Corpus of Electronic Texts Edition
The Metrical Dindshenchas (Author: Unknown)

poem/story 79

RÁITH CHRINNA

¶1] Raith Crinna, cidh díatá? Ní ansa: ó Chrinda mac Cuind chét-chathaig, romarbadh and la h-Eochaidh find Fúathnairt, rohainmnighedh. Co rug Eochaidh a chend leis a teach Theamrach co rochuir for cleith cháerthaind, ar ulc fría h-Art mac Cuind, ar ba ges dó anní sin. Conidh desin rohindarbadh Eochaidh il-Laighnibh, conidh de atáitt Fotharta indtiu aniu.

    1. Crinna mac Cuinn, crúaidh a gaí,
      do robo dún Dún Crinnaí:
      cidh é a ainm-siumh gairther dhe
      ann robo bec a buaine.