Corpus of Electronic Texts Edition
Lebor na hUidre (Author: [unknown])

TÁIN BÓ FLIDAIS

[gap: missing leaf]
1558] Cid dofuci or Ailill Find. coro faeem celidi latsu íairm ár atá
1559] debuid dún fri Ailill mac Mágach. Mád nech dit muintir seo
1560] no ragad for debaid no anfad limsa co roísced a síd. Ní anfa
1561] om or Ailill Find atfíadar dam rot chara mo ben. Tabar ascid
1562] dún didiu di búaib or Fergus ár atá ecen mor fornd tochsaígid in
1563] tslúaig dolluid lind for longais. ni béraso ascid úaimsea for se
1564] úair nách anaí célidi lim. Atbéra nech is ar anacol mo mná
1565] lim dobéraind deit an conaigi. Dobér dam co tinniu dúib dia
1566] furriuth masa adlaic lib chena.


1567] Ni chathiubsa do bíadso im for Fergus úair nach berim
1568] th'ascid. Asind lis dúib didiu or Ailill. Rot bia són or Fergus ni
1569] gebthar forbaes fort linni. Tocumlát ass immach. Tairced fer
1570] ar mo chendsa i n-áth fo chétóir i ndorus ind lis. or Fergus. ni
1571] herfaider dom incaibse ón sibsi imme sin or Ailill. Totháetside
1572] i n-ath ara cend. Cia [H] uaind ól Fergus[M] a Dubth[H] aig ragas ar
1573] cend[M] ind fir. Ragatsa or Dubthach am so & am anáithiu atáesiu.
1574] Téit Dubthach ara chend. Benaid Dubthach sleg trit .i. tria Ailill co
1575] ndechaid tríaa da sliasait. Toleiciseom gai do Dubthach co
1576] mbert crand trít a lleth n-aill. Focherd Fergus scíath tar
1577] Dubthach benidsom hi scíath Fergusa co mbert crand trít
1578] fodesin.


1579] Tautat Fergus. Tobeir Fergus mac Óenláimi scíath
1580] airiside. Benaid Ailill gai hi suide co lluid trít. Focheird
1581] co mbuí ina ligu fora chélib. Tautat Flidais asin dún &
1582] focheird a brat tairsu a tríur. Muitti iarom do muintir
1583] Fergusa for teched. Téit Ailill inna ndíaid. Fácabar
1584] .xx. láech lais díb. Atluí morfesser díb do Cruachnaib{folio 21b}

p.56

    Bricne cecinit
    1. Ailid Ailill amra triath
      gadaim tre ech asa íath.
      domorched cul comlúth marc
      as ferr sagod ro orth íath.
    2. Cóeca colg focherd a dún
      & fúan dian funchi rún.
      calb Domnand fotaili fí
      in r
      [gap: extent: 2 letters]
      cos tudchamar múr.
    3. Ailed mac Domnail Dail
      imper Irruis Do
      [gap: extent: 5 letters]
      baig.
      in saeglond docer mo losc
      in rosc fri irgala a
      [gap: extent: 1 letter]
      l.

1585] [H] Aí & adfíadat a sscél n-uli hi sudiu and sin do Ailill & do Meidb.
1586] Coterig iarom Ailill & Medb & mathi Connacht & in loinges Ulad
1587] olchenae. adcosnat hi crich Ciarraigi Aí cona mbudnib co Áth Féne.
1588] Rofuctha colléic la Flidais isin les ind fir athgoiti & dognith a frebaid
1589] lea. Tecait iarom in tslúaig dond lis.


1590] Congairther Ailill Find do Ailind mac Mata immach assind lis dia
1591] acallaim. ni ragsa or se is mór a uallchas & a sotlacht ind fir fil and.
1592] Ba do chocur chóre cena boí Ailill mac Mata do Ailill Find & do
1593] frebaid Fergusa do amal bad techta & do chórai friss iar sin do réir
1594] tigernad Conacht. Bretha iarom ind óic athgoiti for fúataib immach
1595] assin dunad co mbátar oca n-othor lía muintir fessin. Nos fobret
1596] iarom ind óic for togail in duni & niro fetsat nách ni dó. fri sechtmain
1597] láin dóib fón n-innas sin. Dorrochratar secht fichit láecht di mathib
1598] Connacht oc togail a duine for Ailill Find.


1599] Nírbo sén maith dolodbair ol Bricriu do saigid in duni seo. Adde
1600] is fir ci atberthar son or Ailill mac Mata. Olc do inchaib Ulad in
1601] fechtas so na tri eclaind do thutim dib & nad tabrat dígail fair. Ba
1602] háge immairic cach fer díb seo. nícon torchair cid óenfer lais nách ai
1603] díb. It móra ám na tri córaid seo do bith fo sopaib fer in duni seo.
1604] Mor in cutbiud in t-óenfer do far nguin for tríur. Uch cena for Bricriu
1605] is fota a chubat for lár mo phoba Ferguis ce ro trascair óenfer.
1606] La sodain atregat anchinnidi Ulad & siat lomnochta. & doberat fobairt
1607] trén tolchar co feirg & londnus dermar co rrucsat an n-imdorus inna
1608] cind co mboí for medon ind lis & tíagait Conachta léo immalle.
1609] Dofechat a ndun ar ecin imna láthu gaili batár and. Dofecair cath
1610] amnas étrócar etorro & nos gaib cách díb for sraigled & esorcon a
1611] cheli. Íar scis imgona & imforráin iarom dóib srainter for lucht in
1612] dúnaid. & arselgat Ulaid secht .c. láech and isin dunud im Ailill Find
1613] & im thrícho mac dia maccaib. & im Amalgaid & im Núado. & im
1614] Fíachaig Muinmetháin. & im Chorpre Chrom. & im Ailill mBrephne. &
1615] im thrí Oengusa Bodbgnai. & im thri Echthigiu Irruis. & im secht

p.57


1616] mBresléniu Áí & im coícait nDomnall. Ar bátár tinoltai na Gamanraidi
1617] oc Ailill & cach óen do Domnandchaib ro tinc báig leis batar oca {folio 22a} i
1618] n-oenmaigin fo bíthin rofitir conos tairsed longas Ulad & Ailill &
1619] Medb cona socraiti d'íarraid Fergusa. ar ba fora foesam boi Fergus.
1620] Ba si sin in tres láechaicmi Herend .i. in Gamanrad a Hirrus Domnand.
1621] & cland Dédad hi Temair Lóchra. & clanna Rudraige i nEmain Macha.
1622] La claind Rudraige immurgu ro dibdait in da aicme aili. Conderget trá
1623] Ulaid co tegluch Medba & Ailella leo & oirgset a ndún. & toberat
1624] Flidais leo assin dun. & toberat bancuri in duni hi forcomol. & doberat
1625] leo iar sin do neoch do sétaib & maínib baí and. eter ór & airget &
1626] curnu & copana & baíglénna & ena & dabcha. & doberat a mbaí
1627] d'etaigib cach datha and. & toberat a mbaí di cethrib and .i. c. lulgach.
1628] & da .xx. ar .c. do damaib. & tricho cet di mincethri olchenae.


1629] Is de sin luid Flidais co Fergus mac Róich a comarli Ailella &
1630] Medba fo dáig combad furtacht dóib ocon Tána na mbó a Cualngi.
1631] Is de sin no geibed Flidais cach sechtmad láa di feraib Herend do
1632] bóthorud dia thoscid ocon Táin. Ba sé sin búar Flidais. Is de sin
1633] luid Flidais la Fergus dochom a chríchi bunaid co ngab rígi blogi do
1634] Ultaib .i. Mag Murthemni cosinni baí i lláim Con Culaind meic
1635] Sualtaim. Ba marb iarom Flidais iar tain oc Traig Bali. & nibá ferdi
1636] trebad Fergusa ón. Ar ba sisi no frithailed Fergus im cach tincur bá
1637] hadlaic do. Is and atbath Fergus iar tain hi crích Connacht iar
1638] n-écaib a mná .i. iar tíchtain dó do fis scel co Ailill & Meidb. ar do
1639] irgartigud a menman & do breith táircthe cruid o Ailill & o Meidb.
1640] luidi síar co Cruachain. conid tíar dind fecht sin fúair a bás tria ét
1641] Ailella. conid Táin bó Flidais a scél sin anuas.

p.58