Corpus of Electronic Texts Edition
The Laud Genealogies and Tribal Histories (Author: unknown)

p.291

1

Hibernia insola inter duos filios principales Militis, id est, Herimon & Eber, in duas partes diuisa est. Eber autem australem partem Hiberniae accepit, Herimon quidem septimtrionalem partem cum monarcia accepit. Hereimon autem primus de Scottis omnem Hiberniam regnauit et de semine ipsius Hiberniam quinquaginti septem reges dominauerunt antequam Patricius Hibernensibus passionem & catolicam regulam Christi narraret. Et sciendum est quia non allicuius seminis nisi ex semine eiusdem post Patricium Hiberniam quis tenuit exceptis duobus, id est, Baetan et Brian. Sed ailii Boetan apud magnos reges non numerant.

Herimon immorro, sé maic leis. Ní fárcaib mac díb claind act óen {folio 75a2} mac .i. Hirél fáith .i. Hetherél mac Hirél. Dá mac lais .i. Follaig & Foliaiach, díbaid.2 Enbotha mac Tigernmais maic Follaig. Dá mac airegda leis .i. Smirgoll & Smritho. Smritho immorro, díbaid. Dén & Demáil dá mac Rothechta maic Móen maic Óengusa Ólmucced maic Fiachrach Labraind3 maic Smirgnuill maic Inboith.

Áidán Glas & Eoin Dub & Cú Ois trí maic ariegda Núadat Findsáil maic Giallchada maic Ailella Ólchlóin maic Sírnai Saeglaig maic Déin. Eoin Dub immorro, díbaide. Muredach Bolcrach mac Símóin Bricc maic Áidáin Glais, dá mac leis .i. Fíachaig Tolcrach et Duach Temra .i. athair Conigg, díbaid.


p.292

Úgaine Mór & Badbchad dá mac Echach Búadaig maic Duach Ladchri maic Fiachach Tolcraig. Bedbchad & Muredach, díbaid. Úgaine Mór, dá mac leis ar fichit. Nírfárcaib nech díb claind acht dá mac .i. Lóegaire Lorc, sen Laigen & Osraigi (.i. Os-éirge), & Cobthach Cóel Breg, sen Óengusa Turbig.

Eochaid Althethan mac Ailella Cassfhíaclaig maic Conláid maic Irero maic Melgi maic Cobthaig Cóil Breg, trí maic leis .i. Óengus Turbech & Lóebchor & Eterescél Temra .i. athair Conaill Chollomrach.

Óengus Turbech, dá mac airedgda lais .i. Fíacha Fer mara, sen síl Conaire la Mumain & Fer nAlban & Dál Riattai & Dál Fiatach la hUlltu, & Énna Aignech, sen Echach Feidlig.

Rogen mac Essamna Emna maic Bláith maic Labrada maic Énna Aignig. Dá mac leis .i. Findaigne & Finnlaga.

Eocho Feidlech & Eocho Airem dá mac Finn maic Findloga. Eocho Fedlech, trí maic leis .i. Brés & Nár & Lothar. {folio 75b1} Bres & Nár & Lothár, óenmac léo .i. Lugaid Ríab nderg.

Túathal Techtmar mac Fíachach maic Feradaig maic Craumthainn maic Lugdach Ríab nderg. Dá mac airedga leis .i. Fiachu Már & Feidilmid Rechtaid. Feidilmid Cris Airgit a quo Dail Fiatach Ele & Feidlimid Rechtmar. Feidilmid Rechtaid immorru, secht maic leis .i. Cond Cétchathach, a quo Leth Cuinn, & Cóil & Crinna & Crosse; Crosine Eocho Finn Fúathnairt, iss úad Fotharta, de quibus Brigit; Fíachra Soguide, a quo na Désse; Fíachra Róeda, a quo Corco Roédae.

Cond, trí maic laiss .i. Condla Coém, Crinna, Art Óenfer. Óenmac Airt .i. Cormac. Cethri maic Cormaic .i. Carpri, Muredach, Cellach, Dáre. Trí maic Corpri .i. Fiacho Sroptine, Eochaid, Eocho Domlén, a quo Airgialla. Dá mac Fiachach Sroptine .i. Muredach Tírech, Domnall, sen Ó Maine. Óenmac Muredaig Eocho Mugmedón.

Cúic maic Echach .i. Níall, a quo Húi Néill, Brion, a quo Húi Briúin & Síl Muredaig, Fíachra Foltsnathech, a quo Húi Fíachrach, Ailill, Fergus Caechán, a quo Húi Chaechán.


p.293

Níall mac Echach, cethri maic déc leis .i. Conall err Breg, Conall Gulpain Guirt, Eogan, Carpre, Lóegaire, Fíachra, Mane, Énna, Óengus h-Uillderg, ulderg Fergus Antem, Fergus Mátlorg, Trian, Húathgen, Coíldub.

Conall Bregh a quo Cland Colmán & Síl Áeda Sláne, Conall Gulban Guirt a quo Cenél Conaill, Lóegaire a quo Cenél Lóegaire; Mane, a quo Fir Tethba; Carpre, a quo Cenél Carpre; Enna, a quo Cenél nEnnae; Oengus, a quo Cenél nOengusa.

Eogan mac Néill, deich maic leis .i. Muredach, a quo Cenél Muredaig; Bindech, a quo Cenél m-Binnig; Fergus, a quo Cenél Fergusa; Óengus, a quo Cenél {folio 75b2} nÓengusa; Dallán, a quo Cinél Dalláin;cinel dallain added above by a later hand. Cormac, a quo Cenél Cormaic; Fedilmid, a quo Cenél Fedilmid; Ailill, a quo Cenél nAililla; Echen, a quo Cenél nEchin; Illann, a quo Cenél nEllainn, et Eochaid, a quo Cenél nEchdach.

Muredach, cúic maic leis .i. Murchertach; Feradach, a quo Cenél Feradaig; Tignárach, a quo Cenél Tigernaig; Máián, a quo Cenél Maián; Rúnach, id est sanctus

Cúic maic Muregda Muirchertaich (sic) maic Ercca .i. Forgus, Fergus Baetán, Néllén a quo Cenél Néllén; Scandal immorru. Báetán athair Maelhumai; Fergus a quo Cenél Fergusa. Domnoll.4

Trí mic Domnaill .i. Eocho, Colco, Áed Úaridnach. Dá mac Áeda Úaridnaig: Dáre, Maelfithrig.

Maelfithrig immorru, dá mac leis: Maeldúin & ní hétur cia hainm in maic aile, Maeltuile on ainmnigther Síl Máilefithrig.

Maeldúin, óenmac lais .i. Fergal. Cethri maic Fergaile maic Máiledúin: Níall Frosach, ótá ind rígrad; Áed Alláin, ótá Muinter Beirn & Muinter Erduilb; & Conchobor cona dib maccaib déc; & Colcu, diatá Clann Cholcan.

Cóic maic Néill Frossaig mic Fergaile: Áed Ordnide & Colmán, diatá Clann Colmáin for Feraib Lí; & Ferchar, diatá


p.294

Muinter Dúinbó; & Muirchertach diatá Clann Muirchertaig Locha Enaig.

Cóic maic Áeda Ordnide: Níall Kaille rí Érenn & Maeldúin, ótát Síl Máiledúin for Húib Echdach & Fogartach, ótá Cinaed mac Máilograi hi Finninne Fininne & Blaithmac, ótáit Húi Duibh Enaich & Maelkailne, dianid ferann Dúin Druing inn-Inis Eogain.

Sé maic Néill Kalle: Áed Finnlíath rí Hérenn & Dubindrecht & Óengus, diatá Cenél nÓengusa .i. Carrbaethán & Muirchertach, diatá Cenél Murchertaig .i. Maic Muredaig; & Flaithbertach {folio 76a1} ótá Congalach húa Húallgairg, & Bráen, diata Cenél Broén imMaig Ítha.

Dá mac Áeda Finnláeith .i. Níall Glúndubh & Domnall ríg Ailig. Trí maic Néill Glúnduibh .i. Muirchertach & Conaing & Maelciarán. Cethri Maic Murchertaig mic Néill Glúnduib .i. Domnall rí Hérend & Flaithbertach rí Ailig & Murchad & Flann. Cethri Maic Domnaill: dá hÁed & Muiredach. Sé maic Domnaill .i. Fergal mac Domnaill rí Ailig & Dondchadh, ótá Dubgall mac Dondchada, & Flann, diatá Níall mac Máilsechnaill & Flaithbertach, diatá Murchad húa Flaithbertaig, & Maelmithig, & Conchobor, dia rabatar Mic Concubair. Finit.

Cóic maic Baetáin maic Muirchertaig .i. Forgus, Fergus ótáit Cenél Forgusa; Fergusa Forannán, a quo Húi Forannain; Ailill .i. athair Cindfaelad; Maelhumai .i. in rígfénid; Colmán Rímid athair Fína máthar Flainn.

Eochaid mac Domnaill, trí maic leis .i. Cellach, a quo Tellach Conaing & Cellacháin & Mochatáin; Fogartach, a quo Munter Reocáin & Banbáin; Ailill, a quo Muinter Eochadáin.

Áed Ollán mac Fergaile, dá mac lais: Cathal, a quo Clann Chathail; Máeldúin, trí maic lais .i. Tigernach, a quo Húi Thigernaig, Murchad & Fland, a quo Húi Chellaig & Húi Huidir. Murchad, immorru, trí maic lais .i. Rúadri; Muredach, a quo Húi Flathbertaig; Erulb, a quo Muinter Eruilb.


p.295

Rúadri dano, dá mac lais .i. Maelcíaráin, diarbo Hóa Domnall, a quo Húi Domnalláin; Bern, a quo {folio 76a2} Muinter Birn. Bern immorru, trí maic leis .i. Anbed, a quo Tellach nAnbed; Cern Guthmar, a quo Tellach Cruind .i. Húi Fergail; Donnacáin, a quo Tellach Donnacáin .i. Mic Rúadri & Mic Dondchuáin.

Incipit minigud senchasa Ceniuil Echdach.

Eochaid mac Eogain, a quo Cenél nEchadach in chotaig, sé maic leis .i. Doe, Cíarán, Feidilmid, Maelfeirn, Assán, Meinne.

  1. 5 Doe chetus, is hé ropo ri Húa Fiachrach uile & cheniúil Echdach, condorchair la Húib Mic Carthind ic Áth Guirt in chatha. Is úad atát Húi Lonán.
  2. Cíarán immorro, a quo Síl Cíaráin a quo huile .i. Síl Húa Fíachrach huile & Síl Cíaráin Dúine dá Én i nDál Araide & Síl Cíaráin Húa nEchdach i nAirtheraib.
  3. Fedlimid, a quo Húi Chellaig & Hui Charadáin & Húi Thigernaig & Húi Drucáin & multi alii & Húi Ruissi secundum quosdam.
  4. Máelfeirnd, a quo Muinter Rois mic nErcca .i. Mic Muredaig & Mic Congail & Húi Serraig & Húi Dondgaile & Húi Fhothén.
  5. Assán, a quo sunt Húi Rethithe & Húi Drennáin & Húi Gingnig.
  6. Méinne, a quo sunt Húi Chanán (.i. na gobaind) & Húi Choirne.6

IncipitIncipit cróeb choibniusa Fer Maige Ítha.

    1. Trí mic Fergaile na n-arg:
      Níall Frossach, Áed Ollán ard,
      Conchobar co m-mór-chét cland,
      tóisech ócthigern Erenn.

Conchobar mac Fergaile dano, dá mac déc lais .i. Cinaed, Díarmait, Flaithbertach, Longsech Mór, Longsech Bec, Brógán, Máeltinne, Dubindrecht, Furudrán, {folio 76b1} Drucán, Cummascach, Dondchad.


p.296

  1. Cinaeth, a quo Hói Mamáin & Hói Mothlacháin & Húi Mugrón & Hói Gartnén & Húi Uittitén.
  2. Díarmait, a quo Muinter Chennetig, Hói Chairelláin & Húi Muredaig; & Corrán, a quo Muinter Chorrán.
  3. Flaithbertach, a quo Húi Dubdai & Húi Báigill & Hóe Merleich & Hói Duláich.
  4. Longsech, a quo Hói Chathalán & Húi Máilbresail & Hói Murchertaig.
  5. Dubindrecht, a quo Húi Doblechán & Hói Thanaide & Hói Lathrai.
  6. Brogán, a quo Húi Bresláin.
  7. Maelfinne, a quo Húi Máilfinne.
  8. Drucán, a quo Húi Eochathán & Hói Longsig.
  9. Furudrán, a quo Hói Gottáin & Hói Muredaig & Hói Branacán & Cumascach, a quo Húi Chuind & Húi Mueregaid.
  10. Longsech, a quo Húi Maelán. Cumascach, a quo cland Focartaig .i. Hói Lainn & Hói Chináith & Hói Máilmaill & Húi Dubucáin. Dondchad, ní fil húad.

Cróeb Cheniúil Binnig inso.

Eocho Binnech mac Eogain, secht maic les .i. Láréin, Crimthand, Eocho, Dáre, Mane, Gocán.

Cland Domnaill mic Láréin .i. cenél Binnig Glindi & cenél Binnig Locha Drochait & cenél Binnig Túaithe Rois. Cland Áedáin mic Láréin .i. Fir Maige Locha .i. muinter Fáil díb & alii multi. Clann Díarmada {folio 76b2} mic Láréin .i. cland Osséne & Húi Thomrair & muinter Thaige na Commairche .i. Hói Brain & Hói Bocán & dia shíl Fothud na canóne & Flannabra fíal.

Cland Chremthaind .i. cland forballaig & cland Odrán .i. muinter Chúaich & cland Tírecháin.

Cland Eochach .i. Húi Lachnán & Húi Chormaic & Húi Thúathgaile.

Cland Dáre .i. Húi Cáichdamán & Húi Magán.

Cland Mane .i. Húi Cúanán & ingen dó Brigit ingen Mane.

Cland Gocán díbaid acht bec. Is dia chlaind Odor húa Duibdúanaig i nÓentrub. Dathgel & Drucán, Tnúthgal & Fabaide .iiii. maic Congaland in sin i Loch Drochait. Maelfothbil & Uititén hi nGlind & Dubdúin hi Túaith Rois. Tellach húa Rerge &


p.297

Tellach Maelóenaig ó Dathgel & Tellach Drúcan ó Drúcan & Tellach Fabaide ó Fabaide & Tellach Admaill ó Thúthgal Admall.

Díangus mac Máiledúin mic Failbe, trí maic leis .i. Nógus, diarbo mac Cernach, ó fuilet Cenél Cernaig & diarbo mac Faelcú, ótát Húi Thenán & Húi ChonCathaise & diarbo mac Dubchú, ótát Húi Chatanaig & Húi Lagéin.

Muirgius mac Díangusa, ótát Húi Draignén.

Nárchú mac Díangusa, ótát Húi Furudran.

Cathgus mac Cobraid, is dia chlaind mac Murir hói Chonaill.

{folio 77a1} Cuac mac Maelchon mic Odrán mic Fáilgussa mic Failgniaith mic Airmedaig mic Cathbath mic Erblaind mic Gúare mic Colmán, ó fuilit muinter Chuaic.

Fiachan mac Cronmacán mic Odrán, ó fuilet Tellach Fiachán.

Trí tellaige tra cenéle Binnig Glinni .i. tellach Branán & tellach Cathalán & tellach DuibRoilbe. Trí mic Uititén in sein.

Cróeb choibniusa Cenél Tigernaig in so.

Muredach mac Eogain, .iiii. maic leis. Óenmáthair leo, amal isbert in file:

    1. Cethri maic la Muredach
      fri nErca sóer sóen:
      Murchertach is Tigernach,
      Feradach is Maen.
Tigernach immorru, .iiii. maic leis .i. Tairchelta, a quo Húi Allutha; Gnía, a quo Húi Béccáin & Húi Odrán; Sárán, dá mac lais .i. Domongóc Toraige & DubDaire; Tnúdach, a quo Húi Muirgusa & Húi Chonnicáin. In cethramad mac immorru Tigernaig .i. Dathge, dá mac leis, Corrán Draignech & Rúadán. Ferchar dano mac Duach mic Corráin, a quo Húi Chuacán & cland Erdalaig .i. Fer dálach mac Carthaig mic Eodussa mic Ferchair.

Trí maic la Ferchar .i. Forréid, a quo Húi Fhorréid; Eudus, a quo Húi Eodussa; Gabudán, a quo Húi Muredaig.

Clúmán mac Rúadán immorru, trí maic leis .i. Sl[macr ]uagadach, Meraige, Rúarcán, a quo Húi Chonnicáin.

Sl[macr ]uagadach, dá mac leis .i. Dondgalach, a quo Húi Dessatán, & Cossalach, a quo {folio 77a2} Húi Braenáin & Húi Chordercán & Húi Úachláin.

Meraige dano, dá mac leis .i. Ócán, a quo Húi Ócáin, & Mac Étig, diarbo mac Maelfothartaig, a quo Húi Máilfathardaig.


p.298

Cráeb Ceniúil Fergusa inso.

    1. Deich maic Eogain húas cach claind,
      feib rosbennach mac Alpraind:
      Muredach, Fergus rogart,
      Eocho, Fedilmid, Cormac,
      Illand, Dallán, derbla raind,
      Óengus, Echen is Ailill.

Fergus mac Eogain, da mac leis .i. Áed, a quo Cenel nÁeda Fergusa, & Cóelbad. Dá mac leisside .i. Cairell & Carpre.

Óenmac la Carpre .i. Fedilmid. Dá mac la Fedilmid .i. dá Díarmait .i. Díarmait rí Carce Bráthsuide & Díarmait Mongach. Ó Díarmait ríg Carce Bráthsuide atát cland Chuanach attúaid & anes & atáit cland Báithalaig & Úi Chanai & Húi Luit & Húi Cerráin & Úi Duib & Húi Duibtacháin & Húi Galléin & Húi Emín, díbad acht bec.

Trí maic immorru la Cairell .i. Locán & Trempán & Annind. Ó Locán atát Húi Crebrir & Húi Aingtig .i. Maic Congail Gamain & Húi Loscaid & Húi Locháin & Úi Beraig & Húi Fráecheráin.

Trempán immorru, óenmac acai .i. Faelchú. Is húad Húi Máilmochérge & Ói Duibli & Óe Dubgillai & Ói Dínertaig & [macr ]Oe Murnechán & Hói Dobráin & Ói Dubáin. Is é in Foelcú7 {folio 77b1} sein dorigne in curach do Cholum Cille .i. in Liathmbaile & dorat Colum Cille bendachtain fair. Is dia chiniud Conall Clocach in rígónmit. Inund máthair dano dosside & do Domnull mac Áeda .i. Lann ingen Áeda Gúaire a máthair. Is dia chiniud fuit8 DubhDúin comarba Coluim Cille.

Annind immorru, is húad attát Áes Ercacháin & Óe Conallán & Óe Emréin do cheniúl Cóelbad, Óe Angaile & Óe Udmallán & Óe Beochraide, díbad.

Cúanach mac Conamail, .iiii. maic leis .i. Robortach, ótátt Cenél Robortaig .i. Húi Chellaig & DubLoingse, ótát clann DuibLoingsi .i. muinter Corcáin & Cú Chathrach, ó fuilit clann Con Cathrach.

Donnghal immorru, in .iiii. mac ó foilit na tóisig atúaid & anes for cenél Fergusa, dá mac leis .i. Brúator, ó fuilet cland Brúatoir, & Cumascach.

Cumascach dano, dá mac lais .i. Loingsech, diarbo mac Maelfabaill, ó failet Ói Máilfhabuill a tóisigecht attúaid, & Ailill.

Ailill, dá mac leis .i. Conne, a quo muinter Chonne, & Maelgarb .i. athair Cinaeda, diarbo mac Óccán, ó fuilit Óe Óccán hi tóisigecht tes.


p.299

Cenél Cóelbad corice so. Cenél immorru Áeda asso sís.

Áed mac Fergusa, secht maic lais .i. Lóegaire, Taután, Úanaind, Comán, Breccán, Lannán, Ubbán. Ó Lóegaire tellach Cinaeda .i. Óe Branacáin, Óe Gan, Óe Máilmaige, Óe Cathalán & tellach Muredaig .i. Óe Loingsecháin, Óe Enaisc, {folio 77b2} Óe Berecdai, Óe Scurri, Óe Máilfinn, Hóe Lannacáin, Óe Firaiste. Óe Thúatáin .i. Óe Brúatair, Óe Murchadha, Óe Beóailb. Óe Úanainn .i. munter Melláin. Óe Commáin .i. Óe Dídnaid. Ó Brecán .i. Ó Airisnig. Ó Hubbán .i. cland Dubán hi Connachtaibh. Ó Loegaire .i. Oé Chollai.

Cróeb choibniusa na Bretcha.

    1. Secht maic Eogain 'sin Brettaig:
      Fedlimid, Ailill etaid,
      Cormac, Elann ergna hi fos,
      Dallán, Echen is Óengus.

Att é in so tellaige na Brettcha. Ó Fedilmid chétus munter Rúarcáin & muinter Trebláin & muinter Slébín & cland Muirdelaigh & cland Cumsadaigh & cland Árchon & cland Túathail & cland Fortcheirn. Ó Chormac immorru munter Céle & cland Maengaile & cland Cerdáin & cland Fergusa & Óe Umail & Óe Ultain & Óe Rúadne.

Ó Dallán, Óe Erchén & Óe Chuliúin & Óe Reócáin & Óe Chellaig & Óe Meráin & cland Chúán.

Ó Elill .i. munter Forcellaig & muinter Máilraide & Óe Rossaid & Óe Gillucáin & Óe Domnán & Óe Chormaic & síl Maic Lúase.

Ó ElannAn i written above the e. .i. Óe Finiáin & Óe Mianáin & Óe Hiudir & Óe Erchomais & Óe Goláin & Óe Branacáin & Óe Chellaig & Óe Suibne & clann Ilgaile.

Ó Óengus .i. Óe Máilpóil & Óe Brolaig & Óe Guthartaig & Óe Dubaltáin & Óe Chollai & Óe Chellaig.

Ó Echen Óe Ógáin & Óe Rúnaig & Óe Raten.

Is hé in so anúas minigud cróibe coibniusa na Bretcha.

Cróebh choibniusa ceniúil Feradaig in so.

{folio 78a1}

    1. Eogan mac Néill, art mór monaid,
      Muridach, ba muir ar crúais,
      méraid co brath, búan in gleogal,
      aithech cách co hEogan húais.

p.300

Feradach mac Muredaig, dá mac lais .i. Fergna athair Cummain, ó filet cland Chummain, ocus Fíachna.

Fíachna immorru, trí maic lais .i. Fíachra, ó failet cenél Feradaig thes, ocus Ernáin, ó fulet cenél Feradaig athúaith, & Suibne Mend, ó failet Húi Brolcháin.

Dúnechaid mac Étalaig mic Fíachrai, dá mac leis .i. Cú gamna & Maelfabuill.

Maelfabuill dano, dá mac laiss .i. Maelcainnig athair Loingsecháin, ó fuilet muinter Longsecháin & Anfeid athair Maelrúanaid, ó fail teilach Máilrúanaid.

Cú gamna immorru, sé maic leis .i. Canand & Canaing & Catlúan, ó fail tellach Catlúain, & Maelbrigte & Dubucán. Húa do Chonaing Catlúan mac Flannacán mic Conaing. Húa do Maelbrigte Catlúan mac Taidg mic Maelbrigte. Húa do Dubucán Cinaed mac Conaing mic Dubucáin.

Dúnechaid mac Canand, .iiii. maic leis .i. Catlúan, ó fuil tellach Catlúuain; Cathmael, ó fuil tellach Cathmáil; Maelfabuill, ó fuil tellach Máilfabuill; Máilbresail, ó fuil tellach Máilbressail. Finit.

Brolchán mac Elgíne mic Díchon, ó fuilet muinter Brolcháin. Is é in Díchú sin robennach Maelrubai comorba Comgaill. {folio 78a2} Dá tellach ag muintir Brolcháin .i. tellach Máilgemrid, ó fuil Gilla Ciarán & a mac .i. Suibne; teallach Máilpátraic immorru, bráthair in Maelpátraic don Maelgemrid.

Trí maic Duib inse mic Máilpátraic: Ríghlachán & Dúnchad & Maelbrigte. Mór immorru, ingen Duib inse, máthair Maelmuire comarba Pátraic. Ríghlachán dano athair Gillacríst & Mic Étig & Cinaeda. Dúnchad immorru athair Máiltuile. Maelbrigte tra athair Áeda & Diarmata & Muricáin & Máilíssu in chlérich.

Secht maic Conaill Gulpain .i. Óengus Gunnat, ótaat Cenél nÓengusa; Énna Bóguine, ótát Cenél mBógaine; Dói, ótát Cenél Doach; Fergus Cennfota, Eocho, Nathí, Ruman.

Cóic maic Duach mic Chonaill: Ninnid, Fachtna, Nathí, Cormac, Fergus.

Secht maic Bógaine .i. Áedh Cesdubh, Feidilmid, Brandubh Caech Cl[macr ]uassach, Anmere, Crimthan Lethan, Fergus, Eichín, Melge.

Secht maic Fergusa: Fedilmid, Sétna, Brannid, Loarn, Líathninnid, Cormac, Fíachra mac Cárthinn.


p.301

Sé maic Cárthinn immorru .i. Húanu, Tarb, Cairell, Crimthann, Mac Laisri, Finán.

Trí maic Loairn .i. Crónán, Áed, Sárán.

Dá mac Fedilmid .i. Colum Cille & Eogan.

Sect maic Sétna mic Fergusa .i. Anmere, Lugaid, Cuingi, Corpre Liath, Colum Doi, Dáre, Carpre Bec.

Secht maic Lugach Gunn .i. Crónán, Tigernach, Carthach, Maelodor, Béccán, Branddub, Gungne, {folio 78b1} Fíachna.

Dá mac déc Anmerech mic Sétnai .i. Crundmael, Cummascach, Maelcoba, Domnall, Conall Cú no-ethad dá chích a máthar amal coin.

Cóic maic Domnaill mic Áeda .i. Conall, Colgu, Fergus, Ailill, Óengus. Óenmac Óengusa .i. Loingsech. Mac side Flaithbertach. Dá mac dano ic Flaithbertach .i. Áed Muinderg diarbo iarmúa Canannán, ótát muinter Chanannán. Murchad mac Flaithbertaig immurro diárbo iarmúa Maeldoraid ó fuilet muinter Máildoraid.

De peritia Fhothart so sís.

Eochaid Find Fúathnairt .i. fúath déa ar a chóeme, a quo Fotharta (.i. fuatharta) nominatur. Mac Side Fedilmthe Rechtada mic Túathail Techtmair derbráthar do Chund Chétchadach. Dá mac didu leis .i. Óengus & Cían Cúldub, conid úadaib-side attát na Fotharta .i. Fotharta Fer Cúl & Fotharta Airthir Liffi & Fotharta Airbrech fri Brí Héle anair & Fotharta Bile & Fotharta File & Fotharta Fea & fotharta Maige Ítha Aess & Fotharta Tuile & Fotharta Imchláir, ótát clann Corpre i nArd Macha, seu bene seu male.

Do genelach Brigte.

Brigit ingen Dubhaig. Fintan Cluana Eidnech mac Gabríni mic Corcáin {folio 78b2} mic Echdach mic Bressail mic Déin. Is and condric & Brigit.

Fergus mac Fothaid mic Echach Lámdeirg mic Messincorp, a quo Cóemgein Glinde dá Locha & epscop Eogain Aird Sratha & Lochán & Énna hi Cill Manach & Mosenóc, Mognai & Mochóeme


p.302

Tíre dá Glas & Cóiman enaig Thruim & Petrán o Chill Lainne & epscop Etchén mac Mane écis hi Clúain Fotta Báitán Aba & epscop Nathí mac Fergusa hi Cúil Fothirbi & Moacru mac Senáin & Húi Chaile, Húi Laigthegtáin mic Cuimmine & Húi Fithrecháin & Húi Chatháin & Húi Gaimdechair & Húi Dobráin & Síl Crúachén .i. for Gabrán.

De genelogia síl Áeda Sláne.

Secht maic Áeda Sláne .i. Diarmait, Rúanaid, a quo Fogartach mac Néill; Blaithmac, Conall, a quo Húi Aitechdai mic Conaill; Congal, a quo Conaing, ótá Congalach mac Máilmithig; Ailill, a quo fir Chúl; Dúnchad, a quo Finnechta Fledach; Cerbail. Dicunt autem ailii octauum fuisse .i. Tigernán, a quo Húi Tigernáin Mide, tamen stude.

    1. Secht maic Áeda Sláine sláin:
      Diarmait, Conall, Blaithmac cóem,
      Congal, Ailill, Dúnchád dían,
      Maelodor míad súlchar sóer.

Donnchad mac Donnchada mic Domnaill, ut poeta dixit.9

Do minigud senchais Fer Muman.

Rawlinson B 502, p. 147 a, LL. p. 319 a, BB. p. 171 a.

{folio fo 93a1}

Éber mac Míled Espáne, cóic maic leis .i. Er, Orba, Ferón, Fergna, Conmael. Nírfhágaib nech diib claind acht Conmóel. Mac don Chonmóel sin Eochaid Faeburglas lastorchair Cermna inna dún. Dá mac Eochach Faebairglais .i. Núadu Declám & Mafemis. Doside ropo mac Eocho Momo ó ráter Mumu & Muimnig .i. athair Énnai Airgdig. Is esside romarb Óengus Ólmucaid & ingen do Mugaeth mórúallach mac Mafemis máthair Óengusa Ólmucaca (.i. ól-Mugaetha) tucastar .i. int ól no-ibed Mugaeth. Ní hinister clann Mafemis secha so.

Clann Núadat Decláim fodecsa .i. in sechtmad fer húadside .i. Munemón. Is 'na ré-side ór fo bráigtib i nÉre. Mac Doside Allerg10 Doat cetaránic failgi im dóiti. Mac doside Cas


p.303

Cetgomnig lasrachétgabtha comgni. Doside robo mac Failbe Erchorach. La side rochétecbad corthe. Doside dano robo mac Roán Rigarlach. Leis dorónad carpat ar tús.

In cúiced fer húadside íar ngenelach .i. Sétna Indaraid. Is hé doratt túarustal ar tús. Íarmóa doside Eocho nÚarches. Is hé robói for longais fri ré cíana ria Sírlám mac Argatmáir.

In dechmad fer húad-side íar ngenelach Amadair Flidais Foltcháin cosa mbligtis na helti amal búar.

In cuad11 (sic) fer húad-side .i. Duach dalta Dedaid dorochair la Fachtna Fáthach mac Cais maic Rudraigi. Is hé robói ria nEochaid Feidlech. Ó dorochair Duach la hUltu rofuirmiset for Eochaid Ferfuirmid .i. mac Duach .i. fer forrofuirmed. Rogab Érnai nert for síl nÉbir íar sin co ragaib Iar sin co ragaib Iar mac Dedad ríge & atraracht nert claindi Dedad .i. Dáire & Binne Ros & Forai Glas & Conganchnes & rl.

Roindarbtha tra síl nÉbir {folio 93a2} i n-imlib Muman. In sechtmad, fer ó Eochaig Ferfuirmi .i. Eogan Táidlech diarbo ainm Mug Núadat, ó ráter Leth Moga Núadat .i. dalta Núadat maic Bairr maic Dáríne. Dia mbas oc dénam rátha Núadat, is ann rogaired de-seom Mug Núadat.

Mog Núadat dano, dá mac lais .i. Lugaid Lága & Ailill Ólom. Is eside rogab Áne ingin Fir hÍ maic Eogabail co ndechaid chuici fo chét[macr ]ir, co reoben si a chlúais de in tan bás oc tíachtain, conid do sin rodngeguin Ailill Ólom.

Ailill Ólom, nói maic déc lais .i. Eogan a quo Eoganachta huili; Cormac Cass a quo Dál Cais; Cían a quo Cíandachta & Gailenga & Luigne. Ní fogabar clann oc maccaib Ailella acht an triar so.

Eogan mac Ailella mac do Fíachaig Mullethan risinn-abar Fer da líach .i. dá líach dó marbad a athar a n-inbaid a geine & éc a máthar dia breith. Ceithri maic Ailella Flainn Bicc maic Fhíachach .i. Lugaid (Láre) Fidach .i. athair Crimthaind & Mongfhinne. Mane Muncháin, is húad Úi Fidginte. Dáre Cerba, is húad Úi Líatháin. Tri maic Fíachach Fidgennid .i. Brión, Sétna, Laegairi. Secht maic Brióin maic Fíachach .i. Cairpre Goll, Lugaid, Dáre, Fergus, Rus, Cormac, Costaire.


p.304

Cóic maic Carpri maic Briúin: Erc, Echín, Sétna, Cormac, Eirberthi. Eichín immurgu a quo Fir Thamnach & rl.

Secht maic Echach Líatháin meic Dáre Cerbae .i. Carpre Cael, Corc, Corp, Mac Brocc, Ailill Tasach. Secht maic Ailella Tassaig .i. Laegaire, Breasal, Mac Draigneáin, Mac Carthaind, Áed, Feidlimid, Óengus Brecc, Nóis éces.

Lugaid mac Ailella tres filios habuit .i. Lugaid, a quo nÚi Luigdech Éle; Cathdubh, a quo hÚi Chathbad Chuille. Corc mac Luigdech septem filios habuit .i. Carpre Cruithnechán, a quo Eoghanacht Locha Léin; Mac Caiss, a quo hÚi Echach Ráithlind; {folio 93b1} Mac Broc nó Trena, a quo hÚi Trena; Mac Iair, a quo Úi Maic Iair; Daig, a quo hÚi Muiredaig, Mac Láre, a quo Úi Maic Láre; Natfráich, a quo Eoganacht Áne & Chaisil & Glennamnach & Airthir Chliach. Natfráich duos filios habuit .i. Óengus & Ailill, a quo Eoganacht Áne.

Óengus immorru, .xxiiii. maic leis & .xxiiii. filias habuit. Íar tíchtain adropairt da mac déc & dá ingin déc do Día, qui omnes sancti & sancte sunt. It é annso anmann in dá mac déc: Domonnai .i. Feidlimid Dubgilcach, a quo Eoganacht Caisil & Fingein & Failbe; ii. Eochaid, a quo Cathal mac Finguine; iii. Bresal; iiii. Senach, de quo dicitur óengrés in gabair lasin ríg, cuius hereditatem Énna possidet; u. Áed Cóech. Trí maic Ethne hUathche ingene, a quo Cenél nEthne.

Mac Cárthind, a quo Gubi & Dub Conaind & Dub Derir & Aed Colpdai; uii. Nafaitreg, a quo hÚi Gruibne; uiii. Áed; ix. Fedlimid; x. Loscan; xi. Nadgeid quorum trium generum hi tírib hÚa nDuach sunt & alia pars de genere Nadgein in regionibus na nDési .i. Nadgeid; xii. Nathí.

Colman mac Dáríne nó Dáráne, cuius reliquiae sunt i nDaire Mór, & Lugaid, cuius reliquiae sunt hi nDruim Indasclaind & rl.

Eocho Mugmedón rí hÉrenn. Roíarfaig Áed dó cía bad rí dia maccaib. ‘Ni fhetar-sa’ ar sesem ‘noco roloscther cerdcha forru.’ Loiscther íarum in cerdcha. Gabais Brión .i. Sennser na macc in carpat cona huilib essib. Gabais Fíachra in tulchoba fína. Gabais Ailill inna harmu huile. Gabais Fergus Caechán in cúail crínaig. Gabais Níall arnisi in gobann huili etir bulgu & urdu & indeóin cona cip. Atbert Eocho: ‘Is fír’, ar sé, ‘Níall bus rí doib & is dó foigénat a bráthri.’


p.305

Timna Néill maic Echach immurgu in so sís dia macaib .i. ‘Mo {folio 93b2} flaith do Chonall; m'ordan do Chrimthan; mo gasced do Eogan Armderg; mo chrícha do Charpriu; mo amainsi do Énna; mo dathi & mo elgnas do Fhíachaig; mo chruth, mo chocad do Laegaire; mo heich, mo charpait, mo báide do Mane; mo búasche do Briún; mo dígal do Fergus Antem.’ Conid and dorigni na runda so:

    1. Mo fhlaith do Chonall chét celg,
      mo gaisced d'Eogan armderg,
      mo chrícha do Chairpri chain,
      m'amainsi d'Énna inmain.
    2. Mo charpait, mo eich uile n-óg
      nosathnim do Mane mór,
      mo chruth, mo chocad crúadach
      do Laegaire londbúadach.
    3. Athnim m'elgnatus uile
      d'Fíachaig an fuilt fhindbuide.
      mo búar do Chonall andes
      mar doraidus mo flaithes.
    4. Mo flaith.

De causis quibus exules Aquilonensium ad Muminenses adducti sunt.

Issed cétamus fochond toirgi Cíarraigi & na cethri nArad & Dál Medrauth co Mumain & Húi Néill ar thosach & Concachta écraite a senathar rogabsat hUlaid indib di ág Fergusa maic Rosa Róig ó rochinset. Ar feccais Fergus for Ulta di ág mná .i. di ág Medba Crúachan, ar imgeogain ar imtoin(?) mná fria chenél fadessin. It é teora clanda rochinset húad for longus: Clann Moga Thóech óa rochin Cíarraigi & Cland Fir Deodai óa rochin Dál Medraud & Dál Fir Tlachtgai óa rochinset na cethri Araid. Gabsat ar tosaig hic Temuir. Attrebsat ann co amsir Néill maic Echach. Hué Maic Dornae & Én mac Mauguirn cetegabsat Irlúachair la Corc mac Luigthig. Luid Corp mac Ainirmae. Coinniu mac Seghu oc Dún Choinnenn & oc Comarthu.

Trí maic Coel hUirc ic Curchu ocus drécht diib i nAidniu, araill diib oc Dubcechair. La Fergus góita Cethernd mac Fintain ótát Corco Selgind. Fer Deodae nod{folio 94a1}geoguin mac Fergusa. Cradiis Ultu fri Cethirnd guin Fécc, ar nícon dlid side dia hathair. Trethid Cárthind. Góeta Cethirnd oc tecoscaib druad & oc tairchetul a hingine. Solchenn mac Cethirnd geognai Fécc mac Fergusa. Ba gleorderc in Solchenn, unde rectius Corco Solgind dicti sunt a poetis, nunc autem ab imperitis Corco


p.306

hAlchind dicuntur. Is di húasait in sceóil sea Lucrith mocu Chíara in t-éces cecinit:
    1. Conailla medb michura mc doroich
      ruadchuru cuirsir forfergus forcomol.
      coí innaichthairm12 dumenair timgart
      cuici cardini cuaird indithrib droch
      moddi drog aceille cundomne condiacht
      solam sochraitte. Saelti ailill hirroi
      dde hirthend iarir ascde. Aifaith13 mo
      ais mairlatha lúthag luin la auromun
      auruath niath nertcride nadbo fri
      nith fand fulomoin. fogert guss gaile
      fergusa firu iah nerenn mordehe sithbe
      sluagid allmure nulath necnech nulai
      cnithe. nibochiuin caór catha crobuiln
      ig cloi centim timme tethiguth tethrig
      abud badarr fodde bó14 frihulath noll
      chosnam ingab medb moethiguth. michor
      dingeni gnim nadchum cachecomul naisc
      nuall fuatachtae forracaib foraclaind
      croaithlich torgi fiann lafergus fuac
      arta foocrad crib laconchobur acom
      and erred ecnach nulath chura hiath
      nistornebad torund ceort cumachtae
      Condailset amc marthíre octemair truim
      tetorig dollecset ulaith nollmrugi. ol
      scarsat frithlaith fledolig. Fiacc mac fe
      ochair fergusa fillis catha telathar cechaing
      ceim cimbetho consoer selb soerathar
      {folio 94a2} segde doficc achondalbe confargaib
      achlaind soerchoraich siaicht selb senath
      air arhirchus bronnbuar ocbánfethig.
      Batuicit baiss fergusa fí frihecrait noen
      odir aarmisu cethirn cairthin croid

      p.307

      tréchroebfhodail Canfer miscuis ferghusa
      fíi diandebelt ararathu arbreith fola
      ferglainne foralectlaind iarlatharnu
      Lathris solchend sodigail soisilgeneth
      cinith robagi ruanaid guss diangeog
      uir feícc huiróich rodáni Roboi dih
      en tolgde toirge diclaind cethirn cath
      buadach. cradis ultu fiacc dohorguin.
      orgnith nitha nathbuadach Nassad ain
      eoil arim niansat diascarsat fribri nai
      rige adfaitar dothir tethba tarlind ne
      thni cossinmumain menide. mote arroet
      huili oengus huaconaill cuirc clothamri an
      dithorgib tuath trom ditholib othemuir
      aird adbuil sochaide. Suain friarsene
      olas eol dún dianscanrith hulaith iarsir
      gubu iarnaraib ág dedalib detharbe con
      ailla medb michuru.

15

De quabsis torchi Corco Ché.

Cf. Book of Lecan, fo. 134 a.

Acuis torge Corco Ché. Ó Loch Echach a mbunadb. Tomaidm Linnmune tar Líathmuine. Linnmuine i mbu thipra, Loch nEchach indorso, dílegath síl Dubthig Dóelthengath and acht cethra conchuiriu. In chethramad conchuire frissa tuile anair tan ecomnechair, it é Corco Ché. Cruithne in tres conchaire aile cacha leth. Óenne hi tír Húe Crumthir hi Fernmaig. Alaile i Mondornd & hi Cúla Breg, diatát Corco Ché Fernmaige & Corco Ché Slébe Mondoirnd. In saithe aile do Chassiul co hAilill Flann Becc co ríg Muman. Dobert side doib Clúain Baird maic Augaine.

Ba daltae boib Corc mac Láre. Láir derg {folio 94b1} do Chorco Ché rodnalt, unde uocatur Eoganacht Húa maic Láre. Mídend drúth Eochath maic Muireda & Conbroc a chú & hUiriu a hingen, iss é triar adlói alLíathmuiniu. Atát a trí cairn for brú locha anair. Mídend profetauit diluuium, hoc Utlu Creth profetauit16.


p.308

    1. Ba mol Mídend midlaige,
      memais Linnmuine dar Líathmuine,
      lia háirim slúag abad
      a Linnmag Mis i murbrath,
      inriuth Lindmuine as dú
      milt a crúas for comaithchu.
    2. Cáin tír dolécced dó
      i mbí Eochu Már mac Mairedo,
      marid carnn senchind chon ind ríg,
      ní bu hen cét cetharlíth.
    3. Sella fri Loch nEchach dia brú
      ba scíth la nUlad n-ánrotha,
      ar dílegad síl Dubthaig dáil
      ilLinnmuniu nadarrchiúir.
    4. Acht claind Moathaire maa clith,
      cenél ind fhir orta Feidlimith,
      fúaim ind locha dar cach dú
      foácaib cethri conchairiu.
    5. Cuire díb dochum Derco chén,
      ansu dodí dochúaid etircén,
      in cuire aile síar tar mag
      co húa Crimthain hi Fernmaig.
    6. Forúer imneth fota
      maidm tiprait máir maic Mairetha,
      do Dáil Ocha, húathmar ndeilm,
      Loch Echach do thomaidm.
    7. Memaid siathe scarthach ndonn
      húad síardes do Mondornd,
      mrogais Clíathaire cia bu hen
      co rríg Muman hi Femen.
    8. Fri hAilill Fland Becc dommelt a ríi,
      dobert side dó Mag Taline,
      talléicc a shíl íar cath Cennibrae,
      dosfúid co rríg nIrlúachrai.
    9. Doaisbenad doib tír co llí
      Clúain Baird maic Augaine,
      ó shen co sencath ináit
      amal betis murchorthaig hi báirc.
    10. Cach sathe díib rogab crúib
      sethnu hÉrend, ní dál fochráib,
      forraig friu Lindmaine
      co mbair nad cumaic nech díb a dígail fair.
    11. Is forniach17 baith fas díb in tan n-aithereach,
      is loch cechonrualat augre
      nitha inge fohut fris
      doris ocus amhiris.
    12. Ní fil tangui manid hé
      huiscan rohoécc for Líathmuine,
      ní fil nad báda acht
      inid Eochu rí robadí.
    13. Ba moo dicridu Eochu
      ríi maith suidin,
      ní bu bádud domet dó,
      ba gábud nach mar cathu.

Ríí Caisil tra doratt fond & grían doib hi tóib Aurchuind fria mbráithriu fri Cíarraige Lóchrae ara coicill la Corc mac Luigthig. Ónmid bandalta doib. {folio 94b2} Ar it hé geogaind Aurmumu ima láma íar cath Drochet Meinde for Osairge hesambadar riasin ríg hisin cath sin & búi a hécraite foraib sech cách, ar it hesom ba móam areráncatar and, condetubert Corc illáim Choirpre a maic fodesin do chomairgi friu & corarchosced


p.309

doib a crícha for cech leth cona n-imfhochith im chách immemérath anfír foraib. Condegegoinn clann Maine Muncháin ar ulc fri claind Chuirc ónmith. Robratad flaith Muman seccu contubraid mucca cona muccaidib forru. Is de conbaetarsam a muiccithi conamtrétaib. Is dind anglund sain fechta cath Cúla Meinde ri Corco Ché for firu hÉirenn tri fortacht nÍta Clúana & rl.18

19

{folio 96a1}Scéla Eogain in so & Cormaic.

Luid Engan Mór do chath Mucruime. Fói hi tig Treth moccu Creccai. Ingen álaind lassaide, Moncha a hainm. Timgart ind ingen chucci illigi & dobreth dó, ar ní buí cland dó co seín. Is de {folio 96a2} birt Monchae mac n-amrae íar toitim Eugain Móir isin chath fri Mac Con. Fíacho Muillethan, is hé mac ruccad and din chomruc sin. Is de ba muillethan, fobíth isbert in druí fri Monchi i mbuí oc lámnath: ‘Mad mattin noberthe in mac, forbíath do mac maccu cáich & bit ríg a maic & a húi co bráth.’ Is íar sin doluid Moncha co mbúi inna suidiu forsind licc oc Raphaind i n-imíchtur Suíri. Is de lethas mullach in maic forsin cloich, co mbu Fíacho Muillethan mac Eogain Móir a hainm. Asbert fria ar thús ropad rígdrúth hÉirenn mad isin chétlá conbertha. Is ar sein anid sí co arnabárach. Munlethan20 didiu .i. mullach-lethan, dia roleth a mullach forsin chloich. Is de sin is chol do cach fhir d'Eoganacht goinfes fer do Chrecrugu.

A chommut Art mac Cuind, ní breth mac doside co comarnic ind adaig riasin chath fri hAchtán hingen hUilc Aiche in druad. Is hí máthair Chormaic maic Airt maic Cuind. Is hé in Cormac sin rogab rígi i ndíed Maic Con maic Luigthech. Tricha blíadna a háes Cormaic in tan sin.

In tan doluith Art ó Themuir dochum in Chatha dodeochaid trí cóicdaib óclach riasna slúagaib auráin co tánic co hAche. Buí Achtán ingen hUilc hAche oc indis etorrotha ar a chind.


p.310

Banscal són is móraldom robuí i nhÉre. Buí dano cóice indes la hOlc nAiche immin nAichi & trí cóicait & rl. & is húaid-som rohainmniged a tír & cach indes díb dia bíathad-som íar mblegon cét bó, bá sí a deog-som. Ba hécen a lestar hi tallath in sen do bith ar a chind in cach baili díb.

Tan dano donánic Art buí al-lestar lán {folio 96b1} aicci-si. Daringart fer buí for láim Airt dig cosind ingin. ‘Cia condaig in dig?’ ol si. ‘Art mac Cuind rí Héirenn,’ ar in fer. ‘Tóet nech úaib’ ol sí ‘dia brith.’ Féimdit dias díb. Berthis si a hóenur & fodáli doib. ‘Ba maith in sein,’ ol in gilla, ‘acht atbertha fodéin dond ríg’. ‘Nímda cuimcech-sa hi suidiu’, ol ind ingen. Anith si. ‘Bid fodob mo athir-se.’ Tic hOlc Aiche. ‘Cade mo deog?’ ol se. Línaid a llestar dó do lemlacht. ‘Is hé mo choimdén atgén, ní hed mo ass a cétne. Cade mo deog?’ ol sé. ‘Ní sí in so’. Atfét ind engen dó. ‘Cid’ ol sé ‘asbert Art frit?’ ‘Asrubairt frim ba maith in sén acht co tíasta lasind ríg’. ‘Ba ferr’ ol sé ‘nothíasta.’ ‘Ba maith dano lim-sa’, ol ind ingen, ‘acht bith fó lat-so.’ ‘Bíaid maith de’, ol hOlc Aiche, ‘act ambere-so. Ní fuicéba-som di chlaind & in chlann nombere, bit ríg hÉirenn co bráth. Látharthar lat fess dond ríg .i. cóica dam, cóica torc, cóica cét mbargen, cóica tulchuba co fín. Tabair-so cóicait n-echsrian & cóicait mbó airthiu, ar itá la cluicher ngaise insen dí lestri’. Bretha in so huili do Art arnabárach & luid ind ingen conu & cóica ingen lée & fodáiltea la hArt a mbiath sin. & fóid ind ingen in lá sin lais & dogníth pupull umpu & atfét bríathra a hathar dó .i. hUilc hAiche & doimgair comartha dí & dobert Art a chlaideb & a órnasc óir dí & a thimthag óenaig & celebraid cách co toirsi máir. & ba torrach for Cormac húa Cuind in ingen.

Teít Art don chath. Intan robtar lán an-noí mís ingine húilc háiche for Cormac, lamnith. Berith mac, Cormac a ainm. Is de rohainmniged do asrubarit: tarurcéba mac gor eím, gorma íarum. In tan rogénair Cormac, foceird in druígoba hUilc hAiche cuíc essa imdegla fair ar guin, ar báduth, ar thein, ar adgaire, ar chonaib, ar cach holc. Nírbo cían íar sin buí si inda cotlud isind fhaithchi. Toluid sod maic thíre co mbert a mac húaithi cen fhis dí & dombert for a sinebolg in tshod & ní fhitir si cia árluith. Robúi fer airchisse án isin tír-sin .i. Luigne {folio 96b2} Fer trí a ainm side. Doluid side do hairchis ar fiadrad. Focaird forsin cúanlocht na ma tíre & argab an mac


p.311

ann, os hé conrethed laa cona. Dombert Luigne Fer trí lais & bíata lais co cenn mbliadna. Rofinnathar a máthair-som inní sein. Luith ide co Luigne Fer trí dombert húad & adfét scéla dó in maic amal batar. ‘Dó deit amin’, ol Luigne Fer trí fria, ‘folaich in mac bar bibdaith báis id dia fessara Mac Con’. Luid Achtán dadaig fochétóir cona mac hi túaiscert nÉirenn do ascnam co Fíachnae Cassán, aitte Airt maic Cuind. In tan luide tar slíab n-and medón aidchi, dosnáncatar coin hÉirenn do brith a maic húaidi ar écin. Focertat húall impe. Dosnautat fíadgraig robói isin tshleib. Gebit occae & doberat comairgi dí. Is de atá Conachla i n-aurthur Luigne. Ránic fothúaid co haitti nAirt. Bói side occon tiprai oc indlat, os hé trúag co cumaid Airt. ‘Anmin amin’, ol Achtán. ‘Ciatá inso?’ ol Fíachnae frie. Adfét a scéla dó huili. Focairt dí láim ima bráigit & cííd for an mac chorbo fhliuch. & dogníther muidi ibair immi & tlacht corcra for an muidi ar nách rostis láma na ndóine oc fáilti fris, arnáco mbáste in mac. Alte in sein co cenn trichat blíadna & luid tria hecosc & druidecht a shenathar do Themuir di láu sobais. & dobreith claideb a athar dó & a fhornusc fhornosc n-óir & timthach a athar immi. Foimsi dó imalle. Doluid do Themuir in gass mór díriuch hísen, is is hé a hóenur.

Conacae inní Cormac, in fer in ndorus Temrach ar a chind ic dígdi na mná, & in ben immurgu oc cúi. Doluid som do dib culadaib ind fhir dothúaslaice claideb dó. Asbert in fer fris: ‘nia tire thúaslaice claideb dam, os mé rechtairi maic Con. Nechtan mo ainm’. ‘Mo indrosc dam!’ ol Cormac, ‘Dobérthar’, ar in rechtairi. ‘Biad dam mo nemaisnéis millius dam’. ‘Rotbía’, ol in rechtairi. ‘Cid cías in ben?’ ar Cormac. ‘Cíith’ ar in rechtairi ‘breth ruc in rí diammaith lee .i. a cáirich {folio 97a1} do dílsi hi llomrad glassenguirt na rígna’. ‘Ba córu’ ol Cormac ‘in lomrad tar héisi a chéli. Ní ruc gói riam’ ol Cormac ‘fer rodhuc. Tíag-sa dó’. Foruisedar in rechtairi na bríathra sa do Mac Con isin Temair. ‘Dó dúib’, ol sé, ‘is hé bías im díaig-sa. Manodfil fer di chlaind Airt i nhÉre, is hé in fer sin. Tóet for m'ainech-sa co fárgub-sa Temair lais, ar ní lim ind aimser rucus in brith. Tánic mo ré. .xxx. blíadna gusandiu ó rogabus ríge’. Tic in t-óclach. Feraid Mac Con fáilte fris & attraig riam. ‘Níthó’, ol sé, ‘nímda rí céin bé and’.


p.312

Tóciab Mac Con a glún súas. ‘Loc dam-sa ón immurgu co húair chéin’. Congairthir a chéli & hamais do Mac Con. Forcongraid forru. ‘Táigam co Mumain diar finechas díles, is cáich a húair a n-áros so’. Tocumli Mac Con & a mac .i. Lugid Macnía (.i. óenainm) & a cheithir maic side .i. Dau & Trian, Eochu & Lugith. ‘Cinnas’ ol Cormac ‘forácbaid in fhaithchi forsa raba? Beir brith dún’. ‘Ní thó’, ol Mac Con. ‘Beir so, húair isa tossach flatha dair acht rob tol dait-so’, ol Cormac. ‘Bérat-sa slán lim’, ol Mac Con. Is and berti Cormac: ‘Tabair’.

Do bunad imthechta Eoganachta in so

.i. doluid lon{.}ges mór, do fheraib hÉirenn a mbunad, edón meic Eogain Táidlig. Trí anmand bátar fair .i. Eogan Táidlech & Mug Núadat & Eogan Fitheccach. Gabsat a n-Inbiur Cholpthai, tri cóicit fer a llín, immusrala muir aimsera co táncatar Éirind. Tráth atchessa di thír doaurchomraicthea fir hÉirenn ar a cenn. Gabsat ald dain{.}gen, ná haithgén nech bélrai araili itagmar. Dorónsat essomon trí laa & trí n-oidchi etarru oc {folio 97a2} coibche biid ar arget ó haés na lun{.}ge. Inn-accatar ba hamrae a n-indbas arfóitea hi tír & fodálid sechnó hÉirenn & gabthu mac a rríg do haltrom ar seótu .i. Eogan Túidlech, co mbo tretell hÉirenn. Tobretha trí dúne dó .i. Fithecc ainm cach ae. Óen díib i nDolaib Glais oc Sléib Smóir, araili inn-Ucht Meic Caechán hi crích Chíarraighi Lúachrai, araili hi tír Delmnae hÚa Néill. Búi gním dó hi cach ae & bói fáith cacha fithicce díib. Is de ba Fithicech som, amal atbert in fili:

    1. Cethri anmand, míad cen brón,
      robátar for Eugan mór:
      Eogan Fithicech, míad ngart,
      Eugan Táidlech, Mug Núadat.

Fecht and fíarfaidus Eogan fáith díb: ‘Cid aruntá?’ Attubairt in fáith: ‘Tic gorta mór for firu hÉirenn’. ‘Cía tairicc?’ ‘Tairic hi cind teora mblíadna, & ren ór & argat ar biad isin blíadain seo & bíid cethrur for biud triir occut’. Ocus íar sin imcomaircid na fáithe ele cechtarde a blíadna & asbertatar cadissin: ‘Ticfa innd úne béus & ren t'uma & t'íarand ar biad & bíid triar ar biuth deissi ocut’, ar in fáith medónach. Adubart in tress fáith: ‘Ren t'étach ar biad & bídh dias ar biud óenfhir ocut’. Dogéni huili Eogan aní sain.


p.313

Tofuirmi trá ind aúne for firu hÉirenn connách buí ní nochaithitis. Adfíadir dóib ind fháilte do fhochaill inna dubthíne. Toscumlat chuicci fir hÉirenn. ‘Donfair ná tíagam d'éccaib gortae, fobíth rodotaltammar. Mani thobri, rosossam-ni do dún fort’. Ailthus Eogan imm esomon trisse (.i.tredenus) .i. comtis lobuir & connácham{.}beth nert. Dogníat som dano amlaid sein. Ba bec trá an-nert hi suidiu. Berthair ar sain {folio 97b1} a fir mathi co hEogan inna dún & bíathaiter an doéscurshlúag ar dúinib anechtair co cenn teora mblíadna .i. blíadain cacha fithicce. Dogníat ríg do mac Eogain Táidlig andsain. Is de sin atá Eoganacht, di thorath inna bendachtan doratsat fir hÉrenn fair ar gart friu & ar a tessorcain dind aúne irrabatar. Euganacht deside .i. eo .i. bona, acht .i. icht .i. icht maith dó fir hÉrenn do shaerad ar gorta. Nó Euganacht .i. eu .i. bona, genes uero generatio. Euganacht didiu bona generatio a thaithmech & rl.

Co fessaid bunad Dáil Chuind & a n-imthechta. Trí maic Búain maic Loegairi Birnd ótá Ossirge, .i. Ailill, Óengus, Fíacc, ciatarochlannsat cletha hi Temuir. Is hí amser indatánic in Míl Espáne tánaise ind-hÉirind, trí cóicit fer a llín. Gabais Trácht Delossath & doforbertatar hi tír & adrartatar inreth már & gabsit tír and ar chlaideb. Is amlaid rogabsat flaith ar chiund & bid samlaid dogrés, tria hécin gabait flaith. Is hí a chland Dál Cuind & Dál Fíachach. Asberat alaili bid di lucht na luinge forácabsat hi tír Amazonum .i. lasna cíchloiscthi in tEugan Táidlech. In Míl Espáne dedenach immurgu, ba dóich lind bid din lucht forácaibset som hi cathir Breogaint. Ocus is íarum dollotar dochum nÉirenn co nhúraib cathrach Themis leó. Itt é side húra doléicthe hi Temair íar tóchul hÉirenn, conid Temair a hainm ind aird sin .i. theme .i. úr dind húir a Themis alachéill in sin. Is hé in bith dédenach diand ebrath bith síl Chuind & Muman ind fhlaith co bráth. Cruithnig conasensat in flaith friu. Is de dogéni Fínán mac Fíachrach di Dál Aride:

    1. Manud báig ar Thipraite
      báithum arber do suidiu,
      {folio 97b2} secht cathae at chetharchait
      ar secht cétaib is huilliu.

Conarnic cenél Cuinn, mebdatar an-nói díib, ar ba la Cruithniu ind fhlaith, conidtánic ind longes dedenach forsin lith


p.314

túaiscertaig sin. Adrodat doib dano cach la flaith conidtánic Conn Cétchathach.

Rofich trá Cond Cétchathach cét catha & cét n-imairec immon flaith sin frí Dál nAraide. Is de ba Cond Cétchathach, din chét cath rofhich. Cethri fichit catha do Art Óenfher. Mac sidhe Chuind. Gabais Cormac húa Cuind flaith fer nhÉirenn & dámuir Fíacha mac Araide. Aslóeth Cormac húa Cuinn co mbo aithrí. Tocart Fíacha Araide Cormac a flaith Temra co mbói for longes hi tírib Muman la Fíachaig Mullethan mac Eogain Máir hirRaphaind & gíallais dó ar slógeth fer Muman. & atberat araili co rabi fo lethgabail in chore oc Fíachaig tar cenn a rígi do chosnam dó & Lagen do thabairt lais. Luid dano leth Éirenn la Fíachaig Munlethan for Fíachaig nAraide & memaith for Dál nAraide in cath sin oc Fochaird Muirthemne & gabais Cormac a ríge doridhise. Dobert Cormac húa Cuinn do Fíachaig Munlethan ar dul don chath a tír fortá Cíannachta. Is de forácaib Fíacha Munlethan Connla mac Taidg ina tír ó rosgenair glé.

Asberat araili bid ar cath Chraindi doratad a tír so do mac Taidg. Is di thecosc in chatha sin focres rogu do Mug Ruith do thírib Muman, ar ba hi Tarbri búi Mugh Ruith riasin chath sain. Is and asbert aurchuil cacha mennatta. ‘Ní fuimiu’ ol sé, ‘chu lechtigh cumlín a chend fria leth meta comlín a hégma fria haurgata’. Unde elegit Tír Maige Féni. ‘Fochenide húr’, ol seseom, ‘menid fái meind fair’. Is de sein atáid Maighe Féinne & rl.

{folio 98a1}Di raind etir maccu Eilella Flanc Bicc.

Cf. Rawl. B 502, p. 149 a32; BB. 173 c35.

Rorandsat a feranda hi cetheora ranna co Comor Trí nUisci. Quattuor filios habuit .i. Fidach, cuius filius Crimthan Mór mac Fidaigm & Luigtheg for óenleth; Maine Muncháin & Dáre cherbae for leith aili. Emmon nhDáre & in Mane. Atchondairc a mmáthair .i. druim cechtarnái fri araile ina clíab & dóel i medón eturru .i. síl Moga Roith in druad, conná cumaic nechtar de cobair araile. It é dano batir hoa & itt é fongiulatar cruiti a n-athar .i. Corco Ché & ind indbaith .i. Corco Muchit. Alii dicunt betis secht maic la Dáre .i. Fíachra, Eocha, Íth, Fidach, Dan, Ded, Dera.

Mafemis mac Eochach Gairb ipse est & Eocho Mumu, a quo tota plebs Muman. Mumu a munitione candoris liniti uel de


p.315

pulchritudine mulierum uel senectute uirorum uel a munitu, ar bene muniunt Muimne, Luigne & Laigne & rl.21

Macc Ardae mac Fidaig ba rí Cíarraigi Lúachrae co muir. Mac máthar som do Chíarán mac an tsáir. Imusacallat didiu Mac Ardae & Cíarán & Bréndán mac huí Altae. Dosnánic Mochuta Rathin. Ba heolach side and. Asbert Cíarán fri Bréndán & fri Mac Ardae ara nderndais bráithirse fri Corco Ché & frisna huili Múscraigi. ‘Arubta amser bas trom co n-artrig Lúachra & Locha Léin foraib’. Is íarum dogénsat bráthirse frisna túatha imdatáat. Ocus búi Bréndán and & Fínán Cam & Nessan Corco Ché & Luigid mac Óche & Lachtíne Achaith {folio 103b1} Úir. Is and donánic Brénaind Biror & Comgán comarbae Ailbi & dogénsat bithbráthirse frisna túathaib sain chan. Dodeochaid tra airthach Bréndain & Mochuta Rathín at Chíarraigiu, aurthach Fínáin Chaim & Monessóc ar Corco Duibne & aurthach Molúa ar Corco Ché & aurthlach Molachtóc & a chomarbae ar Muscraigu & aurthag Bréndaind Biror arna Úilib Cuirigib & aurthach Comgáin airchindich Imleochu Ibair dar cend forthúath.

Dodeochatar na nóib so huili i n-óg bráthirsi etir na cenéla so co lathi mbrátha. Is and donánic Crimthan Odor rí Íarmuman & asbert friu: ‘In fír a tesurguin na flatha oruinde?’ Friscart Bréndán Biror: ‘Nícon bía isin tshenod sa co bráth acht Rí nime. Nícon bía dano forna túathaib acht rí Caisil’. Asbertatar dano in dá Brénaind fri Crimthan nOdor: ‘Nícon bía rí dit chlaind óndiu co tí bráth’. Asbert dano Brénaind mac hua Alti: ‘Nícon bía rí ó Íarmume for Cíarraigi ó laithib ind ríg dima hainm Maeldúin, acht bid suír22 Irmumu ó togai cipé rí bes hi Caisiul di chlaind Óengusa maic Nadfráich & timarne Pátraic nat bé rí hi Caisiul acht di chlaind Nadfráich & armi hé suidigethar rig for cach túaeth hi Mumain & arni bé rí isin túescirt acht rí Temra & is hé suidgethar ríg for cach túaith ilLeith Cuind.’


p.316

Is andsain tra tuc Mac Ardae & Furudrán a nhgíall for Crimthan mac nDercomanath maic Feidlimthe ríg Caisil. Asbert dano Mochuta Rathin: ‘Intí bes rí de Mume de Araibm is fris{folio 103b2} beimmi, húere attám bráthir dúnd’. Asbert Crimthan mac Fedlimthi fri Cíarraigi: ‘Bethib súirsi lim-sa dano & ní gébthar ar uar cend acht amal dongegain fadessin’.

Mad23 togu tra la Cíarraigi a ndul co ríg Locha Léin con aimsa folaith doib .i. rechtaire húadaib la ríg Locha Léin & .iii. lánamna tre bith sír & ineth cethri mbó bithg i n-uth dond rechtaire a miuntir hi crích Eoganachta Locha Léin di thalam conmestar rí Cíarraige Lóchrae dia rechtairi & nach forbech dliges rí Locha Léin do Chorco Trí & Orbrigu & di forshlontib Irmumen huile. Is rand i ndé etir ríg Eoganachta & ríg Cíarraige & nach forbech bis la ríg Cíarraige do rígh Locha Léin facabar la Cíarraigi & la ríg & is hoén inna flotaib o rig Locha Léin. Ocus intan nomber rí Cíarraigi a gíall do ríg Locha Léin dober dano rí Locha Léin a gíall do ríg Cíarraige fria folta técti. Triar dano do gíall ríg Locha Léin la ríg Cíarraige. Dís immurgu do gíall ríg Cíarraigi la ríg Locha Léin & ní thabair rí Cíarraige a gíall co nderna ró Locha Léin cáin for cach túeth immidmhbé etir Corco Bascind & Corcomruad & hUí Fidgenti & Corco Luigde, etir muir & tírm & hUí hEchach. Co tarta rí Locha Léin .iii. sect cumel dó nádnaurthet rath ná cuí, act ní taurchren íar sein, fosdáli rí Cíarraigi trí secht cumal díb laiss fessin. Ocus ni dlegar dúnath do Chíarraige conraib Irmumu uile ar a cind i ndúnath & ní dlegar doib acht cethri laa & cethri aidchi i ndúnath, manip toge doib ní thíagat hi slúagheth for cech túaith de Mume {folio 104a1} frisi ndersat bráthirse fobíth aurthig na nóeb dodeochaid etorro & rl.

Bói rí for hÉ;rnaib Condlae mac Ferchéte maic Dedad. A hÉspáin a máthair, ingen Fhergusa maic Carpait maic Néit, diatá Carnd hUí Néit. Dorónad Condlae dichomacsiu. Luid Condlae do haccáine a dochraite. Dodeochatar fir Espáine lais dia shochraiti la Condlae. Dohuc Fergus cona lais a hEspáin, coin soirdrigi a n-ainm, conid remib nomaiditis na catha. Is hé in Fergus so rosíacht gíallu in chóicid ar éicin tria chonu & a ócu. Ó tháncatar hÉirind slúaig Fergusa maic Carpait, asbert: ‘Cid


p.317

dogénam hifechtsa?’ Friscart Condlae: ‘Cuirther in slúag for comdáim!’ Is de sin atá condám .i. comdám .i. rí la rígh, ócthigernd la hócthgernd, túisech la túisech, airig la hairig & rl.

Senchas Airgíall in so.

Cf. Rawl. B. 502, p. 142 a 5; LL. 332 c; BB. 109 a.

Na hAirgíalli immurgu, itt é ata nessom dÚib Néill athli Condacht. Ic Coirpri Liffechair condrecat Airgíalla fri hÚa Néill & fri Condachtai. Fíacho Sroiptine mac Coirpi Lifechair, is hé senathair Echdach Mugmedóin. Is úad side atát hUí Néill & Condachtai. Eochaid Domlén immurgu mac Coirpri Lifechair huí Chuind Chétchathaig. Bátar trí maic occa .i. na trí Colla. Is húadib atát hUí Maicc Úais & hUí Chrimthaind & Murgdornai. Fíachu Sroiptine didiu & Eochaid Domlén dá mac Coirpre Lifechair.

Is for Fíachaig tra rofuirmiset trí maic a bráthar .i. na trí Collai in fhingail sain roscar rígi nÉrenn fri claind Echach Domlén .i. na trí Colla. Is amlaid so immurgu forcóenmnacair ind fhingal .i. ba rí hi Temair in Fíachu Sraptine {folio 104a2} amal adrubrumar. Bói mac amra aicci .i. Muiredach Tírech. Is hé ba túaircnid flatha la Fíachaig, úair ba hord isind aimsir sin ná téged in rí féin isin cath, acht a thúarcnid flatha dia ráith. Luid íarum Muiredach Tírech fecht and do ráith a hathar co slúagaib móraib immi. Mebaid remi & dobert gíallu Muman. Bói Fíachu Sroiptine hi foss colléic i nDúbcombair fri Talltin andes. Slúag dano lassuide isinn inud i mbái. Slúag aile dano la trí maccu a bráthar, lasna trí Colla hi telaig, acht ba la Fíachaig tra bátar huili. Intan íarum tánic fis scél .i. mebsain ria Muiredach, iss ed bói i mbélaib cáich: ‘Muiredach Tírech, is hé adbur ríg nÉirenn hé’. Is andasin atbertatar na trí Colla: ‘Cid dogénam? Rogab flaith rí Fíacha, acht asber cách dano bid hé a mac nass rí ina díaid. Is ed is maith dúind. Tabram cath’ ar síat ‘don tshenríg se & teichfid an slúag so immond & ticfat chucund ríasu thí Muiredach & dobéram cath dosaide acht co tí’. Tiagair húadaib co Fíachaig, co bráthair a n-athar, isin assin isin telaig i n-alaile. Fúacarthar cath úadaib fair ó maccaid a bráthar.

Bói drúi la Fíachaig, Dub Comair a hainm. Asbert saide fri Fíachaig: ‘Conicim-se duit maidm remot, acht atá so de.


p.318

Mad romut-sa maides, dogéna fingail for maccaib do bráthar. Bíat rí féin íarum & ní bía rí doe chlaind co bráth. Mad fort maides, dogéntar fingal fort & is húit bías flaith for hÉirinn co bráth & ní bía ó na trí Collaib flaith co bráth. Toga díb sin!’ ol in drúi. Asbert Fíachu maidm fair & rigi dia chlaind. ‘Dofóethus-sa dano it arrad’, ol in drúi, ‘& bid hé m'ainm-se bías ar an cath dogrés’. Cath Duibchomair dano, is he ainm in chatha sein.

Marbthair íarum Fíachu isin {folio 104b1}24 chath. Lotar íarum na Collai trí chétaib for terched i nAlbain ria Muiredach. Gabaid Muiredach ríge nÉirenn. Dobert rí Alban grádugud mór dona Collaib ar a laechdacht. Bátar trí bliadna ind-Albain. Imráidit taidecht i nhÉrind co ndernad Muiredach fingail forro & co ructha díb in t-aire trom bói forro .i. ind fhingal. Dollotar a triúr na trí Colla cen choin, cen gillai, co mbátar i Temair. Asbert in dorsid fri Muiredach: ‘Itáit na trí Colla forsin faithchi. Cid dogénat friu?’ ‘Oslaic in less’, ar Muiredach, ‘dús cid dogénat’. Dollotar a tríur co mbátar ar lár ind rígthige hi Temair.

‘In filet scéla lib?’ ol Muiredach. Friscart fer díib: ‘Ní filet ém scéla bad andsu duit-siu andás a ndernsam-ni .i. guin t'athar’. ‘Rofetanaur-ne chena’ ol Muiredac ‘na scéla hísein’. ‘Ní dot dígde25 ém táncamar-ni’, ar na Collai. ‘Is cumma dúib’, ol Muiredach. ‘Ní dígéltar foraib. Mas do bar nguin dodeochabar, ní ricfa ní. In t-aire rogabsabair foraib ní dingéb-sa díb’. ‘Is airbere maith sein do drochlaech’, ar in Colla. Atbert Muiredach: ‘Ná bíd garbad foraib-si & fobarbía fáilti & cendsa’. & bátar íarsin ré mór i ndegbráithirsi & is íat ba batar ba tuarcnide catha la Muiredach Tírech na trí Collai & ba mór ind imserc bói eturru & in rí.

Asbert Muiredach íarsain frisna Colla: ‘Atchíu rogabsat ar clanna ililtiugud26. Bés ní bat córai diar n-éis. Scuchud ó chéile & gebed27 imm aimsir-se óen na tíre’. Asbertatar in Chollai: ‘Cia tír ass asam lat do thabairt dúinne dit chumachta co ndernamne tír claidib de?’ Ar ní bátar óic bad ferr andáit {folio 104b2} na Collai. Atbert Muiredach: ‘Érgid for hUltu! Nídat gora


p.319

dún’. Fian laech móra mór móra hi suidiu dona Collaib. Lotar íar sin na Colla co firu Ólnécmacht comtar daltai doib & condagabsat. Dollotar íarsain fir Ólnécmacht secht catha leo co mbátar la hUltu oc Carnd Achaid Lethdeirg hi Fernmaig. Ferait secht catha ón charnd sin fri hUltu .i. cath cach lái co cenn sechtmaine. Sé catha ó fheraib Ólnémacht & in sechtmad cath lasna Colla. Nómaided for hUltaib cath cach óenlá, cath na Colla in la dedhenach. Ní collad bág hi suidiu. Gaibthe in cath samlá & samadaig co tánic fernu fuil. Attá i fail in chairnd Coll na nOthur. Maidid íar sain for hUltaib hi tosach indara laithe. Téit an imguin co Glend Rige. Sechtmain doib íar sain ic slaide Ulad, co ndernad tír claidib don tír itátt Murgdornai & hÚai Chremthaind & cosna hAirtheraib & hÚai Maicc Úais. Is hé Leth Cuind & hUí Néill in descirt & in túaiscirt & teora Condachta & Airgíalla & rl.

Collae Oss, ronalt oss séguine, ótát hÚi Maicc Úais & hUí Thurtre. Colla Mend ótátt Mugdornai, ronalt Mennet Cruithnech & Mugdorn Dub de hUltaib. Mennet dano didiu diatá Dál Mennet la Mugdornu. Is díb-side Maelbresail mac Máiledúin.

Secht maic Mugdorn Duib: Dubruig ótát Dubraige ic Imliuch Corco Duib, Pápa ótát Pápraige la Cremthanu, Cáira ótát Cáirraige hi Cuib, Sord ótát Sordraige la Crimthainiu. Is húaib-side epscop Ibair for Foibrech. Art ótát Artraige, Inomun Inhomomon ótát Corcu Inomain Immend Inmendi la Luigniu Laigniu. Is húadaib-side in suí Lochíne Mend. Messnuibi Mesnophe Mesrope ótát Snobraige la Mugdornai. {folio 105a1} Is huadiab-side epscop Ethernd in nDomnach Mor Maige Laithbe.

Colla Fochrích nó Fochri nó Ochrae mach Echach Doimlén & Élige .i. ben Chrindén cherda. Torchis Eocho do chinn a céili chéili co mbreth Colla de & concelt si ar a ceili & bói-som fo altrom co cend fichet bliadna. Asrin Eochu Domlén .l. bó dí fo altrom sin fri Crindain arréir Cormaic húi Chuind, ar is cach fuiche a mac mani chreder de,28 conid de is Chonnla Fochrích a ainm nó Colla Fochrí, dáig dobeired a máthair criaid fo chnámai dia dimmalugud29 eter maccu na cerda. Nó Chondla Ochrae .i. Ochrae ainm na ind aitehaitte ronalt.


p.320

Is hón Cholla sin atáitt hÚi Chrimthaind & in tAirther & hÚi Méith. Ar itt é .iiii. maic Colla Fochrích .i. Find, díbad, & Fíachrai Cassán ótátt ind Airther; Rochath ótátt hUí Chrimthaind; Brión ótát hÚi Briúin; Labraid ótát hÚi Labrada. Se maic la Crimthann .i. Eochaid & Áed & Ferghus Cendfhota ótát hÚi Chendfota, Lugaid ótá Lethrend, Muiredach. Mac dosaide Eochaid Amainsen ótátt hUí maic Brocc brócc. Eochaid Andgaine ótát Cland Slébéne hi Fernmaig & Clann Flandán. Óenmac la hEochaig mac Cremthaine .i. Cairpri Dam argait. A secht la Cairpri Dam n-argait .i. Daimíne, ótáit Síl nDaimíne; Cormac otátt Cland Chormaic .i. Cland Lugán; Nadslúaig ótátt Clann Nadslúaig .i. Fir Fhernmaige; Feradach ótátt Cinél Feradaigh; Fiacha ótátt Cinél Fíachach; Brión ótátt Léthrind, síl mBaetán; Áed.

Is ed so síl Cairpri Daim argait. Nói maic Daimíne .i. Conall ótá Lethrén Conaille for Doblu; Ailill ótá Lethrind Ailella; Lóchan ótáit Lethrind Lócháin; Túathal ótát hÚi Thúathail; Damán láech, Damán cléirich, díbad; Bennán Becc, Bennán {folio 105a2} Mór, Áed Úach diatá Dál nÓich in tslebe & rl.

Genelach cloindi Conchubair Chorraig.

Cummascach & Búachaill dá mac Conchubair Chorraig. Sé maic Cumascaig maic Conchbair Chorraig .i. Fland Roí, is hé rogréss na gagru assin carput co rolad a comarbus Pátraic, & Bec dia rabi Cinaed mac Muiredaig & Áed Laigen ótát hÚi Erodáin & Maeldúin ó rabi Cinaed mac Congalaig & Maelbresail ótát hÚ Longáin & dia raibi Mac Cellaig maic Domnaill & rl.

Colla Úais trá, dá mac maithi lais .i. Erc fri slíab atúaid, a quo hUí meic Locha Febail & hUí Fíachrach Ardsratha. Fíachra immurgu Tort ri slíab andes, a quo hÚi Thurtri & Fir Lí & hUí maicc Úais, is hésiden cétnaronas tortgabáil Conaille Murthemne, sicut poeta dixit fo dáil na mac:

    1. Dá mac maithi Colla Úais
      cenmothá aní as holc:
      Erc ó sléib bathuaid cen acht,
      ó shléib fodes Fíachra Tort.


p.321

Erc, trí maic lais, sicut poeta dixit:

    1. Trí maic maithe la hErc
      dia do glú;air do gamanraid:
      Cárthend is Fiachra co ngail
      is in t-anrád Amalgaid.

Fíachra Tort, secht maic leis, sicut poeta dixit:

    1. Echen, Maine, Laegairi,
      Óengus, Nathí co llín olc,
      Cormac is Muiredach Brocc,
      att é secht maic Fíachra Tort.

Nó trí maic Echach maic Collai hÚais .i. Erc, Fíachra, Brión. Cormac mac Briúin a quo hUí Chormaic; Dáre mac Eirc a quo hUí Dáre. Sírlám mac Fíachrach maic Eirc a quo Cenél Sírláim.

Echen mac Fíachra Thort, secht maic lais, sicut poeta cecinit:

    1. Secht maic maithi ic Echen:
      Feidlimid, Bran fri fethem,
      dá Chárthend, Eochaid, Dallán
      secht maic forránaig Echen.
    2. {folio 105b1} Secht ríg secht ríg repeated. do chlaind Chúanaig chais
      rogabsat ónd Ráith roglais
      dond gargdíne ón an tuile thíar
      airdríge huile Airgíall.
    3. Bécc, Furudrán, Suibne saer,
      Maeldúin na cethernd comchóem,
      Fergus, Maelgarb, glan a graig,
      Muiredach mac Indrechtaig.

Cethri maic Chúanach .i. Bécc rí Airgíall a quo Cinél mBécce; Baetán a quo Cinél mBaetáin, de quibus Muinter Diucaire; Diarmait mac Cuánach i Cill Maeláin Maige na Selga; Lúrech mac Cúanach ó Ráith Lurig .

Tri maic Becce maic Cuanach .i. Suibne, Ronan, Furudran, a quo Sil Cathasaig & Sil Duib hUaille & rigraid Fernmaige; Ronan a quo Muinter Thamlachta Loeg .i. hUi Gerán Goerain & hUi Duib Diare, de quibus hUi Bressail indiu; Suibne a quo Cenel mBecce maic Mailodrain maic Becce maic Cuanach maic Daire maic Feidlimid maic Echin maic Collai hUais. Feidlimid mac Echin a quo Cinel mBecce & Cenel mBaetan & Síl Cathasaig & hOi Dacennan .i. Sil Aeda maic Bicc.

Echen mac Echan Echin a quo hUí maic Cárthinn nó hUí Chonaing & Cenél nEchen Echin. Cárthend mac Echen a quo hÚi maic Cárthind Locha Febail.


p.322

Genelach hÚa mBresail Airthir .i. hÚa Célechán.

Lorcán m. Célechair Oclicain Gillapátraic m. Matudán m. Áeda m. Trénfhir m. Elicán m. Gairbid m. Áeda m. Máildúin m. {folio 105b2} Dondgail m. Búachalla m. Conchobuir Chorraig.

Genelach hÚa mBressail Macha.

Flathbertach m. Áeda m. Colcon m. Domnaill m. Cuind m. Erodáin m. Gairbid m. Lathechán m. Áeda Laigen m. Cummascaig m. Conchobuir Chorraig m. Máildúin m. Fhinghin m. Rónáin m. Thúathail m. Ailella m. Conaill m. Féicc m. Bressail m. Feidlimthe m. Fíachach m. Colla Fochrích.

Garbid m. Domnaill m. hErodáin m. Gairbid m. Bressail m. hEchodén m. Canannáin m. Laithecháin m. Áeda Laigen.

Gillacríst m. Echach m Echodén m. Maic Étig m. Longáin m. Fhíchnai {folio 105b3} m. Máilbresail m. Cummascaig m. Conchubair Chorraig.

Dub Emna m. Cíaridir m. Máilgiric m. Cumascaig m. Áeda Laigen m. Conchubuir .i. m. Inderg, m. Diarmata m. Cernaig m. Áeda Laigen.

Cináed mac Congalaig m. Cinacáin m. Scanláin m. Máiledúin m. Cumascaig m. Conchobuir Chorraig.

De genelach hÚa Níalláin.

Flaithbertach m. Díarmata m. Áeda m. Flathbertaig Flaind m. Anlúain m. Díarmata m. Coscraig m. Suibni m. Rónáin m. Baetáin m. Muiredaig m. Eogain m. Níallaín m. Féicc m. Feidlimthe m. Fíachrach Cassán m. Colla Fochrích.

De genelach Cloinne Cernaig in so.

{folio 106a1}

Cummascach m. Cernaig m. Máilchíaráin m. Eochach m. Cernaig m. Echach m. Cumascaig m. Ailella (ocus Lorcán m. Ailella dá mac Ailella) m. Cumascaig m. Cernaig m. Suibne m. Éicnig m. Colcan m. Suibne m. Rónaín (ocus Fer dá crích) m. Suibne m. Cruindmáil m. Rónáin m. Baetáin.


p.323

De genelach hÚa nEchdach.

Echaid Cellach comarba Pátraic m. Áedha m. Máilhísu m. Amalgada m. Máilmaire m. Echada m. Cellaigh m. Landacáin m. Chóemain m. Airechtaig m. Duibdálethi m. Sínaig m. Feradaig Chúlduib m. Amalgada m. Ailella {folio 106a2} m. Echdach m. Feidlimthe m. Fíachrach Cassáin m. Colla Fochrích.

Murchad Find m. Find (.i. mac ingine Cennétig úi Bríain) m. Rúadri m. Muiredaig m. Ailella m. Cumascaig m. Eochodén m. Rúaducáin m. Cellaig m. Rúadrach m. Conmáil m. Conaing m. Feradaig m. Amalgada.

Is íat dá mac Chonmáil .i. Rúadri & Fraechán. Is íat trí maic Feradaig .i. Sínach & Conaing & Móelodhor Caech m. Feradaig, a quo hÚi Brótaig Brótaid i Clúain Fhíachna.

Orcnechán m. Cathassaig m. Daimín m. Dubgillai m. Brúaturáin m. Cinaeda m. Conaing m. Feradaig.

Domnallán m. Gillamuiri m. Cerbaill {folio 106a3} m. Anfeid m. Brúaturáin m. Ailelláin m. Rúadrach.

Do genelach Fernmaigi.

Lethlobor m. Fhogartaig m. Muiredaig m. Laidgnén m. Fogartaig m. Donnacáin m. Fogartaig m. Rúadrach m. Máilfothardaig m. Arthraich Artrach m. Aithechda m. Máilduib m. Máilfothardaig m. Cronáin m. Fergusa m. Nadslúaig m. Daim argait m. Echach m. Cremthaind Léith m. Féicc m. Dega Duirn m. Rochatha m. Colla Fochrích m. Echdach Doimlén.

Do Shíl Daimén.

Bécc m. Cumascaig m. Fíachrach m. Muiredaig m. Cathail m. Echach m. Duib thíre m. Echdach Lemna m. Fothartaig {folio 106a4} m. Máiledúin m. Fergusa m. Daimíne m. Corpri Daim argait.

Flandgus m. Áeda Buide m. Buide m. Aithechtai m. Máilifothardaig m. Máile Duibtemin m. Cronáin m. Fergusa m. Nadslúaig m. Corpri Daim argait.

Mac léigind m. Cairill m. Crícháin m. Lorcáin m. Dondacáin.


p.324

Dondacán m. Máilmuiri m. Fhlandacáin m. Fogartaig m. Rúadrach m Arthrach Artrach.

Mathgamain m. Laidcend Ladgnén m. Cerbaill m. M. Phoíl m. Phoil m. Fogartaig m. Ruadrach.

Eochaid m. Máilfinnáin m. Fhachtnai m. Cethemain Cethniáin m. Cerbaill m. Ruadrach.

De genelach Clainne Lugáin.

Gilla Coluim m. Gillai Críst {folio 106b1} m. Écnig m. Dálaig m. Maic hUidir m. Cernaig m. Lugáin m. Irgalaig m. Fhéchín m. Cormaic m. Fergusa m. Áeda m. Cormaic m. Corpri Daim argait.

De síl Colla hÚais.

Conchobur m. Conchaille m. Duib darach m. Domnalláin m. Máilchróibi m. Duibfíanaig m. Áeda m. Loingsig m. Indrechtaig m. Rechtabrat m. Máilchróibi m. Máilifothartaig m. Suibni m. Furudráin m. Bécce m. Cúanach m. Dáre m. Feidlimthe m. Féichén m. Fíachrach Tort m. Colla hÚais.

Muirecán m. Muircertaig m. Flaind {folio 106b2} m. Muirecáin m. Máilchráibi m. Duibsinaig m. Áeda m. Loingsig.

Maelrúanaid m. Flathbertaig m. Máilchráibi m. Duibsinaig.

De genealogia Fer Tebtha .i. Claindi Maine.

Brión m. Maine, dá mac lais .i. Crimthand & Brénaind. Rónan m. Anmere m. Brénaind. Tadgán m. Máilbendachta m. Bressail m. Conchobair m. Bécce m. Colla m. Congail m. Blamaic m. Áeda m. Brénaind m. Briúin m. Mane.

Cóic maic Bécce .i. Conaing & Conchobar, Murchad & Muirchertach & Diarmait.

Lachtnán m. Máilcíaráin m. Conaing m. Congaile m. Blathmaic m. Óengussa m. Áeda {folio 106b3} m. Brénaind Fíachach m. Mane Néill.{folio Rl. B 502, p. 144d}

Senchus síl hÍr in so.

Cf. Rl. B 502, p. 156 a 26; LL. 329 e; BB. 151 a.

Hír septimus filius Miled, qui cum uenissent filii Militis ad Hiberniam in Sicilia insola sepultus est. De quo tercia plebs


p.325

regalis generis ortus est. Hir autem unum filium habuit, id est, Eber filius Hir, qui ante omnes Scottos campum Lini quintam partem Hibernié tenuit.

Dá mac la hÉber .i. Artrí & Ébrecc. Dorochair Éber la Palp mac hÉrimóin.

Ébrecc mac Ébir, dá mac lais .i. Cermna & Sobairche, dá chétri Éirenn a hUltaib. Accu dorónta na dá dún .i. Dún Sobairche & Dún Cermna. Eocho mac Conmáil romarb Cermna ina dún, {folio 106b4} Eocho Echcend rí Fomore romarb Soborche.

Ní hindister clanna Sobairche & Cermna. Art mac Ébir, óenmac lais .i. Sétna airdrí hÉirenn, conidromarb a mac, ut alii dicunt, edón Fíacha Fínscothe .im. Rothechtaid mac Maine maic Óengusa Ólmucado do shíl Érimóin. Rombarb Sétna Art hi Crúachain eter dí láim Fíachach Fínscothi a maic feissin, conid airi sin romarb Fíacha Fínscothe i ndígail a henig.

Ollam Fótla mac Fíachach m. Sétna m. Airt m. Ébir m. hÍr m. Míled Espáne. Is hó hOllamain ainmnigtir Ulaid .i. Ulaid olleith ó hOllamain, nó ulchai líatha leo i cath Óenaig Macha .i. oland líath rocenglad dia smechaib, {folio 107a1} nó Ulaid .i. Uilliu leth léith leo isin chath.

Ollam Fótla tra, is leis dorónad feis Temrach ar tús & is leis dorónad múr n-ollaman i Temraig. Ollam tra bói .xl. blíadna irríge & gabais móirsheisser dia chlaind ríge cen nech eturru. Ollam, .iiii. maic leis .i. Coirpre & Findachta & Slánoll nó n above the first l. & Gede.

Rudraige mac Sirthi Sithri m. Duib m. Fomoír m. Argatmá;ir m. Shirlaim m. Find m. Blátha m. Labrada m. Cairpri m. Ollaman. Argetmáir Argatmár, húa dó Chimbaeth Cimbaed m. Fintain m. Argetmáir.

Áedh Rúad m. Badhuirnn m. Argatmáir. Díthurba m. Dímáin m. Argatmáir, is húad Rudraige ríge cona chlaind.

Rudraige, it iat so a maic .i. Congal Cláringnech. Dá mac Chongail .i. Uislend athair Noise Noesen & Áinle & Ardáin. Cathbad draí. Bresal Bódíbad m. Rossa m. Rudraige. Fergus m. Rosa. Fer filed m. Glaiss m. Rosa m. Rudraige. Celtchair m. Cuthechair m. Fothaid m. Fhir fhiled m. Glaiss m. Rossa m. Rudraigi.


p.326

Ferchetne file m. Oengusa Béldeirg. Ilíach, Lóegairi Búaduach m. Condaid m. Ilíach. Mál m. Rossa Lette. Fergus m. Lette. Illand m. Fergusa. Gergend athair Munremair. Cass, cuius filius Fachtna Fáthach. Bricre m. Carbad m. Caiss. Athirne m. Athcló. Erge Echbél m. Athcló.

Cóic ríg fichet do hUltaib rogabsat ríge nÉirenn cenmothát na secht ríg rogabsat do Dál Fíatach, dáig is do chloind Óengusa Turbig Temrach & Úgaine Móir do Dáil Fhiatach.

Di {folio 107a2} chlaind immorru Ollaman Fótla di hUltaib .i. do Dál Araide, dáig is íat sin na fírUlaid íar fir. Is íat so immorru na ríg sin:

  1. Cermna, Sobairche, Sétna, Art, Fíacha Fínscothach, Ollam Fótla, Fínnachta, Slánoll, Gede Ollgóethach, Fíac, Berngal, Ailill rex, Find mac Blátha, Sírlám, Argetmár, Áed Rúad, Díthorba, Cimbaeth, Macha, Rudraige, Bresal Bódíbad, Congal Cláringnech, Fachtna Fáthach, Élim mac Conrach, Mál mac Rochridi, Cóelbad.
  2. Is íat so immorru na ríg rogabsat ó Chimbaeth co Conchubor .i.
  3. Eochaid Eolechair m. Fedaig m. Fomoir m. Argetmáir .xx. blíadna.
  4. Húamanchenn m. Cais m. Argetmáir .i. blíadna.
  5. Conchobur Rot m. Catháir m. Coráin .xxx. blíadna.
  6. Fíachna m. Fedlimthe .xui. blíadna.
  7. Mac hÚamanchind.
  8. Dáre m. forgo m. Fedlimthe .lxxi. blíadna.
  9. Énna m. Rochai m. Fedlimthe .u. blíadna.
  10. Findchad m. Baccedo m. Dáre .ii. blíadna.
  11. Conchobur Mael m. Fortathí m. Forgo .xii. blíadna.
  12. Rudraigi m. Sithri m. Duib .lxx. blíadna.
  13. Cormac Laithig m. Conchobuir Máil .xxuii. blíadna.
  14. Mocta m. Murchaid trí blíadna.
  15. Énna m. Dáre m. Conchobuir .iii. blíadna.
  16. Eochu Sálbuide m. Lothair .xxx. blíadna.
  17. Bresal Bódíbad m. Rúdraige .xii. blíadna.
  18. Congal m. Rudraige .xiiii. blíadna.
  19. Fachtna Fáthach m. Cais m. Rudraige .xxx. blíadna.
  20. Fergus m. Lette m. Rudraige .xii. blíadna.
  21. Fergus m. Rosa m. Rudraige .iii. blíadna.
  22. Conchobor m. Fachtnai .xl. blíadna.
  23. Cumscraid Mend Macha .iii. blíadna.
  24. Gliasne m. Conchoboir .ix. blíadna.

  25. p.327

    {folio 107b1}
  26. Irial Glúnmár m. Conaill Cernaig .xl. blíadna.
  27. Fíachu Findmas m. Iriail .xx. blíadna.
  28. Fíachu Find di Dál Fíatach .iiii. blíadna.
  29. Muredach m. Fíchach Findmais .iii. blíadna.
  30. Élim m. Conrach m. Fergusa .xx. blíadna.
  31. Ogman m. Fíatach .xii. blíadna.
  32. Mál m. Rochraidi .xxxu. blíadna.
  33. Tipraite m. Máil .xxx. blíadna.
  34. Bresal m. Briúin m. Rochridi .xui. blíadna.
  35. Fergus Dubdétach m. Imchatha m. Finnchatha .iiii. blíadna.
  36. Eochaid Gunnfat m. Féic m. Imchada .xui. blíadna.
  37. Óengus Find m. Dubdétaig .uiii. blíadna.
  38. Óengus Gobnenn m. Fergusa Galaig .iiii. blíadna.
  39. Lugaid m. Óengusa Find .x. blíadna.
  40. Fíacha Araide .xx. blíadna.
  41. Fedlimith m. Fíachach .xu. blíadna.
  42. Imchad m. Fedlimthi .uii. blíadna.
  43. Forgo Forgg m. Dalláin .iii. líadna.
  44. Rossa Ros m. Imchada .ii. blíadna.
  45. Muredach Munderg .xxx. blíadna.
  46. Eochaid m. Lugdach m. Rosa .xx. blíadna.
  47. Cruind ba drui m. Eochach .xxii. blíadna.
  48. Froechar Fortrén m. Cruind .x. mblíadna.
  49. Fergus Foga m. Froechair .xl. blíadna.
  50. Cóelbad m. Cruind .xu. blíadna.
  51. Sárán m. Cóelbaith .xxui. blíadna.

Secht prímfhlathi di hUltaib im Chonchobor m. Nessa. Ba rí hÉirenn dano Fergus Dubdétach docher i cath Chrinda. Ba rí dano Eochaid Gundfhatt. Ba rí dano Fíacha Find. Ba rí dano Daig. Bá rí Muiredach m. Forgo. Ba rí Érend & Alban Baetán m. Cairill. Gíallais Áedán m. Gabráin do irRoss na Ríg hi Semniu & is lais glanta Manu Two strokes added above u. Manand LL. & isin dara blíadain íarna n-écc dolléicset Góidil Manaind. Is dó rochét ic brith chís Muman dó {folio 107a2} fothúaith:

    1. Is mór do mílib fichet
      ó Dún Baetán ilLethet,
      is cían do thír már do muir
      eturru is Imlech Ibair.


p.328

Senchus Dáil Fíatach in so.

Cf. LL. 330 c, BB. 165 a.

Dá mac Fíatach Find ríg hÉirenn .i. Sírchath Sirchass & Ogman. Is leis arrobad for síthib .i. Síd mBressi & Síd Nenta & Síd Femin & Síd Cuilind, quod dicitur Tech Cermna i sSléib Chuilind. Cóic maic Imchada m. Findchoda m. Fhogamain .i. Fergus Foltlebor & Fergus Tene fo Brega Dergus Dub– & Óengus Foscriche. Is hé an Fergus Dubdétach so rofhich cath Samnai i torchair Cían m. Ailella Áuluim & cath Ferta i torchair Eochaid Tóebfhota m. Ailella Áuluim fós. Conid íarum gabais Fergus flaithius hÉirenn, ar badar ardríg hÉirenn an dias concertatar leis. Co torchair sium íarum la Tadg m. Céin & la Cormac húa Cuind i mBrega .i. i cath Crinda. Trí maic Dubthaig m. Míannaig m. Lúgdhach: Áed, Daig, Dallán. Áed non habuit semen. Is hé immorru Daig gabais rige nhÉirenn íartain, ut dicendum est. Is de atá Carnd Dega & om a quo hÚi Dega, a quibus epscop Óengusa irRáith na nEpscop.

Dá mac immorru la Dallán .i. Forgo Forg & Óengus. Mac donn Óenghus sin Eochaid rígéices, qui hosptitatus est apud Damíne & qui sepultus est in Domnach Cuilind. Forg m. Dalláin immorru, .xii. mac leis i. Muirbran. Is hésidhe riris in flaith fri óssar na claindi .i. fri Muiredach m. Forgo íarna thimna dó. ii. Combrat, a quo Cenél Combraite, iii. Condad, a quo hÚi Chondaid, Connaide iiii. Énna, cuius semen non est. v. Nem, a quo hUí Nemand la Cremthaindiu. vi. Lugaid, a quo hUí Luighdech. vii. Bresal, a quo hÚi Bresail. viii. Loingthe, a quo hUi Loingthe. ix. Conall, a quo hÚi Chonaill. x. Cremthand, a quo Cenél Crimthaind. Óengus Ibtach .i. máthair (mater eius) d'Ibtachaib fuit, a quo hUí Ibdaig. Muiredach Munderg quem benedixit Patricius ut alii aiunt in regnum Hibernie30. Cóic maic Muiredaig Mundeirg Cairell .i. Cairill, Eochaid, Brénaind, a quo Cenél mBrénaind, Eogan Mérchrom, a quo Cenél Mérchroim, Maelodor, a quo Cenél Máilehuidri.

Secht maic Eogain Mérchroim .i. Congal, Blaithmac, Suibni, Fínán, Rónán, Erníne, Cummíne.


p.329

Secht maic Conaill Chostadaig, ar ba ba flaith side fon óenchumma. Ba sí a ráth raind Óchtar Cuillche nó Cholland i nDruimnib Breg. Is inte randsat maic Chairill a n-orba. Cablíni, a quo Cenél Cablíni. Ainmere, Cormac, Fandléni, Bruit búalid. Ginfhiach, a quo Cenél nGeno. Baetán mac Cairill rí hÉirenn dano ut diximus, a quo Cú Gabraige m. Flaind m. Fergaile m. Dairchello m. Baetáin m. Cairill.

Demman a quo Cenél Demáin. Is hé in Demán so alta la Domongart m. Predae & fichetar leis hÚi Echach hi cath Dromma Cléthe i torchratar secht maic Fergaile húi Ibdaig ríg Ulad. Hinc ipse regnauit statim & gens eius usque hodie regnat.

Cóic maic Demáin .i. Fingen, a quo Cenél Fingin, Glassán, Gúairi, Colmán, cléirech sithe, Fíachnai, mac side Demmáin maic Garbae ingine Néilléne do cheniul31

Demman m. Conroch m. Congaile Cendfhota m. Dúnchada m. Fíachnai.

Dub Locha dano ingen Fíachnaí maic Demmáin & Cumne Dub ben Mongáin maic Fíachnaí máthair Cholcon & Chonaill, dá mac Mongáin.

Intan condíacht fer cherda cerda bratt co Mongán asbert som fri Duib Locha: ‘Ná tíag dna dobert tiag do eipirt sanaise itau anas mbermaisin matau ara mbé do menmain-siu. A faile i menmain-se ara mbé do menmain-siu. Dered anma do máthar ocus tossach th'anma-su.’

Suibni dano & Maelcoba dá derbráthair .i. mac Fíachnai & Cummíne Finne ingine Baetáin maic Echdach.

De cheniul Suibne.

.i. Rechtabra m. Áeda m. Colcon Olcan m. Suibne m. Fíachnai m. Demmáin. Maelcobai immorru mac Fíachnai occidit filium patris


p.330

sui .i. Dúnchad & postea Congal Cendfota mac Dúnchada occidit Maelcoba, ut dixit Duib druí doid: ‘Maelcoba cassail crochis Congal Cendfhota & ba cosmail a dath ri brat roros do Dúnchad.’

Dá cethri mac Máilcoba .i. Óengus & Blathmac .i. Brandub mac ingine Duib Díbrama. Áed Róin mac Máili Coba. Iss hé orta i Cremchaill Fochaird .i. assin derthaig thucad. Iss ed fris atrubairt a chlíamain .i. Maelcáich mac Scandláin:

    1. Cotomassaig Áed Rón de
      ní thíag {folio 108b1} irrad n-airgairthe, ni thíag isna dirthaige cotamassaig Aed Róin de
      rirse mo chorpthen i fot,
      atchíu cella ni angot ninanget.

Óengus in tres mac Máili Coba, a quo Cenél nÓengusa. Blathmac in cethramad mac. Secht maic Blathmaic .i. Meschar, Rechtabra, Causantin, Fland Fer trí, Dúnchad, Inrechtach, Béc Bairche.

Dá mac déc immorru la Béc Bairche .i. Dub Dá Brainne Braine, Dubthach, Etarscél, Áed Róin, Cellach, Conchobor, Óengus. Secht maic Conchainne inda rígna in sin. Cúirúi immorru, Cacht ingen Máilefúataig a máthair side. Cernach dano & Rímid dá mac Lethainne in sin. Duos autem alios filios habuit ac nomina eorundem non reperi scripta, uel quinque filii Fiatach ipsi ut alii aiunt .i. Sírchad, Trechem, Eochaid, Conall, Brión.

Cethri maic Féic m. Imchada m. Bresail m. Sirchada m. Fíatach Find, a quo Dál Fíatach, .i. Trichem, a quo hÚi Thrichem. Trén, a quo hUí Thréna. Brión, a quo hÚi Briúin. Eochaid Gunnfat cuius mater Máthair Chóem uocabatur, a quo hUí hEchach na hArda.

Findbarr .i. Finia Maigi Bile m. Coirpri m. Ailella m. Trichem, Trichim cuius filius Díchú. Cumman dano ingen Ailella m. Áeda m. Baetáin m. Echach Gundfat. Eochaid Gundfhat immorru ba rí hÉirenn ut dicunt & is leis forodalta Conaille fo hÉrinn fodáig maic hí Lága rohort secht rígu do rígaib hÉirenn um Art hÓenfher, unde Cormac húa Cuind Chétchathaig:


p.331

    1. Ní chela hadde for Lága robí ríga
      dáig secht mbuinne óir imma dóit.

Do fhorshlointib hÚa ndEchach in so sís.

Secht n-aithichaicmi in tíri ria tíachtain Duib Echdach .i. Gallraige Gáilraige, de quibus Cainnech Dromma Fotai. Alii dicunt esse de genelogia Fedlemedo. {folio 108b2} Gael de Mumu. Conaille de genelogia Fachtna maic Senchada dicuntur esse. Rosraige de cheniul Celtchair maic Cuithechair. Corcraigi, a quibus Crumthir Corcáin Dromma Cruind. Lusraige, Dubraige, Lugraige.

Do fhorshlointib Ulad íar coitchenn in so sís.

Áedgnai Fergnai Faethgnai Lethain, diatá Gailíni. Garbraige de cheniul Eogain Gairb do Dál Ríatai uel uerius Fergna Garb m. Salaich m. Loairnd Máir. Hinc Garbraige dicuntur. Búachaill & Conall Cass & Corc. Asberat araile batis trí bráthir do Chonget Conganchnes mac Dedad & teora ingena Celtchair maic Cuithechair .i. a teora máthrecha .i. Ibell Bél, Ném, Dalle. Scadarc Angain dano ben Chonget Conginchnes Chonganchnis ingen Cheltchair, Drónae ingen Chonchobair maic Nessa. Ab his predictis tribus fratribus Conget Congenchnis nati sunt Dál mBúachalla & Casraige. Trí maic Lugdach maic Óengusa Find: Áed, Daig, Dallán. Teora ingena dano Lugdach: Iniu, Indiacht Indiach, Scíath. Indiu ben Néill maic Echach, máthair Conaill & Eogain. Indecht ben Buiti .i. Curaind Cruind. It é a maic .i. Colcu & Crumthand. Scíath immorru ben Taidg maic Céin. Asnédem di araill.

Clanna Conchobuir maic Nessa.

(nó maic Fachtna) .i. Cormac Conlonges, Cumscraid Causcraid Mend Macha, Furbuide Bern, Findchad Find, Fíacha, Fíachna, Conaing, Maine, Follomon, Glassne, a quo Cenél Glaisne.

Clanda Fergusa .i. Dál Conlaid & Dál Cethirnd & Dál nÚluim, diatá epscop Erc Sláne & Brénaind Birra & Corcu


p.332

Dáland, diatá Caindech m. hua Daland & Dal Conrach, dia mbai diambái Élim m. Conrach. D'óenbreith ructha Ólom & Conrí dá mac Fergusa & is amlaid rucad Conrí & clúas Áulaim ina béolu íarna tescad de, & Dál mBuindi & Mendraige. Fer cígech, a quo Orbraige na hAlle & Orbraige Irrais.

Trí maic Medba ri Fergus tar cend Ailella .i. Cíar, Corc, Conmac. Cíar, a quo Cíarraige Lúachra & Cíarraige Chuirche, Cíarraige Ái, Cíarraige Cainnend Chonmend. Corc, a quo Corcomruad. Conmac, a quo Conmaicne Cúile Tolaid & Conmaicne Cúle & Conmaicne ceniúil Dubáin.

Mug Ruith mac Fergusa a quo Fir Maigi Féne. Is hé luid do foglaim druidechta co Símón & is malle dorónsat in roth rámach tic tar Eoraip ria mbráth isin blíadain ria cathugud do Símón ri Pól & Petar. & is airi chairigther for Eoraip dáig dalta cach ceniúil malle ri Símón ic frithchathugud ri Petar. Cacht ingen Chathmind ríg Bretan máthair Moga Ruith. Roth mac Riguill ronalt. Is de ba Mug Ruith. Dá mac Moga Ruith .i. Búan & Fer corp. Derdraigen máthair dá mac Moga Ruith & máthair Choirpri Liefchair dá siair do Corcu Bardni ó Dún Cermna. Dron ingen Láríne di Érnaib cétmuinter Moga Ruith & ingen do Mug Ruith {folio 109a2} Tlachtga ut alii dicunt. Rostoirrchiset trí maic Símóin re tíachtain anair, conid i fos ruc trimcu (sic) doib & is hí thuc lé coirthi Cnámchaille .i. fuigell fuidell an roith, & is hé nodbris. Dall cech óen notnaicfe, bodar cach óen notcluinfe, marb cach oen risi mbenfa. Sechmallam clanda Fergusa colleíc, Taithmetam claindi Conaill Chernaig.

Findchóem ingen Chathbad máthair Chonaill Chernaig. Clanda Conaill Chernaig .i. Dál nAraide & Hí Echach Ulad & Conalle Murthemne & Laígse Lagen & na secht Sogain. Clanna Celtchair dano Eogan & Ailill Sem & Fer Tlachtga, Cathnia & hÚathnia & Drúthnia a quo Dál mhBuindruini la Connachta. Cland hÚathnia .i. hÚathe Thíre & hÚathne Chlíach. Cland Cathnia .i. Cóenraige. Cland Sem diatát Semni na nDeísi, de quibus Mochuaróc Mochuaemóc sapiens. Clan Ailella diatát Cennae Caenna la Laigne Connacht & hUí Indfhochlai. Cland Eogain .i. Corcu


p.333

Olcind Cruraich, Corcu Sholchind Deffind Desfiud, Corcu Shoilchind Drochet, Corcu Shoilcind Maige Lacha, Corcu Shoilcinn Tethba.

Cland Conchuboir iterum.

Mongan .cc.32

    1. Macne Conchobuir ind ríg,
      la hUltu ba mór a mbríg:
      ní roclos fri síl {folio 109b1} fri cath
      nónbor nodasáraiged.
    2. Cormac ba con longas laind,
      Findchad, Glaisne & Conaing,
      Mane, Cumscraid, gráda se,
      Fiachra, Fiachna, Furbuide.

Dicunt alii cum habuisse duos filios alios .i. Bena a quo Bentraige, Luma a quo Lumraige & ní hé Lumma mac hEirc & mac Findscópe ingene Conchoillaind (sic).

Conchobor .cc.

    1. Rombe lathe rordu rind
      de thúaith Chairpri dés Bóind,
      baí cend airech for airbirt
      for ar sithbe ba hecairc.
    2. Batar cadain for clár Cliu,
      clár ndeis géisi for suidiu,
      ba derg ar carpat uile,
      ba lán cend ar n-etruide.
    3. Ba fír ba hescmon fri scor
      aroebi isin ibor,
      ba hé ar ngním nhglan nglé
      isind aithliu i mbámarne.
    4. Clan Amragin ercda cned,
      Conall Cernach a senser,
      Mes Dé is Mes Déa dían,
      Loegairi Cass da fithiar.
    5. Trí maic Fiachrach a Cúalngni,
      cethern robíd fri huaibrin,
      ní chomboitis dath (sic)
      Rus & Dáre is Imchath.
    6. Ní fhacbaitis ní da n-urd
      macne dariacht a mmurbulg,
      is cían ó thánic a rré,
      Eogan, Crimthan, Congal clé.
    7. Macne hUislend, ard a uhgus,
      is maith a techlas i ffus,
      rethitis curach dar {folio 109b2} sál
      Nóissi, Áindle is Ardán.

Fergus mac do Róich ingen (sic) Ethach m. Coirpri m. Lugdach m. Loga Luaíth m. Ethnend Caiss m. Domnaind Deirg m. Ethíur m. Echach Fiad m. Congail Chostadaig m. Echach Apthaig m. Airt m. Flaind m. Ébir Bricc m. Echach Étguthaig m. Dáre Doimthig m. Rosa Riguill m. Lugdach Ló m. Breogaind m. Lugdach m. Ítha m. Breogaind & rl.

Nó Fergus m. Róich m. Rosa m. Rudraige.

Nó Fergus m. Roích m. Echdach m. Coirpri m. Lugdach m. Lugair m. Loga m. Ethnend m. Donaind m. Brátha m. Connaid


p.334

m. Defátha m. Ceu m. Celebair m. Boais m. Anfois m. Ébir m. Ethiuir m. Érech m. Febra m. Míled Espáine.

De genealogia Dál Moga Ruith inso.

Cú Allaid m. Maic Láre m. Fínáin Bicc m. Shiláin m. Maic Láre m. Dathail m. Maic Sure m. Saglend m. Dele nó Dere m. Caiss33 {folio 110a1} m. Buen m. Caiss34 m. Labrada m. Moga m. Ruith m. Cunisc m. Firdechet m. Firglain m. Firloga m. Firalith m. Mathráin m. Mathrai m. Magdon m. Matherni m. Alldóit35 m. Noendi m. Umaill, m. Alldoit m. Cethern m. Fhintain m. Ailella m. Nertláim m. Trichim m. Forgo m. Dalláin m. Bfaetach (sic) m. Trichim Drúthbennaig m. Orni Cúlbennaig.

  1. Is annso condrecat fri Cíarraigi.
  2. Is hé so senchas coitchinn claindi Fergusa.
  3. Sé maic Fergusa .i. Fer Déda & Fer Tlachtga & Mugtóeth &36 Mugdít & hUatu, Ethlend & Corp auluim.
  4. Fer Deoda The o inserted. ótát Coromruad.
  5. Fer Tlachtga ótátt na cethri hAraid .i. Taecraige & Artraige & descert Clíach & hUí hIdban.
  6. Mugdóit ótát Cíarraige & Conmacne & Bidraigi.
  7. Húatu ótát noí maic niat in cach bailiu.
  8. Ethlend diatát Orbraige & Benraige.
  9. Corpaulum ótát Corco Ulum & rl.

Celtchiar mac Cuthechair m. Fothaid m. Fir filed. Is dia clainn Finnián Clúana hIriaid & rl.

Finnián m. Fintain m. Conchraid m. Daircealla m. Senaig m. Díarmada m. Áeda m. Fergusa m. Ailella m. Celtcair m.37


p.335

Cuthechair m. Fothaid m. Fir filed m. Glais m. Rossa m. Rudraigi.

Itim Síl Fergusa.

Epscop Erc Sláne m. Dega m. Branchon m. Airmora m. Caithir m. Imchatha m. Duib i erased thaige m. Rossa m. Imchada m. Féchu m. Caiss m. Isis m. Airiuch m. Condlai m. Airt m. Corpri m. Coirp m. Tháil m. Corpaulum m. Fergusa m. Róigh.

Epscop Eógain Ard Sratha m. epscop (sic) Erc m. Dega m. Branchon.

Brénaind m. Nemain m. Dubdechain m. Scellaín m. Nazair m. Thapaill m. Branchon. Fratres eius Eocho, Domnall.

Donnchad m. Áeda m. Loingsig m. Étig m. Lethlobair m. Loingisg m. Thomaltaig m. Indrechtaig m. Lethlobair m. Echach Iarlathe m. Fíachnai Luscan m. Baetán m. Echach {folio 110b} m. Condlai m. Cóelbad Coba m. Cruind ba drái (ciuis filii Echu & Frecher athair Fergusa) m. Echach Coba m. Lugdhach m. Rossa m. Imchatha m. Fedlimthe m. Caiss m. Fíachach Araidi m. Óengusa Gobnenn m. Fergusa Gallíí m. Tiprate (qui occidit Cond Cétchathach) m. Bresail Láig (qui subintrauit Loch Laig) m. Bresail m. Feirb m. Máil (qui Túathal Techtmar occidit) m. Rochridi m. Cathbad m. Ailchoda m. Cuindcadhe m. Findchado m. Muiredaig m. (Fíachach) Findamnais m. Iriail Glúnmair m. Conaill Cernaig m. Amargin m. Chaiss m. Fachtniai m. Capi m. Cingai m. Rudraigi m. Sithrithe m. Duib m. Fomair m. Athatlaim m. Sírlaím m. Blátho m. Labrada m. Corpri Condilig m. Fíachach Findamnais m. Sétna Airt m. Eibricc m. hÍr nó Ebir Duind m. Míled Espáne.

Trí meic Cruind ba drái: mac Echach, mac Lúdgach (sic) .i. Cóelbad rí hÉirenn lastorchair Muiredach Tírech, a quo Dál nAraide; Eocho Coba. Frechar Fortriúin athair Fergusa Foga tiugfhlatha Emna. Is hé dorochair lasna trí Colla .i. Colla hÚais & Colla Mend & Colla Focri. Is annsin rotascrad Emain la hUltu. Óc Baedán m. Echach condrecat rígrad Dál nAraidi. Oc Echdaig hautem athair Baedáin condrecat hÚi Echach Coba & Dál nAraidi.


p.336

Cathassach m. Aililla m. Dunlainge (cuius filius Cú Churain, cuius Congal Caech) m. Scandail m. Bécce m. Fíachrach m. Baetháin Cáich m. Echach m. Condlai m. Caelbad m. Cruind ba drui.

De genelach hÚa nEchach Coba.

Is íat-sidhe lethcenelach Dál Araide.

Congalach m. Aeda m. Garbida m. Certaig (cuius filius Cumascach) m. Lorcan m. Cernaig m. Bail Bresail m. Ailella m. Fedlimthi m. Maili Cothaid m. Fergusa m. Aedain m. Mongain m. Srain m. Mane m. Fothaid m. Conaill m. Echach (a quo hÍ Echach) m. Cruind ba drui.

Comgall Bendchair m. Sétnai m. Echach m. Briaín m. Forgo m. Ernaim m. Cremthaind (hinc hÍ Chremtaind Chúile & Maige Dínairne)38 {folio 111a} m. Echach m. Lugdach m. Rossae m. Imchado m. Feidlimthe m. Caiss m. Fíachrach Araidi.

Níall m. gilla Féchén m. Néill m. Fergusa m. Cumascaig m. Écertaig.

Bec Baile dano m. Echach Coba m. Aililla m. Fedlimthe (sursum) m. Mongaín m. Áedaín m. Maeile Duín m. Cumuscaigh m. Fogartaig m. Ferdalaig.

Flaithbertach m. Echmílid m. Áeda m. Áengusa m. Addid m. Laigne m. Blaithmeic m. Domnaill m. Concubair m. Bresail Bal m. Fergusa m. Áedháin.

Genelach Clainne Áeda.

Ed m. Failbe m. Illaind m. Fíachrach Laeb m. Mane m. Áengusa m. Cruind ba drui.

Eochu m. Ardgair m. Matudáin m. Áeda m. Eochucain m. Áeda m. Echdach (qui habuit filios .xii.) m. Fíachnai m. Áeda Roín m. Béce Bairche m. Blaithmeic m. Máile Coba m. Fíachnai


p.337

Duib Tuile m. Demmáin m. Cairill (qui credit Patricio) m. Muiredaigh Mundeirg m. Forgo m. Dallaín m. Dubthaig m. Miennaig m. Ludgach m. Óengusa Find m. Fergusa Dubdhétaig (Móen ingen Chuind Chétchthaig máthair na trí Fergus a ndochersat i cath Crinna) m. Imchado m. Findchado m. Fíatach Find (a quo Dál Fíatach) m. Fir furmi m. Dáiri m. Dlúthaig m. Deitsini m. Echach m. Sín m. Rosin m. Treín m. Rothrein m. Rogein m. Arndil m. Mane Mair m. Forgo.

{folio 111b}Senchus Síl hÉrimóin annso fo hÉirind.

Herimon per xuii. annos regnauit Hiberniam & quinque filios electos genuit & .iii. ex eis regnanerunt Hiberniam .i. Muimne, Luigne, Lagne per tres annos. Iarel profeta per .x. annos regnauit & antequam regula Patrici Christique regnaret. De semine eiusdem regis .luii. regis regnauerunt super Hiberniam & post Patricium de prole illius .i. regis.

Haec sunt nomina qui non crediderunt regum.

Hérimón, Mumne, Luigne, Laigne, Iarél faíth, Etherél, Tigernmas, Fíacha Labrainne, Óengus Ólmucaid, Fothechtaid, Sírna, Giallchad, Núado, Símón Brecc, Muiredach Balcrach, Eochu Fiadmuine, Conaing Bececla, Úgaine Mór, Lóegaire Lorcc, Cobthach Cóel, Labraid Loingsech, Melge Mol-, Óengus Ollam, Ierero, Condla Cóem, Ailill Casfíasclach, Eochu Altleathan, Fergus Fortamail, Óengus Turbech, Conall Collomrach, Énna Argech, Crimthan Crom, Eochu Fedleach, Eochu Areman, Eterscél, Conare Cóem, Lugaid trí ríab, Conchubor Abradrúad, Crimtann níath náir, Feradhach Find, Fíatach Find, Fíacha Findolaid, Túathal Techtmar, Fedlimid Rechta, Catháir Mór, Cond Cétchathach, Conaire Cóem, Art Óenfer, Cormac Ulfhata, Fergus Dubdétach, Eochu Gunnfhat, Coirpri Liffechair, Fíacha Sraptine, Colla hÚais, Muiredach Tírech, Eochu Mughmhedón, Níall Nóigíallach, Nathí.

Haec sunt nomina credentium regum.

Lóegairi, Ailill Molt, Lugaid, Muircertach, Túathal, Díarmait, Domnall, Fergus Baedán, Eochaid, Anmire, Baedán, Áed, Colmán, Áed Sláne, Áed Ollán, Mael Coba, Suibne Mend, domnall, Ceallach, Conall, Blathmac, Díarmait, Seachnasach, Cenduaelad,


p.338

Findachta, Loingsech, Congal Cind, Fergal, Fogertach, Cinaed, Flaithbertach, Áed Allán, Domnall, Níall Frasach, Dondchad, Áed Ordnidi, Concobor, {folio 112a} a Níall Caille, Mael Sechnaill, Aed Findlíath, Fland, Níall Glúndub, Domnall, Dondchad, Congalach, Domnall, Máil Sechnaill, Brían mac Cinnétig & rl.

From here onward to fo. 116 b1 follows a series of synchronisms beginning ‘Sláne toisech Fer mBolg is hé cétríg na hÉirenn .ii. blídna.’ These I hope to publish on some future occasion.

These were published in ZCP 9 (1913) and are available on CELT in file G105018.

Kuno Meyer. Liverpool.