Kl.
Aided mac {Laighne} rí Uladh a suis per dolum.
Fros fholu do siliudh a n-Árd Ciannachta.
An t-ailitir do dol a hÉrinn.
Árd Macha d'argain ó Gallaibh Lochu Feabhail et Cumusccach do gabáil dáiph et a mac .i. Aodh mac Cumusgaicch do marbadh.
Ruarc mac Tigernáin rí Breifne moritur.
Kl.
Argadan abb Corcaighe quieuit.
Pluuialis annus.
Defectio panis.
Crech la Connachtaibh a nIartur Midhe.
Saruccadh Innsi Aingin et duini do guin for a lar & scrin Ciaran inte & senudh sruith im Cairpre Crom episcopus Cluana M Nois.
Maidm for Connachtaibh oc Ath Luain ria n-iartur Midhe isin lo cedna co ffargsad drem.
Kl.
Mac Eidigh mac Lethlobair ri Dail Araidhe moritur.
Tadg mac Concupuir ri Teora Connacht extenso dolore quieuit.
Orgain Cille Dara o gentibh.
Quies Maoil{brighde mac} Proilig ardeaspuc Muman.
Quies Domnaill meic Constantin ri Alban.
Ben mór do rala a muir a n-Albain .i. da traighidh décc ar naoi ffictib a fad, .ui. traiccidh .x. eidir a da cich, .xu. traiccidh fod a fuilt, .ui. fod meoir a laimhe, .uii. a ffad a srone. Giliter gés no uan tuinne gach mir dhi.
Kl.
Maolruanaidh mac Flainn meic Maoileclainn o Luignibh Connacht occisus est .i. a losccadh a ttaigh tinedh .i. o macoibh Cernacán meic Taidhg et ó mac Lorcain meic Cathail ubi ceteri multi ceciderunt exceptis tribus .i. Maelcrón mac Domnaill ri Cineóil Laoguire & princeps Rois Ech .i. Dubhcuilinn et alius.
Claochlodh abbad a Cluain M Nois .i. Ioseph tairisi Dedimus.
Claoclodh rig i Caisil .i. Cormac mac Cuilendain a n-ionadh Cinn Gegain.
Maolbresail mac Maoil Doraidh ri Cineoil Conaill do marbadh a ccath Sailtini la Murchadh mac Maoili Duin ri Cineoil Eoghain.
Kl.
Findguine ri Caisil a suis ocisus.
Indarbadh gentae a hEirinn .i. longport Atha Cliath oc Cherball mac Muirigen co Laignibh et Maolfinnian mac Flannagain go fferoib Bregh go fargsad drect mór do lonccaibh.