Corpus of Electronic Texts Edition
Lebor na hUidre (Author: [unknown])


9566] Cath Cairnd Chonaill ria Diarmait mac Aeda Sláni for Guari
9567] Adni


9568] DIARMAIT mac Aeda Sláne Sinech Cró rod n-alt. no bertis
9569] Conachttai a búsi co taratsi imchosait móir eter Diarmait &
9570] Guaire Aidne. Is and asbertsi.

    1. 9571] A Diarmait a mallchobair
      9572] úamun Gúare fónfodair
      9573] ár it anmand cluithe cath
      9574] tair chucund a dunebath
    2. 9575] Leic de Díarmait mairid fris
      9576] in cath ni heól ní firdis
      9577] denid cóir dó mar atá
      9578] foid chuci dotathlebá
    3. 9579] Rúanaid atberthe co sse
      9580] frisseom ar met a náire
      9581] indiu is lobrand i mMide
      9582] Diarmait mac Aeda Sláne
    4. 9583] Tricha tinne tricha bó
      9584] furec ceneoil Fergusso
      9585] ícdai dartaid hi cind gait
      9586] inna forreith do Diarmait.

      a.

    5. 9587] Beit fir móra ar macáin bic
      9588] co tí ar cobair co Grip
      9589] bit daim ríata laíg ar mbó
      9590] co tí cobair Diarmato.

      a Diarmait


9591] Ro íc ní dissi im in cossait sin. Ro thinoil Diarmait slúagu &
9592] socaide leis do inriud Conacht. Iss ed iarom ludi Diarmait oc techt
9593] hi Conachtta co Cluain meic Nois. Dorigensat íarom samud Cíaran
9594] cona n-abaid .i. Áedlug mac Commain etla fri Dia fair co tísad slán
9595] d'inchaib a coraigechtasom. Ro idbair in ri iarom Tóim nEirc cona
9596] fodlaib feraind .i. Líath Manchan amal fót for altóir do Dia & do
9597] Chíaran. & tobert teora trísti for ríg Midi dia cathed nech dia
9598] muntir {folio 116a}cid dig n-usci n-and conid de sin na laim rí Midi a ascin &
9599] na laim nech dia muntir a bíad do chathim. Is de sin dano doráegart
9600] Díarmait a adnacul hi Cluain meic Nois conid iarom ro adnacht inti.

p.289


9601] Dorat Diarmait laim dar Conachtta remi co ránic Aidni. Ro
9602] thinoil Gúairi firu Muman dia saigid. Roptar iat so rig tancatár hi
9603] forithin Gúari .i. Cuan mac Ennai ri Muman & Cuan mac Conaill rí
9604] Hua Fidgente & Tolomnach rí Hua Líathan. Doratad iarom cath
9605] Charnd Chonaill etorro hi llo cengciges co ráemid for Gúari corro lad
9606] ár cend and. im Chuan mac Énnai rí Muman. & im Cuan mac
9607] Conaill ríg Hua Conaill. & im Tholomnach ríg Hua Líathán.
    Mac Da Certa cecinit
    1. Gort maccu Cirb cruth rod gáb
      ní adas nach Mumanchlár.
      hi fil Galand rosoí dath
      dirsan son ar Talomnach
    2. Rí da Chonchend ri dá Chi
      docer hi rroí Cendfotai.
      atá a lecht isind fan
      intí mac Conaill Chuan.


9608] Cámmini Insi Celtra iss é dorat brethir for Gúari conná gébad fri
9609] ócu. ár ro boí Cámmini tri trath oc troscud fair im slanaigect hi
9610] tarat hé. ar ro sáraig Gúari hé.


9611] Mad cóir la Dia ar Cámmine in fer fil hi comtairisem frimmsa níro
9612] thairise fri námtiu.


9613] Dotháet Gúairi do aurgairi Chammini & sléchtaid dó. Doreilced
9614] in t-irchor sa or Cámmine ni chomraim a ostud. comluath sin dano
9615] for Cammini & doberat do réir duit in lucht maidfit maidm fort .i.
9616] doberat do réir duit fo chetóir. Is de asbert Cammin.

    1. 9617] I mbíat fáebra fri fáebra
      9618] & finne fri finne
      9619] biat aithrech a Guairi
      9620] cléirchin fris tarlais tinne.
    2. 9621] Iar réir doarbart Mac Dé
      9622] fri athlad na óenúaire
      9623] cride Guaire fo chinu
      9624] inna trinu fo Gúaire.


9625] Troisc limsa dano for Gúaire fri Cammin fri Dia co tarda itchi
9626] dam. Lotár iarom a triur isin n-eclais .i. Cammini & Guairi &
9627] Cummini Fota. Eclas mór dorónad la Cámmin is inti bátar. Batar
9628] iarom na clérig oc tabairt a chobsena for Gúari.


9629] Maith a Guaire ar iat cid bad maith lat do linad na ecailsi sea hi

p.290


9630] tám. ropad maith lim a llan di or & d'argut & ni ar{folio 116b} saint in tsáegail
9631] acht dia thidnacul ar m'anmain do náemaib & ecailsib & bochtaib in
9632] domain. Dorata Dia fortacht duit a Gúaire ar iat. Dobérthar in
9633] talam duit doidnais ar t'anmain & bát nimidech. Is bude lend or
9634] Gúaire. Ocus túsu a Chammini or Gúare cid bad maith lat día linad.
9635] Ropad maith lim a linad do sáeth & galur & cech aingcis bád messo
9636] do duni combad for mo chorp dobertais uli. Ocus tussu a Chummine
9637] or Guaire cid bad maith lat dia línad. Ropad maith lim a llán di
9638] lebraib .i. dia tudecht do áes légind & do sílad brethre De hi clúasaib
9639] cach duine día thabairt a lurg Díabail dochum nimi.


9640] Ro fírtha tra uli a n-imrati dóib. Doratad in talam do Gúaire.
9641] Doratad ecna do Chummin. Doratá sóetha & gallra for Cammine
9642] conna deochaid cnaim de friaraile hi talam. acht ro legai & ro lobai
9643] ri aingces cech galair & cach threblaiti. co ndeochatar ule dochum
9644] nimi lía n-imratib.


9645] Techid tra Gúaire assin cath for leith & a gilla i rraith. Ro gab in
9646] gilla bratan ríamnaige. ro fon & dorat do Gúari. conid and asbert
9647] Gúari.

    1. 9648] Atlochur do Dia i n-etad
      9649] innocht dom feis óenfeccad
      9650] rom buise adaig aile
      9651] dombert secht mbú Mac Maire.


9652] Dolluidseom tra do gíallad fri claideb do Diarmait intí Gúairi.
9653] Maith or Diarmait Cid ara ndéni Guairi in féli ucut .i. inn ar Dia fá
9654] inn ar daini. Mád ar Dia dobéra ní innossa. Mad ar daíne ni thibre
9655] ol atá co feirg & londus mór. Dotháet chucu. Ní dam a Gúaire ol
9656] in druth cingthe secha. ni damsa a Gúaire or in clam. rot bia or
9657] Guaire. focheird a goo dó. Ní damsa or a chéli. focheird a scíath
9658] dó. Ní damsa or a chéli aile. focheird a brat & a delg & a cris dó.
9659] Nit ain or Diarmait. Tair fón claideb. Ní damsa a Gúaire for in
9660] céli Dé. An bic a Diarmait or Guaire co tallur mo lene dím don
9661] chele Dé. Maith or Diarmait ro giallaisiu do ríg aile .i. do Mac Dé.
9662] asso mo giallsa duitsiu im. Slechtaid {folio 117a}dano Diarmait fo thrí do
9663] Gúari. Nip anchobrai trá or Diarmait co ndigis ar mo chendsa do
9664] áenuch Tallten conda ragbat fir Herend do chomarlid & do chind
9665] athchomairc dóib. dogéntar or Gúare Is and sin ro chan Sinech in
9666] molad sa do Diarmait.

    1. 9667] Cach mac tigirn timcraidi
      9668] tathud airle limsa de
      9669] dothe desell mo roga
      9670] leis fudell mo rúanado

      2. p.291

    2. 9671] Ní for brágtib dam na bó
      9672] clóthir colg mo ruanado
      9673] is for rigaib focheird feit
      9674] indiu dubchend la Diarmait
    3. 9675] Gúaire mac Colmain in ri
      9676] ro chacc for craibiu Adní
      9677] ro lá búalta meit cind bó
      9678] at ómon mo ruanadó
    4. 9679] O ro breca bróenán cró
      9680] léni ndendguirm nDíarmató
      9681] erred fir cluas catha
      9682] ni comtig cen ildatha
    5. 9683] O ro breca bróenan cró
      9684] brunni gabra Diarmató
      9685] usce asa negar Grip hand="H".i. ech Diarmata
      9686] ní lusta .i. ni glan fri sacarbaic
    6. 9687] Ó doleicter immasech
      9688] cranna fanna for cach leth
      9689] nípo decmait casal cró
      9690] for crund a duirnd Diarmató.
    7. 9691] O dosernatár gai bic
      9692] hi tossuch a n-imairic
      9693] is i cétní and arric
      9694] a gai is a gabair la Diarmait

    9695] a Guairi
  1. 9696] Adnuu ón adnuu
    9697] da reis Sinich co cruu
    9698] nocos fáecebad la biu
    9699] atabiu com luu.
  2. 9700] Adnuu or si
    9701] ní ric Sinech co cruu
    9702] ni fil occu cá imochaid
    9703] cid náci fitir nuu.

    3. p.292

  3. 9704] Diarmait rúanaid maith in ri
    9705] forbrid ar cách tria lunni
    9706] forbrid ar cach n-óen do gnáth
    9707] in rí co cuir bróen ar cách.

    cach.


9708] Luidseom iarom intí Gúairi do áenuch Talten ar cend Diarmata &
9709] míach argit leis día thabairt do feraib Herend. Maith or Diarmait in
9710] fer dotháet chucaib atethaid a innili oca thig. Isárugud damsa trúag
9711] l^ trén isind óenuch do chuingid neich cuci.


9712] Luidseom didiu co mboi for láim Diarmata for foradaib bít isind
9713] óenuch. In la sin tra ni chuinnig nech ní cucasom. Bá machdad
9714] leiseom aní sin. Maith a Diarmait or Guare epscop do gairm cucumsa
9715] co tardsa mo choibsena dó. Cid so or Diarmait. Cid nách mana éca
9716] letso damsa a Diarmait áit hi tát fir Herend eter truag trén nach
9717] cuinnig nech díb ní chucumsa. Níro gebthar fort or Diarmait {folio 117b}miach
9718] argait duit sunnút. Atá airget im limsa ol Gúairi. Atraracht im
9719] Gúairi & nos tairbir assa díb lamaib. & asberatsom ba lethfota a lám
9720] ónd úair sin oc rochtain na céli nDé.


9721] Dogniat iarom ógsid .i. Diarmait & Guaire. & ro gabsat fir Herend
9722] intí Gúairi do chomarlid & do chind athchomairc dóib ond uair sin
9723] tria bithu cein robo béo.


9724] Bá maith iarom intí Guairi. Is dó doratad tría rath féli in bó co
9725] n-aib ítha & inna sméra sind fulliuch. Is é doróni in firt n-amra hi
9726] Cluain meic Nóis día rucadsom dia adnacol di. Tánic in drúth dia
9727] saigid & ro gab algais de im athchuingid fair. Doratsom a laim
9728] darsin forbaid immach. & ro gab lán a duirnd don ganium & ro dibairc
9729] i n-uch in druad co nderna bruth óir dé. Conid hé sin enech
9730] dedenach Guairi. Conid Cath Diarmata & Guairi Adni a scel sin
9731] anúas.

p.293