Corpus of Electronic Texts Edition
Lebor na hUidre (Author: [unknown])

TOCHMARC ÉTAINE


10636] [gap: chasm in MS/extent: uncertain][M] a thaigi & a gríanan co senistrib solsib fri techt ass & tobreth
10637] tlacht corcra impe & imchuirthe in gríanán sin lasin Mac Óc
10638] cach leth no théged & ba and contuiled cach n-aidchi occa
10639] chomaitecht do airec menman conda tanic a sult & a feth. & no
10640] línta in gríanán sin do lubib boladmaraib ingantaib combo de
10641] forberedsi di bolod & blath na lubi sainemail logmar.


10642] Atchúas do Fuamnaig a ngrád & a mmíad doratad di lasin
10643] Mac Óc. Asbert Fuamnach fri Midir congarar deit do dalta
10644] co ndernsai chorai frib dib línaib & co ndechos for iarair Etaíne.
10645] Dotháet techt co Mac nÓc o Midir & luidsi día acallaim &
10646] dolluid Fuamnach timchell calléic co mboí isin Bruig & tobert
10647] in n-athaig cétnae fo Etaín conda bert asa gríanán forin
10648] fúamain forsa rabi ríam co cend .uii. mbliadna fo Herind conda
10649] timart athach gaíthe ar thrógi & lobrai conda corastár for cléthe
10650] tige la Ultu i mbátár oc ól co torchair isin n-airdig n-óir ro boí
10651] for láim mná Etair in chathmiled o Inbiur Cichmaine a coiciud
10652] Choncobair conda sloicside lasa loim gabais asind lestur co
10653] mbentai (?) di suidiu foa broind combo ingen iar tain. Dobreth
10654] ainm di .i. Etain ingen Étair. Di bliadain déc ar mili trá o
10655] gein tuissech Etaini o Ailill cosa ngein ndedenach o Étur.


10656] Alta iarom Etain oc Inbiur Chichmuini la hEtar & .l. ingen
10657] impe di ingenaib tússech & ba hesseom noda biathad & no
10658] n-eted ar chomaitecht Etaini a ingini do gres. Lá n-and doib
10659] a n-ingenaib uilib isind inbiur oca fothrocud co n-accatar in
10660] marcach isa mmag cucu dond usciu. Ech dond tuagmar foran
10661] forlethan casmongach caschairchech foa suidiu. sídhalbrat
10662] uaine hi filliud immi. & léne fo derginliud imbi. & eo óir ina
10663] brut rosaiged a gúalaind for cach leth. Scíath argdidi co
10664] n-imbiul oir imbi fora muin. Scíatrach argit and. & tul n-oir
10665] fair. & sleg coicrind co fethan óir impi o irlond co cró ina
10666] laim. Folt findbudi fair co hetan. Sníthe óir fria étan conná


p.324


10667] teilged a folt fo agid. Assisedar sist forsin purt oc deiscin
10668] na n-ingen & ro charsat na ingena uili. conid and asbertsom in
10669] laid seo sís
    1. 10670] Etain indiu sund amne
      10671] oc Síd Ban Find iar n-Albai
      10672] eter maccaib beccaib di
      10673] for brú Inbir Cíchmuini.
    2. 10674]
      [gap: extent: 1 letter]
      s hí ro híc súil ind ríg
      10675] a topor Locha Dá Líg
      10676] is í asibed sin dig
      10677] la mnaí nÉtair hi tromdig
    3. 10678] Is tría ág dossib in rí
      10679] inna héonu di Thethbí
      10680] & báidfid a dá ech
      10681] i llind Locha Dá Airbrech
    4. 10682] Bíat imda coicthe ili
      10683] tríat ág for Echaig Midi
      10684]
      [gap: extent: 1 letter]
      íaid togal for sídib
      10685] & cath for ilmilib.
    5. {folio 129b}
    6. 10686] Is í ro loited is tír
      10687] is í archosnai in rig
      10688] is í Be Find fris dogair
      10689] is í ar nÉtaín iar tain.

      Etain indiu.


10690] .n. Dochúaid úadib in t-óclaech iar sain & ní fetatar can
10691] dodeochaid l^ cid dochóid iarom. O ránic in Mac Óc do
10692] acallaim Midir ní fornic Fuamnaig ara chiund & asbert .i. Midir fris
10693] bréc dorat in ben imond & día n-ecastar dí Etain do bith i
10694] nÉre. & ragaid do denam uilc fria. Domuiniur is dóig bid fír
10695] ol Mac Óc. Atá Étaín ocom thigsi isin Bruig o chíanaib isin
10696] deilb hi tarfas uaitsiu. & bes is cuice forobart in ben.


10697] Dotháet Mac Óc día thig fora chulu co farnic a gríanán
10698] nglainidi cen Etaín and. Immasoí in Mac nÓc for slict Fuamnaige


p.325


10699] co tarraid for Óenuch Bodbgnai oc tig Bresail Etarláin in
10700] drúad. Fosnopair in Mac Óc & benaid a cend di & dobert lais a
10701] cend sin co rrabi for brú in Broga. Acht chena iss ed islicht i
10702] nn-inud aile conid la Manandán ro marbait a ndís .i. Fuamnach
10703] & Midir i mBri Léith día n-ébrad.
    1. 10704] Fúamnach báeth bá ben Midir
      10705] Sigmall is brí co mbilib
      10706] i mBrí Léith ba láthar lan
      10707] ro loiscthe la Manandán.


p.326