Corpus of Electronic Texts Edition
Lebor na hUidre (Author: [unknown])


10999] Scél Mongán inso


11000] DIA mboí dano Forgoll fili la Mongan fecht n-and. Luid
11001] Mongan ar dún tráth di lóo fecht n-and. Foric in
11002] n-écsíne oc múnud a aiciuchta. Asbeir Mongán.

    1. 11003] Is búan.
      11004] huli hi fola lumne.
      11005] condarois íar techtu
      11006] inna drechtu im druimne.

11007] Arceiss Mongan iarom dond éicsíniu boí hi fola na lumne bá
11008] terc cach n-adbar dó. Asbert friss dús imbad diuit & imbad maith
11009] a thaírus conid tingell intamus dó. Aírg didiu ol Mongán conris
11010] Síth Lethet Oídni co tucae liic fil domsa and & dobérae pún
11011] findairgit duit fadéin hi fíl di ungi deac rot bía occo. It hé do
11012] huide de sunde do Chnuc Báne. Forricfe fáelte and fom
11013] bíthse hi Síth Chnuic. De sudiu do Dumu Gránerid. De
11014] sudiu do Sith Lethet Oidni. Doberae damsa in liic & téissi
11015] do sruthair Lethet Oidni fogebai pun óir and i mbíat noi
11016] n-ungi damberae damsa let.


11017] Luid in fer a fechtas dofornic lanamnai sainredaig ara
11018] chiund hi Síth Chnuic Báne fersat failte móir fri techtaire
11019] Mongán Bá sí a dú luide foranic alaili hi nDumu Granerit.
11020] Baíthi ind faelte chetna. Luid do Sith Lethet Oidni foránic
11021] dano lánamnai n-aili hi sudiu. Fersait faelti móir fri muintir
11022] Mongán. Ferthae a oígidecht co léir amal .m na haidchi aili.
11023] Baí airecol amrae hi toíb thaige na lánamnae. Asbert Mongan
11024] frisseom ara timgarad a echuir. Dogníth {folio 134b} samlaid. Dobreth
11025] dó a echuir atnoilc. asbreth friss arná taibreth ní assin taig
11026] acht a foíte leiss. Dagní dobert in n-eochair aitherruch dun
11027] lanamain. Dobert im a liic leiss & a pún airgit. Luid iarom do
11028] sruthair Lethet Oidni dobeir in pún óir a sudiu. Dolluid
11029] afrithisi doch[gap: extent: 2 letters] Mongán dobreth. dobreth do Mongan a
11030] liic & a o[gap: extent: 1 letter] Beridseom a airget. Bátár hé sin a imtechtai.

p.337