Corpus of Electronic Texts Edition
Genealogies from Rawlinson B 502 (Author: unknown)

Section 8

{facsimile page & column 135a}

92

¶617] [gap: text acephalous/extent: about 20 print pages] Do-rochair trá Sírna Sírsáeglach m. Déin m. Demáil la Rothechtaid Rotha m. Móen i n-Alind. Baí dano Rothechtaid .vii. b. h-i r-rígi h- Érenn. Is leis ar-ríchta rotha na carpat cetherrech i nh-Érinn ar thús coro loisc tene geláin i n-Dún Sobairchi.

¶618] Ro gab Éllim Ollfínsnechta .i. fína fersat ina flaith, óenbliadain ríge h- Érenn co torchair la Giallchad m. Ailella Oalchlóen m. Sírna.

¶619] Ro gab Giallchad ríge h-Érenn noí .b.. Is h-é thuc giall cach cóicid fhir a m-Mumain co torchair i m-Maig Muaidi la h-Artt Inflig m. Éllim Ollfínsnechta.

¶620] Ba rí Nuado Find Fáil .xl. b. co torchair la Bres Rí m. Airt Inflig.

¶621] Ro gab Bres ríge h-Érenn .ix. b. & ro bris ilcathu for Fomoire co n-érbailt ic Carn Chonluain.

¶622] Eochu Apthach m. Lugdach Ulaig m. Airt m. Ébir Bricc m. Lugdach Cál m. Echach Étgudaich m. Dáire Doimtig m. Rossa Ríg de Chorcco Laígdi óen-bliadain fot a flatha. Tám cech mís ina flaith unde dicitur Echu Apthach.

¶623] Do-rochair dano Eochu Apthach la Find m. m- Blátha m. Labrada Condilg m. Carpri m. Ollamon Fótla, nó combad do thám at-balad ut aliis uidetur.

¶624] Ro gab iarum Find m. Blátha ríge h- Érenn .x. annos co torchair la Sétna n-Inarraid m. m-Breisse Ríg a Mumain.

¶625] Sétna Innarraid dano is é toísech do-rat crod tuarastail do amsaig i nh-Érinn. Baí .xx. b. h-i r-rígi co torchair la Símón m-Brecc m. Áedáin Glais.

¶626] Símón Brecc .vi. b. i r-rígi h-Érenn co torchair la Duach Find m. Sétna n-Inarraid.

¶627] Duach dano .x. annos conid romarb Muiredach Bolgrach nó Balcc Ríg m. Símóin Bricc.

¶628] Muiredach mí & bliadain co torchair la h-Énna n-Derg m. n-Duach.

¶629] Énna .xii. annos rí h-Érenn co n- érbailt do thám i Sléib Mis co sochaidib immi.

¶630] Lugaid Iardon m. Énnai .ix. b. conid romarb Sírlám oc Ráith Cochláin.

¶631] Sírlám m. Find rí h-Érenn .xvi. annos conid romarb Eochu m. Luigdech. Is aire as-rubrad Sírlám de ar ro-saigdis a láma co lár & sé na shessam.

¶632] Eochu Uarchés .xii. b. dó ar innarba for muir ó Sírlám conid aire at-bert Uarchés de arna h-uara nó arna h- uachta imda ro chésastair ar muir. Dá bliadain déc aile dó h-i r-ríge co torchair re macaib Congail m. Lugdach Cál .i. la Eochaid & la Conaing m-Bececlach. Atá dano deibi ocnaib senchaidib immondii-sin lasa torchair Eochu Uarchés & Conaing Bececlach, ar it-berat araili conid mc do Chongal int Eochu & is mc Duach mc Muiredaich mc Símóin Bricc in Conaing Bececlach.

¶633] Eochu & Conaing comflaithi; deiscert n- Érenn la h-Eochaid & tuaiscert n-Érenn la Conaing.

¶634] Do-rochair iarum Eochaid Fidmuine la Lugaid m. n- Echach Uarchés.

¶635] Lugaid .iii. annos co torchair la Conaing m-Bececlach. Conaing


p.118

Bececlach iar sin .x. annos .i. bec a ecla nó a fhíacla conid romarb Art mc Luigdech m. Echach Uarchés.

¶636] Artt mc Luigdech .vii. b. i r- rígi co torchair la Duach Ladrach m. Fiachach Tolgraich & la Fiachaig fodeissin.

¶637] Ailill Find m. Airtt .ix. annos co torchair la h-Argatmár & la Fiachaich & la Duach a mc.

¶638] Fegair cath eter Argatmár & Fiachaich Tolgraich i n-Óenuch Taillten co róemid ar Argatmár.

¶639] Fegair cath aili eturru i m-Bregaib co torchair Fiachu Tolgrach ann. Tinólait fir Muman iarum im Eochaid m. n- Ailella Find & im Lugaid mc n-Echach Fiadmuine & im Duach Ladrach co síl n-Éremóin & innarbait Argatmár fri ré .vii.

¶640] Eochu m. Ailella Find frisin ré-sin i r- rígi h-Érenn co toracht Argatmár dar muir & co n-dernai síd ra Duach Ladrach co torchair leo iar sin Eochaid i n-Óenuch Áine.

¶641] Argatmár postea .xxx. b. i r-rígi co torchair la Duach Ladrach & la Lugaid (.i. Laídech) m. n-Echach n- Uarchés.

{facsimile page & column 135b}

92

¶642] Duach Ladcra i r-rígi .x. b. conid romarb Lugaid Laídech.

¶643] Lugaid Laídech .viii. b. co torchair la Áed Ruad m. m-Baduirn.

¶644] Áed Ruad m. Baduirn .xxi. b. ró h-Érenn co torchair i n-Ess Ruaid.

¶645] Díthorba m. Dímaín .xxi. b. regnauit Hiberniam coro marb Macha ingen Áeda Ruaid i cath Choraind.

¶646] Hic plura pretermitto.

¶647] Cimbáeth trá mc Fintain m. Argatmáir cétna flaith Emna Macha .xxviii. a fhlaith; éc at-bath do galar.

¶648] Míli bliadan & dá chét ó Eber Dund co Cimbáeth.

GENELACH CIMBÁEDA.

¶649] Cimbáed didiu m. Fintain m. Argatmáir m. Sírláim mc Find m. Blátha m. Labrada m. Cairpri Olloman m. Olloman Fótla m. Fiachach Fínscothaich m. Sétnai Airtt m. Ébir m. h- Ír mc Míled Espáine.

¶650] Inde dicitur:

  1. Cimbáeth no chinned cech cáin
    mac Fintain meic Argatmáir
    meic Sírláim erccad gluind glain
    meic Find meic Blátha bladmair.
  2. Meic Labrada luaided leirg
    meic Cairpri comdais cromdeirg
    meic Olloman eirned graig
    meic Fiachach Find Fínscothaich.

  3. p.119

  4. Meic Airt is meic Ébir aird
    meic h-Ír meic Míled mórgairg;
    do chiniud h-Ír—éraim n- glé—
    atá Clann réil Rudraige.
  5. Maicne Míled cona claind
    noco damthadar comraind
    do Thuathaib Dé Donann dúr
    co n-deochatar ass for cúl.
  6. Coro chlannsaigset dia n-éis
    clann mac Míled—mór in t-séis
    conid h-uadib—ní rád m- báeth—
    Úgaine Mór is Cimbáed.

    .C.

  7. Míli bliadan—ní mod suail—
    dá chét m- bliadan—balcc in buaid—
    ó Éber Donn immaid láech
    cosin cóemfher co Cimbáed.

    .C.

94

¶651] Macha ingen Áeda Ruaid m. Baduirn .vii. annos regnauit Hiberniam dar éis Cimbáeda co torchair la Rechtaid Rigderg mc Lugdach m. Echach m. Ailella Find m. Airt m. Lugdach Laídich m. Echach Uarchés.

¶652] Ro gab Rechtaid Rigderg ríge h-Érenn .xx. annos conid romarb Úgaine Mór m. Echach Buadaig, dalta-side Cimbáeda & Macha, i n-dígail a muimmi .i. Macha.

¶653] Úgaine Mór m. Echach gabais iar sin ríge h-Érenn & Alban & co Muir n- Icht & tuc ingin ríg Franc .i. Cessair Cáemchruthaich & ruc-side dá mc ar fichit & téora ingena dó ó ro gab-sum rígi na h-Éorpa h-uile co Muir Torrén sair & fodes & co Muir Caisp ut alii dicunt. Ro rainn iar sin h-Érinn i cóic ranna fichet eter a chlaind. .xl. b. a flaith conid romarb Badbchad isin Bruig.

¶654] Ro gab Láegaire Lorcc ríge h- Érenn .ii. co torchair la Cobthach Cóel Breg h-i cath Charmuin.

¶655] Gabais Cobthach Cóel Breg rígi h- Érenn coícait bliadan conid romarb Labraid Loingsech Móen m. Ailella Áine m. Láegaire i n-Dind Ríg ós Berba co tríchait ríg immi.

¶656] Ro gab Labraid rígi h-Érenn .xix. b. co torchair la Meilge mc Cobthaich.

¶657] Gabais dano Meilge ríge h-Érenn .xvii. b. co torchair la Mog Corb m. Rechtada Rigdeirg a m-Mumain.

¶658] Secht m-bliadna do Mug Corb co torchair la h-Óengus n-Ollam úa Labrada.

¶659] Óengus Ollam xviii. b. co torchair la h-Irero m. Meilge m. Cobthaich.

¶660] Ro gab Irero m. Meilge ríge h-Érenn .vii. annos co torchair i n- Ultaib la Fer Corb m. Moga Cuirb.

¶661] Óen-bliadain déc dano do Fir Chorb co torchair la Condla m. n-Irero.


p.120

94

¶662] Condla .iiii. .b. co n- érbailt i Temraig.

¶663] Ailill Casfiaclach mc Condlae .xxvi. b. rí h-Érenn co torchair la h-Amadair Flidais Foltchaín.

¶664] Amadair dano m. Fir Chuirp m. Moga Corb .v. b. co torchair la h-Eochaid n-Altlethan.

¶665] Eochu Altlethan .xi. b. co torchair la Fergus Fortamuil.

¶666] Fergus .xi. annos rí co torchair la h-Óengus Tuirmech Temra i cath.

¶667] Óengus Turmech{facsimile page & column 136a} iarum .lx. bliadan i r-rígi h- Érenn co n-érbailt i Temraig.

¶668] Gabais Conall Collomrach ríge h-Érenn .xv. b. conid romarb Niad Segamain.

¶669] Niad Segamain .vi. b. co torchair la h-Énna n-Airgtech di Mumain.

¶670] Énna Airgtech .xx. b. co torchair la Crimthann Coscrach.

¶671] Crimthann Coscrach .iiii. b. co torchair do láim Rudraige mc Sittride m. Duib m. Fhomuir m. Argatmáir.

¶672] Rudraige trá .lxx. b. rí h-Érenn a quo Dál n- Araide, ar is iat-side fír-Ulaid Emna .i. Síl Olloman Fótla m. Fiachach Fínscothaig. Cóic ríg fichet uad for h- Érinn. Éc at-bath i n-Argatglind i Sléib Chua.

¶673] Gabais in Fintait Mór m. Niad Segamain ríge h-Érenn .ix. b. co torchair la Bressal m-Bódíbad m. Rudraige.

¶674] Bressal Bódíbad .xi. b. i r-rígi h-Érenn. Is de as-rubrad Bressal Bódíbad de: tánic díth do buaib h-Érenn ina flaith conná térna díb acht óentarb & samaisc i n-Glind na Samaisce. Do-rochair dano Bressal Bódíbad la Lugaid Luaigni m. Fintait Máir.

¶675] Ro gab Lugaid Luaigni ríge h-Érenn .xv. b. conid romarb Congal Cláringnech mc Rudraige.

¶676] Congal .xv. b. i r-rígi h-Érenn conid marb romarb Duach Dalta Dedaid.

¶677] Duach Dalta Dedaid rí h-Érenn .x. b. co torchair la Fachtna Fáthach mc Rudraige (nó Rossa).

¶678] Fachtna rí h-Érenn .xvi. b. co torchair la h-Eochaid Feidlech m. Find m. Fintain m. Findguill.

¶679] Eochu Feidlech .xii. b. i r- rígi h-Érenn. Éc at-bath i Temraich.

¶680] Eochaid Airem a bráthair .xv. b. i r-rígi h-Érenn coro l- loisc tene i Frémaind.

¶681] Etarscél Már moccu Ieir do Érnaib .v. b. co torchair la Nuadait Necht mac Sétnai Síthbaicc do Laignib i cath Alinde. h-Is í seo trá aimser gene Críst. Na cóicedaig iar sin .i. Conchobor m. Nessa, Cairpre Nia Fer mc Rossa, Tigernach Tétbuillech m. Luchta, Ailill m. Rossa Ruaid qui & m. Máta Muirisce dicebatur, Cú Ruí mc Dáire m. Dedad mc Sin. It é sin na cóicedaig.

¶682] Nuadu Necht dano rí h-Érenn .v. menses co torchair la Conaire i cath Chliach.

¶683] Conaire Már dano .lxx. b. i r-rígi h-Érenn co torchair i m-Bruidin Dá Dergga la h-Ingcél Cáech moccu Chon[gap: illegible/extent: 1 letter]icc & la tríb macaib Duind Désa do Laignib .i. trí Ruadchind Laigen: Fer Gel, Fer Roguin, Lomna Drúth a n-anmann. Cóic bliadna iar sin do h-Érind cen ardríg.


p.121

94

¶684] Lugaid Riab n-Derg mc trí Find n-Emna rí h-Érenn .xxv. b. co rod-léic féin moa chlaidiub ar chumaid Deirbi Forgaill ingine ríg Lochlainne, de quibus Cú Chulainn dicebat:

  1. Failet sunna eter dá fhert
    do-gní mert mo chridi chró,
    gnúis Derb Forgaill i l-luc lergg,
    Lugaid Riab n-Dergg dirsan dó.

¶685] Conchobar Abratruad m. Find Fhiled m. Rossa Ruaid do Laignib uno anno conid romarb Crimthann mc Lugdach.

¶686] Crimthann m. Lugdach rí h-Érenn .xiii. annos. Is é do-chuaid in n-echtra a Dún Crimthainn la Náir tuaithig m-bansídich co m-báe cóicthigis ar mís ann dia tuc na h-ilshéotu &rl. co n-érbailt i m-Maig Étair i cind cóicthigis ar mís iar tíchtain dó.

¶687] Gabais Cairpre Cattchen athair Moraind ríge h- Érenn cóic bliadna: éc at-bath.

¶688] Feradach Fechtnach mc Crimthaind rí h- Érenn .xxii. b.; éc at-bath i Temraich.

¶689] Fiatach Find m. Dáre m. Forgo a quo Dál Fiatach rí h-Érenn .iii. co torchair la Fiachaich Fidfholaid m. Feradaich.

¶690] Fiachu Findfolaid i r-rígi h-Érenn .xvii. co torchair la h-Éllim mc Condrach mc Fergusa i m-Maig Bolg.

¶691] Ro gab Éllim ríge h-Érenn .xx. b. conid romarb Tuathal Techtmar mc Fiachach.

¶692] Tuathal rí h-Érenn .xxx. b. co torchair la Mál m. Rochride i m-Maig Line airm asa m-brúchtat Ollar & Ollarba &rl.

¶693] Mál mc Rochride .iiii. annos co torchair la Feidelmid mc Tuathail Techtmair.

¶694] Feidelmid .ix. annos; éc at-bath.

¶695] Catháer Már mc Feidelmid Fir Aurglais .iii. nó coíca bliadan ut alii putant coro m-marbsat fian Luaigni i m-Bregaib.

¶696] Conn Cétchathach {facsimile page & column 136b}mc Feidelmid rí h-Érenn .xx. b. co torchair la Tipraiti Tírech la mc Máil m. Rochride.

¶697] Conaire cliamain Cuind m. Moga Láma rí h-Érenn .uii. annos co torchair la Nemed m. Srabcind.

¶698] Artt mc Cuind rí h-Érenn .xxx. b. co torchair la Lugaid m. Lugdach m Con i cath Muccraimi.

¶699] Lugaid mc Con rí h-Érenn .xxx. b. co torchair la Ferchess mc Commáin écis.

¶700] Fergus Dubdétach m. Fhindchada uno anno rí h-Érenn co torchair i cath Chrinna la Cormac úa Cuind.

¶701] Cormac m. Airt .xl. annos rí h-Érenn coro len cnáim bratáin ina brágit conid de at-bath i Tig Cleittig.

¶702] Ro gab Eochu Gunnat m. Féicc m. Imchada ríge h-Érenn .i. b. co torchair la Lugaid mc Meicc Óengusa.

¶703] Cairpre Liphechair m. Cormaic iar sin rí h- Érenn .xxvi. conid marbsat dá Ruad Róirenn do Laignib .i. Senioth & Sárnia a n-anmann.

¶704] Na dá Fothud post uno anno co torchair Fothud Cairptech la Fothud n-Airgtech & do-rochair Fothud Airgtech post la Fiachaig Sraiptine i cath Ollarba.


p.122

94

¶705] Fiachu Sraiptine mc Cairpri Liphechair rí h- Érenn .xxvii. b. co torchair lasna tríb Collaib i cath Duib Chommuir.

¶706] Colla Uais .iiii. b. rí h- Érenn coro n-innarb Muiredach Tírech.

¶707] Muiredach Tírech .xxx. annos rí h-Érenn co torchair la Cóelbad mc Cruind Ba Druí.

¶708] Ro gab Cóelbad ríge h-Érenn uno anno co torchair la h-Eochaid Mugmedón.

¶709] Gabais Eochaid iar sin .viii. annos ríge h-Érenn co n- érbailt do them- i Temraich.

¶710] Crimthand mc Fidaig .xiii. rí h-Érenn co tuc a siur Mongfind ingen Fidaig dig neimi dó.

¶711] Ro gab Niall Noígiallach iar sin rígi iarthair domuin fri ré .xxvii. b. conid romarb Eochaid mc Énna Ceinselaig oc Muir Icht iar techtad chóic n-giall a h- Érind & a cethir a h-Alpa conid de ro lil-seom Niall Noígiallach. Unde Cormac hoc carmen cecinit:

  1. Mac Echach ard orddan
    Niall Nár—nuall ass gargam—
    ro gab ríge rémend
    h-Érenn ocus Alban.
  2. Ethais giall cach cóicid
    fo thír n-Érenn n-ardda
    tuc dia réir cen terbba
    cethri géill a h-Alpa.
  3. Conid de báe dó-som
    i toraib fian fríthach
    fri riad na ríg ráthach
    Niall Noígiallach níthach.

¶712] Dath Í mc Fiachrach Sraiptine .lx. annos rí h- Érenn coro loisc tene geláin oc Sléib Elpa.

¶713] Conid iat-sain na sé ríg déc & na sé fichit ríg ro fallnatar h-Érind ria cretim.


p.123

95

¶714] Hibernia insola inter duos filios principales Militis id est h- Éremón et Éber in duas partes diuissa est. Éber autem australem partem Hiberniae accepit, h-Éremón quidem septimtrionalem cum monarchia accepit. h- Éremón autem primus de Scotis omnem Hiberniam regnauit per .xvi. annos et quinque filios electos genuit et .iiii. ex eis regnauerunt Hiberniam per tris annos et Iarél profeta per .x. annos et de semine ipsius Hiberniam .lviii. reges dominauerunt antequam Patricius Hibernensibus passionem et catholicam fidem regulamque Christi narraret et post Patricium de prole eius .l. reges dominauerunt Hiberniam.

HEC SUNT NOMINA INCREDENTIUM id est .lviii.

¶715]

  1. h-Éremón,
  2. Muimne,
  3. Luigni,
  4. Laigne,
  5. Iarél,
  6. Ethrél,
  7. Tigernmas,
  8. Fiachu Labrinne,
  9. Óengus Ólmuccaid,
  10. Rothechtaid,
  11. Sírna,
  12. Giallchad,
  13. Nuado Find Fáil,
  14. Símón Brecc,
  15. Muiredach Balccrig,
  16. Eochu Fidmuine,
  17. Conaing Bececlach,
  18. Úgaine Már,
  19. Láegaire Lorc,
  20. Cobthach Cóel Breg,
  21. Labraid Loingsech Móen,
  22. Meilge m. Cobthaig,
  23. Óengus Ollam,
  24. h-Irero,
  25. Conla Cáem,
  26. Ailill Casfiaclach,
  27. Eochu Altlethan,
  28. Fergus Fortamail,
  29. Óengus Turbech,
  30. Conall Collomrach,

  31. p.124

  32. Énna Airgdech,
  33. Crimthann Coscrach,
  34. Feradach Find Fechtnach,
  35. Fiatach Find,
  36. Tuathal Techtmar,
  37. Feideilmid Rechtaid,
  38. {facsimile page & column 137a}
  39. Cathaír Már,
  40. Conn Cétchathach,
  41. Conaire Cliamain Cuind,
  42. Artt Óenfer,
  43. Cormac Ulata,
  44. Fergus Dubdétach,
  45. Eochu Gunnat,
  46. Cairpre Liphechair,
  47. Fiachu Sraiptine,
  48. Colla h-Uais,
  49. Muiredach Tírech,
  50. Eochu Mugmedón,
  51. Niall Noígiallach,
  52. Nath Í.

¶716] Sciendum est autem quod nullus rex de alio nisi de semine Néill nisi exceptis duobus id est Báetán & Brian regnauerunt Hiberniam post Patricii aduentu tenuit. Sed tamen alii Báetán non numerant inter magnos reges.

¶717] {§}

  1. Trí bráithir roptar aidbli,
    Muimni, Lugni ocus Laigni
    rannsat h-i trí h-Érind n- óig
    meicc Od(b)a ocus (Éremóin)
§

HAEC SUNT CREDENTIUM NOMINA.

¶718]

  1. Lóegaire m. Néill .xxx.
  2. Ailill Molt .xx.
  3. Lugaid m. Láegairi a .xx.
  4. Murchertach m. Ercca .iiii.xx.
  5. Tuathal Máelgarb trí .x.
  6. Diarmait m. Cerbaill .ii & xx.
  7. Domnall a trí & Fergus, Báetán & Eochaid (dá bliadain)
  8. Ainmere .iii.
  9. Báetán .i.
  10. Áed m. Ainmerech .iii.xx.
  11. Colmán (.vii.) Rímid & Áed Sláine,
  12. Áed h-Uaridnach .vii.

  13. p.125

  14. Máel Coba .iiii.
  15. Suibne Menn m. Fiachna, sé .x.
  16. Domnall m. Áeda .vii.x.
  17. Conall (sé .x.) & Cellach m. Máeli Coba
  18. Blaithmac (.x.) & Diarmait dá m. Áeda Sláine
  19. Sechnassach m. Blaithmeic .vii.
  20. Cenn Fáelad .vii.x.
  21. Fínnachta Fledach m. Dúnchada .x.
  22. Longsech mc Óengusa .ix.
  23. Congal Cennmagar .viii.
  24. Fergal m. Máeli Dúin .x.
  25. Fogartach bliadain,
  26. Cináed m. Írgalaich, .vi. bliadna
  27. Flaithbertach m. Loingseich, a ix.
  28. Áed Alláin .ix.
  29. Domnall m. Murchada .ix. m-bliadna dég
  30. Niall Frossach a .vii.
  31. Donnchad m. Domnaill a .vii.xx.
  32. Áed Oirnide m. Néill a vii. xx.
  33. Conchobar m. Donnchada .iiii.x.
  34. Niall Caille, a trí .x.
  35. Máel Sechnaill mc Máel Ruanaid sé bliadna .x.
  36. Áed Findliath .vi.x.
  37. Flann mc Máel Sechnaill .viii.xxx.
  38. Niall Glúndub, trí bliadna
  39. Donnchad m. Flainn .viii.xxx.
  40. Congalach m. Máel Mithig trí bliadna .x.
  41. Domnall úa Néill .v. bliadna .xx.
  42. Máel Sechnaill, trí bliadna .xxx.
  43. Brian .ii. bliadain .x.

¶719] Is cóir a fhis cia lín díb seo ro loisced & ro gonad. Ní ansae. A cóic fichet uili ó Láegaire co Brian, nónbur a h-Éogun .i. seissiur a Conull, .viii. Síl Áeda Sláine, óen a Connachtu & óen a Cairpriu.

¶720] De quibus dicitur:

  1. Cia lín dond rígraid ráin ruaid
    Temra co n-uail tarcai tráig
    ó baithis i Tailltin tind
    do-cer do rind, réim co n-gráin?
  2. A cóic fichet d'amraib tor
    masu amlaid arcco fuin
    ó chreitim i Temra treib
    ro ort tein is muir is guin.
  3. Nónbur a drung Éogain uair,
    seissiur sluaig Essa Ruaid réil,
    téora dessa—dodaing dóib—
    clainni Conaill móir m. Néill.

  4. p.126

  5. Muirchertach, Báetán ba h-ág,
    Eochaid, Suibni, Colmán cian,
    Fergal Fáil cenn Gáedel n-gúr,
    Áed derg dúr, dá noíthech Nial.
  6. Clanna Conaill Gulbain gúir,
    ní dodaing dúib Báetán bán;
    Anmere, Áed, Conuall cond,
    Máel Cobae lond, Loingsech lán.
  7. Clainne Conaill cernaich cáem
    Diarmait co n-áeb, Áed all óir
    Cenn Fáelad, Fínnachta féig,
    Sechnasach séig, Cináed cóir.
  8. Fagartach Temra Dath Í
    bladaltach Berba cia bia,
    Congalach Cnogba co clú
    cach dú ba comramach cia.

    Cia.

  9. Ailill, Tuathal torbga dóein,
    ro tholta a tóeib, toirm co n-uail,
    gabsat rígi fini Fáil
    cia lín don rígraid ráin ruaid?

    Cia.

¶721] At h-é seo immorro deffir & comáirim ríg h-Érenn eter Éogan & Conall & Colmán Mór Midi & Síl Áeda Sláine .i. a xvi. a h-Éogun, a .x. ó Conall, a .vii. ó Cholmán, nónbur Síl Áeda Sláine; a .xlii. sin uile.

¶722] De quibus dicitur:

  1. Sé ríg déc Éogain anall
    atdeos duib a comanmann;
    Murchertach, Domnall delbda
    Fergus, Báetán branfebda.
  2. Eochaid, Colmán Rímid raind
    Áed h-Uaridnach mac Domnaill;
    Suibni fin, Fergal fini,
    Áed Alldáin mac Fergaile.

  3. p.127

  4. Niall Frossach; Áed Ordain áin,
    Niall Cailli, Áed Findliath Fáil;
    Niall Glúndub, Domnall dóel den,
    cethrur sáer for dá sesser.

    Sé.

  5. Sé ríg déc inge seisser
    ó Chonall ara feisser;
    ro gabsatar h-Érind áin
    is h-Érind i nd-immarbáig.
  6. Ainmere, Báetán, Áed ard,
    Máel Coba, Domnall dúrgarg,
    Cellach is Conall Cáel cass,
    Longsech is Congal comdas.
  7. Flaithbertach mac Loingsig lir
    in dechmad rii réil rogair;
    ba liach a sechnad baí sel,
    in cethrar is in seisser.
  8. {facsimile page & column 137b}
  9. Sé ríg do chlaind Cholmáin chain.
    la h-óen for h-Érind n- inbaig
    Domnall, Dúnchad dumae daill
    Conchobar, Máel sen-Sechnaill.
  10. Flann mac Máel Sechnaill ergna
    Donnchad mac Flaind fír-febda
    Máel Sechnaill Got Gáedel glan
    áirim óenfher fri sesser.
  11. Sé ríg ocu triär tricc
    Áeda Sláine saiget-glicc,
    ro gabsat glé-bind a n-gal
    h-Éirind óig ní h-imordal.
  12. Áed Sláine, Blaithmac co m-blaid
    Diarmait, Sechnassach sogai
    [gap: illegible/extent: 1 letter]

    Cenn Fáelad, Fínnachta Fled,
    Fogartach, Cináed cóemfher.
  13. Congalach mac Máel Mithig
    fer forbarach felrithir
    ro gab h-Érind amra h-ed
    níro samla acht ro seisser.

    Sé.


  14. p.128

  15. Sé ríg déc Cenéoil Éogain
    deichnebur Conaill céolaich;
    nónbur Áeda Sláine sláin,
    mórfeissiur Clainni Colmáin.
  16. Dias is dá fichet amra
    in comtheclamtha calma
    i m-báirib neich fri recht reb
    áirim sreith na secht seisser.


p.129