Corpus of Electronic Texts Edition
Lebor na hUidre (Author: [unknown])


2925] Aided Echach meic Maíreda inso


2926] RI maith ro gab (Mumain) .i. Mairid mac Cáiredo. Batár dá mac
2927] mathi leis .i. Eochaid & Rib. Ebliu im ingen Gúari a Bruig
2928] Meic ind Óc is í ba ben do Maírid. Ro láeside menmain fora macsom
2929] .i. for Eochaid. is ond Eblind sin dano ainmnigther Slíab nEblinde.
2930] Baísi tra oc tothlogud in gilli fri ré ciana. Ro laisi trá fo deoid algis
2931] fairsium co tudchad for aithed léi. Asbert im Rib fria brathair ara
2932] mberad leis in mnaí síu no beth fo athis & no ragadsom a tír leis.


2933] Dobert iarom Eochaid Eblind leis for aithed & tic Rib leó. Deich
2934] .c. a llín do feraib. Is amlaid tancatar co n-étaib & co n-almaib léo.
2935] asbertartar a ndruid friusom connách n-óeninad boí i ndan dóib orba
2936] do gabáil. scarait iarom oc Beluch da Liac. Luid Rib síar co Tir {folio 39b}
2937] Cluchi Midir .i. Mag Find & in Meic Óic. Luid Midir chucu & capull cengalta oci
2938] co srathair fair iar marbad dosom a n-(ech) uli remi. Doberatsom a
2939] crod uli fair co ruc leó so tici Mag nArbthen .i. ait hi fil Loch Rí
2940] indiu. laigid in gerran occo and sin & siblaís a fual corbo thipra.
2941] conid hé sin tánic tairsibsium iar sin coros báid uli. conid hé Loch Ri.


2942] Luid dano Eocho co ránic in mBruig meic ind Oc. Tánic fer mór
2943] chucu & dlomaid dóib asind ferand & ni dernsat fair. Marbaid in
2944] fer dano a n-eochu uli ind aidchi sin. Tic in fer cétna ara bárach &
2945] asbert friu. Mairfetsa for ndóeni uli innocht for se mani fácthai in tír
2946] forsa táthi. Dorignis mór d'ulc frind chena for Eochaid ar n-eich uli
2947] do marbad. Cia bad áil dun techt ní etam dul cen eochu. Dobeir
2948] Oengus ech mór doib & curit a crod uli fair. & asbert friu cen scor ind
2949] eich & arná léictis airisium dó arnár siblad a fúal arnabad fochond báis
2950] dóib.


2951] Imtigit íar sin día domnaig isin mís medonaig ind fogomair. co
2952] rancatar Liathmuine i nUltaib. Tecait uli dia saigthin ind eich &
2953] berait a crod uli i n-óenfecht de. & niro soí nech dib aiged ind eich in
2954] frithlorg. silis in t-ech oco iar sin combo thipra. Dogní Eocho iar sin
2955] tech immon tiprait & comla furri & oenben ocá hathigid. Ro chosain
2956] Eocho lethrigi nUlad iar sin fri Muridach mac Fíachach Findamnais.

p.96


2957] Fecht and tra náro íad in ben tiprait atraracht Lind Muni dar
2958] Líathmuni .i. don topur. & ro báded Eocho cona chlaind and acht Li Ban &
2959] Conaig & Curnan onmit. Is ón Chonaing sin dano ro chinset Dál
2960] mBúain. & Dál Sailne. Baí trá Curnan oc taircetul doib ind locha do
2961] thichtain tairsib conid and asbertsom.

    1. 2962] Ticid ticid gebid faebra
      snaidid ethra
      2963] ticfa Lind Muni da Liathmuni
      co llethba.
    2. 2964] Baidfidir Airiu & Conaing sin lind lethain
      2965] snáifid Li Ban sair síar sanchan tar cach trethain.


2966] Fir on dosom sin ar ro boi Li Ban tri chet bliadna ar fut in mara &
2967] a orci i rricht dobran ina díaid cach conair no theiged can scarad fria
2968] eteir do gréss. conid si fein ro innis a imthechta do Béoan mac Inli
2969] dia ragaib hí ina línaib conid and sin ro chansi inna briatra sís
2970] iarom.{folio 40a}

    1. 2971] Fo Loch Echach adba dam
      2972] ard in sceng dron dringed graig
      2973] erdalta fo brunnib bárc
      2974] tond mo tugi tracht mo fraig
    2. 2975] Duil echnat ind airmairi .i. don topur
      2976] ní gnáth brónan for sudi
      2977] is mairg frisi tibi gen
      2978] in ben di thonnaib .i. in tipra tuli
    3. 2979] Fossod a tond medrach mend
      2980] mandra sál fri ainbthe hír .i. firinni
      2981] tairind dinetan do fraig .i. tabair haigid form
      2982] nom léic bicatan do thír
    4. 2983] Asta dinetan fort chind
      2984] cían o ra ét locha lind
      2985] tri chét bliadna o tú sund
      2986] o bate and Eocho find
    5. 2987] Imda imned in cech du
      2988] ní mád chin dún mac na mná
      2989] mag i mbitis drongu ech
      2990] conid ethair immará

      6. p.97

    6. 2991] Tipra meic Maireda mais
      2992] benaid frais fri hadba nuis
      2993] a llind laíchnech lethan glais
      2994] immáteged cách dia chuis
    7. 2995] Dia mbá fo lind locha láin
      2996] imrordus .i. ríg richid ráin
      2997] ateoch .i. atchim in n-athair is náem
      2998] atlochor braen batis báin
    8. 2999] Bása i n-ón (?) bíasta n-oll
      3000] ro snadius muir medrach mend
      3001] domfuc tond ós Letha (?) lind
      3002] i rricht íaich acht mo chend
    9. 3003] Ciapsa duine ciapsa bled
      3004] rom charsat máil maigi Breg
      3005] nírbo lesainm básá lí
      3006] rom anacht rí rethes ler
    10. 3007] Máré matan matan Mairt
      3008] ní fúar ethar ni fúar bairc
      3009] is and dolluid ba scél ngle
      3010] Lind Muni da Líathmune
    11. 3011] Fó mo matan do Maig Cecht
      3012] son forcetul imomracht
      3013] siachtsom donend & úacht
      3014] domruacht tond fri trethan tracht
    12. 3015] M'oenurán im romra ró
      3016] ro snó farrci garb a glend
      3017] mé muc mara méthas tond
      3018] baíthium anfud mílach mend
    13. 3019] Ardomneat anfuth úar
      3020] fri uarfarrci dulgi fál
      3021] murbrucht Locha Echachach ain
      3022] cenid mé in murgelt már
    14. 3023] Doraingert Curnan cét gal
      3024] in scel sa dodeochad dún
      3025] tipra ro boí inar tig
      3026] is sí non curfed dar múr

      15. p.98

    15. 3027] Fota mo chomnaidi sund
      3028] amal rom ordaig mo rí
      3029] mar rom chertaig Día do nim
      3030] ar cind ind fir Brenaind bí
    16. 3031] Na téig a Brénaind na teig
      3032] conid arlasar do léir
      3033] innis dam ar Dia do nim
      3034] cia rí dofil for Loch Léin
    17. 3035] Atbersa frit ní rád mer
      3036] is rí Fiachna formna gil
      3037] ro techt aichnid o mac Dé
      3038] inné dodechaid do nim
    18. 3039] Fomtiu do chach crad meic Dé
      3040] dáig iss e conic cach ní
      3041] comsid na náem násad n-an
      3042] Día már midedar cach ní
    19. 3043] Nirbo mé in murgeilt már
      3044] nirbó mé in traignech thrén
      3045] blaisiu magri matan moch
      3046] fó Loch Echach adba én
    20. 3047] Mithig damsa dul for cel
      3048] scarad frim etal bes ni rom
      3049] blaisiu maigri matan moch
      3050] fo Loch Echach adba dam.

      f.

    21. 3051] Gudim Brénaind tria bith sír
      3052] hi céin béo fo lindib lo
      3053] cobair fir a culchi chíar
      3054] rom áin co cían funchi fó.

      fó .L.

      22. {folio 40b}
    22. 3055] Tipra meic Maireda mais
      3056] for luid laiss lodomar dó.
      3057] úasu immi ro as muir
      3058] & is tír hi fuil fó.

      fo Loch E.


3059] Iss ed sin dano is mó ro scail Ultu fo Érind tomaidb Locha Echach.
3060] fo thír. Doratad dano ainm do Lí Ban iarna baisted .i. Murgen .i.
3061] gein mara. a leth na bratan ro boi & a lleth n-aill na duni. is disi
3062] ro chet in senchaid na runnu sa.

p.99

    1. 3063] Murgein is gein co mbúadaib
      3064] ingen Echach imuallaig
      3065] dochúaid sech císu co cert
      3066] cé dorat Ísu i n-anrecht
    2. 3067] Ro char in ben secech treib
      3068] Lí Ban ingen ind fir sein
      3069] ro airbir bith fon tsruth trom
      3070] noco tard guth do Cholom.
    3. 3071] A llos a lín is a craind
      3072] Beoan iascairi Comgaill
      3073] dosrat iarna taistel tair
      3074] coro baisted i ndabaig
    4. 3075] Ingnad in richt as baí lus
      3076] Dia dorigni in firt follus
      3077] a drech abban ceirbo cacht
      3078] a lleth do bratan bitbalc
    5. 3079] Día n-ebart carais m'áeda
      3080] Oengus hua Aiblen áebda
      3081] moe mó Dia is ada sin
      3082] gein mór in mara Murgein.

      M. is .g.


3083] Lí Ban tra & Airiu da ingin Echach Find meic Maireda. ro baided
3084] Airiu ben Curnan and. atbath dano Curnan dia cumaid side inde Carnd
3085] Conan nominatur. ar ec Curnan and sin.


3086] Bliadain lan tra do Li Ban ina gríanan fón loch & a mesan inna
3087] farrud and & Dia oca anacul ar uscib Locha hEchach. Co n-érbairtsi
3088] i n-araili lo and. A Chomdi for si mogenair no bíad i rricht na
3089] mbratan co mbeth sechnón in mara for comsnam friu. Ro soiedsi
3090] iar sin i rricht bratan & ro soied a orci i rricht dobran. co mbíd na
3091] degaidsi fóna uscib & fóna murib cach conair no imthigedsi for cach
3092] n-aird. Co rabisi ó amsir Echach meic Maireda co amsir Comgaill
3093] Bendchair fon n-innas sin.


3094] Ro laí Comgall úaid Beoán mac Indli o Thig Da Beóc co Roim do
3095] accallaim Grigair for cend uird & riagla. In tan im ro batar lucht
3096] curaig Beoan oc imrum forsind farrci co cúalatar celebrad aingel fon
3097] churuch. Coro íarfaig Beoán cid dia ta in celebad sa for se. Messi
3098] dogní for Li Ban. Cia thusa for Bean. Li Ban ingen Echach meic
3099] Maireda missi for si. cid fotera duit bith amlaid sin ar esium. Attú
3100] tri chét bliadna fond farrci for si. & is dó tanac {folio 41a} dia innisin duitsiu

p.100


3101] mo dala chucutsu síar co Inber Ollorba. & frithailter misi acaibsi for
3102] naemaib Dail Araide isind ló sa hi cind bliadna & abairsiu fri Comgall
3103] & frisna naemaib olchena insein. Ni ebur sin for Beoan acht mani
3104] thucthar a log dam. Cia log connaigi ol isi. t'adnacul ocumsa fein im
3105] manistir. Rot fiasu sin tra ol isi.


3106] Tánic Beoán anair íar sin & ro innis do Chomgall & dona cleirchi
3107] olchena scéla na murgelti. Tánic in bliadain ass foi sin & ro indiltea
3108] na lina & ro gabadsi i llín Fergusa o Míliuc. Tucad co tír hí iar sin &
3109] ba ingnad a túrascbail & a delb. Tancatar sochaidi dia descin & sí
3110] isind ethur & usci impi and. Ro boí toisech ua Conaing and cumma
3111] cáich & brat corcra immi. Ro boisi dano ocá sírdescin side. Ro íarfacht
3112] in t-óclaech di masa th'airi téit don brut for se rot fia. Ac for si ni
3113] hairi atú ca descin etir acht brat corcra ro boi im Eochaid in lá
3114] ro báided hé. Rath fortsu dano for si & for fir t'inaid ina log sin. &
3115] nirab écen iarfaigid fir t'inaid do grés. in cach airiucht i mbia. Tánic
3116] laech forgrainni dub mór & ro marbside a mesansi. Foracaibsi doside
3117] & día thúaith a ngaisced fora n-ottraigib. & can a n-uilc do dígail dóib
3118] nó coro troisctis accisi. slechtaid in t-oclaech di iar sin.


3119] Ro boi íarom imcosnam impisi. Asbert Comgall robo leis hí ar is
3120] na ferund ro gabad hí. Asbert dano Fergus robo leis hí ar is na lín
3121] tarras hi. Ro raid Beoan dano corbo leis hi ar ro gell fein dó. Ro
3122] troiscet ule inna naim sin tra co rucad Dia breith etorro imma
3123] n-imresain. Asbert in t-aingel friaraili nduni and. Ticfat da dam
3124] allaid i mbarach for se a Carnd Airend & tabraidsi in carpat foraib
3125] for se & in leth bertait sin hí lecidsi dóib. Tancatar na daim arna
3126] bárach amal ro thingell in t-aingel & rucsat hí co Tech Da Beóc.
3127] Tucsat na clérig a rogo di iar sin .i. a baisted & a tocht dochum nimi
3128] fo chetóir. isind uair sin.l^ a fuirech in comfot cétna & a techt dochum
3129] nimi íar sírsaeglaib. Iss e roga rucsi {folio 41b} a éstecht and sin. Ro baist
3130] Comgall hí & iss é ainm dorat di Muirgein .i. gein in mara. l^ Muirgeilt
3131] .i. geilt in mara. Ainm n-aill di dano Funchi.


3132] Dogniter dano ferta & mirmaili trethisi and sin. & ita amal cach
3133] naemóig co n-onoir & co n-airmiten amal doridnacht Dia di i
3134] nnim.

p.101