Corpus of Electronic Texts Edition
The Metrical Dindshenchas (Author: Unknown)
poem 24
Eó Rossa, Eó Mugna, etc.
- Cía dorochair Cróeb Da Thí?
mór n-amsach cóem roscáth-í:
unnius, crand na slúag solom,
rop é in barr cen búan-torod.
- 5] Unnius i Tortain, tuirmid,
unnius Uisnig il-buidnig:
tuitset na cróeba, nár chlé,18
i ré mac Aeda Sláne.
- Dair Mugna, ba sét sogor;
10] nói cét míach a mór-thorod;
dorochair in dairbre dess,
dar Mag nAilbe na n-úar-thress.
- Eó Rossa, ibur adlaic,
co n-ilur a mór-admait,
15] in crand cen chúasach, cen chair,
eó úasal, cía dorochair?19
p.150