Corpus of Electronic Texts Edition
Lives of the Saints from the Book of Lismore (Author: Unknown)

Life 6


2787]

Betha Finnchua Bri Gobunn inso.


2788] BOI BRUGAIDH AMRA A n-ULLTAIB FECHT n-AILL do Mhughdhornaibh
2789] do-shunnraid .i. Findlogh mac Setna meic Abruinn meic Branain
2790] meic Dubhda meic Aenghusa meic Erca Deirg meic Briain meic Echach
2791] Muighmedhain
. Bai baincheli oca fria ré .xxx. bliadne, co nus-tarraid bás
2792] in tan-sin .i. Caemeall ingen Aedha Fogarta do Feruib Breg{folio 68ra} .
2793] Ro fhurail a chara & a chomhalta féin fair .i. Fiacha Súidhe mac righ
2794] Eirenn
, techt do thocmarcc bainchele eili conná beth i serg galair amal
2795] ro bhai do chumhaid a mhná fesin. Et ba h-i sin Idhnait inghen Fhlainn
2796] Leith-deirg
do Chiannachta Glinde Geimhin o Chomar Cinn t- Slebhe.
2797] Tochmaircidh-sium iarum in n-ingin-sin cu m-bo torrach uadh. Urailidh
2798] immorro Finnlogh cona mhuindtir for a comhalta .i. for Fiacha Suigdhe
2799] feall for righ Temra .i. for Blathmac mac Aedha Slaine. Do-gniter in feall,
2800] et geibhidh Diarmait mac Aedha Slaini righi Temra déis a brathar. Di-chuirter
2801] atuaidh lucht an fhill .i. Fiacha mac righ Temra & Findlogh a chomhalta
2802] & mile teinntech lais-sein.


2803] IS ann sin do-rala Mael Tuile mac Cuilchi, anmchara Findlogha, &
2804] faillsighter dhó an ingen do bheith torrach, & cumad gein amra diamad lán
2805] beoil bh-fer n-Eirenn in gein bai 'na broinn; & at-bert Mael Tuile:

    1. 2806] INdsaighfidh gala,
      2807] traethfaidh bidhbhaid,
      2808] saighfidh mind-righa,
      2809] bidh crann cuisc Temra,
      2810] lesaighfes Life,
      2811] fhoirfes Laighne.

2812] IAraidh immorro an cleirech an gein bai i m-broinn na h-inghine do idpairt
2813] do Dhia & a thabairt docum leiginn, & geallait-sium do-som sin. IDlaicter
2814] iarum iat cu righ Connacht, cu h-Eochaig Tirmcarna, & idlaicter o Eochaig

p.85


2815] cu righ Muman .i. gu h-Aenghus mac Nat Fraeich, gu Caisiul, et orduighidh-sein
2816] ferann doibh i Crich Mhogha Ruith, & toirrnid-siumh ráith amra ann .i.
2817] Raith Ua Cuile. Do-gniat didiu a mhuindter fleadh mhor do rígh Fer
2818] Muighi
.i. do Mhellind mac Tuirc, isin ard fria Raith Ua Cuile aniar. Luidh
2819] máthair Fhindchua, & si torrach, cu ro chuinnigh digh don linn for na
2820] scoairib, ár ros-gabh mían don linn, et ro h-erad h-i. Ro labair in gein
2821] bai 'na broinn, & it-bert so ann:
    1. Gerthit gurthit
      erail-sium sala
      2822] mor muincille melsedar Ulaidh uir
      amal melis milchu
      for mhil cu rossam.
      2823]

      Gertit


2824] LUIDH iarum an ingen dia tigh, et scailit a cercalla dona dabhchaibh{folio 68rb}
2825] acedair dia h-eis, & teit in fhlaith dimhain fo lár. Do-roich ri
2826] Fer Muighi .i. Meleand, cusin tech i m-bui in fhlaith, et o ro-chuala an scel
2827] gabhuidh cona bhuidhin lais for lurg na h-ingine dia marbad. Do-berur
2828] celtchair dhichlethi imon ingin o rath na gene bai 'na broinn, co rocht
2829] imshlan Raith h-Ua Cuile. Tainicc iar sin inbhaidh na h-ingine, & tecat
2830] idhain da h-indsaigid, cu ro thusimh in mac idhan ro bhui 'na broinn.


2831] BErar iar sin in mac thairrngertaigh co h- Ailbhe Imlech Ibhair dia
2832] baistedh, & do-berar screaball dó ara bhaisded .i. sect pinginne oir. Bennachais
2833] Ailbe iar sin in ghein, & do-berar ainm fair .i. Finnchua, & at-rubairt
2834] Ailbhe a thabairt fria leighenn i cind a secht m-bliadne. LOtar iarum lucht
2835] in bhaistte & in mac leo cu Raith Ua Cuile.


2836] Teacar iar sin o Chumuscach mac Cuind, o righ bh-Fer Tefa, mac sethar
2837] d' Finnchua e fein, do cuinghidh in meic dia altram; & do-berar dó, & ailter
2838] an mac i tigh Cumascaigh a n-Ard na Rigraidhi os brú Locha Ri, gu cenn
2839] secht m-bliadne, cu toracht Comhghall for cuairt Clainni Neill, co tarla do
2840] thigh Chumuscaig, co facaid in macamh óg isin tigh ara chind & spirut
2841] aingil 'na comaidecht. Do-breth Comgall gradh do, & imchomaircidh cuich h-e?
2842] ‘Findchua sin’, ar siat, ‘mac Findlogha’. ‘Ocus misi ron-alt’, ar Cumuscach,
2843] ‘& Ailbhe ron-baisd’. Cuinghidh Comhghall in mac for a aidi, & do-berur dó
2844] h-e. Do-rad in mac seirc do Chomhgall, & teit leiss co árus, co Bennchar
2845] Ulad
, & do-ghni leiginn oca amal cech n-dalta ele.


2846] Bui didiu ferghort cluana in tan-sin ac Comhgall, & mogaid no bhidis ica
2847] coimet cu toracht Findchua. O r'ptar toirrsigh iarum na mogaid at-bert
2848] Findcua: ‘Leagar duinne 'mar n-daltuibh in ferghort do choimhet gach lai
2849] timcheall’. At-bert Comgall: ‘Coimhet-sa aníu h-e ria cach’. Teit iarum


p.86


2850] Findchua do coimet in fheoir. Tic ri Ulad .i. Scannlan mac Dunadhaigh,
2851] cona sluag do Bennchar,{folio 68va} & cuirit a n-eocha isin bh-fergurt co
2852] Findchua. Dí-chuiris Findchua fo tri uada iat. Feargaighther friu fa deoidh,
2853] & escainid iat, cu ro soudhait na h-eich i clocha, conad Gort na Liag at-berur
2854] fris ó sin ille. Férgort na Mogad h- é cosin. Lonnaighter in ri de sin, &
2855] tiaghar uadh ar cenn Comghaill dia fhis uadh cia do-genad in gnim út. Tic
2856] Comgall guna dhaltaibh cusin righ, & Findchua i cuma chaich. Do-breth in
2857] ri aithne fair-siumh, conud h-é do-roine in gnim út triasin tuarascbáil tucsat
2858] na h-araid do fair, & ruamnais rosc in righ 'na cinn comtar derga teinntidhi.
2859] Rathaigius Finnchua inní-sin & fergaighius frisin righ, cu ro eirig in talam uimi,
2860] cu riact co a ghluinibh. Ad-chi Comhghall inní-sin, & sillaid tara ghualuinn,
2861] & at-bert fria Finnchua: ‘As fearr lat-sa do beith fein mór innúsa’, ar
2862] Comgall. Imdergthar im Findchua dhe sin, & cuiris a cheann fa chochall
2863] Comgaill, cu ro loisc in cochull. ‘Ar Dia rit, a meic bic’! ar Comhgall,
2864] ‘nachat-geibhedh ferg, & rat-fia do breth fein o righ Ulad & uaim- si’. ‘Cidh
2865] ar nacham-gebhudh ferg’, ar Finnchua, ‘umat shárugud-sa & umam
2866] sharugud fein don aen-gurt gabala bui ocuinn? Beir-si do breith’, ar
2867] Findchua fria Comgall. ‘Berat’, ar Comhgall, ‘acht gur' bhat buidech- sa’.
2868] Sillis Comgall forsin righ, & at-bert an ri: ‘Gach ni uma m-bia biat-sa fair’.
2869] ‘IS sí mu breth’, ar Comhgall, ‘na secht fichit bo blichta do-berur dam-sa
2870] uait-si gacha bliadne a tabairt do Fhindchua cu cenn .xxx. bliadne tarmheissi,
2871] & abdhaine Bennchair, & darabh a cinniud do dhula i l- leith n-aili leath
2872] na cuarta-sin do-som & a leth n-aili i bus’. Ba bhuidech Finnchua de sin, &
2873] cuirid in talam on righ tarais ana áit, & loiscter uili cochall Comgaill, conad
2874] aire sin nach dleghar cochall um comharba Comhgaill. Cunad iat tri ferta
2875] Finnchua iar rochtain co Bennchar .i. liaga cloch do dhenamh d' echaibh
2876] righ Uludh,{folio 68vb} & an talam dh' eirghi imon righ có a gluinibh, &
2877] cochall a aidi do loscud tria bruth a fheirge.


2878] Bai Comghall iar sin a m-Bennchar co cenn .ix. m-bliadne. Et foillsighter
2879] dó bás do beith 'na ghoiri, & tiagait teachta uadha ar ceann Ailbhe co
2880] Imliuch Ibhair, comad dia láimh no dhighsed dochum nime. Foillsighter
2881] do Ailbhe inní sin, & teit-sein cona dhírim cleirech cu rocht Bennchar. Et
2882] do-ghniat a n-aenta & a codach ann sin a triur .i. Ailbhe & Comgall &
2883] Finnchua. Teit Comhgall docum nimhe innsin do laimh Ailbhe, & facbhaidh
2884] Finnchua i n-apdhaine Benncair tara eisi co cenn secht m-bliadne, &


p.87


2885] erbaidh do Ailbe co m-beth Finnchua ria udhacht ceb é tan no ghebhudh dia
2886] lámh fair.


2887] IAr caithimh na secht m-bliadne di- chuirter Finncua o Bennchar & a
2888] h-Ulltaib uili tria cuimhgi fherainn. Tic iar sin Finnchua a h-Ulltaib atuaidh
2889] cu toracht la greasacht aingil cu fira Muman & co a righ .i. co Cathal mac
2890] Aedha, gu Caiseal, et feruidh in ri failte fris, & ordaighidh a rogha ferainn a
2891] Mumain dó. AS-bert Finncua: ‘Ní cetuighter dhamh ferunn acht in bhaile
2892] a freicera mu cloc mhe a n-oenar gan cungnum duini aigi’. At-bert Cathal:
2893] ‘Sir-si Mumain cu ro freagra do clocc thu, & in bhaile a n-gebha rat-fia gan
2894] imrisan friut’. Tic Finnchua roime o Chaiseal co crich Fer Muighi .i. h-i
2895] cenn iarthurach Maigi Maistertha, et siridh cain in maighi dús in freicerad
2896] a clocc h-e, et do-freagair isin maduin arnamharach i bh-Fán Muilt. Scoirit
2897] a n-eochu annsin, & leicit a foroire dhibh, & scailit a m-buar & a tainte fona
2898] ferannuibh ba coimnesa dhoib. Do-gniter iarum comhaighthes friu & diultad,
2899] & gerrtur a n-indile & buailter a n-aeghairedha. Acaínit a mhuinnter fria
2900] Finnchua. As-bert Finnchua fria coic .i. Dronan mac Dronbic: ‘Eirg
2901] cusan m-baili as comfhocus duinn annso, & tabair tene lat ass’. Luid iarum
2902] an coic ar cenn na teined cu tech rechtairi righ Muman .i. Baeth Brughai
2903] & Som ingen Mhothla a bhaincheli. IMcomhaircis in rectaire: ‘Cia h-airm
2904] asa tanacais ar cenn teined’? As-beart an coic:{folio 69ra} ‘O Fhinnchu,
2905] o dhalta Comhghaill’. ‘In annsin bia fuirech fair’? ar an rechtaire. ‘Ni
2906] fhetar amh’, ar an coic, et cuinghidh an tene. Do-breath an rechtaire tria
2907] thoghdacht urchar d' aithinne dho. Gabhuidh in coic ana ucht, & iss ed bui
2908] uime, cochall Finnchua. Timaircidh-sium in cochall imon teinid, & beiridh
2909] lais h-í. Cuiridh in rechtaire nech dia muintir cen fhis don coic co fesadh in
2910] loiscfedh an cochull. Cuiridh in coic asa ucht an tene a fiadhnuse Finnchua,
2911] & ní ro loisc finna na brothairne don cochall. Indisidh an techtaire anní sin
2912] don rechtairi gur' thaeidhligh a mhenma ind aithrigi, co n-ebairt cu tibhred
2913] failti dho gengu tucadh nech aili. Lotar iar sin in rechtaire & a baincele
2914] d' agallaim an cleirig fesin, & riaraighit h-e, & slechtait do, & bhiathait an
2915] cleirech in adaig-sin da gach bhiudh acht linn nama. At-fiadar do righ Muman
2916] conidh ann ro ghabh Finnchua, i Fan Mhuilt, etir a portaibh-sium & a
2917] airgeda. Fergaighther baincheli in righ de sin .i. Mughain ingen Fhiachrach
2918] Finn
ri Eoghanachta Locha Lein. At-bert si na toillfitis a n- en bhaili .i.
2919] muindter Finnchua & a muinter- si. Fiafraighis in ri cá cís do-bertha don


p.88


2920] righain & do fesin as in ferann-sin. ‘Ni anse’, or an rechtaire: ‘oen chúra fhinn & a
2921] furrthain d' fholcadh & d' únadh, & airmhed bracha as gach baili do nái m-bailib
2922] at coimhnesa dhamh. Eirgedh techtaire uainn’, ar in , ‘cu Finnchua, dia
2923] fhis in bh-faemhann an cis-sin, & mina faemhann eirgead leth nn-aili’. Faemhuidh
2924] Finnchua in cís-sin & geallaid a thabairt uadh, áir is ann sud ro faillsiged
2925] do a árus do beith & a thaisi & a eiseirghi i l-laithi bratha. Toraindter
2926] iarum in baili la Finnchua .i. Cuil Muilt, & orduighter a airles, & cumhduighter
2927] a thighi, & fodhailter a muindtera do na nai m-bailib ele batar ind
2928] arus ag righ Muman. Feidligid iarum Finnchua gu cian isin baili-sin.
2929] Cu tainic Conaing mac Marcain, na n-Deisi, do{folio 69rb} slechtain do, &
2930] co tart Finnchua a sheut anmcharut a inad fein ar nimh dho-somh.


2931] Tugad tra cuigi-sium annsin secht n- ollumain ghabhunn batar i comhfhaicsi
2932] dó co n-dernsat secht corrana iarainn dó for a m-biadh co secht
2933] m-bliadni co faghbad inadh a nimh, ár do-rat a inad bunaidh do righ na
2934] n-Deisi. Bennachaid-siumh gaibhne in bhaile-sin, & facbhais buaid lamdai
2935] .i. n-gresa dhoibh do ghres acht cumad isin baili-sin do-ghendais no do-tinnscainfitis
2936] h-e, & buaidh n-olluman dibh. Cuinghit na gaibhne fair-sium a
2937] n-ainm forsin m-baile a lógh a n-gresa .i. Brí Gobhunn. To-chaithidh
2938] Finnchua secht m- bliadni for a corranuibh acht aen-adaig nama. Et iss ed fo- dera
2939] eisein .i. Ronan Finn Maighe Lainde, mac sethar máthar do Finnchua,
2940] sennser noemh bh-Fer m-Breg do toidecht dia atach-somh co tised do
2941] chabair Clainni Neill Naighiallaig & righ Midhi .i. Sechnusach mac
2942] Aedha Slaine, áir ro bhui cogad allmharach don mhuir forro, & ba do
2943] Fhinnchua ro boi in dán a bh-fhoiridhin. Et ba h-iat do-roine in cogad-sin,
2944] Breasal Bern-bhel Buaid-ealtach & Tuire Tortbhuilleach & Tinde Tren- mhor:
2945] do Breatnaib iar m-bunadus iat-sein. Et ba h-iat eicne do-ghnítis an loingius-sin
2946] gacha bliadne i crich Ua Neill in deis- cirt, port gacha luingi do loscud, &
2947] crechad gacha tuaithi, & giall gacha fine do breith leo. Do-berut iarum
2948] Clanna Neill bennachta dontí do-thicfad ar cenn Fhinnchua co Feruibh
2949] Muighi
dia cabair. Ro ghabh Ronan Find Maigi Lainde do laim an
2950] umaloit sin. Faillsighter d' Finnchua, & se for a chorranuibh, sennser noem
2951] Clanni Neill do beith for sligid chuigi, et erailidh for a dhaltuibh freastal &
2952] frithailimh na techtairedh n-uasal-sin do dhenum. ‘Tabhur’, ar se, ‘ian
2953] measctha .L. do lind doibh, & proinn céit do biudh, & mad bec leo sin fuillter


p.89


2954] fris’. Do-riachtatar na cleirig iar sin, & ro frithailit amal as-bert Finnchua.
2955] Et ni thormailt Ronán ní don biudh-sain no gu tised Finnchua dia chorranuibh
2956] chuice, dia acallaim. O ro-siacht a fhis co Finnchua Ronan do beith i
2957] troscadh, ailidh Finnchua in Coimdhi{folio 69va} cumhachtach cu ro
2958] fhaillsiged do an ní bhudh coir do dénamh, uair nir' bo áil dó dhula dia
2959] corranuibh comtais comhlana a shecht m- bliadna forro. Tic iar sin spirut
2960] aingil do nertad Fhinnchua co n-dechad d' agallaim an cleirig aili do ced
2961] Issu Crist. Luidh iarum Finnchua am trath proinne d' acallaim Ronain, gér'
2962] imnár lais a corp tretholl iarna treaghdad & iarna thollad do dhaeluibh &
2963] do phiasduib d' faicsin do neoch etir; et feruid cach dhibh failti fri araili, et
2964] at-fét Ronan d' Finnchua in toisc imma tainic. ‘Bidham umhal-sa frisin
2965] toisc-sin’, ar Finnchua. Lotar iar sin rompa cu rancatar tuatha Teamra.
2966] O at-conncatur Clanna Néill na cleirig chuca do-bhi do mhett a n-eicne cu
2967] r' eirighset uile ar fhailti fria Findchua. IN adaig immorro do-rocht
2968] Findchua co Temraig ba sí adaig do- rochtatar na dibergaigh, & tucsat agaid
2969] a long gu Clannaibh Neill an deisceirt co Dubhcomar. At-cuas inní-sin do righ
2970] Temhrach
& d' Finnchua. Eirghid iarum idir laech & cleirech, & impóit ar
2971] deisil tria thecasc Finnchua, & tecait rompa ina foram-rith co n-acatar na
2972] dibergaigh uatha. Eirghidh iarum aicned an cleirig friu cu ro mhemhatar
2973] spongcaibhle teined trichemhruaidhi as a dhetaibh sechtair, cu ro loisc in
2974] tene-sin cronna na sleg & doite & righthe na n- dibercach, gur' bo toi tuaith-gerrtha
2975] iat. ‘Eirghit’, ar Finnchua, ‘fesa uaibh dia saigid da fhis in tibritis
2976] slan dia bh-foghail’. Lotur na techta cuca. As-bertsat na tibritis slán
2977] doibh tria bhithu. Lonnuighter Finnchua don aitheasc-sin na n-allmurach.
2978] Eirghit iarum a n-aein-fhecht chuca, etir laech & clérech, conad h-e olc déidheanach
2979] do-rónsat friu a n-gilladha do mharbad & a longa do loscud & carn
2980] dia ceannaibh & dumha dia n-eduighibh; conadh amlaidh sin ro dhichuir
2981] Finnchua na dibercaigh. Do-berur a breth fein d' Finnchua .i. Dun Dubchomair
2982] cusna secht n-dolaidhib batar fris, & corn lámha righ cona thimthacht do or
2983] derg, & a thabairt sin dó gacha sechtmad bliadne o righ Mide. Gealltar sin
2984] uili d' Finnchua, & ceileabraidh do Clannaibh Neill iar sin, & facbhaidh
2985] bennachtain acu, & tic{folio 69vb} dia árus féin iardain. Conad h-i sin
2986] fóiridhin Fhinnchua ar Clannaibh Neill & ar Fheruibh Midhe, & cain uatha-som
2987] d' fhir a inaidh da eis cu brath.


2988] Fosaigid Finnchua 'na inad fein fria ré cian.


p.90


2989] IS ann sin do-éirig cogad for Laighnibh fria linn Finnchua. Sen Nuada
2990] Eicius
fa ri Laigen in tan-sin. Batar da bainchele oc on righ-sin .i. Aífe
2991] ingen Rosa Failge & Anmet inghen Colmain meic Crimhthain do h-Uibh
2992] Cennselaig
, et annsa lasin righ issi inas in bhan Fhailgech, & ba torrach sein
2993] uadh. Cuinghidh in ben Chennselach in toirrchius bai oc on mhnai Failghigh
2994] do tabairt ar comus di. Gia ro gheall in ri di-si sin ní ro comuill. Cuiridh
2995] in ri fis fo cleith cusan m-ban Fhailgigh, & at-bert fria dhul isin Mumain síar
2996] ar comairce Fhinnchua Shlebhe Cua, uair comairce mís & raithi & bliadne
2997] aice-sein sech gach noemh aili da gach duine dar sarugud bh-fer n-Eirenn,
2998] áir ni lamhdais sloigh náit sochaide, curaidh nait cathmilid ní do Finnchua
2999] ar mhét a aicnidh, & ar saeire a cheiniuil, & ar mét a bhrotha & a bhrighe.
3000] Luidh iarum an inghin for set i crich Muman, triar fer & nonbhar ban cona
3001] cairpthib leo, cu rochtatar iartur Maighi Maistertha, cu ro mhemaidh fertais
3002] carpait na h-inghine, conadh Áth in Carpait ainm inn atha o sin ille. Urdhaingnighter
3003] in carpat re h-edh, & scailid doridisi & leathnaigid, conadh ass
3004] ro h-ainmniged Druim Leathan & Ceall Droma aníu. Gabsait iar sin idhain
3005] diana an ingin, et faillsigter esein do Finnchua & sé ica fhothracadh a
3006] n-dabaigh uar-uisci .i. ben righ Laigen do thecht chuige ar chomairci. Et
3007] as-berar uadha fria gan techta as an inadh a raibhe co rucadh a toirrches, áir
3008] ni ghnáthaighdis mna naít bandala techt ar eclais Finnchua in tan-sin.
3009] Beridh ingen mac mochtrath aramárach, & berar uaithi h-e dia bhaisdid co
3010] Finnchua. Baisdter iar sin an mac & do-berar ‘Findtan’ fair .i. Finntan
3011] mac Sen Nuadha Eices meic Breasail Bric, meic Fiachach Foibric. Oilter
3012] in mac oc Finnchua, & do-beir a chích des dó, cu ro fhas bainne innti, &
3013] fogarthar dá mháthair imtheacht 'na tír fein. Do-bhí bisech{folio 70ra} ar an
3014] mac sin nách bíadh oca mháthair fesin dia m-beitis noenbur banaltrann fai.
3015] Fortamhlaighidh iar sin in cocad thair for Laighnibh o Chennsealach mac
3016] Dunlaing meic Dunadhaigh, o raitter h-Úi Cennsealaig. Tecait iar sin a aes
3017] gradha
co Sen Nuadha Eiceas da fhis cidh do-gendais risin cocad-sin, ár ba
3018] senóir in drai ann. As-bert in : ‘Ata cathaighi conghaluch i cinn Shlebhi
3019] Cua
.i. Findchua o Bri Ghobhann, & itá mac damh-sa aigi, & ticfaidh am
3020] shocraiti tre bháidh doigh am inmhain leis allos mo meic, & eirgedh airechus
3021] co naenbur eces lais ara cenn, ár itá do mhét a naire na tibhre éra for an aes
3022] dana
’. Lotar na filid for a sét cu rochtatar i comfhocus baile Finnchua .i.
3023] cusan abuind fria cill anair. Faillsigter sin do Finnchua & se i n-dabhuigh


p.91


3024] uar-uisci, & luidh gusan aes dana na tistais cuigi co tairsedh dhó-somh a
3025] fhothrucud. Fergaighit na filid fris-sium uimi sin, & fergaighidh-som frisna
3026] fileduibh. Conna dlegur aes dana do theachta tar an abhuinn anóir cusin m-baile
3027] o sin cen ceadugud, et is dimbuaidh doibh da n-decat, conadh Sruth na n-Eces
3028] ainm na h-abhunn o sin ille. Conná dlegur do righ Laighean techtaire filed
3029] do cur uadh o sin ille, & is dimbuaid dia cuire. Do- roich tra in t-aes dana co
3030] Finnchua aithle a fhothruicthi, et as-berut fris: ‘Ar do chend-sa tancamar-ne
3031] o righ Laigen’, ar siat, ‘co n-dighiss dia fhoirid- hin don cocad fuil fair’.
3032] ‘Ragat-sa fris sin’, ar Finnchua, ‘cen imrisain,& nidham leasc uime’. Luidh
3033] Finnchua cu moch arnamhárach ina dhírim cleirech, & mac righ Laigen lais,
3034] & in t-aes dana, cu rangatar cusan righ cu Dún uas Berbha. Ferthar failti
3035] fria Finnchua, et tairisis menma in righ fria mac, & fa buidheach don lesugud
3036] tucadh fair. Do-gniter a freastal co maith. As-bert Finnchua frisin rígh
3037] comha shidha do bhreith uadh do Chennsealach, & muna gabad cath
3038] d' fhuacra fair. Ge rucadh coma shídha gu Cennsilach nir' ghabh nach ni
3039] acht Dun os Berba dh' arguin aramhárach. Gabais ferg & fuasnad an clerech
3040] dhe sin, & do-badh fhearr lais cu faghbhadh cath in uair-sin. Córaighter
3041] iarum a chath la cechtar dhe, cur' bat comdlúthta,{folio 70rb} comharda iat.
3042] Teit Finnchua i tús in chatha, & ro eirig a barann & a bhorrfad, & ro línustar
3043] tonn danatais a criche & a cheiniuil 'mon am-sin, et ro ghabh a cosa & a lamha
3044] & a súili for slogh Ceindsealaig, cu nar' thualuing n-imghona iat a n-agaid a
3045] námhut. Tic iar sin tonn diadhachta co Finnchua, & as-bert friu gialla &
3046] aidide do tabairt do righ Laigen, & nír' fhaemhsat inní sin eitir. Ad-rachtatar
3047] Laigin a n-oein-fecht lasin clérech isin cath, et as-bert Finnchua na briathra so: ‘A
3048] Laighne, nom-lenaidh-si’, et reliqua. Ro cuired iar sin in cath gan choicill, &
3049] nir' fagbhudh mac righ 'na shesamh ann acht Cennsealach a oenar, et tucadh
3050] .L. mac righ dhibh co Dun Os Berbha, conadh Dinn Rígh ainm an inaid sin
3051] o sin ille. O ra h-aincedh Cennsilach ro edhbair dilsi a clainne & a ceiniuil &
3052] a iardaighi do Finnchua, & ced da gach chrudh gacha sechtmad bliadne
3053] fein & d' fir a inaid o righ Laigen & o h-Uibh Cennsilaig do gres. Facbhuidh
3054] Finnchua buadha do righ Laigen & do righ Ua Cennsilaig .i. genus ina
3055] righnuibh & ana mnaibh, & naire 'na n-ingenaib, & firinde 'na b-feruibh.


3056] Cuinghes ri Laigen for Finnchua Finntan a mac d' facbail aigi ina crich
3057] fesin, et ceduighius Finnchua dó sin, & tuc bennacht dia dhalta, et do-bert a
3058] dhalta i fosugud ann, & do- bert a rogha dia dhalta in loechdacht no an


p.92


3059] cleirchecht, et ruc in dalta do roghain in cleirchecht, et do-bert ferann dó
3060] iar sin .i. Cluain Irarrois frisa n- apar Cluain Eidhnech inníu, et cumthar trian
3061] cuarta in baili-sin d' Finnchua do gres.


3062] Conad iat sin gnimartha & ferta Finnchua i Laighnib, & do-roich iar sin
3063] co adhbha fein i Mumain.


3064] IS é ba ri for Ulltaib in tan-sin, Eochu Croibh- derg mac Scannlain meic
3065] Dunadaigh, et ba h-i a baincele, Moinginn ingen Daire meic Finnchaid d' feruibh
3066] Mumhan
; et nir' ghabh o a fer gan techt a Mumain do cosnumh righi dia
3067] macuibh .i. Cas & Cian & Cingid, & gabhaidh in ri do laim sin. Foillsighter
3068] d' Finnchua inni-sin .i. aslach Diabuil do tabairt da mnai for righ Ulad um
3069] thoidhecht i cenn catha i Mumhain cen fhotha. Et gabais ceim conalbais
3070] Finnchua annsin uma crich fein gur' cuir fesa i n-agaidh{folio 70va} righ
3071] Uladh, uair nir' ail dó a mharbad i crich Mhuman fria linn, & dia tised tara
3072] sharugud cu fuighbhedh bas & aidhedh anabuidh. Tancatar arai sin
3073] Ulaid tria gresacht na mna cu riachtadar Mairtine Mor Muman gan airiugud
3074] do righ Muman, cor' ghabsat sosad & longphort a n-Ard na Righraidi frisi
3075] n-apar Cnoc Samna iniu. IS ann immorro do bi Cathal mac Aedha Flaind
3076] Cathrach
ri Muman & Mumu ingen Fiacrach a baincele a n-Dun Eochair
3077] Mhaighi
in tan-sin, & at-ciat ar n-eirghi doibh na samhlacha i Cnuc na
3078] Righraidi
riu anes .i. na mergedha ana etarbhuasacha & na pupla do breacsroll
3079] righda isin tulaig 'arna tocbhail. Lotar fesa o righ Muman dus cia
3080] ro bhai isin tulaig. ‘Ri Ulad’, ar siat, ‘& Moingfhinn ingen Daire ic iarraid
3081] righi Muman dia macuibh’. O ra h-indised do righ Muman sin at-berat a
3082] chomhairlig & maiti Muman: ‘Tiaghar uainn ar cenn in chathaige mharbhthaigh-sea
3083] rind anes .i. Finnchua Bri Gobann, uair do-gheall dam-sa geb e
3084] tan no bheth éicen catha form co ticfad a cenn catha leam dom chabhair &
3085] in Cennchathach lais .i. a bhachall fesin’. Lotar na fesa gu Finnchua .i.
3086] Ger & Tualaing & Turscur, tri ghille in righ, & ad-fiadhat dó Ulad do
3087] tiachtain tara sharugud-sumh isin Mhumain. Gluaisis Finnchua andsin ana
3088] shomhulrith charpuit, & a bhachall 'na laimh, gan airisium ria cleirchibh
3089] idir, cu riacht Dun Eochair Maighi, baile a raibhi Cathal mac Aedha.
3090] Ferthar failti fris on righraid. As-bert in ri sin fria Finnchua dul do
3091] tabairt comhadh do Ulltaib, & o nár' thoich dó righi Muman nach fuighbhedh
3092] h-i. Luid in clérech fris- sin, & do-bert Moingfhinn aithne fair uaithe, et at-bert


p.93


3093] fria macuib deabaidh logaissi .i.bregi do dhenamh ardaigh co tised in clérech
3094] dia n-etrain, & cu ro mharbdais a meic-si h-e, uair dob egal leo in clérech do
3095] bhrised chatha forro, & dia marbhtha-som robo bec brigh Muimnech leo. O
3096] dho-rocht Finnchua cusan longphort ro fhiafraig: ‘Cia deabaidh sut do- ciam’?
3097] ar se. ‘Mo meic-si sut’, ar Monginn,{folio 70vb} ‘oc deabaidh um righi
3098] Muman, & eirg-si dia n- etrain’. ‘Ni thó emh’, ar Finnchua, ‘áir bat sidhaigh
3099] meic Moinginne’. Ni ro foemhad tra o Finnchua in comha frissa n-dechaid
3100] co righ Ulad, et geibhidh ferg & fuasnad h-e, & tic co righ Muman, & at-fet
3101] na ro gabhudh comha uadh etir. ‘DENUIDH’, ar Finnchua, ‘cippe com dhaingen
3102] catha dhibh o do-rochtabair oen mhaigin’. Teit iarum Finnchua i tús in
3103] chatha-sin, & in Cenncatach ina laimh .i. a bachall, & ten- naidh in comhairle
3104] & nertaidh in cath, & tic fo tri deisiul in t-sluaigh, & a bhachall 'na láimh, &
3105] cia ro cuindigh in in bachaill 'na láimh ní tard Finnchua dho. Cumad
3106] air fesin no beth maisi in catha do brisedh dara eisi. INnlit Ulaid iat fein
3107] a n-aghaid Muimhnech annsin, & gabhuit a n-arma irghaili. Ro bhúirset &
3108] ro beicset amal damhu damhghaire, & tiagait a mullach an cnuic. Saighidh
3109] in clérech in fán tarrsa, & leicidh in cnoc doib-sium. Cromsait Ulaid co
3110] dicra do cur in catha. O 't-connaic Finnchua sin tarraid iat fon suidigud-sin,
3111] conar' leic eirghi dhoibh sech a n-gluinib suas etir, & moidhid an cath forro
3112] a n-agaid an aird. Cor' fhacuibh Finnchua do Muimhnechaib maidm rempa
3113] i n-agaid in aird o sin amach co bráth a n-agaid allmurach, & gach sloigh arcena,
3114] & iss ed chomalltar iarfír. Do-rochuir ri Ulad & a shetig Moingfhinn
3115] cona tri macuibh leo isin cath-sin, co fuilet a bh-ferta & a lighi isin tulaig
3116] da n-eisi.


3117] Tecait a tri daltada co Finnchua iar sin .i. Coimde & Conmhach & Concraidh,
3118] & do-berat a lamha for a gualainn, & at- bertsat fris: ‘As dith fine, as
3119] forba fás, as sechna thire & talman duit a n- do-ronais aniu, & inní rob ail duit
3120] do dhenamh .i. do bhraith-bheimenna do bein for Ulltaib’. Tairisis iar sin
3121] menmha in clérigh & tairisid a aicned, & ainicer in t-sluaigh, co n-dechatar da
3122] einech imlan uadha. IMpoidh iar sin co feruibh Muman co tarladur dhó
3123] ara chinn i crolighi .i. Cairthenn Finn & Cairthenn Donn, & secht meic
3124] Forannain de h-Uibh Cassin, & Fermac & Ifernan, & aitchit in clérech uma
3125] chabhuir,{folio 71ra} & do-berat a bhreith féin dó. IMpóidh iarum
3126] Findchua friu, & bennachais iat, & slánaighidh triana fheartuibh & adhamhraibh
3127] cor' bhat slaincrechtaigh dia eis, et ordaighit sein a cuarta dhó .i. .L.


p.94


3128] ech allmardha a h-Uibh Toirr(del)baigh & .L. corn buabhaill a h-Uib Caisin
3129] & .L. sitheal aircdidi o mhaithibh Dail Cais. Do-roich iar sin Finnchua cosin
3130] righ, & do-berur a bhreth féin do .i. bó cech lis on Ardchnoc .i. Cnocc
3131] Brenuinn
, co Dairinis ic Imliuch, & bo bhith-blicht do clérech a bhachla cech
3132] tan bérthar i ceann catha h-í, & coimeirghe re bh-fear a inaidh do gres ó righ
3133] Muman. Facbhais Findchua bennachtain oc on righraid & oc feruibh Muman,
3134] & tic roime dia adbha fesin iar m-buaidh bh-fert & mirbuile.


3135] EIRGHEAS iar sin cogad allmurach i coicedh Connacht re linn Fhinnchua.
3136] Tomaltach mac Muiredhaigh ba Connacht in tan-sin. A n-indmhusa immorro
3137] no bertis allmharaig uatha gacha bliadne tar muir sair, gur' fhacuibhset gorta
3138] & terce bidh isin coiceadh. Lotar fesa o Thomaltach co Finnchua cu ro dhingbad
3139] na h-allmuraig dhe & a breth fesin do. Luidh Finnchua lasna
3140] techtaibh gu Cruachain Maigi h-Ai. Batur failtigh Connachta roime. Batar
3141] dono na h-allmuraig i bh-fosadhlar longpuirt ina bh-farrad i Cuil Fedha, frisi
3142] n-abar Cul Cnam Rois inniu. ‘Cidh as ail dúibh friu sut’? ar Finnchua.
3143] ‘Cath do thabhairt doibh’, ar Connachta. ‘Din-gebhut-sa in cath’, ar Finnchua,
3144] ‘dar cenn mu riara’. Geallait Connachta a breith fein do-sum. Teit
3145] Finnchua leo a ceann in catha & ad- cí na h-allmuraigh uadha. Geibhidh
3146] iarum teasbach dermhair na h-allmuraig annsin tria cumachtaibh an cleirig
3147] a medhon a longphuirt dona sonnuibh iarnaidibh batur i timcheall an longphuirt
3148] imacuairt, conná frith dibh aramharach acht a cnama & a taisi a medhon
3149] a longpuirt, & frasa dia n- armaib 'na bh-farrad: conadh Cuil Cnamh Rois ainm
3150] ann inaid o sin ille. Tairisnighit Connachta iar sin{folio 71rb} a mhirbuilibh
3151] an cléirig, & ordaighit a cana & a cuarta dho, & ech gach deg-duine & screabal
3152] gach aenn duine & erradh rígh Connacht o mhullach co lar gacha bliadne dhó.
3153] FACBHAIS Finnchua iar sin buaid catha la righ Connacht, & buaid n-gnima &
3154] buaid marcachuis, & nach gebhadh nert allmharach crich Connacht cu brath
3155] da eisi, conud h-e sin fotha Finnchua a Connachtaibh tria bhithu. Ceilibraid
3156] Finnchua do Connachtaib iar sin, & tic có a mennat fesin i Feraibh Muighi.


3157] AS e ba ri Ciarraige in tan-sin, Mothla mac Floinn meic Aenghusa. Bai
3158] mac brathar aigi-sein .i. Ciar Cuircheach o raidhter Ciarraigi Cuircheach.
3159] Ocus as-bertadar comaltada in righ marbad an meic-sin a bhrathar cu nach
3160] tised fris, et cedaigius in ri a mharbad amuich in tan no bhiadh oc seilg.
3161] Acht ní ro-siacht leo gia ro gabsat do laimh. At- fiadhar sin don righ, & do-berar
3162] linn somheasctha soola gusan n-gilla .i. Ciar Cuir- cheach, gur' cuired 'na chodlad


p.95


3163] h-é, & do-cuiredh a curach aen-shluaisti for muir, & seolaid gaeth é gu h-Inis
3164] Fuamnaighi
, bhaile i raibhe Magor Dub- loingsech do allmharchaibh. Gabhar
3165] aigi-sein Ciar Cuircheach isin churuch & innisidh a imthusa do Mhagar, &
3166] ainicis Magar h-é o 't-cuala a scela, & ise luach anacuil ro chuinnig fair .i. eolus
3167] cusan crich asa taínic cu ro airgeadh h-i, ar ni bhídh arbhur na treabhad aige
3168] 'na innsibh eidir. Lotar iarum i Ciarraigi fria re tri bh-faghmhar, gu rucsat
3169] a h-arbhur eisdi ana m-barcaibh iarna crechad, co ro fhas gorta mor a Ciarraige
3170] uili dhe sin. As-bert Mothla mac Flainn: ‘Eircter uainn ar cenn ar m-bráthar
3171] bunad-chineoil .i. Finnchua Slébi Cua, cu ros-foire sinne amail fhoires cach’.
3172] Teacat na techta aniar co Finnchua, & at-fiadhat dó a tosca. LUID Finnchua
3173] i Ciarraigi iar sin d' fóiridhin a bunad-cheiniuil, et ba si sin adaig thangatar
3174] na dibercaigh isin tir, & gabhsat a bh-Findtracht Cind Maghair. Fiafraigidh
3175] in ri d' Finnchua, cidh do-genduis friu.{folio 71va} Fiafraigidh Finnchua
3176] don righ cia h-olc do-ghnítis gacha bliadne isin tír? ‘Ni fhacbaít’, ar in ,
3177] ‘a bec do arbur isin crich dia n-eis’. ‘Leagur scailed dhoib’, ar Finnchua, ‘cu
3178] ro ghabhat a n-oireda forru, & tecam-ne isin traigh tara n-eis, & is ced lim-sa gan
3179] ar bh-faicsin doibh cu tisat chucainn 'nar cenn’. Nir' bó cian iarum gu
3180] bh-facatur cuca iat isin traigh, & a n-oireda furmada forra. Ro eirigh immorro
3181] a bharann & a bhorrfad in cleirig, amail lanna derglasrach no amail thoichim
3182] tuindi fria tír. Ba h-e tricce & tindisnigi do- thoet Finnchua a cath a brathar
3183] in lá-sin tre bhaidh cur' bho meidightir airdigtir fria seol primh-luingi uas
3184] fheth-fhairrgi ferta & cumachta De tre ghuidhi in naeim i n- agaid na n-allmurach
3185] in la-sin, cu ro eirgetar tonna Eirenn fris. Ro ghabh tra scemhdhacht
3186] & leadarthaighi chon h-e ina gaiscedh in la-sin. Gengu betis Iaeich ag cur in
3187] chatha acht esiumh a aenur is roime no mhoidhfeth, áir is cuma no theascad
3188] da arm & da fhiaclaibh na h-allmurchu. Conadh de ro lil Finnchú de .i. amail
3189] choin in la-sin h-e. Et tucsat in sluag Ciarraighech a n-aigti uili re h-agh &
3190] re gaisced in tan-sin, cu ná terna dona h-allmharchaib cen ghabail no cin marbad
3191] acht Ciar Cuircheach a aenar. Et is h-e Finnchua ro ainic esein. Ro com- maidhed
3192] an gnímh-sin acu iar sin, & ro móraid ferta De & Finnchua cuna gabann nert
3193] allmurach gana duthaig budhein innti acht gu cuimnedar Finnchú oc tabairt
3194] in catha & a thabhuirt a n-ainm Dhé & Finnchua & a chana dh' fir a inaid da eis.


3195] AS-pert in fris: ‘Beir do breith, a cleirig, & ben do beim císa orainn
3196] infecht-sa, uair bidh manuigh dhilsi duit-si & d' fir h' inaidh inne do gres’. ‘As í
3197] mo breth’, ar Finnchua: ‘miach bracha gacha baile dhamh, cona furrthain do


p.96


3198] bhiudh cacha bliadne’. Ro chinnset-som cu tibritis. AS- pert iarum in
3199] nach fuighbhedh Ciar Cuirchech failti oca & no cheaduighfed d' Finnchua a
3200] bhreith laiss.{folio 71vb} LUIDH iarum Ciar Cuircheach la Finnchua
3201] .xxx. .i. a bh-fuair dia chairdibh & dia choiceilib isin tir. CEILEabhrais Finnchua
3202] iar sin don righ & don righraidh, & facbais bennachtain acu, & teit gó a aras
3203] fesin. Et cuiris Ciar a Ciarraigi Cuircech, conadh uadh ro sloinned. Et dligid
3204] Finnchua gacha bliadne .xxx. torc o Ciarraigi Cuircech.


3205] TEACAIT iar sin re linn Finnchua Clanna Neill in tuaiscirt do ghabail
3206] righi Muman, uair at-cualatar in tír ina folmaisi & Leth Mogha 'ar bh-fagail leoin
3207] ima righuibh & ima codhnachuibh, & gan rígh diles orra. Gabhait iarum
3208] longport oc Loch Sighleann i n-Gurt Clainni Neill aníu, & nír' bacad dibh,
3209] uair nír' bhe airdrí for Mumain in tan-sin acht comard oirrig. Do-cuadur
3210] immorro Muimnig a muinighin a noem um coscur Clainni Neill do breith,
3211] uair ni rabhatur cuingid chatha acu 'na n-agaid. Do- bhí tra mac rígh acu
3212] in tan-sin .i. Scannal mac rígh Ua Cairbre. Erlamh airmhitnech do shil
3213] Eogain esein, & adubairt gu ticfadh moirsheiser naem do cur in chatha acht
3214] gu m-beth aen-laech do Clannaibh Eogain roime do mac rígh no rigdamna.
3215] At-cuas d' feruibh Muman cu raibhi fer calma don Mumain .i. Cairbre Crom
3216] mac Crimhthain t-Sreib meic Echach meic Aengusa meic Nat Fraeich, & fa
3217] mac righ & righna, & fa h-adhbur righ acht gu righdais tuatha & fine é, &
3218] ro h-inniseadh doibh-sium a bheith ac seilg a n-droibheluibh & a b-fasaighibh &
3219] a bh-fheduibh .i. ar mhucaibh & aigib, & lotur fesa uathaibh ara chenn,
3220] & adubratar fris no bherdais righi dó ar tiachtain a cenn chatha leo.
3221] At-bert-sum friu ná raghadh no gu tised in cathaighi calma bai i Mumain
3222] lais, .i. Finnchua Slébi Cua. Berar a fhis sin dona naemaibh út, & tecait
3223] sein ar ceann Finnchua gu maithibh Muman leo da breith don chath.
3224] ‘Caidhi’, ol Finnchua, ‘in lucht ros- gabh do láimh in cath. Ní nert leo itir
3225] cu raibhais-si ica thabairt leo aroen fria Scannal. Do-ruménar- sa ris’, ol
3226] Finnchua, ‘gidh leasc leam’;{folio 72ra} et tainic leo cu riachtatar Loch
3227] Silenn
gu comthinol Muman. Et do-riacht Cairbre Crom chuca cona
3228] shochraite amail ro gheall in tan ad-cuala Finnchua do techt ann, et ad- conncatur
3229] Clanna Neill uatha ag eirghi gu moch isin matain ina longport ina
3230] m-broin adhbhail ildathaigh. Locuid fir Mhuman in cath re gráin Clainni
3231] Néill
& ar imut a laech & a trealaim, acht Finnchua a aenar. Et comairliged

Lineation jumps from 3231 to 3242. Ten empty line-breaks have been inserted.


3232]
3233]
3234]
3235]
3236]
3237]
3238]
3239]
3240]
3241]

p.97


3242] Finnchua Fir Mhuman, & adubairt nach leicfithe baile dia b-ferunn doibh
3243] damad locad leo. Do-raidhset Fir Muman: ‘Atait Clanna Néill ar tri
3244] coimlín-ne’. AS-pert Finnchua a n-imarcraidh do shlaidhi comtis coimlina,
3245] eto ro bheitis coimhlín cach do mharbhadh a fhir chomhlainn iar sin. Cidh tra,
3246] ro gress & ro nert Finnchua & Cairbri Crom fir Mhuman 'cum an chatha, áir
3247] ni raibhe Cairpre ara imghabáil. Ro aemsat fir Mumhan in cath tria naire
3248] & tria nertadh Finnchua & Cairbri. IS ann sin ro choraighset Clanna Neill
3249] iat fein 'cum an chatha, & tancatar a n-dail fher Muman cu dian & cu dasachtach
3250] .i. doiri dia n-armaibh uasa cennuibh & leibheann da sciathaibh
3251] 'na timceall. Eirghit Muimnig 'na n-agaid iarum & a naeim leo, et ger' sat
3252] liu do Clannaib Néill ro sraeinedh in cath forra a nertuibh naemh & curadh, &
3253] leantar in maidm, & dichenntar móran dibh, & tinoilter a cind a n-aen-inadh,
3254] & do-berur i l-Loch Silenn frisa n-abar Loch Cenn aníu. Et righthar
3255] Cairbri Crom mac Crimhthain for Mhumain. Et aitchidh Finnchua Dia
3256] um deilbh mhaith do thabairt fair, uair ba scairbighi a dhenamh, & fuair
3257] Finnchua ó Dhia a rogha dealbha dhó, conad Cairpre Caemh at-berthea fris
3258] iar sin iar n-aithearrach crotha & datha. A Cill Crom-ghlaise ro h-ailed in
3259] Cairpre sin ac Sceallan Chael, conad de ro lean Cairpre Crom dhe, amail
3260] as-bert:
    1. 3261] Fa direch o chinn go bonn
      3262] ge at-bertea fris Cairpre Crom:
      3263] as de run-geibh ainm re ais
      3264] ara altramh a Cromglais.

3265] Beannachaidh Finnchua fir Mhuman & rí Caisil annsin .i. Cairbre{folio 72rb}
3266] cona shil, & do-rinne in cadach fria Finnchua do fein & da shil, &
3267] sraeined catha ria Clainn Cairpre in tan do-bertais a n-ainm Dhe & Finnchua,
3268] no minn dia mhinnuibh oca ag dul a n-deabaidh, & bhidh leo a buaidh; et
3269] geallais Finnchua nach cuirfedh cath o sin amach. Cinnit Muimnigh ima
3270] rígh cana Finnchua forru .i. in cet laegh & in cét uan & in cét arc d' Finnchua
3271] & d' fir a inaidh o feruib Muman, & coimhet a inaidh ar Clannaibh Cairpri
3272] do gres. Et almsa as cech sroin o Feruib Muighi d' fir a inaidh, & a ghuidhi-sium
3273] dhoib-sium ind am eicne, & guidhfed-sium Dia um shlicht Coirpri &
3274] Chathail d' foirithin iar bh-fir.


3275] TEIT Finnchua iar sin dia mhennat fesin; & teitt iar sin do Roim, uair rob
3276] aithrech leis na catha do-chuir & na gnimha do-roine ar connailbhe & ar
3277] bhaidh brathairsi. Ocus ro chan na runna-so sis:


p.98

Lineation error, line 3277 duplicated. The duplicate is here rendered 3277a.

    1. 3277a] SEACHT catha ro chuires-sa,
      3278] as me Finnchua cin meabhuil,
      3279] o chath Duine Dubhchomair
      3280] gu cath Finntraicht Cinn Maghair.
    2. 3281] Cath i Temhraig thucus-sa,
      3282] cath i Laignib lem crabhad,
      3283] cath a Mumain mhedhonaigh
      3284] do-radus h-e cen gabhadh.
    3. 3285] Cath Locha Cenn comramhach
      3286] ar Clannuibh Neill cin mheab- hail,
      3287] cath Cruachna Ai ollbladhach
      3288] as romam-sa ro mheamaidh.
    4. 3289] Mu thachar fria Muimhnechaib
      3290] le mac Aedha lem fhertuibh,
      3291] mu chatha re cuimnechaib
      3292] coir a n-airimh 'na sechtuibh.
    5. 3293] Co Roim Letha mh' ailithre
      3294] for sligid Poil is Petair,
      3295] i mainistir Bronaidi .i. Buidi meic Bronaigh
      3296] rom-airmidter 'na sectaibh.

3297] Conadh iat-sin gnimhradha & geinemain Finnchua & a chatha & a conghala
3298] & a thurusa o do-labuir a m-broinn a mháthar no gu n-dechaid do Roim
3299] Letha
, cu raibhi fria re m-bliadne innti oc aithrighi, amail ro scribh fesin i
3300] Leabhur Mainistreach Baidhi Meic Bronaig.


3301] 1.


3303] Finit re Fionnchua.


p.99