Corpus of Electronic Texts Edition
Annals of Inisfallen (Author: unknown)

Annal I1050

I1050.0

Kl.

I1050.1

Enair for Luan & .iiii. h-uathaid furri.

I1050.2

Cáin mór oc mc. Briain.

I1050.3

Macc Cathail m. Ruadri do chumriuch do Áed{folio 24f} h-U Chonchobuir, do ríg Connacht.

I1050.4

Cell Dara do loscud eter dam liac & durthech. Imlech Ibair do loscud isind inbaid chétna.

I1050.5

Cluain Mc. Nóis do chrod fa thrí dona Sinnchaib.

I1050.6

Mailín, fer legind Cenannsa, quieuit.

I1050.7

Conall, fer legind Cille Mo Chellóc, quieuit.

I1050.8

Macc Cind Faelad, h-Ua Conaill Gabra, moritur.

Annal I1051

I1051.0

Kl.

I1051.1

Enair for Mairt & .xu. fuirri.

I1051.2

Mc. Bricc, na n-Desse, do marbad.

I1051.3

Mc. Cathail do dallad do Áed h-Ú Chonchobuir.

I1051.4

Bile Maige Adar do thascrad do Áed h-Ú Chonchobuir.

I1051.5

Diarmait h-Ua Briain do marbad do Murchad h-Ú Briain.

I1051.6

h-Ua Bric, rigdamna na n-Désse, do marbad i n-daim liac Lis Móir do macc a bráthar, & dofuc fein do M'Chutu ina inechlainn iarum.

I1051.7

Sluaged la mc. m-Briain co Loch Cimme co h-Ua Conchobuir & noco tuc giallu na h-aitere.

Annal I1052

I1052.0

B. Kl.

I1052.1

Enair for Cétain & xxui. fuirri.{folio 25a}

I1052.2

Domnall Bán h-Úa Briain do marbad.

I1052.3

Mc. Raith h-Ua Donnchada, Cassil, do éc.

I1052.4

Gáeth mór do thichtain and h-i Féil Tomais coro bris tige ocus fidbada.

I1052.5

Mc. Carthaich do gabail apthaine ar écin i n-Imlich Ibair & lám h-Uí Lígdai, ind fir legind, asint suide apad.


p.214

Annal I1053

I1053.0

Kl.

I1053.1

Enair for Aíne & .uii h-uathaid furri.

I1053.2

Cocad mór eter firu Muman & Connachta & cora gaib Tairdelbach h-Ua Briain forbaisi for h-uachtar Dál Chais.

I1053.3

Aed h-Ua Cuileain do marbad a fill do Domnall Ruad h-Ua Briain.

Annal I1054

I1054.0

Kl.

I1054.1

Enair for Sathurn & .xuiii. fuirri; cethramad bliadain .l. ar míle ó Inchollugud Crist; in dara bliadain fuir bisex.

I1054.2

Bliadain chocuid móir daro loiscset Laigin airther Cliach.

I1054.3

Tri meicc Donnchada m. Briain do brith mórchreche i Corc Mdruad eter & brait.

I1054.4

Crech Thratraige do denam do Áed h-Ú Chonchobuir, & Aed mc. Cennetich do marbad di.{folio 25b}

I1054.5

Muirchertach h-Ua Sculu, comarba Senain quieuit.

I1054.6

Guari h-Ua Lachtnáin, fer legind Cluana M. Nóis, quieuit.

I1054.7

Da macc Carthaich do marbad.

Annal I1055

I1055.0

Kl.

I1055.1

Enair for Domnuch & xxix. furri.

I1055.2

Domnall Ruad h-Ua Briain do marbad a fill do h-Uíb Edin.

I1055.3

Dochor luirg do immirt for Murchad h-Ua m-Briain h-i Corcu Mdruad coro lá Tairdelbach ár mór for Murchad, coro marbait and da ríg Corcu Bascind, .i. h-ua Bascind & mc. Assída m. Domnaill, & araile sóerchlanna archena.

I1055.4

Cend Foelad h-Ua Muirethaich do marbad a cath.

I1055.5

Dam liac Cille Finnabrach do loscud ina medon.

I1055.6

Gilla Patraicc, Osraige, do ec.


p.216

Annal I1056

I1056.0

B. Kl.

I1056.1

Enair for Luain & .x. furri.

I1056.2

Cetfaid, anchara Lis Moir, quieuit in Domino.

Annal I1057

I1057.0

Kl.

I1057.1

Enair for Cetain & xxi. fuirri.

I1057.2

h-Ua Donnchada, ri Cassil, do marbad.

I1057.3

Mac Flaithbertaich h-Ui Edin,{folio 25c} h-Ua Fiachrach, do marbad.

I1057.4

h-Ua Mútáin, airchinnech Corcaige & in fer legind, do marbad i r-Rus Ailithir do h-Ú Flaind Ardda.

I1057.5

Inis Cathaich do chrod do Gallaib m. Muíl na m-Bó & ár mór forrosom.

I1057.6

Mess mor isin bliadain sin & teid ar innilib & mucca &rl.

Annal I1058

I1058.0

Kl.

I1058.1

Enair for Tardain & aile h-uathaid fuirri.

I1058.2

Ben Muman ingen m. Congaile, rigan iarthair na h-Erend, dormiuit i n-Ard Ferta Brenain(n).

I1058.3

Dam liac Imlecha Ibair do loscud & in leth descertach na cille.

I1058.4

Tairdelbach h-Ua Briain do thabairt m. Maíl na m-Bó & Laigen & Osraige & Gall laiss do insaigid ar mc. m-Briain coro loiscset ermór na Machare co Luimnech & ro loiscset fir Muman fein Luimnech ar omun ind lochta aile dia loscud, & tucad debaid dóib oc intúd doib as coro marbad h-uathad dibsom & sochaide do feraib Muma(n) im h-Ua Lígda, airchinnech{folio 25d} Imlecha Ibair, & im macc Con Chorne, h-Éle, & im h-Ua Gébennaich, na Désse Bice.

I1058.5

Donnchad h-Ua Echach do marbad do Donndubán.

I1058.6

Máel Ísu h-Ua Flaind Chua quieuit in Christo.


p.218

I1058.7

Anmchad h-Ua Dunch[ad]a, ánchara Dé, quieuit i n-Inis Ausail.

I1058.8

Flaithem mc. Maíl Gaimrid, príméces h-Erend, quieuit in Christo i n-Ard Ferta Brenainn.

Annal I1059

I1059.0

Kl.

I1059.1

Enair for Aine & .xui. fuirri.

I1059.2

Mael Sechnaill h-Ua Bricc, na n-Désse, do marbad do Mo Chutu.

I1059.3

Mc. Tigernain h-Ui Ruairc do marbad.

I1059.4

Niall h-Ua Maíl Doraid, Ceneoil Chonaill, do éc.

I1059.5

Duarcán h-U Egra do marbad.

I1059.6

Dunadach h-Ua Inmaineain, airchinnech Tulcha Léis, quieuit.

I1059.7

Mc. Briain do dul co tech h-Ui Chonchobuir Chonnacht co tuc a réir h-uad eter séotu & muíne & additin & coro astad and ó Init co Caisc.

Annal I1060

I1060.0

B. Kl.

I1060.1

Enair for Sathurn & .xxiiii. fuirri.

I1060.2

Anad h-Ua Lochlainn,{folio 25e} Corcu Mdruad, do marbad.

I1060.3

Annud h-Ua Flaind, Eoganacht Locha Léin, do marbad.

I1060.4

Mc. Gelain, airchinnech Cluana h-Uama, quieuit.

I1060.5

Domnall Déssech, cenn crabuid & dérce na n-Goedel, & is he ro imthig do neoch imdeochaid Crist i talmain, quieuit in Domino h-i Tich Munnu.

I1060.6

Dub da Lithe, comarba Patraicc, do díchor & h-Ua Erudain do gabail dia éiss i n-apdaine.

Annal I1061

I1061.0

Kl.

I1061.1

Enair for Luan & .u. h-uathaid fuirri.

I1061.2

h-Ua Cathail, rígdomna Eoganachta Locha Lein, do thabairt a daim liac Achid Deo & a marbad iar sin.


p.220

I1061.3

Flaithbertach h-Ua Briain do marbad do Muirethach h-Ú Muirethaich.

I1061.4

Tadg h-Ua Briain do marbad do Chonchobur h-Ú Briain.

I1061.5

Muirethach h-Ua Muirethaich do marbad a fill.

I1061.6

h-Ua Cerbaill, rígdamna Eoganacht, do marbad.

I1061.7

Cell Da Lua do loscud do Áed{folio 25f} h-Ú Chonchobuir & tarraid Dia & Flannan fair.

I1061.8

Ruadri h-Ua Flaithbertaich d'innarba Aeda h-Ui Chonchobuir a h-iarthur Chonnacht, & rige iarthair Chonnacht do gabail dó iar sein, ocus in Ruadrí sin do marbad doridissi do h-Ú Chonchobuir.

I1061.9

Glenn da Locha do loscud eter templu & tige.

Annal I1062

I1062.0

Kl.

I1062.1

Enair for Mairt & .xui. fuirri.

I1062.2

Niall mc. Maíl Sechnaill, Ceneoil Conaill & Eogain, do éc fri commain & aithrige.

I1062.3

In Corrdam h-Ua Nechtain do marbad do Murchad h-Ú Briain.

I1062.4

Da h-Ua Fálbe, da rígdamna Corcu Duibne, do marbad do h-Uib Echach i m-Bui Bérre.

I1062.5

Dúnlang h-Ua Cind Faelad do marbad.

I1062.6

Tairdelbach h-Ua Briain & mc. Maíl na m-Bó do loscud na Machare & dram do muintir mc. Briain do marbad doib isin Chnamchaill.

Annal I1063

I1063.0

Kl.

I1063.1

Enair for Cétain & .xxuii. fuirri.{folio 26a}

I1063.2

Cathal mc. Donnchada, Raithlind, do marbad.

I1063.3

Niall mc. Eochada, Ulad, in hóc anno moritur.

I1063.4

Cú Dub h-Ua Failbe, Corcu Duibne, moritur.

I1063.5

Mc. Aichir, comarba Mo Chutu, quieuit in Christo.

I1063.6

Tairdelbach h-Ua Briain do gabail ríge Muman.

Annal I1064

I1064.0

B. Kl.

I1064.1

Enair for Dardaín & .ix. h-uathaid fuirri.

I1064.2

h-Ua Cairpri, Eoganachta Locha Lein, do marbad.

I1064.3

Dub dá Lithe, comarba Pátraic, quieuit in hóc anno.


p.222

I1064.4

Bas Ardgair m. Lochlaind, ríg Ailich.

I1064.5

Donnchad mc. Briain do dul do Róim.

I1064.6

Crech mór la Tairdelbach h-i Corcu Duibne & i n-Eoganacht conna taille a arim a tucad do buaib & indilib archena din chreich sin.

I1064.7

Mc. Ragnaill, Gall, quieuit in Domino.

I1064.8

h-Ua Cerbaill, Eoganachta, do marbad.{folio 26b}

Annal I1065

I1065.0

Kl.

I1965.1

Enair for Sathurn & .xx. fuirri.

I1965.2

Muiredach h-Ua Anmchada, h-Ua Liathain, moritur.

I1965.3

h-Ua Mathgamna, Ulad, do marbad.

I1965.4

Cluain Macc Nóis & Cluain Ferta do orgain do h-Ú Ruairc co feraib Bréfne imme, & Áed h-Ua Conchobuir, Connacht, do chor a n-áir ar Sinaind & ar tír.

Annal I1066

I1066.0

Kl.

I1066.1

Enair for Domnuch & óen h-uathaid furri.

I1066.2

In Finnsúilech, h-Ua n-Echach, do marbad.

I1066.3

Loingsech h-Ua Domnaill, aile h-Ua n-Echach, do marbad do Chorcu Duibne.

Annal I1067

I1067.0

Kl.

I1067.1

Enair for Luan & .xii. fuirri.

I1067.2

Diarmait mc. Maíl na m-Bó co Laignib & co n-Gallaib imme, & Tairdelbach h-Ua Briain co feraib Muman imme do dul for sluaged i Connachtaib ; & Conchubur h-Ua Conchobair, Ciarraigi Luachra, do marbad do Chonnachtaib{folio 26c} i Turloch Sampaite, oc(us) dano Aed h-Ua Conchobair Chonnacht do marbad do feraib Bréfne i cind certsechtmaine iar sain, & ár mór for Connachtaib. Tairdelbach h-Ua Briain co feraib Muman & Diarmait co LaignibChonnachtaib aníar & fir Brefne anair co tanic etardilgend in chuicid h-uile trít.

I1067.3

Mc. Raith mc. Con Duib, ardtuissiech Clainne Scandláin do Dál Chais, in t-athlaech as ferr tánic dar


p.224

h-éis Náir m. Gúare i crabud & i tidnacul bíd do bochtaib, quieuit in Christo i m-Mungarit.

Annal I1068

I1068.0

B. Kl.

I1068.1

Enair for Mairt & .xxiii. furri. Ind ochtmad bliadain .lx. ar míle ó Inchollugud Crist.

I1068.2

Murchad h-Ua Briain, rigdamna h-Erend & mc. ríg h-Erend, do marbad do feraib Tethba a boegul longphoirt ar n-dul a muintere h-uad lasna gabala & forlonn fer do immirt fair.{folio 26d} Mc. Con Chaille m. Cennétich, Muscraige Tíre, do marbad a róen ris & alii multi.

I1068.3

Cluain Ferta Brenaind do fássugud & a sruithe do thichtain i n-Iarmumain.

I1068.4

Cáin & rechtge do denam la Tairdelbach h-U Briain conna dernad h-i Mumain is cian h-uad cáin bad ferr conna tartad bó na h-ech dochum tige acht a l-lécud dia réir.

I1068.5

Tairdelbach h-Ua Briain do dul i l-Laignib co tuc seotu imda as, .i. claideb Briain & mergge ríg Saxan, & seotu imda archena ó Diarmait, o ríg Laigen.

Annal I1069

I1069.0

Kl.

I1069.1

Enair for Tardain & .iiii. h-uathaid fuirri. Ind nomad bliadain .lx. ar mile ó Inchollugud Crist.

I1069.2

Cobthach, sacart Cille Dara, quieuit in Domino.

Annal I1070

I1070.0

Kl.

I1070.1

Enair for Aine & .xu. fuirri; .lxx. annus ar mile ab Incarnatione Domini.

I1070.2

Murchad mc. Diarmata m. Maíl na m-Bó, {folio 26e} Gall & Goedel, mortuús est i n-Áth Chliath.

I1070.3

Glun Iairn mc. Diarmata m. Maíl na m-Bó do marbad do mc. Carthaich & do Galengaib & do thuasciur[t] h-Erend & dorochratar sochaide archena and sein.

I1070.4

In t-epscop h-Ua Bruic, comarba Senain, quieuit.

I1070.5

h-Ua Léce do éc iar n-impúd dó fria domun isint sechtmain chetna.

I1070.6

Cathassach mc. Cairpri, comarba Dechuin Nessáin, quieuit in Christo.


p.226

I1070.7

Mc. Gormain, fer legind Cluana Mc. Nóis & Cenannsa, quieuit in Domino.

I1070.8

Tairdelbach h-Ua Briain do dul i l-Laignib doridisi co tuc seotu imda as, & co tuc giallu Laigen lais & airther h-Erend im mc. n-Domnaill Remair mc. Maíl na m-Bó.

I1070.9

Domnall h-Ua Gilla Phatraicc do thuidecht i tech Tairdelbaich h-Ui Briain co r-ruc innarrad romór ó ríg Muman{folio 26f} do sétaib & muínib.

I1070.10

Donnchad mc. Achir, h-Ua Cormaicc & h-Ua Conaill, quieuit i n-Inis Cathaig.

Annal I1071

I1071.0

Kl.

I1071.1

Enair for Sathurn & .xxui. fuirri ; .lxxi. annus ar mile ab Incarnatione Domini.

I1071.2

Cath eter Laigniu, .i. eter mc. Murchada h-Ui Maíl na m-Bo & mc. Domnaill Remair, co torchair and Tadg h-Ua Riain, h-Ua n-Dróna, & alii multi.

I1071.3

Sluaged la Tairdelbach h-Ua m-Briain h-i Laignib & h-i m-Mide co tuc giallu Laigen & Mide & conos tuc i l-laim Diarmata m. Mail na m-Bó.

I1071.4

Mc. Rígbartáin, Éle, do marbad.

I1071.5

Crech mór la h-Ú Briain coro marbad Fer Cell and, .i. mc. Gillai Brigte.

I1071.6

Diarmat mc. Maíl na m-Bó, Laigen, do thichtain la Tairdelbach h-Ua m-Briain h-i Mumain co farcaib bennachtain ic feraib Muman.

I1071.7

Tinol fer Muman la Tairdelbach{folio 27a} h-Ua m-Briain, la ríg Muman, co n-dernsat drochet Átha Caille & drochet Cille Da Lua ra cóicthiges.

I1071.8

Ruadrí Ua Cannannáin, ri Ceneóil Conaill, do marbad in hoc anno.

Annal I1072

I1072.0

Kl.

I1072.1

Enair for Domnuch & .uii. h-uathaid fuiri.


p.228

I1072.2

Diarmait m. Mail na m-Bó, Laigen & Osraige, do marbad h-i Mide a cath, .i. do h-Ú Maíl Sechnaill & do h-Ú Briain, & sochaide mor do Laignib & do Gallaib do thoittim immalle fris, & Gilla Patraicc h-Ua Fergail, Fortuath Laigen, do thuittim and. Da bliadain déc ar .iii. fichib ar mile ó gein Crist co bás Diarmata m. Mail na m-Bó.{folio 27b} Inde dixit s(ap)iens:

    1. Tri fichit da bliadain déc,
      árim diamair ar deich cét,
      o gein Crist, cid fiam fata,
      co eitsecht dian Diarmata.
    2. O bás Briain, ni briathar gó,
      co marbad m. Maíl na m-Bó,
      dia tuillter in bliadain tic,
      cia thuinggter, it trí fichit.

      Tri fichit da bliadain déc.

I1072.3

Caillech Cille Dara quieuit in Christo.

I1072.4

Tairdelbach h-Ua Briain do dul i n-Osraige & i l-Laigne coro loisc h-Ú Cennselaich & co tuc brait móir & as, & co tuc a n-giallu & giallu Laigen olchena, & co tucsat Gaill ríge Átha Cliath dó, & co tuc mc. n-Domnaill m. Maíl na m-Bó ra láim i n-Áth Cliath, & co tuc giallu Osraige don chur sin.

I1072.5

Conaing h-Ua Briain do dallad la Tairdelbach.

I1072.6

Tanic dano mc. Conchobuir h-Ui Maíl Sechnaill, ríg Temrach, & Goffraid mc.{folio 27c} meicc Ragnaill, .i. Átha Cliath, & Domnall mc. Gillai Phatraicc, ri Osraige, i tech Tairdelbaich h-Ú Briain, ríg Muman, co tucsat attitin & ardrige do Thairdelbach.

Annal I1073

I1073.0

Kl.

I1073.1

Enair for Mairt & .xiiii. furri. In tres bliadain sechtmogat ar míle o Inchollugud Crist.


p.230

I1073.2

Conchubur h-Ua Maíl Sechnaill, Temrach, do marbad a fill do mc. a brathar, .i. do mc. Flaind h-Ui Maíl Sechnaill, & bachall Ísu ina láim. Ro lá h-uad in bachaill & ro ling cosin ríg conro marb.

I1073.3

Slúaiged la Tairdelbach h-i Mide co tuc laim tar airther Mide & dar Gailengga & dar feraib Breg conna toracht riam Mumain etal bad mó do duinib na h-innilib. Geill fer Mide iar sein do thorachtain dó coa thech.

I1073.4

Sluaged iar sin la Tairdelbach i Connachtaib{folio 27d} co tuc giallu o h-Ú Chonchobuir a h-iarthar Chonnacht, & giallu h-Ú Ruairc & fer m-Brefne.

Annal I1074

I1074.0

Kl.

I1074.1

Enair for Cetain & .xxu.iiii. fuirri. In chethramad bliadain sechtmogat ar míle ó Inchollugud Crist, & bliadain nomaide fichet for Kl. Enair.

I1074.2

Diarmait mc. Maíl Brenaind, comarba Brenaind, quieuit in Christo i n-Ard Ferta.

I1074.3

Flaithem h-Ua Caroc, abb Ruis Chré, quieuit.

I1074.4

Mael Mórda, comarba Imlecha Ibair, quieuit.

I1074.5

Cormacc h-Ua Muil Dúin, ánchara Dé, quieuit.

I1074.6

Fland h-Ua Angeda quieuit i Cill Da Lua.

I1074.7

Ardd Macha do loscud eter tige & templu.

I1074.8

Anaill do tigib do loscud i n-Ard Pátraic.

I1074.9

Gilla Brenaind h-Ua Lémine, airchinnech Letrach Odrain, quieuit in Christo.

Annal I1075

I1075.0

Kl.

I1075.1

Enair for Tardain & .x. fuirri. In choiced bliadain sechtmogat ar míleó Inchollugud Crist.

I1075.2

Goffraid h-ua Regnaill, Átha{folio 27e} Cliath, do innarba dar muir do Thairdelbach h-Ua Briain, & a éc re muir anall ar tinól mórloingse dochum n-Erend.


p.232

I1075.3

Mc. Murchada h-ui Mail na m-Bó do gabail ríge Atha Cliath & a éc isin bliadain chétnai.

I1075.4

Ríge Átha Cliath do gabail do Muirchertach mc. Thairdelbaich h-Ui Briain.

I1075.5

Epscop Lothra do eitsecht i n-Inis Faithlind, .i. Aicher h-Ua Domnallain.

I1075.6

Cellach Corcrain quieuit i l-Liss Mór.

I1075.7

Mes mór i n-Erind isin bliadain sin.

Annal I1076

I1076.0

B. Kl.

I1076.1

Enair for Aine & .xxi. fuirri. Int sessed bliadain sechtmogat ar mile ó Inchollugud Críst.

I1076.2

Ruadri h-Ua Conchobuir, Connacht, do chumrech la Tairdelbach cora h-oslaiced de & co ruc innarrad a dingbála ó h-Ú Bríain.

I1076.3

Flathbertach mc. Luim Laene, in fer legind & anchara Dé, quieuit in Christo i l-Lis Mor.{folio 27f}

I1076.4

Céle mc. Donnacáin, cenn crabuid h-Erend, quieuit in Christo h-i Glind da Locha.

I1076.5

Domnall Conaillech quieuit in Christo h-i Lethglind.

I1076.6

Macc Flaind h-Ui Mail Sechnaill do marbad a fill do mc. meicc Maeláin h-Uí Leocain; h-i clocthich Cenannsa, & a marbadside fo chetóir re cind da mís i n-ainech Coluim Chille.

I1076.7

Gormlaith ingen h-Uí Fócartai, rigan Muman, ben Tairdelbaich h-Ui Briain, quieuit h-i Cill Da Lua, & sepulta est i n-Inis Celtra.

Annal I1077

I1077.0

Kl.

I1077.1

Enair for Domnuch & .ii. h-uathaid fuirri. Int sechtmad bliadain sechtmogat ar míle o Inchollugud Crist.

I1077.2

Donnchad h-Ua Flaind, Eóganachta Locha Léin, do marbad do h-U Cherbaill ic tíchtain a tich h-Ui Briain a Cind Chorad & a innarba ind.

I1077.3

Máel Maith h-Ua Lachtnáin ancharaquieuit i Cill Da Lua.{folio 28a}

I1077.4

Loingsech h-Ua Conaire, in t-huasalsacart & in sruithsenóir & in mac óge, quieuit in Christo i Cill Da Lua.


p.234

I1077.5

Cathal mc. Donnaccain dona Désib, in t-uasalepscop, quieuit in Christo h-i Maethail Brócáin.

I1077.6

Isin bliadain sin ro gab sinech inna h-innile co adbol & co n-gaibed cid na dóene díb, .i. cnuicc imda.

I1077.7

Gaeth mór isind fogomor inna bliadna sin coro mill in n-arbor co mór.

Annal I1078

I1078.0

Kl.

I1078.1

Enair for Luan & .xiii. fuirri. In .uiii. bliadain sechtmogat ar mile o Inchollugud Crist.

I1078.2

Coibdenach Ultach, in sruithsenóir & in craibdech as dech ro thecht h-Eriu, quieuit i n-Imlich Ibair.

I1078.3

Conchobur h-Ua Briain do marbad a fill i Ceneul Éogain iar n-gabáil rige and, & in fer ro marb do marbad fo chetoir; ocus Cennetich h-Ua Briain do gabail ríge dia éis.

I1078.4

h-Ua Laidcneáin, Airgiall,{folio 28b} do marbad.

I1078.5

Donn Slebe h-Ua Eochada do athrígad co toracht tech Tairdelbaich h-Ui Briain, ocus in Meranach h-Ua Eochada do gabail rigedia eis.

I1078.6

Cend Foelad h-Ua Dúngalaig, Muscraige Tire, do ec.

Annal I1079

I1079.0

Kl.

I1079.1

Enair for Mairt, & xxiiii. fuirri.

I1079.2

In t-epscop h-Ua Suarlich quieuit i n-Ard Phatraicc.

I1079.3

Coicer Iudaide do thichtain dar muir & aisceda leo do Thairdelbach, & a n-díchor doridisi dar muir.

I1079.4

Sluaged la Tairdelbach h-Ua m-Briain diaro oircit Inse Mod & dia n-dernait uilc imda aile

I1079.5

Da h-Ua Flaithbertaich do marbad.

Annal I1080

I1080.0

B Kl.

I1080.1

Enair for Cetain & .u. h-uathaid fuirri.

I1080.2

Donn Slébe h-Ua Eochada do gabail ríge Ulad.

I1080.3

h-Ua Cind Faelad, {folio 28c} na n-Désse, do dul (do) Hierusalem.


p.236

I1080.4

Diarmait h-Ua Briain do brith loingsi h-i m-Bretnaib co tuc étáil moir as.

I1080.5

Sluaged la Tairdelbach h-i Laignib & h-i m-Mide co tuc lais h-Ua Mail sechnaill, ríg Mide, co Luimnech.

Annal I1081

I1081.0

Kl.

I1081.1

Enair for Aine & .xui. fuirri. In chétna bliadain ar ochtmogait ar mili ó Inchollugud Crist.

I1081.2

Fland Cuilleain, fer legind Imlecha Ibair, quieui(t).

I1081.3

Gall na Gorta h-Ua Mathgamna do marbad i n-Dún da Lethglas do Dund slebe h-Ú Eochada.

I1081.4

Corcach & Cell Da Lua & Mungarit & araili cella do loscud isin bliadain so.

I1081.5

Ulad do thíchtain i tech Tairdelbaig h-Ui Briain, .i. co ruc innarrad h-uad.

I1081.6

Dúnchad h-Ua Bruic, comarba Senain & sui ecnai na h-Erend, quieuit in Christo.{folio 28d}

I1081.7

(Coinnecan) h-Ua Flaind, comarba Brenaind, quieuit in Christo.

I1081.8

h-i r-Roim Letha finiuit uitam s(uam).

Annal I1082

I1082.0

Kl.

I1082.1

Enair for Sathurn & .uii. fichet fuirri.

I1082.2

Cathal h-Ua Conchobuir, rígdamna Connacht, do marbad do Ruadri h-U Chonchobuir.

I1082.3

Cend Faelad h-Ua Ócain do Dál Chaiss do gabail chomarbuis Brénaind do éiss h-Uí Flaind.

Annal I1083

I1083.0

Kl.

I1083.1

Enair for Domnuch & .ix. h-uathaid fuirri.

I1083.2

Tadg h-Ua Taidg, comarba Flannáin, quieuit in Christo.

I1083.3

Aed Ua Mail Seg[n]aill fini[u]it uitam.

Annal I1084

I1084.0

B. Kl.

I1084.1

Enair f[or] Luan & .xx. fuirri.


p.238

I1084.2

Sluaged la Tairdelbach h-Ua m-Briain i Leth Cuind do Saigid m. Cailich h-Ú Ruairg. Conchobur h-Ua Cétfada do éc fri adart forsint sluagud sin; co n-deochatar da mc. Thairdelbaich, .i. Tadg & Murchertach, coro loiscsetar ferand m. Cailich, co tancatar muinter m. Cailich & mc. Airt h-U Ruairg a tuaid{folio 28e} coro loiscset Cill Da Lua & Tóm Grene & Mag n-Éo. Tanic mc. Cailich co sochraite Lethi Cuind coro loisc Fini Gall. Tanic Muirchertach h-Ua Briain mc. Tairdelbaich co sochraite fer Muman & Laigen & Gall co rolsat cath co roemaid ré Muirchertach mc. Thairdelbaich coro marbad mc. Cailich h-Ui Ruairc & co torchratar .u. h-Ui Briain a róen ri macc Cailich im Chennetich h-Ua m-Briain & alii multi.

Annal I1085

I1085.0

Kl.

I1085.1

Enair for Cetain & oen h-uathaid furri.

I1085.2

h-Ua Selbaich, comarba Barri, quieuit in Christo. Mc. Bethad h-U Ailgenain do Dál Chais do gabail dia éis.

Annal I1086

I1086.0

Kl.

I1086.1

Enair for Dardain & .xii. furri. Bliadain tanaise fuir bisex.

I1086.2

Máel Ísu h-Ua Brolachain do muintir Aird Macha, in sruithsenoir & in t-ardsuí na h-Erend, quieuit i l-Liss Mór Mo-Chutu.{folio 28f}

I1086.3

Mc. Bethad h-Ua Conchubair, Ciarraige Luachra, mortúus est.

I1086.4

Tairdelbach h-Ua Briain, h-Erend, quieuit i Cinn Chorad.

I1086.5

In Mumu do roind h-i trí eter trí maccu Tairdelbaich, .i. Tadg & Murchertach & Diarmait.

I1086.6

Da h-Ua Muirchertaich, da rig Eoganachta, & Cathal h-Ua Conchobair, Ciarraige Luachra, cach dib do marbad araile.

I1086.7

Tadg mc. Tairdelbaich h-Ui Briain do éc i Cind Chorad i l-lepaid a athar, & Diarmait h-Ua Briain do innarbu a Mumain, & Murchertach h-Ua Briain do gabail rige Muman.


p.240

Annal I1087

I1087.0

Kl.

I1087.1

Enair for Aine & .xxiii. fuirri.

I1087.2

Cathal h-Ua Cetfada do marbad i n-Osraige.

I1087.3

Niall h-Ua Cétfada do éc i l-Lumniuch.

I1087.4

Cath eter Connachtaib co torchair and mc. Airt h-Ui Ruairc.

I1087.5

Maidm re Muirchertach for mc. n-Domnaill Remair oc Ráith Étair.{folio 29a}

Annal I1088

I1088.0

B. Kl.

I1088.1

Enair for Sathurn & .iiii. h-uathaid fuirri.

I1088.2

Longges la Diarmait h-U m-Briain timchell coro chrechsat Cluain h-Uama & co rucsat minna Barre a Cill na Clerech, & co tarrassa & corro marbait da cét díb.

I1088.3

Sluaged la Laigniu & la mc. n-Domnaill Remair co Port Lairge, & Enda mc. Diarmata isin dún & mathe Desmuman, & femdisset Laigin dul arin dún, & maidis for mc. n-Domnaill oc Inis Temle & ár fair.

I1088.4

Sluaged la Muirchertach i l-Laigniu, co táncatar Leth Cuind dara h-éssi coro loiscset Luimnech & Mungarit & coro múirset cathir Cind Chorad & co rucsat bragti as.

Annal I1089

I1089.0

Kl.

I1089.1

Enair for Luan & .xu. fuirri.

I1089.2

Murchertach h-Ua Briain do dul ar creich h-i Mide co ragaib longphort oc Loch Annind, & co tanic & as saide i l-Laigniu corro marbad mc. Domnaill lais, & co ragaib rige Laigen & Átha Cliath & coro chumrig Enda mc. n-Diarmata.

I1089.3

Sluaged la Muirchertach h-Ua m-Briain h-i Connachta co slaided ind Ruadbethech lais, & co r-ragaib longphort oc Loch Cimme.

Annal I1090

I1090.0

Kl.

I

Enair for Mairt & .xxui. fuirri.


p.242

I1090.2

Máel Dúin h-Ua Rebachain, comarba Mo-Chutu, quieuit in Christo.

I1090.3

Donnchad mc. Domnaill h-Ui Gillai Phátraic do marbad.

Annal I1091

I1091.0

Kl.

I1091.1

Enair for Cetain & .uii. h-uathaid fuirri.

I1091.2

Mc. Duib da Bairend h-Ui Domnaill do marbad da brathair a fill & minna h-Erend ettarru, & a marbadsom fo chetoir.

I1091.3

Cath eter Ultu & Cenel n-Éogain, & Dond Slébe h-Ua Eochada, Ulad, do marbad and, ocus Donnchad h-Ua Eochada do rigad iarum.{folio 29c}

I1091.4

Cainchomrac h-Ua Cel( ) do Cheneul Eoga(in ), in macc óge & in t-h-uasalsacart & bruinndalta Muíl Ísu h-Ui Brolachain, quieuit in Christo h-i Cluain Findglaissi h-i Muscrugu Breogain.

I1091.5

Mael Ísu, comarba Pátraic, quieuit in Christo.

Annal I1092

I1092.0

B. Kl.

I1092.1

Enair for Dardain & .xuiii. furri.

I1092.2

In Craibdech h-Ua Fallamain quieuit in Christo & mersus est.

I1092.3

Ruadri h-Ua Conchobuir, Connacht, do dallad do h-Ú Flaithbertaich a fill, & Murchertach h-Ua Briain do gabail ardrige Chonnacht, & Diarmait h-Ua Briain d'innarba co h-Ultu.

I1092.4

Enda mc. Diarmata do marbad d'Uíb Censelaich.

I1092.5

Sluaged la Muirchertach h-Ua m-Briain h-i Laigniu co tanic h-Ua Conchobuir Failge ina thech.

I1092.6

[H2] Mael Ísu h-Ua h-Arrachtáin, comarba Ailbe, quiebit in Christo ina chrabud i n-Imlig Ibuir.{folio 29d}

I1092.7

Murethach m. Carthaig, ri Eoganachta Caisil, mortúus est.

I1092.8

Cormac Manistrech, in t-uasalepscobb & in sruithsenoir h-Erenn, quieuit in Christo i Cluain Iraird ina ailithre.


p.244

I1092.9

Connmach h-Ua Cairill, in t-uasalepscop & in sruithsenoir aile, quieuit in Christo i nInis da Drumman.

I1092.10

Donnchad m. Carthaig, Eoganachta Caissil, do marbad do Chellachán h-Ú Chellacháin.

I1092.11

Sicc romór & snechta i n-deriud inna bliadna so & i tosach sequentis anni.

I1092.12

h-Ua Carráin, airchinnech Cluana h-Úama, quieuit in Christo.

Annal I1093

I1093.0

Kl.

I1093.1

Enair for Sathurn & .ix.xx. fuirri.

I1093.2

Sluaged la Muircherdach h-Ua m-Briain i Connachta co táncatar Síl Murethaig ina airecht{folio 29e} & coro chumrig m. Cathail h-Ui Chonchobair, ríg Síl Murethaig, & co n-deochaid h-Ua h-Edin i n-atharda co h-Ua Chonchobair Chonnacht & co tard h-Ua Briain ríge Síl Murethaig dó.

I1093.3

Mac Flaind h-Ui Mail Sechnaill, Temrach, tánic i tech h-Ui Briain co Luimnech.

I1093.4

Comdal ic ríg Ailig, .i. m. meic Lochlainn h-Ui Mail Sechnaill, & ic h-Ú Eochoda, ic ríg Ulad, h-ic Dornann Dabaill for brú Locha Echach, & co n-dersat chomluge fó minnaib imdaib im Bachaill Ísu tre chombaig i n-agid h-Ui Briain & Lethe Moga.

I1093.5

Rés mac Seothair, Bretan, & Turcaill mac Éola do marbad do Rancaib.

I1093.6

Mac Cathail h-Ui Chonchobuir {folio 29f} da rabe (i n-gemiul) for bru Lumnig, a marbad do muintir h-Ui Flaithfertaig.


p.246

I1093.7

h-Ua Conchobair Chonnacht & Síl Murethaig do impúd ar h-Ua m-Briain.

I1093.8

Sluaged la Muircherdach i Connachta co tuc da .xx. déc bó ó h-Ú Lathfertaig i cumalaib meic Cathail, & cor oirg & coro marb sochaide do Síl Murethaig isin n-impúd & coro chuimrig h-Ua Conchobair, a r-ríg.

I1093.9

Gáeth mor isin bliadain sein co tall a barr dond arbor co m-mór & coro bris na crunnu co m-mór.

I1093.10

Teidim mór in hóc anno, .i. cóir tessaide, corro marb ár mór do duinib.

I1093.11

Diarmait m. Tairdelbaig h-Uí Bríain do thíctain i tech Muirchertaig, .i.{folio 30a} a brathar, & co n-dersat síth & chomluge i Cassiul & i l-Lis Mór fo minnaib h-Erenn im Bachaill Ísu i fiadnaisi h-Uí Énnai & mathi Muman.

I1093.12

Mac Fir Gráid h-Ui Chatháin, airchinnech Ratha Maige Meic h-I, quieuit in Christo.

I1093.13

Mael Coluim mac Donnchada, Alban, & a mac do marbad do Rancaib a boegul chatha, & Margaréta, .i. a ben, do éc da chumaid.

I1093.14

h-Ua Nialláin, comarba Crónáin & Chiaráin, in t-escobb & in sruthsenóir, quieuit in Christo.

Annal I1094

I1094.0

Kl.

I1094.1

Enair for Domnuch ocus dechmad furri.

I1094.2

Coccad mór isin bliadain [ ] eter h-Ua m-Briain ocus Leth Cuind & Gofraid, ríg Átha Cliath, co n-deochaid Murchertach for sluagud co h-Áth Cliath goro chumrig h-Ua Conchobair Failgig, & cor innerp Gofraid a h-Áth Cliath, ocus co{folio 30b}ro marbad mac Flainn h-Ui Mail Sechnaill, Mide, lais don sluagud sain, & coro ríg mac Mail Sechnaill dá ésse co tánic co sid ocus choscur.

I1094.3

Sil Murethaig do chor áir móir for Corco Mbruad & for iarthur Connacht, ocus h-Ua Flaithfertaig & h-Ua Conchobair meic Maíl Sechnaill do élúd ass.


p.248

I1094.4

[H3] Donnchad mc. Mail Coluim, Alban, ocisus est o Domnall mc. Donnchada. In Domnall sin dano do gabáil rige Alban iar sein.

I1094.5

Macc Congail, na Rend, do marbad.

I1094.6

Ruadri h-Ua Donnocán, Arad, quieuit in penitentia.

I1094.7

h-Ua Corcráin, comarba Brenainn Cluana Ferta, quieuit.

I1094.8

Forbais fer Muman h-i Maig Léna ic Murchertach i n-agid fer Mide, & is amlaid doróne Muirchertach in forbas:{folio 30c} (Mid)e uile do loscud & a tuisecha d'f(er)aib Muman co(ro innar)bait iarthar (Midi) & fir Tethba (o Sléi)b Carpri sair & h-i Tir Briuin sis. Fir Mide do rainn i n-dé eter Donnchad Ua Maíl Sechnaill & Conchobar mc. Mail Sechnaill, & geill uadib a n-dis do Muirchertach.

Annal I1095

I1095.0

Kl.

I1095.1

Enair for Luan & xxi. fuirre.

I1095.2

Snechta & seac mor comdar cuisse abne & primlocha h-Erend, & díth mór forsna chethraib in hoc anno.

I1095.3

Forbais fer Muman ic Dún Táis o Notlaic Bic co Feil Maire Gemrid, & coblach mór accu for Loch Rí co tucsat a r-reir o Conmacnib & ó Sil Muirethaig.

I1095.4

Dondchad h-Ua Eochada, Ulad, do athrigad & a innarba h-i Cenel n-Eogain & Goll Garbraige do gabáil ríge Ulad.

I1095.5

Crech la Cenel n-Eogain & la Dondchad h-Ua n-Eochada i n-Ultu conos tartatar Ulaid{folio 30d} & co tucsait maidm forro & cora lad a n-ar.

I1095.6

Donnchad mc. Flainn h-Ui Ma[í]l Sechnaill, iarthair Mide, do thaidecht h-i t-tech Muirchertaig co ruc fichit unga d'ór h-i tuarastal ó h-U Briain.


p.250

I1095.7

Senóir mc. Mail Mo-Lua, primánchara h-Érend, uitam suam feliciter finiuit i n-Dún da Lethglas.

I1095.8

Gilla Crist H. Ruadri, primanchara do h-Uib Tairdelbaig, quieuit hi Corcaig.

I1095.9

Sluaged ic Muirchertach & ic Leit Moga h-i Connachtu co Mag n-Aí co tucsat Conmaicne & Síl Muirethaig debaid do marcsluag fer Muman co roemaid for Connachtu, coro marbad and mc. Cathail h-Ui Conchobuir, rígdamna Connacht & ali multi.

I1095.10

h-Ua Egra, Lugne,{folio 30e} do marbad do Ceneul Dubáin, & Lugne & iarthar Connacht do fassugud & do taidecht h-i Mumain.

I1095.11

Foslongphort h-ic Muirchertach h-i Maig h-Oa Fiacrach o medon samraid co Feil Michil coro inarbait les Sil Muirethaig & Conmacne a Mag Aí & a Maig Luirg isin DubBréfne sís, co tanic iar sein h-Ua Ruairg h-i teg Muirchertaig & co tucad ardrige Connacht do acht h-Ui Fiacrach & h-Ui Mane & Lugne, & tucad giall cach tellaig o Conmacnib & ó Sil Muirethaig do Muirchertach.

I1095.12

h-Oa Cobthaig, h-Umaill, do marbad.

I1095.13

Mortlaith mór for feraib h-Erend conna talla a árim inro marb do doiníb. Is e in teidm sin ro marb Domnall mc. Matudain, ríg h-Oa n-Echach; & Domnall mc. Béollan, fluíth{folio 30f} Dune na Sciach; & Finn h-Ua Dúngalaig, rígdamna Muscraige Tire; & Mc. Iairrn h-Ua Conneán, máer Airmuman; & h-Ua Matudáin, Síl Anmchada; & Dubslatach h-Ua Muirethaig & Roen h-Ua Follommain, dá toisech Clainne Fuatach; Gobraith, ríg Atha Cliath & Inse Gall; Muirchertach Ua Cairre, muire Ceneuil Eogain Tulcha Óc; Muirchertach mc. Domnaill mc. Gillai Patraic, rígdomna Osrige; Mael Pátraic episcopus Aird Macha; Dubthach H. Sochaind, suisacard na Ferta i n-Ard Macha; Mael Brigte H. Brolcain, .i. mc. Mail Issu;


p.252

Donnigus h-Ua Aingliu, episcopus Atha Cliath; & in t-epscop H. Cethernaig, abb Ferno Moire; & in t-epscop Mail Chuarain; & h-Ua Manchain do muintir Glinne do Lacha; & h-Ua Rinnanag, fer{folio 31a} léginn Lethglinne; Scanlán h-Ua Cnamsige, anchorita; & Donnchad .H. Ferchair, secnap Lis Moir; & Moel Muad mc. meic Clothnai, abb Cluana h-Uma; & h-Ua Maíl Mune, abb Inse Cathaig; & in sacard .H. Gerruidir & Gilla na Nóem .H. Ennae do muntir Cille Da Lua; & h-Ua Ábartaig, abb Maige h-Eo; & Eogan, cend manach na Gaedel h-i Roim; & Dub Coblaig ingen Gillai Patraic; & Dub Coblaig ingen Domnaill Ruaid h-Ui Briain; & ingen .H. Lugda, maithir .H. Flathbertaig, ben Donnchada .H. Aichir.

I1095.14

Mes mór dano in hóc annó.

Annal I1096

I1096.0

B. Kl.

I1096.1

Enair for Mairt ocus eaile uath[aid] furri.

I1096.2

Ua h-Anbith, h-Ua Méith & fer Fernmaige, do éc.

I1096.3

Tinól h-Ua Meith i n-hU Echach Ulaid for crich corrgbaisset bú, conos tártha[t]ar{folio 31b} h-Ui Echach cor ralsat ár h-Ua Méith, coro marbad and mc. h-Ui Ainbith & ali multi.

I1096.4

Dúngal mc. Brain Bricc, na Cland, finnuit uitam i l-Lis Mór Mo-Chutu.

I1096.5

[H4] Mathgamain h-Ua Ségdai, ri Corco Duibne, quieuit in Christo.

I1096.6

Donn Slebe h-Ua Donnocáin, Muscraige Mittaine, quieuit in Christo.

I1096.7

Conchobor h-Úa Anmchada, ri h-Ua Liathain, quieuit in Christo.

I1096.8

Luimnech do loscud do thenid d'áit h-i prid-Kl. Apréil.

Annal I1097

I1097.0

Kl.

I1097.1

Enair for Tardain & .xiii. fuirri.

I1097.2

Tadg m. Ruadri do marbad.


p.254

I1097.3

Carpri h-Ua Sita, ollam brethemnais h-Erend, quieuit in Christo.

I1097.4

Mc. M. Raith filed quieuit in Christo.

Annal I1098

I1098.0

Kl.

I1098.1

Enair for Aine & xxiiii. fuirri.

I1098.2

Flaithbertach h-Úa Flaithbertaig, ri iarthair Chonnacht,{folio 31c} do marbad.

I1098.3

Mael Isu h-Ua Stuir quieuit in Christo.

  1. Mili bliadan & chet
    acht da bliadain, noco br(ec),
    o gein Crist i m-Bethil bain
    co bass (Mail Isu comláin).

I1098.4

Mael Broenaind h-Ua Dunnin, fer leginn & fosairchinnech Aird Ferta Brenainn, quieuit in Christo.

I1098.5

Domnall h-Ua h-Enne, ardsui ecnai & ardepscop h-Erend & cenn ainig & dérce íarthair Eórpa, quieuit in Christo.

I1098.6

Mc. Raith h-Ua Erodain, epscop Aird Ferta Broenainn, quieuit in Christo.

Annal I1099

I1099.0

Kl.

I1099.1

Enair for Sathurn & .u. h-uathaid fuirri.

I1099.2

Donnchad h-Ua Aichir, cenn ainig Taúadmuman, quieuit.

I1099.3

Murchad mc. Con Mara mc. Domnaill quieuit.

Annal I1100

I1100.0

Kl.

I1100.1

Enair for Domnuch & .xui. fuirri.

I1100.2

Conn mc. Gillai Buide quieuit in Christo.

I1100.3

h-Ua Lígdai, senóir h-uasal, quieuit in Christo.

I1100.4

Gilla na Noeb h-Úa Conchobair l^ h-Ua h-Edin quieuit.

I1100.5

Macc Domnaill h-Ui Chuirc, Muscraige Breogain, mortuus est.

I1100.6

[H5] Domnall mac Meic Lochlaind, Ailig, do chumrech


p.256

Don[n]chada h-Uí Eochada,{folio 31d} ardrig Ulad, ocus géill ro thog fein do thabairt ó Ultaib iar sen.

I1100.7

[H6] Argain Fine Gall o U Lochlainn co Ath Cliath.

I1100.8

Murcertach Ua Briain co h-Ess . . . . co ragaib in n-abaind .... ris ....

I1100.9

Cath eter Cenel Lugdach fén du i thorchair Ua Domnaill, Ceneuil Lugdach, & Máel Goan Ua Loi[n]gsich & a mc., & alii multi , & Ua Maeil Gaithe i frithguin.

I1100.10

Echri Ua Maeil Maire, Chiannacht, do marbad o mc. Taidg U Chonchobair i quintticim Kl. Enair.

I1100.11

Derthach Bothe Medba do loscud.{folio 31e4}

Annal I1101

I1101.0

Kl.

I1101.1

Enair for Mairt & xxuii. fuirri. In cétna bliadain fúir [bissex] & iss i sein bliadain is ferr tainic eter blict & arbur & soininn.

I1101.2

Slóigged mór la Morcertach mc. Tairdelbaich timchell h-Erenn coro mil Oelech & Cúil Rathain ic Thuaig Inbir & co tuc giallu Ullad, & co tanic reme tar Slige Midluacra. Iss ann sein tainic longeas timchill . . . . a thuaid coro milsetar Inis Cathtaig & co rucsatar seutu ímdai esti & co dersatar ulchu imdai aile.

I1101.3

Crech mór do denaim d'Uib Echcach Ullad for munthir Aird Macha, & .xxiiii. do lucht na cille do marbad.

I1101.4

Fir Mide & Gale[n]ga do dul ar creich co feraib Fernmaige{folio 31f} & ár mór do chur d'eraib Fernmaige forru, & Donnchach Ua h-Eochuda do légud d'U Lochlain as . . . . coro milsetar immale Ullthu.

I1101.5

Ar mór for innilib isin bliadain [gap: four and a half lines expunged] i Leith Moga.


p.258

Annal I1102

I1102.0

Kl.

I1102.1

Enair for Cetain & .ix. uathaid fuirri. In dara bliadain ar cét ar míle o Incollugud cosin bliadainsa i tam.

I1102.2

Mac Tigernain h-U Ruai[r]g do marbad da bráthair a fiull.

I1102.3

Ros Aelethir do argain [gap: a line expunged?] & Corco Luigde i n-digail mc. na h-erluime Ú Cellaich, & in luucht doroine na h-argne do thabairt do Morcertach i l-laim muinntire Ruis i n-onóir Chainic & Factnai.

I1102.4

[H7] Crechsluged dochoid Murcertach h-Ua Briain go Fochoirt Muirtheimne.

I1102.5

Macc Meic Lochlainn co Cenal Eogain dochotar i n-Ultaib{folio 32a} cor imred baegul longfoirt forru, cor marbad and Carrci Brachidi, .i. h-Ua Mail Ábaill, & mc. Conraích meic Eogain & alii multi .

I1102.6

In quo anno doróne Muircheartach h-Ua Briain clemnas re Francaib & Lochlannchaib.

I1002.7

Mugrón h-Úa Mongair, fer leginn Aird Macha, quieuit i Mungarit.

I1102.8

In Dall h-Ua Conchoir Ailgich quieuit i Cill Dara.

Annal I1103

I1103.0

Kl.

I1103.1

Enair for Tardain & .xx. furri. In tres bliadain ar .c. ar mile o Inchollogud.

I1103.2

Conchobor h-Ua Etarsceóil, Corco Laigde, mortuus est i r-Rus Ailithir.

I1103.3

Muirchertach h-Ua Briain ruc sluaged co h-Ardd Macha co feraib Érend ime co rabi sechtmain and, co nechaid ass i m-Mag Coba, coro rainn i tri, coro leic


p.260

Des Mumain dia tigib, co n-dechaid fein ar crechaib i n-Dáil n-Araide & coro marbad Donncad mc. Tairdelbaig h-Uí Briain & Conchobor{folio 32b} h-Ua Conchoir mc. ríg Ciarraige Luachra, & Petta Demuin h-Ua Beoáin & ali multi don chreich sein.

I1103.4

[H8] Cath Maige Cóba for Laignib & for Osraigib do és Muircertaig in quo ceciderunt multi inter quos erant nobilisimi uiri, .i. Gilla Patraic Ruad Osraige, & Mc. Gillai Mo-Colmóc, & da mc. Maíl Mordai U Domnaill, & Cellach U Domnaill, & Ua Muiredaich rígdamna Ciarraige & a mc., & Dond Cuan Ua Dubcinn, & in Gilla Find Ua Fálbe, & Gilla Senáin Ua Aeda, & mc. Ragnail U Dedaid, & ali multi, & da mc. Éricc Inn do muintir Atha Cliath, & Pól mc. Amuind, & Béolán Gall.

I1103.5

Magnus, ri Gall, do marbad do Ultaib tria baegul.

I1103.6

Macc Ui Etersceoil, Corcu Luigde, co lucht and, .i. .xx.u., do techt for farrge, (&) gan fess a nula na i n-aigh(e)dha na h-neis.{folio 32c}

I1103.7

Macc Meic Senain, ri Galeng, do marbad do Charb[r]i U Ciardai & a n-ársom do cur in eodem loco. Mc. Maeil Sechnaill do guin don turuus sin.

I1103.8

Tech do loscud for Ua Flainn Ardda in qua ceciderunt multi, & mulier eius & princeps illius domus.

Annal I1104

I1104.0

Kl.

I1104.1

Enair for Aine & óen h-uathaid furri, & in cethramad bliadain ar cét ar mile o gen Crist, & bliadain bisich.


p.262

I1104.2

[H9] Conchobur ua Conchobuir m. Mail Sechnaill, Corcu Mruad, mortuus est.

  1. Cethre certbliadna & chet
    & mile (bliadan), mor met,
    o gein Crist i (m-Bethil) bain
    co bass Conchobuir com(láin).

I1104.3

Mael Ruanaid Ua Bilrín quieuit in (Christo).

I1104.4

Báss Eataine ingene Uí Egrai.

I1104.5

Báss Con Ulad h-Ui Chaindelbáin, ri Lóegare.

I1104.6

Bass Órlaithe ingene mecc Cennétich.

Annal I1105

I1105.0

Kl.

I1105.1

Enair for Domnuch & .xii. fuirrí.

I1105.2

[H8] Snecta mór in hoc anno, et ár mór for buaib & for caírib & for muccaib in eodem anno.{folio 32}

I1105.3

Cerball mc. Domnaill m. Gillai Patraic, descirt Osrage, mortuus est.

I1105.4

Tigernach Ua Duligeain, uasalsacart, quiébit i l-Lis Mór.

I1105.5

Conchubur m. Maíl Sechnaill, airthir Midi, occisus est o Ui[b] Briúin.

I1105.6

Domnall, comarba Patric, quiebit.

I1105.7

Isin bliadain sin tucad in camall, quod est animal mírae magnitudinis, o ríg Alban do Muircertach U Briain.

I1105.8

Eodem anno apprehensus est piscis inauditae magnitudinis a piscatoríbus in mari Lumnig, qui potuit metiri .xu. pedibus & da unge tomais fríd da cind.

I1105.9

Muirg[i]us Ua Coin Cenaind, Ua [n]-Diarmata do Sil Muiredaich, mortuus est.

I1105.10

Mc. Coin na Cell U Crínáin mortuus est.

I1105.11

Slúage la Muircertach Úa Briain i Midi coro innarb Doncad Ua Maíl Secnaill, & co nechaid iar sain i Mag{folio 32e}


p.264

Conaille co rabi tri aicthi and & co [n]-dernad iar sein longport lais h-i Cuil Ua n-Áeda, co n-dechaid ar creich co Slíab Guare co tuc bú & brait diármidi ó Ui[b] Briuin; conid ar cenn na braiti sin dorat Úa Ruairg cetri giallu do Muircertach.

Annal I1106

I1106.0

Kl.

I1106.1

[H10] Enair for Luan & .xxiii. fuirri.

I1106.2

Macc Bethad h-Ua h-Áilgenáin, comarba Barre, quieuit in Christo.

I1106.3

Dondchad h-Ua Maíl Sechnaill a suis occisus est.

I1106.4

In brethem h-Ua Rebacháin, airchinnech Mungarat, mortuus est.

I1106.5

Tuathal Ua Cathail, comarba Coemgin, sacart & fer legind, in Christo quieuit.

I1106.6

Macc Gilli Patraic h-Ui Muirethaig de Cheneul Eogain interfectus est.

I1106.7

h-Ua Cernaig, comarba Dúin dá Lethglas, quieuit in Christo.

I1106.8

In t-epscop h-Ua Buagill quieuit.{folio 32f}

Annal I1107

I1107.0

Kl.

I1107.1

Enair for Mairt & iiii. h-uathaid fuirri.

I1107.2

h-Ua Scolaige, comarba Ruadáin, quieuit.

I1107.3

Cuiléan h-Ua Cathaláin quieuit.

I1107.4

Conchobor Cissénach m. Duinn Slébe h-Ui Eochada interfectus est.

I1107.5

Mc. h-Ui Inrechtaig, h-Ua Méith, occissus est ó h-Uib Bressail.

I1107.6

h-Ua Murchada, ri Ceneuil Chonaill, occissus est.

I1107.7

Macc m. Con Brodnai d'Eraib Manach do marbad a fiull do Chonmacnib.

I1107.8

Macc Broitt Ríabaig h-U Duilennáin do marbad a fiull.

I1107.9

h-Ua Duind Chothaid, ri Luigne ex parte, quieuit.


p.266

Annal I1108

I1108.0

B. KI.

I1108.1

Enair for Cetain & .xu. fuirri.

I1108.2

Lumnech do loscud co h-ulide cenmothá in marggad i m-maig.

I1108.3

Domnall h-Ua Ímair, comarba Fínáin Chaim, quieuit.

I1108.4

Macc Fir Choctha h-Uí Domnaill m. Diarmata{folio 33a} subita morte quieuit iar troscud sámaid Senáin fair sechtmain reme.

I1108.5

Muirethach h-Ua Cerbaill & Cinaed h-Ua Murchertaig do marbad a cleith do Oenguss h-Ú Chinaeda & do h-Uíb Cinaeda aile.

I1108.6

Macc Brottchon h-Uí Mathgamna do marbad do macc Maíl Múaid m. Matudain tré báegul.

I1108.7

h-Ua Beoáin, rechtaire Lumnig, infeliciter mortuus est.

I1108.8

Goll Garbraige, Ulad, do marbad do h-Ú Mathgamna a fiull.

I1108.9

Cú Óenaig h-Ua Maíl Guirm, flaithbriugu airthir Muman, quieuit.

I1108.10

Imar macc Mongáin quieuit.

I1108.11

Gilla Ailbe h-Ua Ciarmeicc, láechsenóir Muman, quieuit.

Annal I1109

I1109.0

Kl.

I1109.1

Enair for Aine & .xx.ui.

I1109.2

Slúa(i)ged la Muirchertac h-Ua m-Briain coro chrech in DubBréfne & coro sir a n-díamaire & a n-daingne, & co tuc búar & brait & séoid imdai essib cen giall{folio 33b} cen aitere on Gillu Srónmáel.

I1109.3

Fleochod mór & doinend i samrud na bliadna sin & ina fogomor co n-dernait troiscthe & aine & co tucait almsana do Día ara d-díchor.

I1109.4

Romse ubull isin bliadain.

I1109.5

Gilla Patraic h-Ua Selbaig, comarba Barre, quieuit.

Annal I1110

I1110.0

Kl.

I1110.1

Enair for Sathurn & uii. fuirri.

I1110.2

Gormlaith ingen h-Uí Chonchobuir Ciarraige, rígan h-Ua n-Echach, quieuit.


p.268

I1110.3

[H11] Mael Sechnaill Ua Carráin quieuit.

I1110.4

Ua Mail Muaid, Fer Gell, cum uxore sua, .i. ingen h-Ui Bric ríg na n-Dése, occisus est.

I1110.5

Murchad m. Taidg U Briain mortuus est.

I1110.6

h-Ua Flainn mc. Lannchada quieuit & sepultus est i n-Inis Fadlinn.

I1110.7

[H10] Fer leginn Ua Dubratha quieuit.{folio 33c3}

Annal I1111

I1111.0

[H12] Kl.

I1111.1

for Domnuch & xuiii. fuirri.

I1111.2

Cathasach, cend crábuid Érénd, quieuit in Christo i n-Inis Celltra.

I1111.3

Mórdál fer n-Érend h-i Fíad Mac n-Aengussa, .i. i Raith Bressail, eter clerchu & laechu, .i. im Murcertach h-Ua Briain im ardríg n-Érend, & im h-Ua Dúnán, .i. im árdn-ebscop n-Érend, & im Cellach, comarba Patric, & im mathib Erend archena, co n-dernsat smacht & recht is ferr darónad rempu riam i n-hErind.

  1. Uimir ind aesa graid glain
    i Senud Rátha Bressail
    tri chet sacart, líth cen locht,
    &l. coem (ep)sc (op).

I1111.4

Crechsluaged la Murcerrtach .H. Briain i firu Bréfni coros airg & co tarat a m-mná & a m-bú co firu Muman iarna n-imgabail don Gillu Maelsron h-U Ruairg.

I1111.5

Domnall mac Taidg do dul fó dímaig i tuascert h-Érend & co ragaib ríge Innse Gall ar egein.

I1111.6

Ulaid for slúaged i Cenel n-Eogain coro tescsat cráeba Telcha Oc, & mac Meic Lochlaind i n-Ultaib coro airg co Drochit na Feirs(i){folio 33d} & co tucait geill 'na degaid ó Ultaib.


p.270

I1111.7

Mac Murchada .H. Briain, .i. Brian, do dul for debuid i l-Leth Cuind ó Murcerdthac .h-U. Briain.

I1111.8

Muircertach do dul for tirus co Áth Cliath ó Féill Míchil co Notlaic.

I1111.9

Mac h-U Mugroin do Connacttaib quieuit in Christo.

Annal I1112

I1112.0

[H13] B. Kl.

I1112.1

Enair for Luan, & xxix. fuirri.

I1112.2

Mael Maire h-Ua Fócarta, comarba Brenainn, quieuit in Christo.

I1112.3

Cathal h-úa Domnaill m. Duib da Bairend do marbad do Áed h-U Chellachain, .i. dia chliamain, a fiull.

I1112.4

Gormlaith ingen Murchada, comarba Brigti, quieuit.

I1112.5

Mess mor dano co coitchenn i n-hErinn in hoc annó.

Annal I1113

I1113.0

[H14] Kl.

I1113.1

Enair for Cetaín & dec(h)mad fuirri.

I1113.2

Díarmait h-Ua Longain, comarba Aird{folio 33e} Phatraic, quieuit in Christo.

I1113.3

el Sechnaill h-Ua Conchoboir, Corco Mbrúad, mortúus est i l-Lumniuch.

I1113.4

Mc. Dondchada Ú Gillai Phatraic do marbad do Goll Gabráin, .i. dia bratha(i)r.

I1113.5

Cocad mor eter U Briuin & Brefne & Urgiallu.

I1113.6

Less Mor do lascud.

I1113.7

Niall mc. Domnaill meic Meic Lochnaill do gabáil ríge Ceneóil Chonaill.

I1113.8

Mc. Écertaig h-Ú Thaircheirt do marbad ra Níall.

I1113.9

Sluaged mór la Muirchertach co h-Ard Macha & co Mag Coba & a impuhd cum pace.

I1113.10

Ocus mortlaid mor in hóc anno.


p.272

I1113.11

Argain Don[n]chada mc. Eochada la h-Ultu.{folio 33f}

I1113.12

[H15] Mc. Meic Áeducáin, epscop Lis Móir, quieuit in Christo.

Annal I1114

I1114.0

Kl.

I1114.1

Enair for Dardain; ain xx furri. Is i so in cethramad bliadain déc ar .c. ar .m. o Inchollugud.

I1114.2

Galar do gabáil rig Érend isin bliadain so i medon samraid. Uch tra imad na n-olc so nucu n-etam a n-inisin: catha & chongala, crecha & marbad duine, saraighthe cell & neimed fo Éirind eter tuaid & eclais! Mairg fo-uair duin in galar so ríg Éirend!

I1114.3

In hoc anno tangatar Leth Cuind im Domnall mc. Meic Lochlaind, ri Aeilich, co crich Muman. Mór tra na uilc daronait eturu & fir Muman co dersatar eturu comsad ar clomchod ciall.

I1114.4

Diarmait h-Ua Briain do gabail rigi Muman & Muircertach do innarba dó a Luimnuch co Cill Da Lua.

I1114.5

Diarmait h-Ua Flaind Chua quieuit.

I1114.6

Brian mc. Murchda do chumrech a fill.

Annal I1115

I1115.0

Kl.

I1115.1

Enair for Aíne & aile uathaid fuirri.

I1115.2

Muirchertach do thichtain co Lumnech & Diarmait do cumrech leis.

I1115.3

Sluaiged la Muircertach{folio 34a} reme co Osraige & cu Laigne. Tinol catha la mc. Murchada u Maeil na [m]Bo i n-aigid Muirchertaigh coro chuirset cath & co roemaid ar mc. Murchda, & ro marbtha duine d'eraib Muman i n-Osairge, .i.,

I1115.4

Mc. h-u Flaind meic Lannchada & mc. Conin U Duibcind, & in alio loco, .i. da Ua Ocargarta, & i luc ale


p.274

dno h-Ua Gillai Patric & mc. U Chrináin, ocissi sunt inter se, & alii multi .

I1115.5

T(a)erdelbach mc. Ruadri, ri Connacht, iugulátus est o Chonnachtaib fein tria mebail, & ternai don cneid sein.

I1115.6

Cellachán h-Ua Cellachain Cassil occisus est.

I1115.7

Argain Lochlaind h-U Ailbe la Murchad h-Ua Sechdai.

I1115.8

[H16] Cath Átha Clíath la Domnall Ua m-Briain i torchratar mathe Lagen im macc Murchada ocus im Ua Conchobair Failgig, ocus Domnall Ua Conchobair mc. ríg Cíarraige Lúachra & alii multí occísí sunt do feraib Muman.

I1115.9

Domnall mc. Taidg Uí Briain do marbad la Connachta.{folio 34b}

I1115.10

Díarmait Ua Donnacán occísus est.

I1115.11

Macc meicc Dúnlaing Uí Chinn Fáelad occisus est in hóc annó.

Annal I1116

I1116.0

Kl.

I1116.1

Enair for Sathurnd; .xiii. fuirri.

I1116.2

Érge Muirchertaig Uí Briain i l-Laignib. Uilc diármide dorónait don turus sen: crecha ocus congala, cocad & gorta resin ré sein.

I1116.3

Díarmait Ua Briain d'impúd ar Murchertach Ua m-Briain dar comluga mind h-Érend.

I1116.4

Forbaise Luimnig for Murchertach Ua m-Briain ocus for Brian mc. Murchada.

I1116.5

Murchertach Ua Briain co Les Mór co r-ragaib bachaill.

I1116.6

Óengus Ua Cináeda finiuit uítam suam i n-Inis Fathlind.

Annal I1117

I1117.0

Kl.

I1117.1

Enair for Luan & xxiiii. fuirri.

I1117.2

Báegul madma for Murchad Ua Máel Sechnaill o Gallaib Átha Clíath ocus Laignib gunna toracht a longphort re trí aidchib.{folio 34c}


p.276

I1117.3

Martra muintire Cenannsa imma n-abbaid de manibus occisorum, .i. Ua m-Briúin.

I1117.4

Máel Maire Ua Dúnán, ardepscop na h-Érend, suí crabuid ocus ecnai, quieuit in Christo.

I1117.5

Maidm Cille Macc n-Enán la Cenél Conaill for Cenél n-Éogain na h-Indse.

I1117.6

Ráen catha la Brian macc Murchada for Dál Cais inro marbait meicc ríg ocus tóesech & alii multi .

Annal I1118

I1118.0

Kl.

I1118.1

Enair for Mairt ocus cóiced úathaid fuirri.

I1118.2

Díarmait Ua Briain mortuús est i Corcaig Móir Muman do búaid aithrige.

I1118.3

Máel Sechnaill Ua Fáelán do marbad i Caisiul a fiull.

I1118.4

Cethri Uí Bricc ro marbait i I-Lius Mór Mo-Chutu.

I1118.5

Laidgnén Ua Duib Dara iugulatus est ó Uíb Fíachrach Aird Ratha.{folio 34d}

I1118.6

Tadg Ua Segda do marbad o Gallaib Luimnig ocus o Ú Failbe ocus fell o cechtar de fora chéle.

I1118.7

Brian macc Murchada U Briain occissus est o Thadg macc Meicc Carthaig ocus o Desmumain ocus Uíb Briain, ocus Amlaíb Ua h-Echach occísus est in eodem loco.

I1118.8

Tairdelbach macc Ruaídri, Connacht, ocus Murchad Ua Máeilg Sechnaill, Mide, ocus Ua Ruaírc, Ua m-Briúin, la Murchertach Ua m-Briain co Desmumain co roachtatar Glend Magair. Impúd dóib ar Murchertach ocus síth ri macc Meicc Carthaig.

I1118.9

[H17] Macc Gillai Udhir U Duibenaich iugulatus est o Domnall Ua Títh, & in Domnall sein d'innarba a athar, .i. Dodain Biraich, & Ua Mathgamna Ulad, d'innarba do macc Duinn Slebe & maithn einiarmorachta ar Ultaib la feraib Fernmugi.{folio 34e}


p.278

I1118.10

Macc Meicc Lochlainn do dhul i Tir Conaill co tuc bogabail moir o Tana-insi, & is and sein ra marad Áed Ua Galmredaich.

I1118.11

Domnall macc Ruadri mortuus est.

I1118.12

Ruadri Ua Conchubair quieuit i Cluain Macc Nois.

Annal I1119

I1119.0

Kl.

I1119.1

Enair for Cetain & xui fuirri.

I1119.2

Murchertach Ua Briain, Érend, fo buaid aithirgi quieuit, & in t-epscup Ua Lennain, airchinnech Inse Cathaig, quieuit in Christo, & epscup Lis Móir, Ua Daigthig, quieuit in Christo, & martra in fir dana U Buagellain cona da maccaib & cona mnai & cona muintir. Escuni De for cach n-oen daroni in gním!

I1119.3

Macc meicc Brotchon U Mathgamna mortuus est.

I1119.4

[H18] Coblach la macaib Diarmata h-Ui Briain & la Tuathmumain h-i Ciarraige Luachru & ro cured ár mor for locht in choblaig o Mathgamain & o Choin Luachra & o Chiarraige.{folio 34f}

Annal I1120

I1120.0

[H19] Kl.

I1120.1

Enair for Dardain & .xx.uii. fuirri, & bliadain bissich; xx. bliadan ar .c. ar mile ab Incarnatione.

I1120.2

Fergel, ardsenoir Inse Locha Cré, quieuit in Christo.

I1120.3

Niall mc. Meic Lochnaill, rígdamna Erend, occissus est a suis.

I1120.4

Tadg mc. Meic Carthaig do dul i n-Osraigib co n-Desmumain imme, co tanic Ua Gillai Patraic, Osraigi, ina tech & co tucsat Osraigi giallu do, & co rucsat túarastul mór d'ór & d'echaib, [H18] & maithe Osraige imma ríg do chuimriuch la Dal Caiss, & a m-braigte do dithnacol do mc. Ruaidrí, do ríg Connacht.

I1120.5

Crech mebla do dénam do mc. Ruaidri ar feraib


p.280

Midi dar lama comarba Phattraicc & dar sith meicc M. Lochlainn, rig Ailig.

I1120.6

Mathgamain h-Ua Cuircc mortuus & sepultus (est) i n-Inis F(ai)thlinn.{folio 35a}

I1120.7

Cellach, comarba Pattraicc, do thuidecht timchell Herenn i m-Mumain & bennachtu do acbail do cech conair ranig.

Annal I1121

I1121.0

Kl.

I1121.1

Enair for Sathurn & nomad h-uathaid fuirri. Anni Incarnationis Domini nostri Iesu Christi m.c.xxi.

I1121.2

Bás Domnaill mc. M. Lochlaind, ríg h-Erenn, i n-Daire Choluim Chille.

I1121.3

Bás Mail Sechnaill h-Ui Chellacháin, ríg deisceirt h-Erenn, hi Corcaig Móir Muman.

I1121.4

Bas Meicc Deorad h-Ui Flainn a sé ipso hi Loch h-Echach.

I1121.5

Crech mór rucsat Ulaid o mc. Mecc Lochlainn. Ár mor for Ultaib & in chrech do impud.

I1121.6

Sluaged timchill la Tairdelbach mc. Ruaidri i m-Mumain coros loiscset Ciaraige{folio 35b} Luachra o thuaisciurt co deisciurt.

I1121.7

[H20] Crecsluaged la Tairdelbac mc. Ruadri i n-Desmumain co n-dernai gnim nathocrated do Dia & don Eclais Cristaide uli co cotcend, id est, Les Mor Mu-Chutu d'argain. Marbaid autem Desmumu Ua Flathbertaic acus Ua h-Edind cum al[i]is primatibus tri gresacht in Comded i n-aenec a naem, ciasa tusicu in t-innichath anná in peccad. Sed si quis abstinator inuentus fuisset & dicat, ‘Nunquam Deus uindicauit peccatum antequam factum fuisset,’ respondebitur ei quod nec mirum sit, si Deus cui omne tempus praesens sit, iniuriam Aeclesiae suae antequam facta fuisset uindicaret.{folio 35c}


p.282

Annal I1122

I1122.0

Kl.

I1122.1

Enair for Domnuch & xx. furri; & ii. bliadain fuir bisex, & xxii. ar .c. ar .i. mile ab Incarnatione.

I1122.2

Síd is bliadain sen iter Connacthu & Desmumuin.

I1122.3

Ua Ligdai, comarba Ailbai, quieuit, & Mel Morda mac m. Clodnai sibi sucesit.

I1122.4

In Gilla Melsron Ua Ruaric iugulatus est ó Murchat U Mail Secnail tri gresact na naim.

I1122.5

Bellum inter Cenel Eogain & Firu Manac, & Fir Manac terga uerterunt.

I1122.6

Creca móra la Cenel Eoguin is amsir cetna o Ultaib.

I1122.7

Gobraid, fer legind Arid Maca, in Christo quieuit.

I1122.8

Mel Secnail Ua Donnagain, Arad, iugulatus (est).

I1122.9

Mór ingen mc. Mc. Loclaind mortua est o ríg Connact.

I1122.10

Mors Aeda U Doib Dirma i n-Inis Eogain.

I1122.11

Bas Ui Ocain do Cenal Iogain Tulca Oc.{folio 35d}

Annal I1123

I1123.0

Kl.

I1123.1

Enair for Lúan & .i. uathaid furri; iii. bliadain fuir bisex, accus in .iii. bliadain ar c. ar .i. mile ab Incarnatione.

I1123.2

Donn Cuan Ua Cennetich quieuit.

I1123.3

Sluaged la Tairdelbac mc. Ruadrí co Cigib Anand i Luachair.

I1123.4

In epscup Ultac quieuit i l-Lias Mor.

I1123.5

Macc Gilli Phatraic Ruaid, Osergi, occisus est a suis.

I1123.6

Galar mór do Thagg macc Mc. Cartaig, acus ro gab Cormacc a bratair rigi Desmuman ina fhiadnaise.

I1123.7

Mairaithac Ua Dedaid iugulatus est o Tagg macc Diarmata.


p.284

Annal I1124

I1124.0

B. Kl.

I1124.1

Enair for Mairt & xii. furri.

I1124.2

Tadg macc Mc. Cartaig, Cassil, quieuit.

I1124.3

Coblach la mc. Ruadrí co Ath Caille.

I1124.4

Ua Murcertaig, ri Eoganact {folio 35e} Locha Lén, & Cú Luacra Ua Concobuir, Ciaraige, & Muchath Ua Segdai, Corco Dubni, do innarbu do mc. Mc. Carthaig.

I1124.5

Madmim re mc. Ruadri for feraib Midi & for Conmacni, & multi fuerunt occisi.

I1124.6

Sluged la Cormac co Leth Moga lais co Ath Luain i n-agid mc. Ruari acus ra marbuit a géllsom la mc. Ruadri.

I1124.7

Muretach mc. mc. Aed, ri Ua M-riuin, quieuit.

Annal I1125

I1125.0

Kl.

I1125.1

Enair for Dardain; .xxiii. furri, & cet blíadain fuir bisex, & in cuced bliadain .xx. ar .c. mili o Incollogud.

I1125.2

Les Mór Mo Cuttu do lascud.

I1125.3

Longges la mc. Ruadri co Corco Dubne ac Mucertac Ua Murcertaig, .i. ri Eoganact Loca Len, ina tusigect co derdsat argain and.

I1125.4

Mael Trena quieuit i Glind da Locha.

I1125.5

Mael Eoin, ardepscup Lagen ac ardecnaid, quieuit in Christo i Lethglind.

I1125.6

Ár mor la firu Midi for Aergiallaib{folio 35f} ic Drocut Atha i torcair mc. U Cerbuill & mc. Con Ebla U Cernaig, & alii multi.

I1125.7

Ar for Gallaib Lumnig ac for Ciaraige la Tairdelbac Ua Brian.

I1125.8

Ro gab Cormac mc. Mc. Cartaig rígi Lumnig isin bliadain sen.


p.286

I1125.9

Murcath Ua Muil Secnaill do innarbu do mc. Ruadri co Mumuin.

I1125.10

Mael Secnaill mc. Dondcatha occisus est o mc. Murcatha U Mail Secnaill.

Annal I1126

I1126.0

Kl.

I1126.1

Enair for Ainai .ac. iiii. uathaid furri; & bliadain tanaisi fuir bisex, .ac. in .ui. bliadain .xx. ar .c. ar mili o Incollogud.

I1126.2

Ciarmac Ua Etersceoil mortuus est.

I1126.3

In t-epscup Ua Ruaduisa quieuit in Christo.

I1126.4

Cerball Ua h-Arractain quieuit in Christo.

I1126.5

Mc. Cerbaill U Ciarmecc mortuus est.

I1126.6

Sadb ingen U Concubuir Ciarraigi quieuit i l-Lis Mór fo buaid ailitre acus aterge.{folio 36a}

I1126.7

Enna mc. Diarmata, ri Lagen, mortuus est.

I1126.8

Sluged la Taerdelbac Ua Concobuir i Lagnib co tuc gialu Lagen & Ua Gensalaig, acus co tuc a mc. i riga Ata Cliad.

I1126.9

Crech baegail la Cenal Conuil i Connactaib dara es.

I1126.10

Morarguin do Connactaib i Tir Conuil co rictatar Raith m-Both.

I1126.11

Crech la mc. Rudri fén i Mumuin co riact Monai Moir co tuc briat is bogaba.

I1126.12

Ua Dubda, ri Ua Amalgada, do badud co lucth da curach immale fris.

I1126.13

Coblac la mc. Ruadri acus a t(u)sigecht d'U Murcertaig conicc Ua Murcertaig, .i. Murcertach mc. ind Innsulich ri Loca Len, for Loch Lein.

Annal I1127

I1127.0

Kl.

I1127.1

Enair for Sadur[n]d ac .xu. fuirri

I1127.2

Cormac mc. Meic Cartaig, Dessmuman, do athrigad do Mubneciab fen co necaid i l-Less Mor acus co dernait urbada móra da és.


p.288

I1127.3

Sluged la mc. Ruadri co riact co Corcaic acus co ruc gillu{folio 36b} Munnech.

I1127.4

Impoth do Concobor U Brian acus do Tairdelbac da bratair, for mc. Ruadri co tucsat Chormac a Liss Mór, acus co tucsat rige Muman do.

I1127.5

Murcath Ua Segdai acus in Gilla Mantach Ua Falbe & Catal Ua Cathuil iugulati sunt.

I1127.6

Murcertach Ua Murcertaig, ri Lochca Len, & da mc. Tadig mc. Meic Cartaig, .i. Dundcath & Domall, acus Ua Caim do innarbu i Connactaib.

I1127.7

Cath do cor do Ultaib eturu fen co torcratar a da rig ann, ed on Ua Matgamna acus mc. Dund Slebe, co dergar Ulad.

I1127.8

Sluged la mc. Meic Locluind i n-Ultaib co tarat gillu Ulad.

I1127.9

Gilla Crist Ua Mail Eoin, ardchomarba Ciarain Cl[u]ana Muc Nois, cainell enaig & derci Lethe Cuinn, in Christo quieuit.

I1127.10

Lactnan macc Con Caillai mortuus est.

I1127.11

Gilla Crist Ua Dubdai{folio 36c} do Cenal Eogain Aelaig mortuus est.

I1127.12

Mael Sechnaill Ua Cinaeda iugulatus est.

I1127.13

Murcertac Ua Cinaeda, rigdamna Ua Liathain, iugulatus est.

I1127.14

Coblac la mc. ind. Innsulig U Murcertaig a h-ucht mc. Ruadrí co Inis Catig coro brisiset araill do lo[n]ggaib Matgamna U Concobuir Ciaraige & co raguib Ua Conchubuir Corcu Mruad luing dibsom & cora marb a forind im Chathal C(rob)derg Ua Domnaill, (mc.) rig Ua n-Ecach, & im S(en)an mc. Gollsci imma sttirasmund.

I1127.15

Coblac dno (l)a Concubor Ua Brian & la Cormac (m.) Mc. Carthaig fur Loc(h) n-D(e)rgd(erc).

I1127.16

Marbad mc. Mc. Riabai(g), .i. Ragnaill, i n-Ard Macha d'Airt(heraib).


p.290

Annal I1128

I1128.0

B. Kl.

I1128.1

Enair for Domnuc(h) & xx.ui furri.

I1128.2

Aed Ua Cerbaill, Eoganact Lochcha Len, do marbab do Uib Manc(hin) & d'Uib Rusin i fill.

I1128.3

Turus la Doncath mc. Meic Cartaig & la mc. Indsulig U Murchertaig{folio 36d} & la mc. in Dubsulig U Domnaill & Finngane Ua Caim & la Gerr na Cunneoc Ua Bric ( ) Connactaib i Ciarraegi Luacra cora obair Ua Concubuir fell orra, & coro marbsatsum forind da muintirsom & co tancatar fen i lorgaract uad i n-Eoganact Locha Lein, & cora tairis mc. Indsulig ann sein, & co necaid Donnchat i n-Uib Echach, & cora inarbait doridise.

I1128.4

Ar mor for feraib Tethba & for Conmacnib la Magnus mc. Mc Loclaind.

I1128.5

Arguin Fer Manac cora marbuit a mate imma ríg la Cenal Eoguin.

I1128.6

Fir Brebni dacutar for crec Conelle Murtimne cur argset Lugbuth & coro argset comarba Patraic.

I1128.7

Ath Truím i Midi do lascud itir tempall acus duiní & innille do C(h)oncobor mc. Mecc Lochlein i n-dígail a comdaltai do marbad d'U Cindelbaín cen cínid.{folio 36e}

Annal I1129

I1129.0

Kl.

I1129.1

Enair for Mairt & uii. ua(d)aid fuirri, & ix bliadaín ar xx. ar .c. ar mili o Incollugud.

I1129.2

Gilla Mo-Cutu Ua Rebacain, comarba Mo-Chutu mortuus est.

I1129.3

Mael Brigti Ua Flannain, in t-uasalsenoir, i l-Lis Mor Mo-Cutu quieuit.


p.292

I1129.4

Mael Breninn Úa Rebacain quieuit.

I1129.5

Ua in Crosain, comarba Senain, mortuus est.

I1129.6

Cellach, comarba Patric, quieuit i n-Ard Patric i Mumuin & sepultus est i l-Lis Mór cum gloria.

I1129.7

Macc Donncada U Eochada, Ulad, i tich tened occisus est o Ultaib.

I1129.8

Madim la feraib Fernmuge for aertar Mide inra marbad Flannan Cellaic Berg, & ali multi.

I1129.9

Samrad te isin bliadainsa inra traicset usce Erenn acus ra bi{folio 36f} ar for cethraib & inilib.

I1129.10

Crech mór la Conchobor macc Mc. Loclaind i n-Ultaib.

I1129.11

Arcun Insi Taite la Ultu inra marbit ( )gel mc. Mc. Loclaind & M(c). Caime U Lainn & alii multi.

I1129.12

Crec mór la Ultu i n-Dá(l) n-Arade. Dain crec sin ra marbad Ua Amrain ac Cammus Comcaill.

I1129.13

Bás rig Aelig, mc. Mc. Lochlind, id est Magnais.

I1129.14

Mathgamain Ua Briain quieuit & sepultus est i l-Lis Mór Mo-Cutu.

I1129.15

Mc. Duib Roa Ui Mc. Lain[n] iugulatus o Chenal Eoguin.

Annal I1130

I1130.0

Kl.

I1130.1

Enair for Cetain; xuiii. furri.

I1130.2

Macc Raith Ua Concubuir mc. rig Cia(r)raige Luacra do ma(r)bad i fill i tarmund I(nse) Cathig.

I1130.3

Cnomes m(or
[...]
).

I1130.4

Argun tened ar macc Cathbairr U Domnaill i Cill Macc n-Enain.

I1130.5

Ar fer Muriam i n-Albuin.


p.294

I1130.6

Madim catha la Concobor macc Mc. Loclain ac(us) la Cenol Eogain for Ultaib, acus ro gab a giallu ra taib a mó(r)tais(ech). [gap: chasm in the manuscript/extent: 29 years]

Annal I1159

I1159.1

[H21] 2In t-epscop Ua Dubcroin, ab Cluana Uama, quieuit in Christo.

Annal I1160

I1160.0

K.

I1160.1

Enair for Aine & .xx. fuirri & bissextilis annus & secundus in Decinouenali Ciclo & millissimus centisimus sexagisimus ab Incarnatione Domini; ab exordio uero mundi quinque milia .xcii. anni.

I1160.2

Concubur mc. Domnail U Anmcada occisus est a filiis fratris sui.

I1160.3

Aed Ua h-Oissin, ardepscop Connact, quieuit in Christo.

Annal I1161

I1161.0

Kl.

I1161.1

Enair for Domnuch & .i. fuirri. Millissimus c. sexagissimus unus annus ab Incarnatione Domini; ab exordio uero mundi quinque milia xciii; tertius in Deicinouenali.

I1161.2

Aed Ua Caiam do marbad la Tuadamain.

I1161.3

Aed mc. Amlaib U D(h)onchada, ardri Ceneol Legari & Eoganachta Locha Lein, do marbad i teirt-Kl. Iul arai lathi mis greni, i Cetain uero ari lathi sachtmaini. Mael Sechnaill mc. Cellachain, coinell gaiscid na Desmuman, occisus est in eodem loco.


p.296

I1161.4

Mel Bre(n)ind Ua Ronain, ardepscop iarthar h-Erend, in mc.{folio 37b} og, can crabaid [&] derci iarthair h-Er(end) [...], in decimis Kl. Octobris annis lx, & sepultus est i n-Ard (F)erta Bren(inn).

I1161.5

Domnal mc. Mail Muaid, ri Ceneoil Bec(ci) & cossnamid Ua n-Echac, & a mc., do marbad la h-Uib Mathgamna.

Annal I1162

I1162.0

Kl.

I1162.1

Enair for Luan & .xii. fuirri. Millisimus c. (l)x(ii).

I1162.2

Dondchad Ua Cinaeda quieuit in Christo i Cluain Uama.

I1162.3

Dondchad mc. Donchada do chumrech la mc. Cormaic & a elod asin chuimriuch sein fo chétoir.

I1162.4

Beatus Benad(
[...]
)
.

Annal I1163

I1163.0

Kl.

I1163.1

Enair for Mart & tres .xx. fuirri.

I1163.2

Mairchertach h-Ua Dondchada mc. Amlaib Moir I Donnchadha, ri Eoganach(ta), occisus est d'Yb Qiné(da).

I1163.3

Mc. Find U Cherball, .i. d'Elib, occisus est.

I1163.4

Murchad Ua Cennetí occisus est.

I1163.5

In t-ep[s]cop Ua Lagenain, comarba Elbi, quieuit in Christo i n-Imlig.

I1163.6

Donchad mc. Dondchada U Charthaig, cainnell enig & engnama & bági Dessmuman, do marbad a ffill la mc. Cormaic Ú Cartaig.


p.298

Annal I1164

I1164.0

Kl.

I1164.2

Enair for Cetain & .iiii. fuirri.

I1164.2

Mael Sechna(i)ll mc. Domnaill U Chartaig do impud ar mc. Cormaic & crech in Gilli Caich U Chiairmec do denam do & a brith do leiss i n-Eoganacht Loca Len. Mc. Cormaic & Desmumu do thinol ara ammus coro gabsat long(port) i n-Grencaib inn adaig sein coro as debaid etturru coro marbad Domnall mac Domnaill and & alii. Sid do denam doib iar sin.{folio 37c}

I1164.3

Glend Aga do argain d'U Chongali in tan sin. Ua Congal do argain iar sin conar fac a bec aici tri firt Dé & Faitlind.

I1164.4

Tairdelb[a]ch Ua Briain ar creich tria Druim Fingin co ruc bú imdai lais.

I1164.5

Coarba Ailbi a mac occis[i] sunt.

I1164.6

Coarba Mu-Laca occisus est.

I1164.7

Amlaib mc. meic Amlaib U Chind Faelad & a bratar do marbad.

Annal I1165

I1165.0

Kl.

I1165.1

Enair for Aini & .xu. fuirri.

I1165.2

Muircertach mc. Tairdelbaig do impúd ara athar & rígi Tuadmuman do gabail dó, & Tairdelbach do dul i Cil Da Lua & [a]s saide co l-Less Mor i tech meic Cormaic co tuc braigdi do an[n] sin.

I1165.3

Mc. Domnail U Chartaig do inarba í l-Laignib.

I1165.4

Conchubur Ua Diarmata occisus est.

I1165.5

Dondcad mc. Taidg m. Domnaill do dallad.

I1165.6

Gilla na Trinnoti Ua Dalaig, ollam Desmuman, occisus.

I1165.7

Morsluaged la Rúadri Ua Conchubair & la Muirchertach mac Tairdelbaig i Des Mumain coro marbad Gilla Ailbi Ua Dedaid leo.

I1165.8

Donchad mc. Cennetig U Cin Felad occisus est.

I1165.9

Flaithbertach Ua Domnaill occisus est.

I1165.10

Sengualu do loscud & a tempul & daini imdai.


p.300

Annal I1166

I1166.0

Kl.

I1166.1

Enair f[or] Sathurnd & ui. fuirri.

I1166.2

Comthinól clérerech Lethi Moga co Less Mór im legait & imin da epscop déc archena go nernad senad leo and sin & guro bennachad in tempul leo.

I1166.3

Gilla Meic Aiblen Ua h-Anmchada, coarba Brenaind, quieuit in Christo.{folio 37d}

I1166.4

Mael Sechnaill mc. Domnaill U Charthaig do marbad la mc. Cormaic.

I1166.5

Eochuid mc. Duind Slebi Ú Eochada, ri Ulad, do dallad la mc. Mec Loch[l]aind.

I1166.6

Muirchertach mc. Meic Lochlaind, ri h-Erend, do marbad la Ua Cerbail & la h-Ergillaib.

I1166.7

Diarmait mc. Meic Murchada, ri Lagen, do innerba dar mur sair ar n-impod do Gallaib Átha Cliath & do Laignib fair.

I1166.8

Ferrna do luscud.

I1166.9

Ruadrí Ua Conchubar do gabáil rígí Érennd.

I1166.10

Iohannes cardinalis uenit ad Yberniam.

Annal I1167

I1167.0

Kl.

I1167.1

Enair for Domnuch & uii. h-uathaid fuir(ri).

I1167.2

Diarmaiit Mc. Murchda do thidach tharis anall & U C(h)enselaig do gabail dó.

Annal I1168

I1168.0

Kl.

I1168.1

[H22] Murchertach mc. Taerdelbaig U Bríain, .i. Du(i)n na Sgiath, occissus est la Conchobor, .i. Slapar (Salach), mc. meic Conchobuir, .i. U Briain, et in Conchobor í sein do marbad d'U Aelain, .i. Mael Seachlain & a mc., dia trí lá ar sain, & ára mora archena do chur do Thuadmumain eturru féin.

I1168.2

Enna mac Meic Murchada do dallad la Os(s)rai(ge).


p.302

I1168.3

In t-espoc Ua Cerbaill{folio 38a} quieuit in Christo i l-Liss Mor.

I1168.4

Domnall mc. Tairdelbaig do gabail rigi Tuaduman.

I1168.5

[H23] In Gilla Lethderg Ua Conchubair, .i. Corcu Mruad, occísus est.

I1168.6

Brian mc. Tairdelbaig Ú Bríain do dallad lá Domnall Úa Briain.

Annal I1169

I1169.0

Kl.

I1169.1

Enair for Cétaín & xxix. fuirri.

I1169.2

Donnchad Úa Ceruaill, Airgiall, mortuus est.

I1169.3

Donnchad mc. Máeil Sechnaill meic Cellacháin occisus est.

I1169.4

Murchad Úa Donnchada mortuus est, {§ADDH8}.i. mc. Amlaibh Moir, a ginn bliadhna erna lot la Ua Muircheartaigh er diacht do chuci er crech & I Churnaín 'ma ris cu Es Cumair.

I1169.5

Diarmait Ua Mail Seachlain, ri Midhi, do marbhud do Domnall Bregach (Ua Mail Seachlainn). §

Annal I1170

I1170.0

[H21] Kl.

I1170.1

Enair for Dardai[n] & .x. fuirri.

I1170.2

Ár mor ar Gallaib Puirt Lairgi laisin longis allmarig.

I1170.3

Port Lairgi d'argain dona h-allmarchaib gur gabsat forbai an[n], coro thinolsat Desmumu & mc. Cormaic coro cured ár na n-allmair léo. Cathal Ua Doncada. .i. mc. Amlaibh Moir. Is les da ch[u]mhdhaighidh ar dus Ailean Mail (Anf . . .) vair bai aici righe O n-Eachac & tucadh do reme a mharbud fearann Domhnaill a dearbhrathar & fearann Muirethaigh h-I Mhuirceartaigh, .i. in da Eoghanacht, aigh is e (mc.) mc. Cormaic feinn da ail h-e ere( ) innarba & trit sein (?) t(idh)achtaín doibh cum in cnicthi (?) do rat'ni fern (?) tuc a oidi a fearainn do & Ragnall Ua Rigbardain & mc. Ímair U Chatail do marbad dona h-allmarchaib and sein.


p.304

I1170.4

Mc. Murcad & na Gail c(h)etna do argain Atha Cliath. Midi uli itir chill & tuaith d'argain & do loscud dona h-allmarchaib béos.

I1170.5

Cocad mor eter Tuadmumain & Connachta.

Annal I1171

I1171.0

Kl.

I1171.1

Enair for Aini & xxi. fuirri.

I1171.2

Diarmait Mc. Murchada, ri Lagen, mortuus est.

I1171.3

Domnall Ua Fócarta occisus est.

I1171.4

Aed Manach Ua Ruaric do marbad i cath la Gallaib Glassa.

I1171.5

Mc. na Perisi do thidach i n-h[Er]ind goro gab ac Purt Lárgi go n-nechaid mc. Cormaic & mc. Tairdelbaig ina theg and sin, & as sein do go h-Ath Cliath go rabi fri re in gemrid ann sin.

I1171.6

Petrus, epscop Cluana Ferta Brenaind, do bádud isint [S]inaind i sex-Kl. Enair.

Annal I1172

I1172.0

Kl.

I1172.1

Enair for Sathurnd & aile h-uathaid fuirri.

I1172.2

Donend mór isin bliadain so coro marb urmor cruid f(h)er n-Erend.

I1172.3

Mc. meic Domnaill U Briain do marbad do mc. Ú Chonaing i Cluain Comardai.{folio 37b}

I1172.4

Tigerna[n] Ua Ruairc do marbad la Gallaib.

I1172.5

Gilla Aeda epscop, cen crabuid h-Erend, qui[euit] in Christo.

I1172.6

Muredach mc. Cellacháin mortuus est.

Annal I1173

I1173.0

Kl.

I1173.1

Enair for Luan & .xiii. fuirri.

I1173.2

Teidm mór in hoc anno coro marb lán mór dé dainib.


p.306

I1173.3

In t-epscob Ua Meic Stia, comarba b(eati ?) Aelbi, quieuit in Christo.

I1173.4

Less Mor d'argain do Gallaib Glassa.

I1173.5

Cathal Ua Domnail & mc. Torgair do marbad dona Gallaib cetna beus.

I1173.6

Tadg Ua Curc do marbad la Gallaib.

I1173.7

{§ADDH2}(Do)mhnall Breg(h)ach U Mail Seachlain, ri Midhi, do marbud la h-Art O Mail Sheachlain.

I1173.8

Item Ordo Templariorum & Hospitalariorum a domino Papia confirmatur.§

Annal I1174

I1174.0

Kl.

I1174.1

Enair f[or] Mairt & xxiiii. fuirri.

I1174.2

Gilla Meic Liac, comarba Patraic, quieuit in Christo.

I1174.3

Sluaged la Gallaib Glassa gu tancatar i h-Eli coro tinolastar Domnall Ua Briain & Tuadmumu gu Durlus U Fócarta coro cuired{folio 38c} cath eturu coro maid ar Gallaib Glassa in cath in quo .dcc. l^ paulo plus ceciderunt.

I1174.4

Constapla Puir[t] Lairgi cum ducentis alliis ceciderunt la Gallaib in duni fein.

I1174.5

{§ADDH2}Gilla Mac Liac, .i. com(h)arba Patraic, quieuit in Christo.

I1174.6

Item passus est beatus Thomas & eodem anno venerunt Anglici ad Yberniam, Anno nostri Domini m c lxxíííí.§

Annal I1175

I1175.0

[H24] .iii. Kl.

I1175.1

Enair for Cetaín, & .u. furri.

I1175.2

Sluaged la Domnall Ua Briain i n-Eoganacht Locha Léin & as saide i Ciarragi coro arcestar cella Ciaargi.

I1175.3

Mc. Taidg U Bríain & Mathgamin Ua Briain do dallad la Domnall Ua Briain.

I1175.4

Mc. Cormaic do gabail da mac fein & osslucud de fo chetoir & braigdi dara chen & a eran fein do gabail dó post.


p.308

I1175.5

Ímar mc. Muil Moiaid occisus est.

I1175.6

Gaill Glassa do dul ar Lumnech.

I1175.7

Donchad Ua Conchobair Chiarige, .i. Droma h-Ultair, occissus est.

Annal I1176

I1176.0

Kl.

I1176.1

Enair for Dardain & .xui. furri.

I1176.2

Mael Dúin Ua Clohnai quieuit in Christo.

I1176.3

Gaill Glassa & mc. Mec Murchada & Ua Gillai Phatraic do thidacht{folio 39a} o Áth Cliath gu Lumnech & as sin i Muscragi Edda goro arcsedar Belach Átha & Cúil Emni. Mc. Cormaic do dénam sida friu & bráigti Dessuman dó acbail dóib aiggi.

I1176.4

Mc. Cormaic do gabail dá mc. féin, & Conchobur Ua Domnaill (Mor) , athair (Do)mnaill M(oir), & Mc. Craith Ua Súiliubáin & Gilla Naem U Duin Lebi & alii multi occissi sunt cum h-ís.

I1176.5

Cormac do gabailrígi Dessuman.

I1176.6

Guill Glassa do facbail Lumnig, & a muiriud la Tuadamain fa chetoir postea.

I1176.7

Cormac mc. Diarmata U Charthig, ardrí Dessuman, do marbad a fill (.i.) do mathibh (D)esmumhan & Chabthal Od(h)ar & Chonchubh[a]r Ua Doncha(da) & im Ibh Su(ill)iuain, & pater eius postea regnauit.

  1. Ma Carthaigh dan dual fonn,
    na insaighthear vadh orum
    im gualaigh Cathal Odhor,
    ( ) crathadh er Concubhur.
Domnall Ramur O Donnchadha dari(ni) seo er closteacht do Eoganachta do tabh(ai)rt do Cathal Odh(ur), .i. fearann tanisteachta.

I1176.8

Machar Ua Finmacain quieuit in Christo.

I1176.9

Corc Ua Muircertaig occissus est.


p.310

Annal I1177

I1177.0

.i. Kl.

I1177.1

Enair for Sathurn, & xxuii. fuirri.

I1177.2

Corcach do inriud lá mc. mc. Domnaill U Charthaig & la Gallaib Glassa. Forbais la Milid Cócáin & la Mc. Stemni i Corcaig. Turus la budin díb go h-Achad Da Eo go rabadar{folio 39b} dá lá & dá edchi inti, & assin doib go Corgag aris. Iar sin dóib ar ommus Phuirt Largi goro thinolsatar na Gédil cucu illanair de Lis Mór goro marbait ule pene.

I1177.3

Coccad mór itir Tuadamain & Desamuin in hóc anno goro fássiged o Lumniuch co Corcaig & o Chlár Dairi Mór go Cnoc Brénain itir chill & túaith, go rancatar Í Mc. Caillai & U Liathain i n-iarthar h-Eren, & go rangatar Eoganacht Locha Léin go Férdrum i n-Uíb Echach, & go rangatar Chíarrigi Lúachra i Tuádamain, & go rangatar I Chonaill & Í Charbri go h-Eoganacht Locha Léin.

I1177.4

Turus la Domnall Úa Donchada, .i. mc. Amhlaibh Moir I Donnchada righ h-Ua n-Eachach & vrlag[lt ] [gt ] Iarmhumha[n], & la Culean Úa Culeán la mathib Dessuman ar creich na Machiri go tucsatar bú imdai léo. Síd do denam do mc. Mc. Carthaig & d'Uí Brían post.