Corpus of Electronic Texts Edition
Lebor na hUidre (Author: [unknown])


10557] Compert Con Culaind inso sís a Libur Dromma Snechta


10558] LÁA n-áen ro bátar mathi Ulad im Chonchobur i nEmain
10559] Macha. No thathigtis énlaith mag ar Emuin. Na gelltís
10560] conna facabtais cid mecnu na fér ná lossa hi talam. ba
10561] tochomtacht la hUltu a n-aicsiu oc collud a n-hírend. Imlaat
10562] .ix. cairptiu día tofund laa n-and ar ba bés léusom forim en.
10563] Conchobar dano hi sudiu inna charput & a fiur Deichtine os sí
10564] maccdacht. Is si ba hara dia brathair. Errid Ulad archenae
10565] inna carptib .i. Conall & Lóegaire & cách olchena. Bricriu dano
10566] leu.


10567] Fusrumat a n-éin remib día ndaim tar Slíab Fúait tar
10568] Édmuind tar Brega. Ní bíd clad na hairbi na caissle im thír i
10569] nHére isind amsir anall co tanic remis mac nÁeda Slani acht
10570] maigi réide. ar imad na treb dano inna remis side iss aire
10571] conopartatar cocrícha i nHére. Ba hálaind tra & ba caín
10572] in t-énlorg & in t-énamar boí leu. Noí fichit én dóib. rond argit
10573] eter cach da én. Cach fiche inna lurg fo leith. noí luirg dóib.
10574] Samlaid da én bátar rempu cuing airgit etarru. Toscartha tri
10575] eúin dib co haidchi lotir l^ a remib hi cend in Brogo. Is and ba
10576] hadaig for feraib Ulad. Feraid snechta mór foroib dno. Asbert
10577] Conchobar fria muintir ara scortís a cairptiu & ara cuirtis cor do
10578] chuingid tige dóib.


10579] Luid Conall & Bricriu du chur cúarta fofúaratár óentech
10580] nue. Lotar ind. Foráncatár lánamain and. Boithus failte.
10581] Lotar ass coa muintir. Asbert Bricriu nibú fíu dóib techt don
10582] tig cen brat cen bíad. Ba cumung dano cid ar indus. Lotar
10583] dó cammaib. .i. doridisi Tubertatár a cairptiu leu. ní gabsat na mmár
10584] isin tig. Co n-accatar talmidu .i. iar sin dorus culi friu. In tan bá
10585] mithig tabairt biid dóib batir faelti meisc iarom fir Ulad & ba
10586] maith a thunithe. asbert in fer fri Ultu iarom boí a ben fri

p.321


10587] idna inna cuili. Luid Dechtine a dochum atdises .i. rucastar birt mac.
10588] Láir dano boí i ndorus in tige trogais .i. tusmis dí lurchuire. .i. dá serrach Gabsit
10589] Ulaith iarom in mac & dobertsom na lúrchairiu do macslabri
10590] don macc. Alt Deichtine in mac. tráth bá maiten dóib {folio 128b} is and asbert Concobar iss ed canid auga inso for se
[...]
do ani
[...]
 conda
10591] accatar ní i n-airthiur in mbroga cen
[gap: extent: 7 letters]
 eónu acht a n-echrada
10592] fadesin & a mmac cona lúirc[gap: extent: 6 letters] Totháegat íar sin do
10593] Emain. Aleir leo a mmacc combu bláicce. Dafúabair galar
10594] iar sudiu. Atbail de. Ferthair a guba. Bá már a sáeth la
10595] Deichtine díth a daltai.


10596] Baísu luge do dig oc tintud ón gubu. Tothlaigestar dig a
10597] llestar humi. Dobreth di co ndig nách mod donbered dia
10598] bélaib dolinged míl mbec iarsin lind dochum a bél o rauccad o
10599] bélaib nacc ní i nneuch scéinti lea hanail ho chud. Contuli
10600] iarom dadaig co n-accai ní in fer chuicci atagládastár asbert
10601] fria rubad torrach húad & bá hé nuda bert a dochum do Bruig.
10602] Ba leiss fétir. Baí in mac altae & ba hé tatharla inna broind &
10603] bid Setanta a ainm. & bá hésse Lug Lug mac Ethnend. & co
10604] n-altá ind lúirchaire din mac.


10605] Bá torrach didiu ind ingen. Ba ceist mór lá hUltu nácon fes
10606] céle fora seilb dumet bá hómun leó bá ó Chonchobur thré
10607] mesci ar bá leis no foíed a fíur. Arnenaisc iarom Concobar
10608] a fíair do Sualdaim mac Róig. Ba mór a mélacht lea techt
10609] cosin fer i n-imdaí os sí alacht. A n-am luide don chrund
10610] siúil brúchtis bí a croith innallaili combu ógslán. Luid cosin
10611] fer iarom. Bá torrach atheroch ellam. Birt mac [H] & doberar
10612] Setanta fair.


10613] Is and sin iarom batár Ulaid hi comthinol i nEmain Macha in tan
10614] berta in mac. bátár iarom oc imchosnam cia dib no ebelad in mac &
10615] lotar i mbreith Conchobair. Asbert Conchobur. Beir duit a
10616] Findchóem in mac ol Concobar. Dofécai Findchoem in mac iarom.
10617] Carais mo chraidisea in mac so ol Findchoem conid cumma lem & bid
10618] he Conall Cernach. is bec duit etorro ol Conchobar .i. do mac féin
10619] & mac do derfethar. Conid and ro cháchain Conchobar inso.

p.322


    10620] .r.
  1. Sochla brec becaltach
    10621] búithig dág Dectire
    10622] domroet ria sein secht carbtib
    10623] sephaind úacht domm eochraidib
    10624] airunutathig ernithib
    10625] donnuc for set Sétanta


10626] Geib duit in mac ol Conchobar beos fria fiair. .r. Niba si nod
10627] n-ebela em ol Sencha. acht is messe nod n-ailfea. ar am tren am
10628] trebar. am (an am) athlom athargaib. am ollom. am gáeth. nidam
10629] dermatach. Adgadur nech ría rig. arfochlim a insce. admidiur[gap: extent: 5 letters]
10630] hi cath ria Conchobar cathbúadach. concertaim bretha Ulad & nis
10631] n-insorg. nim thorgnéa eter aite[gap: extent: 17 letters]


10632] .r. Cid messe ém nod ngaba ol Blai [gap: extent: 21 letters] na héislis lemsa. ro
10633] ferad m[gap: extent: 15 letters]. congairim firu coicid Herend n[gap: extent: 16 letters] sechtmaine
10634] l^ de[gap: extent: 2 letters]ma[gap: extent: 3 letters] diberga. forri[gap: extent: 1 letter]th a n[gap: extent: 33 letters] or Fergus
10635] dorraegai[gap: chasm in MS/extent: uncertain]

p.323