Corpus of Electronic Texts Edition
Lebor na hUidre (Author: [unknown])

CETHRI ARDA IN DOMAIN


10063] CETHRI arda in domain .i. tair & tíar tess & túaid. Bátar
10064] dano cethror intib .i. fer cech arda & is do mórad adamra
10065] & mírbaili dorigni Dia sin .i. d'innisin senchasa & inganta in
10066] betha so síl Ádaim.


10067] Fintan mac Bócra meic Lamíach l^ Fintan mac Libi Lamiach.l^ Fintan mac Bóchrai meic Ethiair meic Púail meic Airrda meicCaim meic Noe. is é in tres fer tánic i
10068] nErind ría ndilind is eside ro chomét senchasa íarthair in
10069] betha .i. i nEspáin & i nErind & in cach conair dodeochatár
10070] Góedil archena .l. bliadna re ndílind & .u. c. & u. m bliadna íar
10071] ndilind a aes co n-erbailt ac Dún Tulcha.


10072] Ferén mac Sistén meic Íaféd meic Nóe is é ro chomét senchas
10073] tuascirt in betha iar ndílind othá Slebi Riph atúaid co Muir
10074] Torrén fodes. Atbath for brú srotha Araxis i nAsardaib iar
10075] cathim do cethri .m. mbliadna. isin chóiced bliadain déc
10076] flathiusa Tibir Cesair atbath. acus isin bliadain ro crochad
10077] Crist.


10078] Fors mac Electra meic Seth meic Ádaim. is é ro chomét
10079] senchas (tair otha in Muir) nInnecda co rici Muir Torrén siar.
10080] atbath Fors i nGolgotha ri Hierusalem anair íar cathim do .u.
10081] mbliadna. isin (bliadain .ui.) ar .xx. flathiusa Octafín atbath .i.
10082] isin bliadain ro genair Crist.


10083] Annoit mac Ethióir meic Cais meic Cáim meic Nóe is e ro
10084] chomét senchas tes otha in nOcian Cantaberda thes co Muir
10085] Torrían fothuaid. I n-amsir Cormaic hui Chuind atbath .i. hi Corsic for Muir Torren iar
10086] nglenamain cnáma mil moír ina bragit. Is íat sin tra in cethror
10087] ro chomet senchas in betha. Conid dib sin [gap: chasm in MS/extent: uncertain]


p.306