Corpus of Electronic Texts Edition
The Metrical Dindshenchas (Author: Unknown)

poem 4

Inber n-Ailbine

  1. A fhiru Muirid, miad n-gle,
    do nach tuirim tailmire,
    ráidfet frib im threbthus te
    senchus n-áith-glec n-Ailbine.
  2. 5] Bái riam fri rót-bla rorá
    uas Fótla cen fhodála:
    ba lúam cech líg-druing fria lá
    Rúad mac Rígduind rodána.
  3. Riacht réim raith-roga cen raind,
    10] dar muing maith mora moch-maill,
    d'acallaim a charat Gaill:
    ba réim rabalc co Lochlaind.
  4. Luid tri nóithib, noithech glé,
    ba soithech co sír-gairge:
    15] sochtsat, duba domna de,
    for formna na fír-fairge.
  5. Femidset lúd as nach leth,
    robo dúr in dron-fhuirech;
    isin muir múad már cen meth
    20] doluid Rúad rán roguinech.

    6. p.28

  6. O moslúi dia tairdbe tra
    fairge dar sál sruth-sóeba,
    fuair in sain-delgna6 rosná,
    nói m-bain-delba biuth-chóema.7
  7. 25] Ráidset ris tre gle-alt n-glan
    ba h-ed
    [gap: extent: one syllable]
    fodroirgetar8

    [gap: extent: one line]


    [gap: extent: one line]

  8. [gap: extent: one line]

    30]
    [gap: extent: one line]

    a nónbur ban búadach bil
    bá crúadach a n-indsaigid.
  9. Fois nói n-oidche lasna mna
    cen doirche cen dér-guba,
    35] fon fairge cen tonna tra
    for nói longa créduma.
  10. Ciarbo h-alacht ben díb de
    (robo malart mithise)
    luid uadib cen chísal clé
    40] co tísad afrithise.
  11. O rafáid co muintir múaid
    ráid fri tuintib a throm-shlúaig:
    ba soalt sochlaind ní súail
    co toracht Lochlaind lonn-gluair.

    12. p.30

  12. 45] O rancadar dar sál sair
    co n-ád is co n-oll-bladaib,
    anait secht m-bliadna ar blaid
    ic a charait comramaig.
  13. Cechaing iarom Rúad na renn
    50] tar srothaib, fial-mod fég-sheng,
    anair dar muir tríath-glan tend,
    co toracht íath-mag n-Érend.
  14. Eismech robói in rí co recht,
    nírbo deis-breth ná daig-bert;
    55] cen dul co mná tar sruth slecht
    in cruth cétna rothairngert.
  15. Tan rogab triath-tuirid tess
    i n-iath Muirid na mag-les,
    co crúad-chalad, clú cen ches,
    60] rochúaladar in arm-gres.
  16. Amrán sin na m-ban-ón binn,
    tria glan-rád n-glan-óg n-guth-binn,
    ic tetarracht Rúaid co rinn
    tar srúaim setal-balc sruth-glinn.
  17. 65] Seólsat curchán créd nad clé,
    nír dub-chlár dér drongdige,
    a nónbur garg grinn-gel glé
    i n-Inber n-ard n-Ollbine.

    18. p.32

  18. Olc-gním rogene andsin
    70] ben díb cen ere n-essil,
    marbad maic Rúaid co m-blait bil
    ocus a maic fodessin.
  19. Erchor don mac mó cach cair
    (ba treb-chol dó for talmain)
    75] rolá amach tria cacad cain
    conidn-apad cen anmain.
  20. And as-bert slúag son-ard-se
    rothecht Rúad rogarg rige
    uili cen chond im glonn n-glé
    80] "Ba h-oll, ba h-oll in bine!"
  21. Desin atá, tairm cen tnú,
    a h-ainm, ní do dailb didu,
    na h-aba, nad celam clú,
    feib adberam a fhiru. A F.
  22. 85] Mad ainm for maige, míad n-ait,
    gairm cían cen chaire comraic,
    ráitir ón tuiredach tailc
    ó Muiredach mac Cormaic.
  23. Nó mad ferr la tuaichliu tra
    90] sell fri buaibthiu bladmara,
    ráidfit buil-iath, bái nad ba,
    ó Muiriath mnái Labrada.

    24. p.34

  24. Labraid Loingsech co n-úath alt
    tadchaid9, túath toimsech tlacht-balc:
    95] fi feb fuil-iath, fer co facht,
    ba hí a ben Muiriath macdacht.
  25. Muiriath mór rodlecht mo dú,
    eo slóg roslecht a fidu:
    tan rotríallad nírbo thrú,
    100] mar adfiadar, a fhiru.

    26. p.36