Corpus of Electronic Texts Edition
Lebor na hUidre (Author: [unknown])


9220] Siaburchapat Con Culaind inso


9221] DOLLUID Patraic do Themraig do erail creitme for ríg
9222] nErend .i. for Loegaire mac Néill ar is eside ba rí Herend
9223] ind inbaid ar ni chretedsidé in Comdid ciano pridcaide dó.
9224] Asbert Loegaire fri Patraic noco chretiubsa duitsiu nách do
9225] Dia nó coro dusce Coin Culaind damsa fó míadamla feib
9226] adfíadar i scelaib conid n-acur & conid n-arladur ar mo bélaib
9227] sund is iar sain no cretiubsa duitsiu. Is folaith do Dia aní sin
9228] ol Patraic.


9229] Tic techtaire iarom on Chomdid co Patraic co tairistis co
9230] arna bárach for dua na rátha .i. na Temrach & ticfad Cu
9231] Chulaind a ndochum and. Is iar sin iarom luid Lóegaire do
9232] acallaim Patraic iar taidbsin Con Culaind dó ina charput.


9233] Asbert Patraic fri Loegaire innut tarfás ní. Domarfás im
9234] for Loegaire & nim thá cumac día aisnéis mani sénasu & mani
9235] chosecra mo gin. Ni senubsa ol Patraic do ginsu conom raib
9236] mo ríar. arsénub im in n-aér dotháet as du ginsu co n-écis in
9237] tadbsin tarfás duit.


9238] A mbása em for Loegaire oc dul dar Fán in Charpait do
9239] Cnuc Síde in Broga hi Tulaig in Turchomraic i mBruig Meic
9240] ind Óc. Co n-acasa in gaíth n-úair n-aigidi amal chroísig dibroí
9241] bec nád ruc ar folt díar cennaib & ná dechaid triund fodesin co
9242] talmain. ro íarfacht in gaíth do Benén or Loegaire. Asbert
9243] Benen frimsa is í gáeth iffirnd insain iarna oslucud ría Coin
9244] Culaind. Co n-accamár iarom in tromchíaich máir doléic fornd.
9245] Ro iarfachtsa dano do Benén in tromchiaig sin. asbert Benén
9246] bátar anála fer & ech immandeochatar in mag ríam. Co
9247] n-acamar iarom in feóchúni mair uasund túas. Ba lán in tír di
9248] sudib & ba heter nélaib nime bátár ara n-airde. Ro iarfacsa do
9249] Benén aní sin. Asbert Benen batar fóit a cruib na n-ech bátár
9250] fó charput Con Culaind.


9251] A mbámmár and iar sain co n-acammar fúatha na n-ech
9252] triasin ciaich & na fer isin charput solam arae apri hesi for ard
9253] síthbe sigidi eich doríadat séotu. Co n-accasa iarom in dá ech

p.279


9254] commóra comaille acht nammá co sain delba & datha. comlúatha
9255] comchóri comgníma boslethna deslethna biruich ardchind
9256] agenmair gobchuíl dúalaig dénmecha dathálli tullethain forarda
9257] forána forbreca. At é cendbeca cruindbeca urarda aurderca
9258] aurgastai. Bruinni derga beólaidi sulgi slemna saitsidi sogabalta
9259] fégi fáeborda femenda cassmongaig cóiri caím casarcig broga
9260] forfuil ina díaid inétside da ndroch duba tarchise. Dá roth
9261] chóiri cóicrisi. Fertsi crúadi colgdirgi. Dá n-all n-aphthi
9262] n-intlasse. Síthbe findargit co fethan {folio 113b}findruine. Cuing
9263] dron drumnech fororda. Pupall corcorda. Fortche uanide.
9264] Láech and isin charput sin súas máeldub demis fair for suidiu.
9265] Atá lim is bó roda lig. Súil glas bannach ina chind. Fúan
9266] corcorgorm im suide a cetoraib orgait óengil. Dulend dergóir
9267] fora bruinnib ro leth dar cechtar a dá gúaland. Léni gelchulpatach
9268] immi co nderginluth intlase. Claideb orduirnd
9269] i n-ecrus sésta fora slíastaib. Manaís lethanglas for crund
9270] miding ina láim. Foga fogér fóbartach ina farrad. Scíath
9271] corcorda co comrod argit co túagmílaib óir úasa díb n-imdadaib.
9272] Atá limsa bá frass do nemannaib ro lád ina chend. Dubithir
9273] leth dubfolach cechtarde a da brúad. Deirgithir partaing a beoil.
9274] Ara ara bélaib isin charput sin araile forseng fánfota forbrec.
9275] falt forchas forruad fora mulluch. Gipne findruine fora étan nád
9276] léiced a folt fó agid. Cuache de or fora díb cúalaid hi taircellad
9277] a falt. Coichline ettech immi co n-aurslocud ara dib n-ullennaib.
9278] Bruitne di dergór ina láim. dia tairdellad a eochu. Dóich limsa
9279] bad hé Cu Chulaind & Lóeg a ara no beth and & Dub Sainglend
9280] & Liath macha. no beth fón charpat.


9281] In creti Dia fodechtsa a Loegairi ol Patraic úair dodeochaid
9282] Cu Chulaind dot acallaim. Mása é Cu Culaind atconnarc is
9283] garit limsa ro boí ic comaccallaim. Is folaid Dia ol Patraic
9284] mas éseom ro boí and dorega dot acallaimsiu afrithisi.


9285] A mbátár and iar sin co n-accatár in carpat isin mag a
9286] ndochum cona díb n-echaib & Lóeg mac Ríangabrat ina
9287] farradnacht & Cu Chulaind ina erredacht. Secht cles lí ani
9288] fichet úasaib etarbúas. Tairmcles nónbair .i. cles cait & cles
9289] cúair. Cless daire. Dallchles n-eóin. léim dar neim. &
9290] dergfilliud erred náir. & gai bolga. & baí bresse. & bruth ngéine.

p.280


9291] & sían churad. & rothchles. & fáeborchles & ubullchles. & torandchles.
9292] & dréim fri fogaist. & dirigiud creitte fora rind & fonaidm
9293] níath náir. & táithbéim. & béim co fomus. Immasleig cach la
9294] beirt immin n-araid gabáil na n-ésse biid uasaib & análaib.
9295] Dolluid Cú Culaind do acallaim Patraic & bennachais dó.
9296] is and sin asrubairt.
    1. 9297] Ateoch a nóem Patraic
      9298] itt arrad iteó.
      9299] romucca lat chretmecho
      9300] hi tírib na mbeó.


9301] Creit do Dia & do náem Patraic a Loegaire ná túadaig tond
9302] talman torut ar ní síabrae rodatánic is Cú Chulaind mac Sóalta
9303] ar is bith cach rúanaid recht ná talam cach ciúin celar cach
9304] triúin {folio 114a}talam cach naib nem ar is dord síabrai cen midsiu
9305] is bith cáich ar úair immáredisiu. Boí Cu Chulaind ina thost
9306] & ni arlasair Loegaire. Cía rét Brega a Loegairi cia suides
9307] a fantu. Cia aires a n-áthu. Cía aithet a mna. Cia charat
9308] a n-ingena. Ced duitsiu & damsa or Loegaire a n-iarfaigidside.
9309] Ro boí tan a Loegairi bá messe immátheged immatimchellad immidamthellech.
9310] Ba mesi alau cúrad cartais glonnaib arddaib
9311] immanaigtís ro boí tan a Loegairi. Ba messi dothéged a margressa
9312] noruíned a márcongala. Bá messi in Cú Chulaind
9313] cathbúadach gnússachtach gesechtach rigderg roíglethan rogellach
9314] no bíd ar Maig maínech Murthemne. Creit do Día & do
9315] Phatraic a Loegairi ar ní siabrai dotánic acht Cu Chulaind
9316] mac Soalta. Mássa Chú fil and or Loegaire adfét dúnd día
9317] márgnímaib. Ba fír són a Loegairi or Cu Chulaind.


9318] Bassa collid giallasa i n-airitin átha mo thúath. Basa
9319] balcbémnech for níathaib & mórslúagaib. Imréidindsea a
9320] nggraige senlúatha mo námat isnaib lúacrachaib lánaib co
9321] fagbaindse a n-eltae beómarbae isnaib slébib iar n-ardbiu
9322] a comlund comardae na fer no bítís foraib.


9323] Manus fil samlaid na gnima sin feib adrímiu batár gníma
9324] erred latsu níptar gníma con.


9325] Bá fír són a Loegairi ol seseom. Nipsa chúsa gabála lis.
9326] Basa chúsa gabála uis. Nipsa cháusa cruib i n-aurchaill.
9327] Bása chúsa comnart do chomlond. Nipsa cháusa imlomtha

p.281


9328] fuidell. Basa chausa tairbe buden. Nipsa causa ingaire gamma.
9329] Basa cháusa ingaire Emna.


9330] Manus fil na gníma sain feib dodrímiseo bátár gníma erred
9331] latso.


9332] Bá fír són a Loegairi ol Cu Chulaind bátar gníma erred
9333] limsa. Bása eirrsea. Bása aura. Bása ara carpait máir.
9334] Bása máeth fri maíthi. Basa imdenach frim tháir. Bása
9335] ennach mo námat. nipsa nemthenga mo crích. Bása chomrar
9336] cacha runi do andrib Ulad. Bása mac la maccu. Ba fer la firu.
9337] Bá dim chusc asrarath. Basa maith frim aír. Basa ferr fri
9338] molad.


9339] Mása é Cu Chulaind fil and or Loegaire adfét dún ní dona
9340] morgabthib ro gábi, Ba fír són a Loegairi ol Cu Culaind.

    1. 9341] Immáredindsea márgraige
      9342] la Concobor crúaid
      9343] bá i n-ailethúaith
      9344] aslingind cach mbúaid.
    2. 9345] Ro clisius for analaib
      9346] uasa uíb na n-ech.
      9347] ro mmebdatár riumsa
      9348] mórchatha cach leth.
    3. 9349] Ro brisius aurgala
      9350] for triunu na túath.
      9351] bá misi in caur claidebrúad
      9352] iar sligi na slúag
    4. 9353] Ro brisius a fáeborchlessa
      9354] for rindib a claideb.
      9355] rosiacht a mórairgne
      9356] ba tria daigte tened.
    5. 9357] Tairred n-aile dochúadussa a Loegairi
      9358] acht ba sin úair.
      9359] coro ferussa márchatha
      9360] fri Lochlaind atúaid.
      6. {folio 114b}

      p.282

    6. 9361] Araile láech and domárraidsi
      9362] iar techt dam for sét.
      9363] trícha cubat a ardai
      9364] ba ed sin a mét.
    7. 9365] Iar sin ro selachsa
      9366] iar nglés dún fo thrí.
      9367] fochartsa a chend isin cath
      9368] co torchair ín rí.
    8. 9369] Iar sin dorochratár
      9370] ro thesbaid díb.
      9371] secht cóecait cach óenchatha
      9372] o ro gabthá a rrím.
    9. 9373] Is íar sin ro nenascsa
      9374] foraib fora ndáil
      9375] .uii. cét talland argait báin
      9376] im secht .c. tallant óir
      9377] bá sí sin in cháin
    10. 9378] Tairred dochuadusa a Loegairi
      9379] día lád hi tír Scaith
      9380] dún Scáith and cona glassaib íarn
      9381] forurmius láim fair
    11. 9382] Uii. múir imón cathraig sin
      9383] ba etig a dend.
      9384] sonnach íarn for cach múr
      9385] forsin bátár nóe cend.
    12. 9386] Dorse iarn for cach slis
      9387] frimna niro chosnoda.
      9388] atacomcussa com láu
      9389] condarrala i mbrosnacha.
    13. 9390] Buí cuithe isin dún
      9391] lasin ríg adfét
      9392] .x. nathraig doróemdatar
      9393] dara or ba bét.

      14. p.283

    14. 9394] Iar sin atarethusa
      9395] cíar adbol a ndrong.
      9396] co ndernus a n-ordnecha
      9397] eter mo dá dornd.
    15. 9398] Tech lán do loscannaib
      9399] dofarlaicthe dún.
      9400] míla géra gulbnecha
      9401] ro leltar im srúb.
    16. 9402] Bíastai granni dracondai
      9403] cucund dofutitis.
      9404] tréna a n-amainsi
      9405] echdíli cíadcutís.
    17. 9406] Iar sin atarrethusa
      9407] in tan bá fóm rois.
      9408] cotamfoltsa comtar menbacha
      9409] eter mo dí bois.
    18. 9410] Baí coire isin dún sin
      9411] lóeg na teóra mbó.
      9412] .xxx. aige ina chroes
      9413] nirbo luchtlach dó.
    19. 9414] Taithigtis in cairi sin
      9415] bá mellach in bág.
      9416] ní théigtis úad for nách leth
      9417] co fácbaitis lán
    20. 9418] Baí mór di ór & argut and
      9419] bá hamrae in fríth.
      9420] dobirt in cori sin
      9421] la ingin ind ríg.
    21. 9422] Na téora bai dobertamár
      9423] ro snaidet a muir.
      9424] ba here desi di ór
      9425] la cách fora muin
    22. 9426] Iar tudecht dún forsin farci
      9427] bá hadbol la túaith.
      9428] báite fairind mo churaig
      9429] lasin n-anfod crúaid.

      23. p.284

    23. 9430] Iar sin immórousa
      9431] gíarba gábud grind.
      9432] nonbur cechtar mo dá lám
      9433] xxx. for mo chind. l^ for mo druim
    24. 9434] Ochtur form díb slíastaib
      9435] rom leltar dim churp.
      9436] bá samlaid sain ro snausa in farrci
      9437] co mboí isin phurt.
    25. 9438] An ro chesusa d'imned
      9439] a Loegairi
      9440] for muir & tír.
      9441] bá ansa damsa óenadaig
      9442] la demon co n-ír
    26. 9443] Mo chorpan ba crethnaigthe
      9444] la Lugaid a búaid.
      9445] roucsat demna m'anmain
      9446] isin richis rúaid
    27. 9447] Immárubartsa in clétine
      9448] gai bolgae do léir.
      9449] ro bása i comchétbúaid
      9450] fri demon hi péin
    28. 9451] Bá comnart mo gaiscedsa
      9452] mo chlaideb ba crúaid.
      9453] domrimartsa in demon co n-óenmeór
      9454] isin richis rúaid
    29. 9455] Ind ríg cosniat a rríge
      9456] cía beit co mméit a mbrigi.
      9457] ní cumcat ni la mac nDé
      9458] acht a cubatt i ndire.
    30. 9459] Slúaig Ulad im Chonchobar
      9460] calma in coraid.
      9461] iglet in demnae
      9462] i n-iffurnd at brónaig.

      31. p.285

    31. 9463] Acht in rí mac Nessa
      9464] arbáge ar mac Maire.
      9465] atát i pein iff(rind)
      9466] formna na lath ngaile.
    32. 9467] Bá mád tulad dot brethir
      9468] a Loegairi
      9469] fri Patraic iarrid uair.
      9470] conom thucadsa a hiffurnd
      9471] conid dam[H] sa a búaid
    33. 9472] [M] Is búaid mór di Góedelaib
      9473] co clothar in slúag.
      9474] cech óen chreitfes do Patraic
      9475] i nnim níbá trúag.
    34. 9476] Ceni cretindso a Loegairi do Patraic
      9477] na creitfet Ulaid.
      9478] (an ro chesussa) do imned
      9479] bá mo turem.
      35. {folio 115a}
    35. 9480] [H] Iss ed mo chosc do cach óen
      9481] scarad fri peccad fri clóen
      9482] cach óen cretfes do Patraic
      9483] ragaid hi tír inna náem
    36. 9484] Cach mac ríg rochluinethar
      9485] di Ultaib i nHére
      9486] creitted do Patraic for rith
      9487] bad mór a dene
    37. 9488] Dobeir bennacht for Patraic
      9489] forul a llín
      9490] in cech óenaird i nHére
      9491] a mbia a síl.
    38. 9492] Is búaid mór do Goedelaib
      9493] no chluined in slóg
      9494] cach óen creitfes do Patraic
      9495] for nim níbá tróg

      39. p.286

    39. 9496] Is cian mór ó 'tbaltsa
      9497] ropu mór in túath
      9498] is cumachta mór domfuc
      9499] ar cend inna túath
    40. 9500] Is cían scarsu fri eochu
      9501] fri carpat foa lí
      9502] is cumacta mór domuc
      9503] amal atomchí.
    41. 9504] Ind eich seo a Loegairi
      9505] retha rith co mbúaid
      9506] is Patraic dodrathbeogastar
      9507] condat e ata lúaith
    42. 9508] In carpat so atchisiu
      9509] i ndegaid na n-ech
      9510] is Patraic ro cruthaigestar
      9511] conid hé as dech
    43. 9512] Cosind étuch cosinn arm
      9513] cosin erriud clis
      9514] is cían mór o atrubaltsa
      9515] o ro scarus fris.
    44. 9516] In slúag mór donarrchomlais
      9517] file foa lí
      9518] nos mairfed Patraic for rith
      9519] connaptís bí.
    45. 9520] Dosraithbeoigfed aitherruch
      9521] robad mór in band
      9522] co mbetis i mbithbethaid
      9523] ar bélaib na cland
    46. 9524] Atomchi a Loegairi
      9525] atomglaithe leir.
      9526] mani crete Patraic
      9527] biasu hi péin.
    47. 9528] Cid latsu bithbetho
      9529] talman cona lí.
      9530] is ferr óenfocraic i nnim
      9531] la Crist mac Dé bí

      48. p.287

    48. 9532] Ateoch a nóem Patraic
      9533] it arrad nom theig
      9534] romfuca lat chretmecho
      9535] is tir immaréid.

      immaredind.


9536] Creit do Dia & do nóemPatraic a Loegairi arna tudaich tond
9537] talman torut. Doraga niba cumtabairt mani crete do Dia & do
9538] nóemPatraic ar ni siabráe dotanic is Cu Chulaind mac Soaltai.
9539] Ro fírad dano aní sin. dodeochaid talam tar Loegaire adfiadar nem do
9540] Choin Culaind. Ro chreti trá Loegaire do Patraic iarom.


9541] Bá mór trá a cumachta do Patraic .i. todúscud Con Culaind íarna
9542] bith .ix. cét bliadna hi talmain .i. o flaith Conchobair meic Nessa iss
9543] eside ro genair hi comgein fri Crist co dered flatha Loegairi meic
9544] Neill. meic Ecach. Mugmedóin meic Muredig Tírig meic Fiacrach
9545] Roptine meic Corpri Liphechair meic Cormaic Ulfotai meic Airt Óenfir
9546] meic Cuind Cetchataig meic Fedelmthe Rechtada meic Tuathail
9547] Techtmair meic Feradaig Find Fechtnaig meic Crimtaind {folio 115b}Niad Nair
9548] meic Lugdach Riab nDerg dalta side do Choin Chulaind mac Soalda.