Corpus of Electronic Texts Edition
Comrac Liadaine ocus Cuirithir (Author: unknown)

p.12


1]

Líadain ben do Chorco Duibne .i. banéces. Luid sí for cúairt hi crích Connacht. Cuirithir mac Doborchon, éces side dno. Do Chonnachtaib dó. Dogníther ón cuirm dí-si le Cuirithir .

‘Cid ná dénaim-ni óentaid, a Líadain?’ ol Cuirithir .
5] ‘Ropud án ar mac ar ndís.’

‘Ní dénaim-ni ón’, ol sise, ‘ar ná loiti mo chúairt immum . Día tís ar mo chend dorísi dom thig, doreg-sæ lat.’

Ba fír són. Luid fodess & óengilla 'na diaid & a étach- som hi téig for a muin-side & drochétach imme & cennæ na
10] ngái isin téig. Luid íarum co mbái icon topur i tóib ind lis. Gaibid íarum a étach corcordæ imme & doratæ na gái for a cronna , co mbói ic a crothud.

Co n-accæ Mac Dá Cherdæ cucai. Óinmit side, mac Máile- ochtraig maic Dínertaig dona Déssib Muman. Cumma imtéged
15] muir & tír inna chossaib tirmaib. Ardfili na Hérenn & óinmit na Hérenn é-siden.

Dotéit side co Cuirithir. ‘Maith sin’, or Mac mo Cherda.

p.14

‘Amin’, or Cuirithir. ‘In tú fer ind lis?’ ‘Ní mé’ , or Cuirithir. ‘Can deit-siu?’ or Cuirithir. ‘In óinmit tróg dina Déssib .i. Mac Dá Cherda.’


5]

‘Rocúalamar’, or Cuirithir. ‘In rega isin lis?’

‘Ragat’, ol sé. ‘Déna mo lessa’, ol Cuirithir. ‘Ben mór file thall, apair frie triat chéill féin tudecht cosin topur so.’ ‘Cía a hainm?’
10] ‘Líadain.’ ‘Cía th'ainm-si?’ ‘Cuirithir mac Doborchon.’ ‘Maith’, or sé. Téit isa tech . Bói sí ina himda cetheora mná . Dessid
15] som & ní rolaad óid aire. Is ann asbert som:

    1. A tech mór
      folongat na tuireda,
      día mbeith nech nodálad dáil,
      timnæ dáib co fuineda.
    2. 20] Nech donísed ba mithig,
      a thopuir file fiad tig,
      ferait a lúadain imbi
      uissi áilli imrinni.1

      3. p.16

    3. Rolá temel dom roscaib,
      am dillig ar inchoscaib,
      conid Líadain congairiu
      cach banscál nád athgniniu .
    4. 5] A ben cosind remorchois,
      ní fúar do sét di márchlois ,
      nícon festor fo chailliu
      banscál badid cíallaidiu .
    5. Mac in míl
      10] anas adaig fo linnib,
      folongat cot idnaidiu
      cossa glassa fo rinnib.

Is íarsin dochúaid sí tra leis-som, co rogabsat anmchairde Cummaine Fota maic Fiachna.


15]

‘Maith’, or Cummaine. ‘Mór dom mírennaib adobar[r] . Nert na hanmchairde foirb. In ba déicsiu dúib ná himmacallam?’

‘Immacallam dúin’, or Cuirithir. ‘Is ferr a mbía de. Immanaccæ dún ríam.’


20]

Intan íarum notéged som timchell martra , no-íata a tech fuirri-si. No-íata dno fair-som, intan notéged sí.

Is and asbert si:

    1. Cuirithir in t-athéces
      carsam, nímráinic a less :
      25] inmain fiada dá coss nglas ,
      bid dirsan a bithingnas .

      2. p.18

    2. In lecc fri derthach andess
      forsa mbíd in t-athéces,
      minic tíagar dí im cach ndé
      fescor íar mbúaid ernaigthe.
    3. 5] Nicon biaid aice bó
      ná dairti ná dartadó,
      nocha bia cnáim do liss
      for láim deis ind athécis .

      4. [Cuirithir dixit:]

    4. 10] Inmain guthán rocluniur,
      fáilte fris nocho lamur,
      acht is ed atbiur nammá:
      is inmain in guthán sa.

    Dixit in ben:

    1. 15] Guth domadbat trie clethæ
      is maith dó domincrechæ:
      is ed dogní frim in guth ,
      nachomléci do chotlud.
    2. A fir, ní maith a ndobir,
      20] mo líud-sa for Cuirithir:
      hé-sium do brú Locha Sing ,
      messe féin ó Chill Conchinn.

p.20

‘Foid far ndís innocht’, ar Cummaine , ‘& téit léignid becc etraib, co ná dernaid anespa .’

Is and asbert som :

    1. Másu óenadaig atbir
      5] fesi dam-sæ la Líadain ,
      méti la láech nodfiad
      ind daig ni archriad .

Is and asbert Líadain:

    1. Másu óenadaig atbir
      10] feis dam-sæ la Cuirithir,
      cid blíadain dobérmais fris,
      baithum immarordamais.

Foit in oidchi sin. Doberor in mac bec arnabáruch dia chuibsigud do Chummaine.


15]

‘Is taccar duit ní cela’, ar Cummaine. ‘Not selo[s]– sæ dia cela.’

Is cumma dó cía eipli . ‘No[t]sela[s]-sæ día n-atma .’

Rucad som íarum do chill aili. Is and asbert som:

    1. Di chíanaib
      20] ó roscarus fri Líadain,
      sithithir cech lá fri mí,
      sithithir mí fri blíadain.

      2. p.22

      [Líadain dixit:]

    2. Másu Chuirithir indíu
      dochúaid co rétairiu,
      dirsan in chíall dusngéna
      5] fri nech nachid aithgéna .

    Cuimmine dixit:

    1. Ní maith lim aní atbir,
      a Líadain ben Chuirithir,
      robói sunnæ, nirbó mer,
      10] cid síu tísed Cuirither.

    [Líadain dixit:]

    1. Día háine didine
      ní bu scor for milide
      for lóæ mo gaimnén gil
      15] itir dí láim Cuirithir .

Luid sium didu co mbói hi Cill Letrech i tír na nDésse inna ailithri . Doluid sí for a íarair-som & dixit:

    1. Cen áinius
      in chaingen dorigenus:
      20] an rocharus rocráidius .
    2. Ba mire
      ná dernad a airer-som ,
      manbad oman ríg nime.

      3. p.24

    3. Ní bú amlos
      dó-sum in dul dúthracair:
      ascnam sech péin hi pardos.
    4. Becc mbríge
      5] rocráide frim Cuirithir:
      fris-seom ba mór mo míne.
    5. Mé Líadain,
      rocarus-sa Cuirithir:
      is fírithir adfiadar.
    6. 10] Gair bá-sa
      hi coimthecht Cuirithir:
      fris-som ba maith mo gnás-sa.
    7. Céol caille
      fomchanad la Cuirithir
      15] la fogur fairce flainne.
    8. Doménainn
      ní cráidfed frim Cuirithir
      do dálaib cacha ndénainn .
    9. Ní chela!
      20] ba hé-som mo chrideserc ,
      cía nocarainn cách chenæ.
    10. Deilm ndegæ
      rotetaind mo chride-sæ,
      rofess nícon bíad cenæ . Ce.

p.26

Is é didu crád dorat sí fair-som a lúas rogab caille.

Amail roncuala som a tuidecht-si aníar, luid som hi forsan fairci, co ndechaid inna ailithriu , co ná acca sí hinnunn. ‘Docóid som a fecht so ’, ol sí.


5] Ind lecc fora mbíd som ac ernaigthe , robói sí for inn leicc sin co n-erbailt sí, co ndechaid a hanim dochum nime. Conid ind lecc sin dochóid dar a hagaid-si.

Comracc Líadaine & Cuirithir inn sin anúas .