Corpus of Electronic Texts Edition
The Metrical Dindshenchas (Author: Unknown)

poem/story 63

TETHBA

  1. Dorat Tethba don tír thúaid,
    ná bad sechna dia sár-búaid,
    a comainm clethach, rochar
    ingen Echach Aireman,
  2. Dia luid la Noísin anall,
    la mac Nechtain find-gúalann,
    Tethba, rothuille cach tech,
    is a muimme mór-Eitech.
  3. Eitech, ingen Lennglais Lúain
    roscar fri dend-mais n-drech-búain:
    áit i ragaib duibe a drech,
    ba h-é a cend uide Eitech.
  4. Marait a n-anmann dia n-éis,
    conas-fhagbam fria n-aisnéis,
    na m-ban co m-bríg is co m-blat:
    rotag cách tír dia tarat. Dorat.