
1990] {MS folio 16b} a Rí na mblat is na mbreth.
is tú in t-abb is tu in tóesech. T.
Conmael mac Ébir cétrí Herend a mMumain. Ro briss .xxu.
for síl Herimóin. & baí .xxx. bliadan i rrige Herend. conid romarb
{MS folio 16b5}Tigernmass i cath Oenaig Macha. i ndígail a athar & a senathar.
1995] Is dó sein ro chan in senchaid.
- COnmael cétflaith a mMumain
os Herind bá himchubaid;
dorochair Ethriél dia deóin
& Ollach mac Ethrioil.
2000] Ro briss a llos chlaidib chróin.
for síl n-airdairc nHerimóin;
{MS folio 16b10} cath Éli. cath Berri bricc.
cath Slebi Betha bothbricc.
- {MS folio 16b} Cath Ucha. cath Cnucha chruim.
2005] cath Slébe mónaig Moduirn.
docer i cath Moduirn moch.
Sémrath mac airdairc Imboth.- Cath Clére. cath Cairn Móir mind.
i torchair Ollach Imrind;
2010] cath Locha Lén luath ro briss
for Mug Roith mac Mafemis.- {MS folio 16b15} Fri ré .xxx.at bliadan bil
ro giallad do mac Ebir;
dorochair i cath iar tain
2015] la Tigernmas mac nOllaig.- Na hEoganachta malle
Ciannachta Galenga Luigne;
Dál Caiss Hui Echach co n-aíb.
is iat sain clanna Conmail. Con.
2020] {MS folio 16b 20} Gabais Tigernmas mac Ollaig ríge iar tain. & brissis tri noí catha re cind bliadna for claind Ebir. Is leis tuctha cuirn ar tus i nHerind.
Is leis ro berbad ór ar tus i nHerind & dano tuctha datha for
etaige. & corthara. Is leis doronta cumtaige & brettnasa óir & argait.
{MS folio 16b 25}Iuchadan ainm na cerda ro berb in n-ór hi Fothrib Airthir Life. &
2025] baí .lxxuii. mbliadna i rríge Herend . & is bec naro dilgend claind Ebir frisin résin. Co n-erbailt i mMaig Slécht i mmórdáil Maige
{MS folio 16b 30}
Slecht. & teora cethramthana fer nHerend malle ris. ic adrad Chroim
Chróich. rígidail Herend. Conna térna amlaidsin acht
óenchethramthu fer nHerend ass. Unde Mag Slect.
2030] Is na ré tomaidm .uii. locha .i. Loch nAlinne. & Loch Cé la Connachta. & Loch nUair i mMide. & Loch Febail i Tir Eogain
{MS folio 16b 35}Loch Sílend i Cairpriu. Loch Gabur i mBregaib. & Daball i nAirgiallaib.
Teora dubaibne Herend .i. Fubna. Torand. i Kalland.
- TIGernmas mac Ollaig aird
flaith forin mBanba brethgairg;
.uii. mbliadna ar .lxx. dó
2045] i rrige for Gaedeló.- {MS folio 16b 50} Leis ro berbad is blad bind.
méin óir ar tus i nHerind;
uane gorm corcair malle
leis tucad for etaige.l^
2050] {MS folio 17a} Leis dorochair Conmal cain.
cétrí Herend a mMumain
.xxuii. ro bris
for claind Conmail Conganchnis.- Cath Elle ba holc a ord.
2055] i torchair in rí Rochorb
cath Lochmaige cen lemne
and dorochair Degerne- {MS folio 17a5} Cath Cuile Aird doss inn ag.
& cath Cuile Froechan.
2060] Fróechan mór in t-echt and sein.
cath Maige Techt. cath Commair.
- {MS folio 17a} Cath Cuile Athgoirt tiar tra.
cath Aird Niad la Connachta
cath Cairn Feradaig achtaig.
2065] cath Cnamchaille i Connachtaib- Cath Cuile Feda fáth ngle.
& cath cruaid Congnáige.
{MS folio 17a10} cath Tethba tend a meisce.
cath Cluana mín Murisce.
2070] Da chath Chuile lim malle.
cath Éle & cath Berre
& uii. catha ni gó
ic Loch Luigdech i n-oenló.- Da chath aile ma raclos.
2075] sinn oenúair i nArgetros;
tri catha for Firu Bolg.
cath for Erna nirb anord.- {MS folio 17a15} I n-amsir Tigernmais tall.
ro maidset .uii. lochmadmand;
2080] Loch nÚair i mMide mod ngle.
Loch Cé. Loch nAlinde- Loch Silend i Cairpriu chain.
Loch Febail i Tír Eogain
Loch Gabor in ríg ríaraig.
2085] maidm Dabaill i nAirgiallaib.- Madmand trí ndubaband and.
{MS folio 17a 20} Fomna Torand is Challand
i mMaig Slecht sin Brefni braiss
airdairc aided Tigernmais. T.
2090] {MS folio 17a} Fir Alban Lagin Leth Cuind
Clanna Luigdech i lLiathdruim;
Eogan. Clanna Conaill Chais
is iat sin síl Tigernmais. T.- Crist cosin mbríg cosin mblaid
2095] fortaill for cach ríg roglain.
{MS folio 17a 25} flaith .ix. ngrád n-adbal nime
Rí in talman co torthige. T.
Gabsat Sobairche & Cermna Find ríge nHerend .i. da mac Ebric
meic Ébir meic Ir .i. do Ultaib. cétríg Herend a hUltaib. Randsat
2100] {MS folio 17a 30} Herind ar dó. Cechtar de assa dún .i. Dún Sobairche & Dún Cermna. Is lasin Cermna darochair Eochu Étgudach i cath
Temra. Bátar .xl. bliadan i rríge. Dorochair Sobairche la
hEcaig Minn mac ríg Fomóire. Dorochair Cermna la Eochaig
{MS folio 17a 35}Find Faeburglas mac Conmail i cath Dúin Chermna. ut dicitur.
2105] Aided Sobairche na dún
la Eochaig Mind darin mur.
aided Cermna sin chath cass.
la Eochaig Find Faeburglass.- Dun Sobairche dian sluaglind
2110] rían go ruadrind fua remm;
telchaind fri muir móir maídim.
{MS folio 17a 40} erchaill aíbind ar Herind.- Archoin Emna diar mined.
dalthuir dremna fri dulad.
2115] co n-ímdaib calmaib caurad.
do rígnaib amraib Ulad- Áit i mbaí ind rigan rúanaid.
Cheltchair chuanaig cauir chéilig.
Findabair find a glégen.
2120] sech ba femen ba fennid
- {MS folio 17a 45} Fírinad fírmaith fodla.
díndliged ndinmaith ndelbda
mór fognítis róit romra.
dún i mbitis óic Emna.
2125] O lotar Ulaid úate.
túate triath di maig thriata;
tartsat a firmoing féta
ros gabsat rigdroing riata.- Rígrad rogaide rádim.
2130] silblad Chonaire chaemseing;
{MS folio 17a 50} cland iar fír feib adfeidim.
ríg ro gab Herind oíbind- Uair is Patraic ro forcan
is friss daldait a torcrad.
2135] ro altaig beirt co mbalcblaid
do macaib Eirc is Olcan.- Uair rus bennach mac Calpraind.
fosfuair tellach dia degclaind;
raith co lleithet uas luchtlind.
2140] go bráth nis trefit echtraind.- Sobairche sluagach slegda
tualaid telaigthe Temra
rannta leis bruig bind Banba
fri cing calma fri Cermna. l^
2145] {MS folio 17b} Co fail an dún dilend
ergna rún rethaib remend
uas tuind tibrig fria tóraind
sund for dib n-imlib Herend- Is Dún Sobairche slegach.
2150] helad féraigthe Ulad
dún Cermna nad chress celar.
tess for muir medach Muman.
- {MS folio 17b5} Maithi di ríg dorímim.
flathi fír feib adfeidim
2155] go tadgbríg roptar tualaing
robdar arddig ar Érind- Ed rí amsir áig indua.
Nuadat Fáil fine Temra;
ranta a gelaigthe glanda.
2160] eter Sobairche is Cermna.- Is cían taidbsiu a córad.
cían ría n-amsir Mac Miled;
{MS folio 17b10} for ar firu feib adfiadar
ro giallad an drong duned. D.
2165] Adram Ríg gel gréne
cond mo chéille cét rúne;
ro sern cach rath cach rige.
ro delb díne cech dune. D.
Gabais Eocho Faeburglas mac Conmail rige Herend. & is e
{MS folio 17b15}
2170]
ro bris cath Luachra Dedad & cath Fossaid da Gort. & cath Commair Tri nUsce. & cath Tuamma Drecon. cath Dromma Liathán.Is
and dorochair Smirgoll mac Imbotho meic Tigernmais. Ro slechta
{MS folio 17b 20}
.uii. maige leis. .i. Mag Smerthach la Hu Falge. Mag nAidne &
Mag Luirg la Connachta. Mag nEmir & Mag Lemna & Mag Fubna &
2175] Mag Da Gabul la Airgialla. in sein. Dorochair Eochaid la Fiachaig Labrainne mac Smirguill meic Smertho meic Enbath meic
{MS folio 17b 25}Tigernmais i cath Charmain i ndigail a athar. Unde poeta
cecinit.
- {MS folio 17b} EOcho Faebor na fene.
2180] nirbo baegul da díne;
ro chaith hua Ébir iarum
.xx. bliadan i ríge.- Dia láim docer cen lesce
Cermna Fáil find a thuicse.
2185] & Imboth hua Ollaig
{MS folio 17b 30} i cath Chommair Tri nUsce.- Cath Fossaid dá Gort curad.
cath Tuamma Drecon dreman;
for Smirgoll cona thuatha.
2190] ro bris cath Luachra Dedad.- Docer re Eochaid uathmar
hua Tigernmais na triathlam;
mac Imboth Smirgoll somma
{MS folio 17b 35} i ndebaid Dromma Liathán.
2195] Ro slechta leis co slemne
.uii. maige certa cuibde;
Mag Smerthach la Hú Falgi
Mag nAidne. Mag Luirg. Mag Luigne- Mag Lemna & Mag nÉnir
2200] Mag Fubna find a forod.
ri mac Conmaíl co nglaine
ri táeb Maige Da Gabol.- {MS folio 17b 40} La mac Smirguill co n -áne
Fiacha Labraind co lleire.
2205] docer a fríth a baegul
Eochu Fáebor na féine. E.
Gabais Fiacha Labraind mac Smirguill meic Enboth meic
{MS folio 17b 45}Tigernmais ríge Herend. Is na amsir tomaidm Fleisce & Manne
& Labrainne. Fích cath for fairge fri claind Ébir. Fich cath
2210] Gatlaig i torchair MaFemis mac Echach Faeburglais. Fích cath for
2215] FIacha Labraind láech
ní samlaim fri cách
leis ro gaet co daith
Eocho flaith na fáth- Ro thatlaig tria cheilg.
2220] i cath Gatlaig gairg
{MS folio 18a5} mac Eochach inn airm
Mafemis ainm n-airg.- Gegna lais i cath
Ernai aird a chloth;
2225] robo deithbir daith.
diar memaid in loch.- La Mómo nach máeth
docer in láech líath;
trí ocht mbliadan bláth
2230] ro riarad re Fiach. F.
{MS folio 18a10}Gabais Oengus Olmucaid mac Fiachach rige nHerend. & ro
bris Cath Clere. & cath Cuirche & cath Slebe Calge .i. i crích Corco
Bascind for Martiniu ro brissed. Cath Glasse Froecháin i torchair
{MS folio 18a15}Froechán fáid. & ro bris .l. catha for Cruthentúaith. & for Firu
2235] Bolg. & da chath déc for Longbardu & .iiii. catha for Colósib. Cath Cúle Ratha i nDesmumain for Marthu. & cath Cairn Richida
for Marthu béus. & cath Sleibe Cua for Ernu. & cath Ardachaid i
{MS folio 18a 20}
torchair Smirgoll mac Smértha rí Fomore. Is na amsir tomaidm
Locha Oenbethe la Hu Cremthaind & Locha Sailech & Locha Cassan
2240] & Murbrucht eter Eba & Ros Céte la Hú Fiachrach. Ro slechta .uii. maige lais .i. Mag nOensciad la Lagniu. Mag Glinni Dechon
- Oengus Olmuccaid amra.
robo rí don roBanba;
{MS folio 18a 30} .uii. mbliadna fo thrí cen tnú.
iar marbad Echach Múmu.
2250] Maith in rí roga flatha.
rias róímid .c. crúadchatha.
ri táeb in choicat co rath
ro bris for firu Alban.- Ro bris da chath déc iar tain.
2255] i lLetha for Longbardaib
ria nOengus Macha cen baís.
cethri catha for Colaís.- {MS folio 18a 35} Cath Clére. cath Cuirche cais.
cath Slébe Cailce celtbrais;
2260] cath Rois Fraecháin rinnib ga
& cath Cairn Ríchida.- Cath Cuili Ratha. cath Cua.
for Ernaib ní scel scíathgua;
cath Ardachaid ard a bla.
2265] i mbíth Smirgoll mac Smertha.- Tomaidm .iiii. loch for leth.
Loch Oenbethi. Loch Sailech.
{MS folio 18a 40} Loch Cassán Murbrucht mod gle
eter Eba is Ros Céte.
2270] Ro slecta .uii. maige leis.
Mag Glinni Dechon drechdeis;
Mag Mucrima monor cían.
Mag Cúli Cael Mag nOenscíad.
- {MS folio 18a} Ailmag Mag ar Caill na clad.
2275] & Mag Luachra Dedad.
riasin caemdos co cét rath
uile ri Oengus nÓlach. Oengus.
{MS folio 18a 45}Dorochair trá Oengus Olmucaid la Enna nAirgdech mac Echach don Mumain i cath Charmain. Unde poeta cecinit.
2280] OEngus Olmucaid atbath
rod marb Énna mac Echach
i cath Charmain cetaib cend
i mbatar amrai Herend.- Enna ba flaith Fail co fraig
2285] {MS folio 18a 50} é ro dáil do Gaedelaib;
eich & carpait raclos
scéith argait i nArgetros.- Apraid a aided iar mbuaid
for maigib Raigne rorúaid;lstrok
2290] {MS folio 18b} la Rothechtaid raen Rossa
la mac Máen meic Fergossa.- Ba ri Gialchad gualu in gráid.
diarbo mac Nuado Find Fáil.
ba rí Sirna mac Déin dail
2295] & ba rí Rothechtaid.- Ro acht Nuadu nert cen raind,
{MS folio 18b5} ro smacht slúago síl Bregaind.
cid fí féigseng fíal mod
ba rí Herend a oenor. O.
2300] Iar sain tic díne nUlad
ro gabsat rige rubach;
leo ro rímed rigda tor.
mag Mac Miled a n-oenor. O.
- {MS folio 18b} Cretem in Trinóit treoda.
2305] Rí cach rígroit rodeoda
fail baí bias fri cach ler
is dias is triar is oenfer. O.
{MS folio 18b10}Gabais dí Enna Airgdech ríge nHerend. Is leis darónta scéith
airgdide i nArgatros. & dorat do airechaib Herend. & baí .xxuii.
2310] mbliadna i rrige Herend co torchair la Rothechtaid mac Máen meic Oengusa Olmucada i cath Roigne.
{MS folio 18b15}Ba rí Rothechtaid dano fri ré da bliadan ar .xx. conid romarb Setna Airt mac Airt meic Ebir meic Ír do Ultaib i Cruachain do chommairge a meic .i. Fiachach Finscothaig.
2315] Baí Setna .u. bliadna i rrige Herend conid romarb a mac iar tiachtain don longais. i Ráith Chruachan.
{MS folio 18b 20}Gabais Fiacha Finscothach mac Setna Airt meic Airt meic Ebir meic Ír meic Míled ríge nHerend iar marbad dó a athar féin. & do Munemon mac Cais Clothaig a mMumain.
2320] Bai Fiacha .xx. bliadan i rríge. Scotha fína inna flaith co {MS folio 18b 25}fásctís i llestraib glaine. Dorochair iar sain la Munemón.
Gabais Munemón rige nHerend fri ré .u. mbliadan Is leis ro tinscantá munceda óir fo braigtib doene i nHerind .i. muin maíne .i. maíne fo munelaib. Co n-erbailt de tham i nAidniu.
2325] {MS folio 18b 30} Gabais Aildergdóit mac Munemóin meic Cais Clothaig meic Airir Arda meic Rothechta meic Rosa meic Glais meic Nuadat
Declaim meic Echach Faeburglais meic Conmáil meic Ebir meic
Miled. Is na amsir batar falge óir im dóitib. Dorochair la Sín
{MS folio 18b 35}mac Déin. ut quidam dicunt. l^ is la Ollomain Fotla mac Fiachach
2330] Finnscothaig dorochair i Temraig. quod uerius est.
Ollam Fotla mac Fiachach Finnscothaig i rríge iar tain fri re
.xl. bliadan. Is uad ainmnigther Ulaid .i. Olléith ó Ollomain. amp
{MS folio 18b 40}
is leis cetna dernad Feis Temrach. & is aici darónad Múr nOlloman
hi Temraig. & ro gab seisiur dia chlaind ríge Herend cenech eturru.
2335] & éc a óenur atbath ina múr.
Finnachta mac Olloman snechta fína baí inna flaith. Do thám {MS folio 18b 45}atbath i mMaig Inis la Ultu. xx. bliadan dó i rríge.
Slánoll mac Olloman ní baí galar inna flaith & ni fes ca galar
rodnuc. acht a fagbáil marb. sech nir sáe dath. nira lob a chorp.
2340] {MS folio 18b 50} & tucad a talmain lia mac la Ailill dia fis i cind .xl. bliadan.
Gabais Geide Ollgothach mac Olloman ríge Herend ba binnithir {MS folio 19a}téta mendcrott l^ guth & amor cach duine inna flaith.
Is leis conróttacht Dún Culi Sibrilli .i. Cenannais. Iss ed tucad
bó cendfind Herend leis. Dorochair tra Fíac la Berngal mac Géde
2345] i ndigail a athar féine.
{MS folio 19a5}Gabais Berngal mac Géde rige nHerend. Is na remis luide ith a Herind ar immad in chocaid. & dorochair iar tain la Ailill mac Slánuill. Gabais Ailill mac Slanuill iar tain co torchair la Sirna mac Déin. meic Denuil. Is desin ro chan Ferchertne.
2350] {MS folio 19a10} OLlom Fotla fechair gal.
dororaind Múr nOlloman
cetna rí ruanaid
lassi ndernad feiss Temrach.- .L. bliadan ba ceól bind.
2355] baí i n-ardríge for Herind;
conid uad fri sáere son.
gabsat Ulaid ainmnigod.- Gabsat sé ríg réim co nghail
for Herind ó Ollomain;
2360] {MS folio 19a15} da cét .x. mbliadan balc tnú
ni thuthchid nech eturru.- Fínnacta Slánoll co rath.
& Geide Ollgothach;
Fiacc. Ailill armgáeth co rrath.
2365] & in badblaech Berngal- Ba hOllom ardu can ail.
mac féig Fiachach Finscothaig
uasli cach rí rígda a drech
do chlannaib Ír meic Miled.
2370] {MS folio 19a} Mórchland Rudraige rad ngle.
curaid chroda Chraebruade;
asa inud úall ros gab
iss é ciniud Olloman. O.- Labraid Longsech lór a lín.
2375] ro hort Chobthach i nDind Rig;
co slúag láignech dar lind lir.
dib ro hainmnigthe Lagin.- {MS folio 19a 25} Eocho Mumo mó cech breis.
rí Herend mac MaFemis.
2380] is uad ainm Muman cen mair.
ainm Ulad ó Ollamain. O.
Sirna tra mac Dein meic Demail meic Rothectaid meic Maín
meic Oengusa iss e ro scar flathius Ulad ri Temraig. & is é ro
{MS folio 19a 30}
diglastar Rothectaid mac Maín senathair a athar forro. Is é in
2385] Rothechtaid ro marbsat Ulaid i fill hi Cruachain. Dorochair Berngal la Sírna mac Dein ind sin. maróen & Ailill. & dorochair
{MS folio 19a 35}leis Ailill iar tain. Is é Sírna baí .c. bliadan i cocud for Ulto.
Gabais ríge iar tain. is é ro bris cath Aircheltra for Ulto. & cath
Sleibe Airbrig. & cath Cind Duin i nAsul. & cath Móna Foíchnig la
2390] Hú Falge for Martinu & for Érnu. Is na amsir slógad ar tus i {MS folio 19a 40}
nHerind. & is na amsir cath Móna Trogaide i Ciannacht .i. Lugáir
mac Lugdoth tuc leis Fomórchu dar Herind.
Ro thinolsat fir Herend do chath fri Lugáir co Móin Trogaide.
In tan batar oc slaide in chatha dofurmi tám forro co n-apthatar
2395] {MS folio 19a 45} fir Herend and. & co n-erbailt and Lugóir & Ciasarn rí Fomorach. & rí Herend Sirna. ut quidam dicunt. Acht atberat araile eólaig
is i nAlind dorochair la Rothechtaid Rotha mac Roain. quod
uerius est.
Is do hein ro chan in file so sís.
2400] {MS folio 19a 50} SIRna sáeglach sáer in flaith
.l. ar .c. bliadan bithmaith;
a sáegol fo chorthair cain.
co torchair la Rothechtaid.l^
- {MS folio 19b} Tomaidm Scirtige na ré.
2405] & tomaidm Duailte.
na ré ro mebaid immach
Níth nemide nemannach- I n-amsir Sirna meic Déin.
tinscanad slogad slatréid;
2410] ruc cách de chrích Mide immach
fri huct fine Fomorach.- {MS folio 19b5} Ro fích Sirna srethaib ga.
cath Cind Dúin. cath Aircheltra.
cath Mona Foichnig fáth bil
2415] na da chath i Sléib Airbrig.- Airdairc and in cath aile
ro gniad for Moin Trogaide;
i torchratar na tolaib
fir Hérend is Fomóraig.
2420] Ro thuitt Lugáir mac Loga
ic imthríall na himgona.
{MS folio 19b10} & Ciasarn cen trot tra.
maith is nirb oll la Sirna. S.
Item de eodem.
2425] Cath Móna Trógaide tair
i torcratar Fomóraig;
hé dorat con tulaig thind.
Lugóir mac Lugdach Lamfind.- {MS folio 19b15} De atá Moin Trogaide tend.
2430] trogaide aitte óc nHerend
& Fomorach tall tra.
cen imbualad n-ardchatha. C.
- {MS folio 19b} In sluag tánic don chath chlé.
cechtar de na da lethe;
2435] nirid gonsat gai gaile
marba for Moin Trogaide.- Ciasarn mac Dorcha co ndath.
ba rí fine Fomorach
{MS folio 19b 20} tánic dar Mumain ammaig
2440] ra Lugair i cúic cathaib.- Cath Luachra. cath Clare cain.
cath Samna. cath Cnuicc Ochair;
in cuiced cath can chaire.
cath mór Móna Trogaide. C.
2445] Dorochair tra Sírna la Rothechtaid i nAlind. Baí Rothechtaid {MS folio 19b 25}Rotha .uii. mbliadna i rrige nHerend coro loisc tene geláin i nDún
Sobairche. Is leis arricht carpat cethri n-ech i nHerind ar tús.
Gabais Ellim Ollfínsnecta ríge Herend oenbliadain co torchair la Giallchath mac Ailella Olchaín meic Sírna.
2450] {MS folio 19b 30} Gabais Giallchath ríge fri ré .ix. mbliadan tuc giall cach cóicfir a mMumain Co torchair i mMaig Múade la Art Imlig mac
Ollfínsnechta.
Gabais Art Imlig ríge Herend da bliadain déc. & ro classa .uii. ndúine leis. Conid romarb Nuadu Find Fáil mac Giallchatha.
2455] {MS folio 19b 35}Baí Nuadu Find Fáil .lx. bliadan i rríge Herend. Dorochair la Bress Nuado Rí mac Airt Imlig.
Gabais Bres rige & ro bris ilchatha for Fomóri co n-erbailt i Carn Chonlúain.
Eochu Apbthach de Chorco Laigde oenbliadain i rrige iar tain.
2460] {MS folio 19b 40} tám cach mís inna flaith .i. da thám déc sin bliadain. Dorochair Eocho la Find mac Blatha meic Labrada Condilg meic Corpri
meic Olloman Fotla. l^ combad de thám atbailed.
Gabais Find mac Blatha ríge fri ré .xx. bliadan co torchair la {MS folio 19b 45}Setna Innarraid mac Bresse a mMumain. Setna Narrad mac
Simón Brecc mac Aedain Glais meic Nuadat Find .ui. bliadna {MS folio 19b 50} i rrige Herend. Co torchair la Duach Find mac Setna Innarrad.
Duach Find .x. mbliadna conid romarb Muridach Balgrach mac
2470] Símoin. l^
{MS folio 20a}Muridach mí & bliadain dó i rrige co torchair la hEnna nDerg mac nDuach.
Enna Derg dá bliadain dec dó i rrige co n-erbailt de thám i Sléib Mis co sochaide móir imme.
2475] {MS folio 20a5} Lugaid Iardond mac Énda .ix. mbliadna i rríge co torchair la Sírlam i rRaith Clochrain.
Sírlám mac Find .xiii. bliadna i rrige conidro marb Eocho Uairchess mac Lugdach. Rosaiched a lám lár & sé na sessom.
Eocho Úairches dí bliadain déc i llongais for muir. is aire
2480] {MS folio 20a10} atberar Úairches de. for innarba ro bai ó Sirlám. Dá bliadain déc aile dó i rríge co torchair re maccaib Congail meic Lugdach
Cál .i. Eochu & Conaing Becfiaclach. Atá debi ocna senchaidib
immon dísseo. las torchair Eochu Uairches .i. Eochu Fiadmuine
{MS folio 20a15} & Conaing Bececlach. Atberat araile is mac do Chongal Eocho &
2485] is mac Duach meic Muridaig meic Símoin in Conaing Bececlach. & iss inund mathair dóib & in tEochu Uairches mac Lugdach.
Eochu & Conaing coic bliadna i comflaith indara leth d'Eochaig {MS folio 20a 20} & in leth aile do Chonaing .i. in leth tuascertach do Chonaing. Dorochair Eocho Fiadmuine la Lugaid mac Echach Uaircheis.
2490] Lugaid .uii. mbliadna co torchair la Conaing mBececlach.
Conaing Bececlach .x. mbliadna dó i n-ardríge na Herend. Is {MS folio 20a 25}aire atberthé Bececlach uair ni thánic úair n-ómain l^ ecla dó ríam. Conid romarb Art mac Lugdech.
Art mac Lugdech meic Echach .ui. bliadna i rrige Herend Co
2495] torchair la Duach Ladraig mac Fiachach Tolcgraig. & la Fiachaig feisen.
Ailill Find mac Airt .ix. bliadna i rrige co torchair la Argatmár {MS folio 20a 30} & la Fiachaig & la Duach mac Fiachach immalle.
Fecta cath eter Argatmár & Fiacha Tolcrach i nÓenuch Thalten.
2500] co rroímid for Argatmár. Fechta cath eturru i mBregaib co torchair Fiachra Tolcrach sin chathsin.
{MS folio 20a 35}Tinolait fir Muman iar sein im Echaig mac Ailella Find & im Lugaid mac Echach Fiadmuine & im Duach Ladrach co síl Herimóin. & innarbsat Argatmár dar muir ri ré .uii. mbliadan.
2505] {MS folio 20a} Eocho mac Ailella Find frisin resin i rrigi Herend co toracht {MS folio 20a 40}
Argatmár dar muir & co nderna síd ri Duach Ladrach co torchair
leo Eochu i nOenuch Áne.
Argatmár .xxx. bliadan iar tain i rrige co torchair la Duach Ladrach & la Lugaid Laídech. mac Echach
2510] Duach Ladrach i rríge iarum .x. mbliadna conid romarb Lugaid Laídech.
{MS folio 20a 45}Lugaid Laídech .uii. bliadna dó i rríge co torchair la Áed Ruad mac Bóduirn meic Argatmair.
CID dia tá Emain Macha. Ni handsa. Trí ríg bátar for Herind
2515] i comflathius. Do Ultaib dóib .i. Dithorba mac Dimmáin a hUsniuch Mide. Aed Rúad mac Báduirn meic Argaitmair a Tír
{MS folio 20a 50}
Aeda. Cimbaeth mac Fintain meic Argatmair a Finnabair Maige
{MS folio 20b}Inis. Doniat córa iarum na rígsin. l^ .uii. mbliadna cach fir dib i
rríge. Trí secht mbliadan Rátha eturru .uii. ndruid .uii. filid
2520] .uii. n-ócthigirn. Na .uii. ndruid dia rímsad tria brictu. Na {MS folio 20b5}.uii. filid dia nglámad & dia n-erfuacra. Na .uii. toísig dia guin &
dia loscud meni fácbad in fer díb in ríge i cind .uii. mbliadan. Co
comet fir flatha .i. mess cacha bliadna & cen meth rúamna cech
datha & cen mna d'écaib de banaidid. Timchelsat teora cúarda
2525] {MS folio 20b10} cech fir díb i rríge .i. lxui. Aed Ruad trá atbath díb ar tús .i. bádud ro báded i nEs Ruaid. & co tucad a chorp issin sídsin. Unde
Síd nÁeda & Ess Rúaid. Ní fargaib in tAedsin claind acht oeningen
.i. Macha Mongrúad. a hainmside. Conattaigside sel a hathar don
{MS folio 20b15}ríge. Atbert Cimbaeth & Dithorba ni thibertaís rige do mnaí.
2530] Fechta cath eturru. & maidid in cath re Macha. Dorumalt .uii. mbliadna i rrige. Dorochair Dithorba i Corund foíside.
{MS folio 20b 20}Forácaibside cóic maccu maithe .i. Baeth. & Bras. Bétach &
Uallach & Borbchas. Conatchetarside ríge. Atbert Macha na
tibred dóib ar ní ó ráthaib tuc. acht a rroí chatha ar écin. Fecta
2535] cath eturru. Brissis Macha in cath for maccaib Dithorba. Co {MS folio 20b 25}fargaibset ár cend aicce. Coro chuir iat ar innarba iar tain i
ndíthrubaib Connacht.
Tuc Macha iar sain Cimbaeth chucci do chéile di. & do thaisigecht a amsaige imme. O ro batar oentadaig trá Macha & Cimbáeth
2555] {MS folio 21a}Cóic bliadna ar .cccc. ria ngein Christ. & .l. bliadan aile ar .cccc. l^ ó gein Crist co turscur Emna Macha dona tri Collaib iar mbrissiud
chatha Achaid Lethdeirg i Fernmaig. i torchair Fergus Foga mac
Fraichair Fortren tiugflaith Ulad. i nEmain Macha. Is dó sin
{MS folio 21a5}ro chan in suí senchasa.
2560] A Emain idnach óebind
asa fidrad adfeidim.
is mór ndíne dit gualaind
ro gab ríge for Herind.- A suidech úabair ethrach.
2565] na ruirech ruanaid rathmar;
at clúm claisse co clothblad
a múr masse meic Cathbad- {MS folio 21a10} Ba cathir cairptech curad.
tailach airgnech nac umal;
2570] bát tain techúaibrech taiged.
la slúag n-etualngech Ulad.
- {MS folio 21a} O ratchloss fó chlú domurni.
rotchloss co Troí tar taburm;
lonaichi múaid don Moduirn.
2575] la ingin Ruaid meic Baduirn.- {MS folio 21a15} Da mbátar na ríg rádim.
fri fátal fír adfedim;
ba drongdáthius drong ndígaind
dia mboí comflathius for Herind.
2580] Is ferr tuirem na rígsain.
sel for suidig na slógsain;
sluindem tre glanband nguidech.
anmand na ruirech mórsain.- Mac Dímain ba deilm ndindgna.
2585] {MS folio 21a 20} art co fíraib feidm febda;
gai fris fri sidcolba samla.
diarbo ainm Dithorba delbda.- Ruad mac Baduirn ba d'Ultaib.
nuall cach glanuill co cintaib;
2590] nirb ingáeth ar aí in chentair.
cid Cimbaeth mac Fintain.- Flathius Fúait foentait córaid.
for óraib iar cuairt cáemil
{MS folio 21a 25} nirbu chlé fri recht fianna
2595] ré secht mbliadna cach oenfir.- Ataigtis ratha airib.
secht n-airig ata inir;
ba dluth re recht remib.
sech ndrúith & secht filid.
2600] Im fír flatha do chomol.
cech ríg fri ratha rogud;
im síd gen úath.
go mbíd cach tuath fo torud.
- {MS folio 21a} Trebsat Temair tírig.
2605] trí rígfir forsnar roemid;
timchellsat flaithius Fotla.
trí cuardda cach oenfir.- Bá marb Rúad réided chrecha.
huall betha badb cach catha;
2610] ni fargaib na inud
nech dia chiniud acht Macha.- Macha go n-úaill go n-aéitid.
ingen Ruaid rád co n-étid;
{MS folio 21a 35} gabais dar díne dedeng.
2615] rige nHerend ar écin.- Nidat roí in rígraid ratha.
na amsir firglain flatha
nirbo buaid fo broi bratha.
conda roín a rroí chatha.
2620] Tuc cucci in finnael fallais.
Cimbaeth gan churu commais.
cóic meic Dithorba ind indailt.
ra himmacht for longais.
[...]
Cimbaeth trá cétflaith Emna Macha .xxuiii. a flaith. i nEmain
2625] atbath Cimbaeth. Unde poeta:
- {MS folio 21a 40}Cimbaeth cleithe n-óc nEmna
ro gab tír torach Temra;
cele Macha méit ualle
cond catha na Craebruade.
2630] {MS folio 21a 45} Cia ro class la Macha múaid.
la ingin n-aird nAeda Ruaid;
Emain etraith orba laech
ba hé a cetflaith Cimbáeth.
- {MS folio 21a} Cluinet senchaide for selba.
2635] a Ultu ána Emna
anmand for ríg rointe tor
o Chimbaeth co Conchobor.- {MS folio 21a 50} Cimbaeth mac Fintain don Maig.
Eocho Emna Eolochair
2640] Umanchend mac Corrain caín
Conchobor Rot mac Cathair.l^- {MS folio 21b} Fiacha mac Feidlimthe fó.
& Dáire mac Forgo;
Enna mac Ratha ní rom.
2645] & in Fiac mac Fiadchon.- Findchad mac Baicc asa brí.
Conchobor Mál mac Futhi;
Cormac mac Loíthig ros gab
la Mocta mac Murcharad
2650] {MS folio 21b5} Eocho mac Dáre din róth.
Eocho Salbuide mac Lóc;
Fergus mac Leite co rath.
Conchobor cáem mac Cathbath.- Cethri chet bliadna brassa
2655] adfét cach suí senchassa;
fot a flatha na fer ngaeth.
ó Chonchobur co Cimbáeth. C.- Macha diarbo Themair tech.
las class Emain étualngech
2660] {MS folio 21b10} ro dedaig díne na láech
reraig ríge ria Cimbaeth. C.- Cethri chét coíca bliadna.
adfét cach suí saerchialla
cia nós fegaid fri gním gaeth.
2665] cor genair Crist iar Cimbaeth. C
- {MS folio 21b} Fergus Foga fubaid gail.
tiugflaith Ulad i nEmain.
cóiced rí déc dedail dron.
gab Emain iar Conchobor.
2670] {MS folio 21b15} Cath tri Colla for Fernmaig
iar tiachtain dóib a Temraig.
i ngáet iar cloithib a chiúil
Fergus mac Froichir Fortriúin.- Fás Emain Fáil niros corb.
2675] marbtha rí rointe rígborg;
ré .ui. mbliadna bil
ón chath chían co cretim.- .IX. cét mbliadna cen bunad re.
ráid fri cialla Craebrúade.
2680] {MS folio 21b 20} co Fergus Foga ba laech
o baí cing co mbae Cimbaeth. C.- Dia mbai Macha milib láech.
i Temraig & Cimbaeth;
do thuaith Temra tír iar sein.
2685] cia díb diarbo chomamser.- Ó amsir Nuadat Find Fáil.
co hamsir Ugaine Máir;
ro chlóe i ngediu cach smacht.
co mbuí Heriu i córadacht.
2690] {MS folio 21b 25} Duach Ladrach lethan gair
athair ind Echach Buadaig;
ba hé cen gormríge gáeth.
ba comdine do Chimbaeth. .C.- Diar ort Labraid luithe sleg
2695] i nDind Ríg for Cobthach Cael Breg;
lll. bliadna ní báeth.
ba céim ciana iar Cimbaeth. C.
{MS folio 21b}Is é in Cimbáethsin tra ro ail Ugaine Már mac Echach.
{MS folio 21b 30}Macha im baí .uii. mbliadna i flathius iar Cimbáeth co torchair
2700] la Rechtaid Rigderg mac Luigdech meic Echach meic Ailella Find meic Airt meic Lugdech Lámdeirg meic Echach Uairches.
{MS folio 21b 35}Gabais Rechtaid Rigderg rige Herend .xx. bliadan conid romarb Ugaine Mór dalta Cimbaetha & Macha. Is é ro marb Rectaid Rigderg i ndígail a mummi.
2705] Iar sin tra scristair flathius Ulad o Themraig.
Gabais Ugaine Mór mac Echach Buadaig ríge Herend & Alban
{MS folio 21b 40} & co Muir nIcht. & tuc ingin ríg Franc do mnaí .i. Cessair Chrothach
ingen rig Franc. & ruc sí coiciur ar .xx. do chlaind dó .i. da mac ar
.xx. & teora ingena. Atberat araile co ngabad Ugaine rige Europa
2710] {MS folio 21b 45} uile. & rannais Herind i cóic rannaib fichet .i. Cobthach Cael Breg i mBregaib. Cobthach Murthemni i mMurthemne. Loegaire Lorc i
Life. Fuilliu i Feib. Ailbe i mMaig Ailbe. Roigne i mMaig Roigne.
Cingiu i nArgetros. Nár i mMaig Náir. Narb i mMaig Nairb. Faife
{MS folio 21b 50}
i mMaig Femin. Tairr i mMaig Tharra. Tríath i mMaig Threithniu.
2715]
{MS folio 22a}Mál i Clíu Máil l^ Sen i Clochair. Bard i Clúain Corco Óche. Fergus Cnai i nDesib Tuascirt Oce i nAidniu. Máen i mMáenmaig. Sanb
i nAíu. Eocho hi Seólu. Corand i Corund. Laeg i lLine. Lathar i
{MS folio 22a5}lLatharnu. Marc i mMide. Muiresc i mMaig Murisce. Baí trá
Heriu forsin raindsin tri chét mbliadan co tancatar na cóicedaig
2720] .i. Conchobor & Cú Ruí & Eochu mac Luchta & Ailill mac Mata. Is do sin ro chan in senchaid.
- UGaine uallach amra
uas bruig buadach Banba;
{MS folio 22a10} randsat a chlanna go cert
2725] i cóic ranna ar fichet.- Cobthach Cóel Breg for Bregaib.
Cobthach Murthemne medaig;
Lóegaire Lorc i lLifi.
Fuilliu i Féib nir chlithi.
2730] {MS folio 22a} Náirne i mMaig nemnech dú.
Fer Rogen i Roigniu.- Tarrus i mMaig Tharra fri nú.
& Triath i Treithirníu;
{MS folio 22a15} Sine i lLuachair luaded gle.
2735] Bard i Cluanaib Corc Oige- Fergus Cnai i crích Déise.
Ord i nAidne ardglese;
Móen i mMóenmaig go méit nirt.
Sanb i mMaig Aí airdairc.
2740] Muridach Mál i Clíu Máil.
Eochu i Seólmag seol saergraid;
Lathru for Latharnu for leth.
Mairc for Mide Mac Miled.- {MS folio 22a 20} Laeg i lLiniu lígda a dath
2745] mac Ugaine meic Echach;
randsat in tir ro techt.
na da rigset ar fichet.- Áine. Faífe find a ngné.
Mairisci for Maig Murisce.
2750] alle imgela fó llí
teora ingena Ugaini.- Sé ranna Herend anall.
dia mboí oc Tuathaib De Danand;
iar sain ro rímed fond Fáil
2755] ra Maccu Miled Espáin.
- {MS folio 22a} Rand trí n-ua nDagdai ro leth.
& rand tri n-úa Miled.
rand Sobairche & Cermna find.
boí .c. mbliadan ar Herind.
2760] {MS folio 22a 25} Rand na coicedach mc cuill.
rand Moga Nuadat & Cuind;
uaisliu cach rand uair ba rí.
ros rannsat meic Ugaini. U.- Trí chet bliadan buan ind ail.
2765] go tancatar coicedaig;
coiced gan chredim i crí
randsat Herind Ugaini. U.- Ni fuil a síl sontach se.
acht Cobthach & Loegaire;
2770] go Tibir toglaig Nath Í;
cinid fodlaig Ugaini. U.- {MS folio 22a 30} Eochaid hua Flaind fuair cach recht.
ro fúaig in senchass sáerchert;
suí go sodithdaib ségda bí.
2775] sil Cobthaig meic Ugaini. U.
Docer Ugaine la brathair féin .i. la Bodbchad mac Echach i Telaig in Choscair i mMaig Maireda i mBregaib.
{MS folio 22a 35}Ni fargaib trá nech de chlaind Ugaine claind acht Cobthach
Cael Breg & Laegaire Lorc. & da ingin forfacaib Fergus Cnai .i.
2780] Maer & Medan .i. Maer mathair Echach meic Lucta. & Medan rod n-alt
Sed hoc esse uerum temporum longitudo non patitur.
{MS folio 22a 40}Is o Chobthach tra cetheora fine Temrach .i. Colmán. & Aed
Sláne. Conall & Eogan & teora Connachta. & noí trichait cét in
2785] cach raind. & .ix. trichait cet Airgiall & .ix. trichait cet na nDési. & Fothairt & Éraind & Albanaig & Dál Ríatai & Dál Fiatach .i. rigrad
{MS folio 22a 45}Ulad. Baí Cobthach .l. bliadan i rrige Herend & ro marb húa
a brathar é .i. Labraid Longsech.
{MS folio 22a}Loegaire Lorc im féin is é ro gab ríge nHerend iar nUgaine Mór
2790] coro marb Cobthach Cael Breg é tria mebail. & dano ro marb {MS folio 22a 50}
in Cobthach cetna a mac in Loegairesin .i. Ailill Áne. & ro innarb
Labraid Longsech mac Ailella meic Loegaire Luirc dar muir. co
nderna síd fris. i cind tríchait bliadan & co tarat coiced Galián
dó .i. Lagin. Is ó sein ille atá cocad eter Leth Cuind & Lagniu.
2795] {MS folio 22a 55} Dorochair tra Cobthach Cael Breg i nDind Ríg & xxx. ríg imbi adaig notlac mór la Labraid Longsech i ndígail a athar & a
{MS folio 22b}senathar. l^ .uii. mbliadna & ccc. bliadan ond aidchisin cossin aidche
inro genair Crist i mBethil Iuda.
Gabais Labraid Longsech ríge nHerend fri ré .xix. mbliadan.
2800] {MS folio 22b5} Baí digal for clainn Cobthaig i n-amsir Labrada Longsig. Co torchair Labraid la Melge Molbthach mac Cobthaig.
Gabais Meilge ríge Herend. Is uad ainmnigthir Loch Melge i Corpriu. In tan ro class a fert is and ro mebaid in loch fo thír. Dorochair Melge la Mac Corb mac meic Labtada a mMumain.
2805] {MS folio 22b10} Sé bliadna do Mac Corb co torchair la hOengus Ollam hua Labrada.
Oengus Ollam .xuiii. i rrige Herend co torchair la Irireo mac Meilge.
Gabais Irireo mac Melge rigi fri re .uii. mbliadan co torchair i
2810] {MS folio 22b15} nUltaib la Fer Corb mac Moga Corb. Dorochair Fer Corb la Condla Cáem mac Iarireo.
Conlaeth .iiii. bliadna co n-erbailt i Temraig.
Ailill Casfiaclach mac Conla .xxu. i rrige Herend conid romarb Amadir Flidais Foltchaín.
2815] Amadir mac Fir Chuirb .u. bliadna i rrige Herend co torchair la Echaig Altlethan.
{MS folio 22b 20}Eocho Altlethan .xi. co torchair la Fergus Fortamail.
Fergus Fortamail .xii. co torchair la Oengus Turmech Temrach.
Oengus Turmech tra is aice conric cairdes Sil Cuind ri Dál Riatai
2820] & Dál Fiatach. Enna Airgdech mac Oengusa Turbig is uad Sil {MS folio 22b 25}Cuind. Fiacha Fer Mara im is uadside Eraind & Albanaig & Dal
Fiatach. Oengus Turmech doringni fria ingin tria mesca in Fiacha.
Coro laad i nnoid oenseched for muir é o Dún Aignech co slonnud
{MS folio 22b 30}
meic ríg .i. bratt corcra co cúaich óir. Conos fuaratar iascaireda i
2825] Tráig Brenaind fona fiachaib. Conid desin ro lensom Fiacha Fer Mara. Ocus gabsat a chland ríge Herend & Alban .i. Eterscél
Baí Oengus Turbech .lx. bliadan i rrige Herend co n-erbailt i Temraig.
{MS folio 22b 40}Gabais Conall Collomrach ríge Herend co torchair la Niaid Segamain.
2835] Nia Segamain .uii. mbliadna i rrige co torchair la Énna nAignech.
Enna Aignech .xxuiii. i rrige Herend Co torchair la Crimthand Coscrach.
{MS folio 22b 45}Crimthand Coscrach .iiii. bliadna co torchair do láim Rudraige.
Rudraige tra mac Sithride is úad Dal nAraide. ar is iatside
2840] firUlaid Emna .i. Clanna Colmáin meic Fiachach Finscothaig inna {MS folio 22b 50}
fírUlaid. Ro gabsat .xxu. díb rige Herend. Dáig is iat tri sáeir
Herend. Cond. Araide. Eógan. Unde Eochaid
- Trí sáeir Herend arcanar
sluaig Arad co n-aíb Ulad;
2845] Cond dan ceóladart Codal
& Eoganacht Muman.,l^
{MS folio 23a}Rudraige trá mac Sithride senathair Conaill Cernaig meic Amairgin
& Fergusa meic Róig. Atberat dano araile is Conchobor mac
Cathbath meic Rosa meic Rudraige. secundum alios autem Conchobor
2850] {MS folio 23a5} mac Cathbad meic Rosa meic Fergusa Fairge meic Nuadat Necht.
Cech roí ro reraig Rudraige for Herind ro suidig Fergus a chlaind foraib a nnirt chatha .i. Cuir cc & Ciarraige & Conmaicni.
Is dósin ro chan Senchan Tórpeist.
- {MS folio 23a10} RO fích Fergus fichit catha
co cumnigi
2855] la fiansa feirt
oc saigid cheirt ba Rudraigi.- Rudraigi rí reraig Herind
co taedenaib.
noí ndeich mbliadan boí i rrigu
for Gaedelaib- Cech roí reraig
co rruadchathaib cen chridenas;
{MS folio 23a15} cotgab iar fír
ros lín Fergus dia finichas.
- {MS folio 23a}
2860] Fích cath Curchu.
cath Luachra laechdu Fellubair
.uii. catha i Cliu
in t-octmad friu i nGlendamain.- Cath Sléibe Mis.
cath Boirni buaniu comramaib
fichthai Commuir
mac Roig teoraib roaib rogmaraib- {MS folio 23a 20} Ro fích cath Réin
i Fertáis Milige
2865] cath Aí úair
la cath cruaid Cuile Sírinne.- A dó for tráig
i mbáid ríga co rrobáni.
cloith roclossa
Rossa meic Róig Rodáini. R.
{MS folio 23a 25}Baí trá Rudraige .lxx. bliadan hi rrige co n-erbailt do thám i nArgatglind.
2870] Gabais Fintait Már mac Niad ríge Herend .iii. bliadna co torchair la Bresal Bodíbad mac Rudraige.
Bressal Bódíbad .xi. bliadain i rrige Herend. Tánic díth do {MS folio 23a 30} díth do búaib conna térna díb acht tarb. & samaisc i nGlind Samaisce. Dorochair Bresal la Lugaid Luaigne mac Fintait Máir.
2875] Lugaid Luagni. .xu. bliadna co torchair la Congal Cláringnech mac Rudraigi.
Congal Claringnech .xui. Co torchair la Duach Dalta Dedad. Baíside .x. bliadna i rrige conid romarb Factna Fathach.
{MS folio 23a 35}Fachtna Fathach .xxu. bliadna co torchair la Echaid Feidlech.
2880] Eocho Feidlech dá bliadain déc. Éc atbath i Temraig.
Eocho Airem brathair Echach Feidlig .xu. Siugmall ro loisc i Fremaind.
Eterscél Mor mac hui Iair d'Ernaib Muman .u. Co torchair la {MS folio 23a 40} Nuadait Necht.
2885] Is hí seo tra amser inro génair Crist mac Dé bí do thessargain in chiniuda doendai.
Na coicedaig iar sein .i. Conchobor mac Factna. Corpre Nia Fer. Tigernach Tetbannach. Cú Ruí mac Daire. Ailill mac Mátach.
{MS folio 23a 45}Nuadu Necht de Laignib iar sein dá ráthe co torchair la Conaire i
2890] cath Clíach i nHuib Dróna.
Conaire Mór mac Eterscéoil .lxx. i rríge Herend Co torchair i mBrudin Da Derga. l^ combad and so na coicedaig.
{MS folio 23a 50}Lugaid Ríabderg .xxu. bliadna Co torchair ma chlaideb fein di chumaid a mná.
2895] Conchobor Abratrúad bliadain co torchair la Crimthand. Is {MS folio 23b}é in Lugaid l^ Ríab nDerg dorónsat tri meic Echach Feidlig ra
síair .i. re Clothraind. & dano daróne in Lugaidsin mac ria mathair
fein .i. Crimthand mac Lugdech rí Herend. Is é dochoid in n-ectra
{MS folio 23b5}a Dún Chrimthaind re Náir bansídaige co mboí coicthiges for mís
2900] and. Co tuc seotu imda leis. imon carpat n-órda. & imon fidchill óir. & imon cétaig Crimthaind. Co n-erbailt iar tiactain immuig
i cind coícthigis ar mís.
{MS folio 23b10}Gabais Corpre Cattchend ríge Herend .i. athair Moraind. cóic bliadna co n-erbailt.
2905] Feradach Fechtnach mac Crimthaind .xx. bliadan i rríge Herend. Éc atbath.
Fiatach Find o tát Dál Fiatach .iii. bliadna i rríge Herend. Coro marb Fiacha Findolaid.
Fiachu Findolaid .xuii. bliadna co torchair la Ellim mac Conrach.
2910] {MS folio 23b15} Ellim .xx. bliadan iar marbad Fiatach Findolaid dó. Térna Eithne Imgel ingen rig Alban tar muir. & si torrach conid tair
ruc Tuathal mac Fiatach. Ro alt .xx. bliadan tair. & tanic a
mathair leis tairis gabais Inber Domnand.
{MS folio 23b 20}Ocus lotar díbergaig Herend na comdáil and .i. Fiachra Cassán &
2915] Findmall .dccc. láech bá sé a llín & doberat ríge dó fo chetóir. & brissis .xxx. cath for Ultu. & xxuii. catha for Laigniu. & xxxuiii.
catha for Mumnechu. & xxuiii. catha for Connacta. Conid a
.xxiii. ar cét uile.
{MS folio 23b 25}Darónad feis Temrach leis iar sin. Tancatar fir Herend mnaaib
2920] maccaib ingenaib and. Ro gab Tuathal rátha gréne & ésca & cacha cumachtai fil i nnim & i talmain. Ciamtís comneirt cóicedaig
Herend connabtís comcheirt cóicedaig Herend ri claind Tuathail
{MS folio 23b 30}
Techtmair acht ríge dia chlaindseom co bráth.
Is é Tuathal Techtmar tuc bórama a Lagnib i n-inad marbtha
2925] a da ingen .i. Fithir & Dárfini. .i. Eochu Ancend rí Lagen tanic co rruc Dárine leis ar tús. Atrubratar Lagin ferr in ben forfacbais.
{MS folio 23b 35}Atbert Eochu abramni ol se éc na mná thucsamar. & tabram in
mnai aile. Doronad amlaid. Tucastar Fithir iar sin. Amal
2935] Finnacta ros maith do chind nimi do mMo Ling Luachra co n-erbairt Mo Lling.
- {MS folio 23b 45} Fínnachta for Uíb Néill
co féin immos romra racht
is í in bárc forsin tuind
2940] is í in tond forsin trácht.
Coro chairig Adomnán co n-erbairt.
- Indiu cia chenglaid chúaca
in rí crínlíath cen déta.
in búar ro maith do M'Ling
2945] deithbir don cing nis n-éta.
{MS folio 23b 50}In bórama tra i trí no rainté .i. trian do Chonnactaib. & trian do Airgiallaib. Trían do ríg Temrach & do Chlannaib Néil.l^
{MS folio 24a}Dorochair tra Túathal i nDál Araide i mMónai in Chatha tria
thangnacht bale assa mbructa Olor & Olarba. la Mál mac Rochride
2950]
la ríg in Chóicid iar forbu .x. ar .c. i ríge. Tricha bliadan im dó i rríge Herend.
{MS folio 24a5}Gabais Mál mac Rochride ríge Herend fri re .iiii. bliadan co torchair la Feidlimid Rectaid mac Tuathail Techtmair i ndígail a athar.
2955] Feidlimid Rechtaid mac Tuathail Techtmair & mac Báne ingine Scáil dia tá Cnocc Báne la Airgiallu .i. Is and ro adnacht Is
{MS folio 24a10}
leis ro class Ráth Maige Lemna for Ultu. Deich mbliadna dó i
rríge Herend co n-erbailt.
Cathair Mór mac Feidlimid coica bliadan co torchair la fein
2960] Luagni i Temraig.
Cond Cétchathach cóic bliadna xxx. l^ .xx. ut alíí aiunt co torchair la Tipraiti Tirech ríg Ulad. i Túaith Amrois.
{MS folio 24a} Conaire Cáem .uiii. bliadna. Co torchair la Neimed mac Srabcind.
{MS folio 24a15}Art mac Cuind .xxx. bliadan i rrige Herend co torchair i cath
2965] Mucrama la Lugaid Mac Con. Lugaid Lága dano & Ligurne Lagnech ro imbriset láma for Art.
Lugaid Mac Con .xxx. bliadan coros innarb Cormac hua Cuind. Co torchair don goth Néit iar tain la Ferches mac Commain.
{MS folio 24a 20} Fergus Dubdetach oenbliadain co torchair i cath Crinna la
2970] Cormac mac Airt meic Cuind.
Cormac hua Cuind .xl. bliadan co n-erbailt i tig Clettig iar lenamain cnáma bratain ina bragit. l^ it siabra ro n-ortsat iarna brath do Maelcend.
{MS folio 24a 25}Eochu Gunnat oenbliadain co torchair la Lugaid.
2975] Corpre Liphechair .xuii. bliadna. l^ xxui. co torchair i cath Gabra la Senioth mac Cirb de Fothartaib.
Na Fothaid óenbliadain co torchair Fothad Cairptech lasin {MS folio 24a 30} Fothad Airgdech. Dorochair dano Fothad Airgdech i lLine i cath Ollorba.
2980] Fiacha Sroptine .xxxi. l^ xxxui. Co torchair lasna tri Colla i cath Duib Chommair.
Colla Uais .iiii. bliadna coro n-innarb Muridach Tirech
Muridach Tirech .xxx. bliadan co torchair la Caelbad mac Cruind Ba Druí uas Dabull.
2985] {MS folio 24a 35} Oenbliadain do Chaelbad mac Cruind. Co torchair la Eochaig Mugmedon.
Eochu Mugmedon .uii. mbliadna co n-erbailt i Temraig.
Crimthand mac Fidaig .xui. Co torchair la Mongfind la derfiair féin.
2990] Niall Noígiallach .xxui. co torchair la Eochaid mac Ennae Cendselaig ic Muir Icht.
{MS folio 24a 40}Nath I .xxiii. co n-erbailt ic Sléib Elpa iarna béim o thenid saignén.
Is do amseraib & do aidedaib na rígsain ro chan in senchaid .i.
2995] Gilla Coemain. Heriu ard inis na ríg
magen molbthach &c.