Corpus of Electronic Texts Edition
The Metrical Dindshenchas (Author: Unknown)

poem/story 52

CLÓENLOCH

  1. Sund dodechaid Clóen ar chel
    mac Ingoir, dóel nár dinged,
    úa ríg Ala Clúaide, cluin,
    ruc mór n-úaire dar ard-muir.
  2. Clóen mac Ingoir, clú rochaith,
    diarbo dú Alba ech-maith,
    is é cét-fher co gnúis grind
    tánic fri dúis co Hérinn.
  3. Cía rosir mór n-airer n-úar
    fer na claideb calad-chúar,
    noco tánic a tbáem troch
    co ránic Clóen co Clóenloch.
  4. Desin adberar cach airm
    Clóenloch, ná celar comainm;
    flaith rogarbad do gním gá
    romarbad co sír sunda. C.