Kl.
Mors Cormaicc meicc Indrechtaich, rí Ciarraige Luachra.
Kl.
Mors Flaithbertaich meicc Muirchertaich meicc Neill.
B. Kl.
Mors Matudáin, ríg Ulad.
Mors Rúadríg h-Uí{folio 17c} Chan[an]nain ardri Conaill.
Kl.
Crech la Cellachan & la Donnchad coro chroidset Cluain Ferta Brenaind & Cluain Macc Nóis.
Mors Cennétig m. Lorcain, rígdamna Cassil.
Quies Ailella, abbad Corcaige.
Kl.
Quies Orthanaich, abb Ruis Chré.
Mors Domnaill m. Donnchada, rí na n-Désse l^ Mide.
Kl.
Orcain Conchobuir m. Ciarmaccáin.
Quies Dermata, abb Lis Móir.
Quies Diarmata m. Aichir, epscoip Tuadmuman.
Mors Lachtnai meicc Cennetich m. Lorcain.
B. Kl.
.i. f., xx.iii. luna, ui. concurrentes.
Quies Duib Inse, sui-epscoip h-Erend, & Cellacháin, ríg Cassil, & Eladaich sapientis, abb Ruis Ailithir, & h-Uaraich, epscoip Imlecha Ibair, & Celechair, abb Cluana M. Nóis & Cluana Iraird, & Cormaicc h-Uí Maíl Sluaig, suí Muman, & Lugdach h-Ú Maíl Sempail, abb Domnaig Pátraic, & Cind Fáelad m. Suibne,{folio 17d} anchara Cluana Ferta Brenainn.
Dermait macc Torpthai, abb Lis Moir.
Kl.
Mors Cind Foelad h-ui Dungalaig.
Kl.
Mors Congalaig m. Maíl Mithich, rí h-Érend.
Mors Taidg m. Cathail, ríg Connacht.
Dá h-ua Maíl Sechnaill do dallad la macc Muirchertaich.
Kl.
Quies Mail Chellaich, comarbai Ailbi.
Quies Cathassaich m. Duligeáin, comarba Patraic.
Mors Mail Fothardaig, ríg Cassil.
B. Kl.
Mors Domnaill m. Oengusa, ríg h-Ua n-Echach.
Mors Tuathail m. Augare, ríg Laigen.
Quies Cinaeda h-Uí Chon Mind, epscoip Lis Moir & Inse Cathaig.
Quies Aeda m. Cellaich, abb Chana Ferta Brenainn.
Kl.
Mors Duib dia Bairend m. Domnaill, rí Cassil.
Quies Moenaich m. Cormaicc, abb Lis Móir.
Kl.
Kl.
Quies Cathmoga, epscoip Chorcaige & abb Lis Móir.{folio 17e}
B. Kl.
Mors Flaithbertaig meicc Conchobuir, ríg Ailig.
Mors Eogain meicc Muirecáin, airrí h-Erend.
Mors Murchada, rí h-Ua Mane.
Mors Scandlain h-ui Riacain, rí h-Ua Fidginte.
Kl.
u. f., ii. luna, .iii. concurrentes, .dcccc.lxiii. anni.
Orggain Congale m. Cormaicc, rí Ciarraige Luachra.
Mors Donnchada m. Cellacháin, ríg Cassil.
Ár Tuadmumain for Sinaind co farcbaiset a l-lestra & coro báte fadéin.
Kl.
Orggain Cille Dara o Gallaib Atha Cliath, & in banairchinnech do éc in eodem anno.
Kl.
Quies Dúnchada, abb Tíre dá Glas.
Quies Cinaeda m. Mail Chiarain, abb Lis Móir.
B. Kl.
Mors Cellaich m. Foelain, ríg Laigen, & Foelain m. Cormaic, ríg na n-Désse.
Quies Muirethaig m. Fergussa, abb Aird Macha.
Kl.
Mors Fergail{folio 17f} h-Ui Ruairc, rig Connacht.
Maidm for Gullu Luimnich re Mathgamain m. Cennetich oc Sulchuait, & loscud Lumnich dó ría medón laí arna bárach.
Quies Cuind m. Corcráin, abb Mungarat.
Kl.
Crech la Mathgamain for h-Ú Endai Áne co farcbad and Cathal m. Fogartaich, rí-amus h-Erend.
Orgain Imlecha Ibair & longport dá lá inte.
Kl.
Mors Tressaich m. Mail Muine, ríg Gabra, la Máel Sechnaill.
Slóged la Mathgamain co mc. m-Brain co tuc a giallu.
Beolán Lítil & a macc do marbad la Ímar Luimnich.
Mors Ardgail m. Matudain, ríg Ulad, & Donnocáin m. Maíl Maire, ríg na n-Airgiall, la mc. Congalaich & la Gullu Átha Cliath.
B. Kl.
Loscud tige Dubchróin h-Uí Longgachain i torchair .lxx., & indarba suaittrech a Mumain, & na trí cáne do dénam{folio 18a} a comarle degdóene Muman, .i. Mathgamain & Foelan & mc. Brain &rl., .i. innarba na suaitrech & innarba na n-Gall a l-Lumniuch & in dún do loscud.
Quies Tuathail, abb Cluana Mc. Nóis.
Mors Aeda meic Loingsich, ríg Ulad, la h-Ua Matudain.
Mors Murchada m. Find, ríg Laigen.
Mors Gebennaich m. Diarmata, ríg Ciarraige Luachra.
Kl.
Enair,.iiii. f., xxiii., ii. concurrentes.
Quies Cinaeda in Durthaige, ánchara h-Erend, i Cluain Ferta Brenainn.
Dub da Lithe, comarba Patraic, do thichtain h-i Mumain co rola a cúaird & co n-dernsat debaid imon gabail & comarba Ailbe, & co n-derna Mathgamain, ri Muman, síd ettarru, & a n-oentu im chert Patraicc do grés.
Mors Conchobuir m. Thaidg m. Cathail, rí Connacht, & indriud Connacht o Murchad{folio 18b} Glún re Lár iar sein, ocus Cathal mc. Taidg do marbad iar n-gabáil ríge fo chetoir.
Kl.
.u. f., iiii. l.
Macc Arailt co m-mórthinól mór timchell h-Erend coro ort Inis Cathaig & co ruc Ímar lais i m-brait esse.
Mors Murchada Glún ri Lár.
Quies Scandláin h-Ui Eirc, sui-epscop & abb Inse Cathaig.
Mac Brain do gabáil giall Muman o Luimniuch fa des & do thuidecht fri Mathgamain.
Mors Donnchada Find m. Maíl Sechnaill.
Kl.
Mors Cormaicc m. Fóelain ó Sluag Mathgamna.
Imar do thelud dar muir & Inis Aubtan do gabail iterum.
B. Kl.
Guin Maíl Sechnaill m. Flannabrat, ríg Gabra, ó Gallaib.
Mors Donnchada m. Cellaich, ríg Osraige.
Aurgabail Mat(h)gamna meic Cennetic(h), rig Cassil;{folio 18c} a aurgabail la Dondubán tre fell & a thabairt do mc. Brain tar sarugud & tar mallachtain sruthi Muman & a marbad la suide.
Kl.
.ii. f., uii. luna, .uii. concurrentes.
Imar, rí Gall, & a da mc. do marbad i n-Inis Cathaig la Brian mc. Cennetich.
Crech la Brian mc. Cennetich for h-U Fidginte coro la ar n-Gall and.
Muirchertach macc Domnaill, rígdamna h-Erend, & mc. Domnaill m. Congaile, rígdamna aile, a m-marbad a n-dís ó Gallaib Átha Cliath .dcccclxx.uiii.
Kl.
.iii. f., xuiii. luna, concurrentes.
Cath Belaig Lechta i torchair Máel Muad mc. Brain, rí Cassil, & alii multi. Brian mc. Cennetich uictor fuit.
Corcach do indriud & Fínnechta epscop do étsecht.
Kl.
.iiii. f., xxix. l.
B. Kl.
.u. f., x. l.
Bás Dondubain, ríg Ressad.{folio 18d}
Mors Domnaill h-Ui Neill, rig Temrach.
Cath mór eter Máel Sechnaill & mc. Amlaib & ár n-Gall im Regnall m. Ímair oc Temraich, .i. fé ille & fé innund.
Quies Foelain m. Cóellaide, abbad Imlecha Ibair.
Bás Comaltain h-Uí Chlerich.
Kl.
.uii., xxi. l.
Quies Anmchada, epscoip Laigen.
Quies Eogain, abbad Cluana Ferta Brenainn.
Quies Mugroin, comarbai Coluim Cille.
Kl.
.i. f., ii. l.
Crech la firu Muman co Osraige co tucsat préid móir as & co rubad sochaide díb and.
Cathal mc. Gébennaich, rígdomna na Désse Bice, & h-Uanide mc. Dondubain, rí h-Ua Corpre, & Donnchad mc. Maíl Sechnaill, rí Gabra, & alii multi morierunt in hóc anno.{folio 18e}
Bile Maige Adar do brissiud do Leith Chuind.
Kl.
.ii. f., xiii. l.
Coblach mór la Brian mc. Cennetich h-i crich Connacht co rubad anaill dia Sluag and, .i. Mael Sechnaill mc. Coscraig & Find mc. Dubchróin, & Lochlaind mc. Maíl Sechnaill, rigdomna Corcu Mruad. Dochotar a Suatrich iar tír in h-Ú Briuin coro lad ár mór ettarru & h-Ui Briuin.
Quies Cormaic m. Mail Chiarain, abb Lis Moir.
Aurgabail Gillai Patraicc meicc Dondchada, ríg Osraige, & indred Osraige la Brian mc. Cennetich & a n-géill do gabáil. Ro gab giallu Laigen ar thús for lár Maige Ailbe.
Kl.
.iii. f., xx.iiii. l.
Muirfolud mór na macc n-Arailt co Port Lárgge coro chloemclaiset giallu and & mc. Cennetich im imthairec sluagid do dul ar Áth Cliath. Tarrinolta fir Muman co m-Mairg Laigen{folio 18f} coro fortatar in Gaill h-U Censelaig & co n-dechatar dar muir; & fássugad Osraigi dano isin bliadain chetna ó feraib Muman, & a cella & cella Laigen & a n-dúine do fássugud, & fuaslucud Gillai Patraicc m. Donnchada.
Kl.
.u. f., u. l.
Crech lasna Désse co amsu Briain co rucsat .ccc. bó, coro indrestar Brian na Désse da dígail & coro thoffaind Domnall mc. Fóelain co Port Large & coro loitte na Désse uile.
Mes mór in bliadain sein coro mairestar co cend m-bliadna aile.
Kl.
.ui. f., xui. luna.
Aed macc Mathgamna do chumriuch la Brian mc. Cennetich.
Lam Thipraite do gabail asa suide abbad i n-Imblig Ibair. Abbthaine dano do thabairt do Chetfaid daltu Riatu.
Indred dano Coluim Cille do Gallaib, & na Inse do fásugud doib, & epscop Iae do marbad doib.
Kl.
.uii. f., xxuii. luna.
Sluaged la Brian mc. Cennetich{folio 19a} for Des Mumain co tuc giallu Lis Móir & Corcaige & Imblecha Ibair fri innarbu foglaide & aessa escána essib.
Kl.
.i. f., ix. l.
Coblach la Brian for Loch Rí, .i. .ccc. ethar, coro indriset Mide co Uisnech & co n-deochatar co Usnech & coro indrisset Mide & co n-dechatar .u. ethair fichet dib i Connachtaib coro lad ár mór díb and, .i. Dúnlang, rí Raithlinn, & Niall h-Ua Eirc & Dúngalach h-Ua Loingsich & alii multi, & co torchair Muirgius mc. Conchobuir,rígdamna Connacht, leosom.
Kl.
.iii. f., xx. luna.
Quies Cétfada dalta Riatai, comarbai Ailbi.
Marrtra Glún Iarn m. Amlaíb, rí Gall, do marbad dia muintir fadessin.
Congal mc. Anrudain, rí Corcu Duibne, moritur.
Colum mc. Cíarucáin, comarba Barre, quieuit.
Dubchrón h-Ua{folio 19b} Longgacháin, ri h-Ua Cuanach, moritur.
Kl.
.iiii. f., i. luna.
Marcán mc. Cennetich do gabail apthaine Imlecha Ibair, & macc Ímair do déruch Puirt Lairgge, & indreth Ruis Ailithir do Gallaib & in fer legind do gabail dóib, .i. mc. Cosse Dobráin, & a chennach do Brian oc Inis Cathaich.
Bás Domnaill m. Lorcain, ríg h-Ua Fargga.
Dairi Calggaich do orguin.
Kl.
.u. f., xii. luna.
Sluagedla Brian mc. Cennetich i l-Laigniu i torchair Tadg mc. Dondchada & coro marbad Cerrán Cnamchaille dia dígail.
Donnchath h-Ua Congalaich, rígdamna h-Erend, do marbad la Mael Sechnaill macc n-Domnaill a fill tre chlemnas.
Bás Domnaill h-Uí Dúngalaig.
Quies Scandláin mc. Thaidg,{folio 19c} airchinnech Cille D(a Lu)a.
B. Kl.
.ui. f., xx.iii. (l)una.
Quies Mail Petair, comarbai Brenaind Cluana Ferta.
Bás Dunadaig mc. Diarmata, ríg Corcu Bascind.
Quies Cathail m. Ledbain, abb Inse Cathaich.
Kl.
.i. f., iiii. luna, .ui. concurrentes.
Crechlong la Brian co rócht Bréfne do Loch Rí dar Áth Líac suas.
Quies Muirg(ius)a meicc Muirethaich, airchinnech Mungarit.
Gilla Patraicc mc. Donnchada do dul h-i m-Mide & fássugud cell Mide & a dúne.
Ár mór for Connachta ré ríg Corcu Mruad, .i. re Conchobur mc. Maíl Sechnaill, co torchair and Ruaidri macc Coscraich, rí h-Ua m-Briuin, & alii multi .
Ímar do thichtain a h-Áth Chliath ria macc Amlaíb lucht teora long.
Kl.
.ii. f., uii. concurrentes, .xu. luna.
Quies Fínnechta h-Ui Chiarucain, secnap Inse Cathaig.{folio 19d}
Kl.
Recte 'first'
.iii. f., xxui. luna, .uii. concurrentes.Quies Colla m. Connacáin, .i. scriba, comarba Senain.
Bas Regnaill h-uí Ímair, ríg Gall.
Bás Cinaeda m. Maíl Choluimb, ardrí Alban.
Columb h-Ua Lagenáin do gabail apthaine Imlecha Ibair.
Cumtach Cassil & Inse Locha Gair & Inse Locha Sainglend & dentai imdai archena la Brian.
B. Kl.
Enair for Cetain,
Recte 'third'
.uii. luna, .ui. concurrentes.Geill h-Ua Censelaich & iarthair Liphe do gabail do Brian mc. Cennetich i m-Maig Ailbe.
Bás Gilla Phatraicc m. Donnchada, ríg Osraige, & Cellach mc. Diarmata do gabail ríge dara h-ésse.
Ard Macha do loscud do thenid d'áit conna fargaib bennchobbor i n-Ard Macha ná tech na tech srotha for lár na rátha cen loscud.
Dub da Lithe, comarba Aird Macha l^ Patraicc, & comarba Coluim Chille quieuit in Christo.
Bás Conchobuir m. ríg Ciarraige Luachra.
Ár Corcu Mruad i Connachtaib{folio 19e} i torchair Muirgius mc. Ruadri.
Kl.
.ui. f., iiii. concurrentes, .xuiii. luna.
Brian mc. Cennetich co rigraid Muman imme co Port Da Chainéoc & Mael Sechnaill mc. Domnaill, rí Temrach, coro rannsat h-Erind ettarru i n-dó, .i. Leth Cuind do Máel Sechnaill & Leth Moga do Brian, & geill Laigen & Gall ro batar oc Mael Sechnaill co tarta do Brian.
Quies Colmain Corcaige.
Quies Maíl Ísu m. Flannabrat, comarba Senain.
Kl.
uii. f., xxix. luna.
Brian mc. Cennetich co Áth Luain cora gaib giallu Connachti n-óensechtmain co tuc na giallu-sein do Mael Sechnaill.
Kl.
i. f., x. luna.
Bás Ségéni m. Carrain, rí h-Ua n-Enda Áne.
Quies Tipraite m. Brain Find.
Ár n-Gall Átha Cliath la Brian mc. Cennetich & formna fer Muman imme co torchair and formna{folio 19f} Gall h-Erend h-i suidiu, .i. cath Glinne Mamma insin.
B. Kl.
.ii. f., & xxi. fuirre.
Indred Átha Clíath & doud & a loscud do feraib Muman & forbas doib and i Kl. Enair, & Caill Tomair do loscud doib do chonnud, & rí Gall Átha Cliath d'élúd co Ultu asin chath & na fuair a dín in h-Erind co tarat a giallu do Brian mc. Cennetich, & co tarat Brian a n-dún dona Gallaib.
Mors Cind Faelad m. Conchobuir, ríg Gabra.
Kl.
Enair for Cetain & aile h-uathaid fuirre.
Murecán, abb Aird Macha, do deruch assa suide abbad, & Máel Maire do gabail apthaine dara h-ési.
Bás Néill h-Ui Ruairc.
Quies Flaitheim, abad Corcaige.
Mórimme mór for Sinaind oc Áth Luain la Máel Sechnaill & la ríg Connacht & la Leth Cuind uile fri firu Muman.
Kl.
Enair for Dardain & .xiii. luna.
Slóged fer Muman{folio 20a} i Connachta co tucsat giallu Connacht oc Áth Luain & giallu Muil Sechnaill.
Quies Coluim h-Uí Lagenain, comarbai Ailbi.
Comthinól slóig fer Muman & Chonnacht & fer Mide & Laigen & Gall Atha Cliath & Puirt Lairge la Brian mc. Cennetich co Ultaib do gabáil a n-giall.
Kl.
Enair for Aine & .xxiiii. fuirri.
Cellach mc. Diarmata, rí Osraige, do marbad do maccaib Gilla Patraicc m. Donnchada.
Guin Conchobuir m. Maíl Sechnaill, ríg Corcu Mruad, & Amlaib mc. Lochlaind & Aichir Úa Traichthech i n-iarthur Chonnacht; & Cathal mc. Labrada do marbad do maccaib Donnchada Find.
Brian mc. Cennetich do áthrigad ríg Laigen, .i. Donnchada m. Domnaill, & géill Laigen do thabairt do Brian do Mael Morda mc. Murchada.
Rí h-Ua Cennselaich do fell for Móedóc Ferna coro marb rígdamna h-Ua Cennselaig for lár in derthaige.
Dunchad h-Ua Manchain, abb Glinne da Locha, quieuit.{folio 1003.7}
Flaithbertach h-Ua Canannáin, rí Ceneuil Eogain & Ceniul Chonaill, do marbad dia muintir fadessin & fell fair.
Quies Donngail m. Beoain, abb Tomma Grene.
B. Kl.
Enair for Sathurn & .u. h-uathaid furri.
Gilla Cellaich mc. Comaltain h-Ui Chlerich do marbad a cath eter h-Ú Fiachrach & h-Ú Mane.
Brian macc Muil Ruanaid, rí h-Ua m-Briuin Chonnacht, moritur.
Cath eter Ultu & Cenél Eogain & Cenél Conaill oc Cráeib Thulcha coro marbad and Aed mc. Domnaill h-Ui Neill, rí Ailich, & Eochaid mc. Ardgail, rí Ulad, cona rígraid do thottim in eodem bello.
Bás Muirethaich mc. Diarmata, ríg Ciarraige Luachra; & h-ua Arailt do éc h-i Mumain.
Kl.
Enair for Lúan & .xui. fuirri.
Ulaid do fássugud a tíre ar terca co n-dechatar ar cech leth fo h-Erind.
Comthinol fer n-Erend eter Gullu & Goedelu óthá Sliab Fúait fades la Brian mc. Cennetich co Ard Macha & co Ráith{folio 20c} Móir Maige Line i n-Ultaib do thabairt giall Ceniuil Chonaill & Ceniuil Eogain.
Quies Oengussa m. Bressail, comarbai Chainnich.
Quies Eochada h-Ui Flannacain, senchaid Aird Macha.
Brian co Ard Macha co r-rabi ina longphort i n-Emain Macha.
Kl.
Enair for Mairt & .xxuii. fuirri.
Brian co feraib Muman & co Laignib & fir Midi & Mael Sechnaill & Connachta & Gaill Atha Cliath & fir h-Erend huile óthá Sliab Fuait fades co Áth Luain, & techta doib co Ess Ruaid co n-dechatar taris fathuaid co r-ralsat cuairdd tuaiscirt h-Erend eter Conall & Eogan & Ultu & Airgiallu.
Kl.
Enair for Cetain & .ix. h-uathaid fuirri.
Bás Maíl Ruanaid, ríg Ulad.
Mórthinol fer n-Erend la Brian eter Gullu & Goedelu co Ard Macha co tucsat giallu Ulad ó ríg Ailich i forécin.
Fiachra, sacart Cluana Ferta Brenaind, quieuit in Christo.{folio 20d}
(Ro)bartach anchara i Cluain Macc Nois quieuit.
Bás Matudáin, ríg Ulad.
Bas Con Chonnacht, ri Sil Anmchada, iarna marbad do h-Ú Dúngalaich.
Quies Diarmata h-Ui Loingsechain, comarbai Meicc H-(ii).
Caicher mc. Moenaich, abb Mungairti, quieuit.
Kl.
Enair for Dardain & .xx. fuirri.
Quies Celechair meicc Duind Chuan, abb Tire da Glas.
Ferdomnach, comarba Coluim Cille, quieuit.
Fachtna, comarba Finniae, quieuit.
Kl.
Enair for Sathurn & oen h-uathaid fuirri.
Bas Aeda, ríg na n-Désse.
Muiredach h-Ua Móenaich, abb Ruis Chré, do thecht ina ailithre.
Bas Ruadríg m. Cétfada.
Bás Dube Coblaich ingene ríg Connacht, ben Bríain meicc Cennetich.
Kl.
Enair for Domnuch & xii. fuirri.
Quies Marcain m. Cennetich, comarbai Coluimb m. Cremthain.
Bas Cathail m. Conchobuir, ríg Connacht.
Morsluaged fer{folio 20e} Muman la Brian co h-Ua Néill co ruacht co Ard Macha co tuc h-Ua Neill a lánréir do Brian & co tuc Brian leis giallu h-Ui Néill co Cend Corad.
Moel Suthain h-Ua Cerbaill do Eoganacht, ardsui na h-Erend, quieuit in Christo i n-Achud Deo.
Cend Foelad h-Ua Connain, fer legind Tomma Grene, quieuit.
Bás Muirethaich h-Uí Aeda, ríg Múscraige.
Kl.
Enair for Luan & .xxiii. fuirri.
Mórthinól fer n-Erend la Brian mc. Cennetich i Cenel Conaill conda rainnset i n-dé; co n-deochaid leth int sluaig im dá mc. Briain, .i. Murchad ocus Domnall, cor indrisset Cenél Conaill & co tucsat brait moir as léo co Mumain, co tanic Brian iar sein dond loch.
Bas Aeda m. Mathgamna & bas Domnaill m Bríain i n-óenráthiu oca tigib.
Cnomess imda isin bliadain sin.
Sluaged mór la Brian co Cenel Conaill eter muir & tír co tanic h-Ua Maíl Doraid, rí Ceneúil{folio 20f} Chonaill, lais co Cend Corad, & co ruc innarrad mór o Brian & co tuc a ogréir do Brian.
B. Kl.
Enair for Mairt & .iiii. h-uathaid fuirri.
Quies Loingsich meicc Lonain, abb Ruis Chré.
Bás Ciarmeicc m. Mail Guala, rig Inse Cule.
Fleochud mór isin bliadain sin co farcbad mór d'arbur lais.
Daingne imda isin bliadain sin doronta la Brian, .i. cathir Cind Chorad, & Inis Gaill Duib, & Inis Locha Sainglend, & cathir Cnuicc Fochui(r).
Kl.
Enair for Dardain & .xu. fuirri.
Forcoemnactar cocaid móra isin bliadain sin eter Gullu & Goedelu. (Is do) suidiu ro marbad (Donnchad) mc. Donnchada Fin(n) h-Uí Maíl Sechnaill & in t-Albanach mc. Mail Se(ch)naill[gt ] m. Domnaill, & ro la(d) ár fer Mide i Fine Gall im Fland mc. Maíl Sechnaill; & i s-suidiu luid loi(ng)es o Gallaib sech h-Erind, fades siar coro loiscset Corcaich Móir Muman coro la rí h-Ua Líatháin ár forru. Lotar iar se(in) lais (d)es siar co Clére ( ){folio 21a} coro marbait i suidiu, .i. Mathgamain mc. Dubgaill mc. Amlaíb mc. Sittriucc & meicc Gillai Maire. Ba firt mór do Dia & do Barre ani sein. Is and sein ro bui Brian i n-Osrugu & i l-Laignib o Féil Ciarain co Notlaic oc gabail fri Gullu & ni tuc síd.
Bas Briain rig h-Erinn co righraigh Muman ( ).
Macc Ruith mc. Congale, rí Corcu Duibne, moritur.
Murchertach mc. Aeda h-Ui Neill moritur.
Quies Cathail m. Maine, comarba Flannáin.
Minchaisc h-i samrud.
Kl.
Enair for Aine & .xxui. fuirri
Cocad mór eter Brian & Gullu Atha Cliath co ruc Brian iarum morthinol fer n-Erend co Ath Cliath. Is íar sain doratsat Gaill Atha Clíath cath do Brian corro marbad Brian mc. Cennetich, & a macc Murchad rigdamna h-Erend, & a mc.-side, .i. Tairdelbach, & rígrad Muman im Chonaing mc. Duind Chuan{folio 21b} & im Domnall mc. n-Diarmata, ri Corcu Bascind, & im Mc. m-Bethad mac Muirethaich, ri Ciarraige Luachra, & im Thadg h-Ua Cellaich, rí h-Ua Mane, & alii multi. Ro marbad dano isin chath sein Moel Morda mc. Murchada ri Laigen co rigraid Laigen imbi; ocus ar Gall iarthair domain isi[n] chath chetna.
Comarba Cíarain, .i. Flaithbertach mc. Domnaill, & comarba Coemgin, .i. Con(d).
Bás Céin m. Muil Muaid & a brathar.
Bás Cathail mc. Domnaill, rigdomna h-Ua n-Echach.
Bás Corpri m. Clerchíne, ríg h-Ua Cairpre.
Bás Ruadrig h-U Donnacain & Find m. Ócain.
Bás Menman m. Aeda, ríg h-Ua Cassin.
Kl.
Enair for Sathurn & .uii. h-uathaid furri.
Bás Domnaill m. Duib da Bairend h-i cath fri macc m-Brain.
Bás m. Anmchada, ríg h-Ua Liatháin.
Cathal mc. Conchobuir & Lochlaind a brathair{folio 21c} do marbad tre f(ell )gail a n-dis assa rig(e), cách díb i n-degaid alaile i r-rígu Corcu Mdruad.
Fiach mc. Dubchroin do marbad do macc Carrain for lar Imlecha Ibair per dolum.
Quies Muirchertaich, comarbai Ruadain.
Bas Aeda h-Ui Ruairc, rig Brefne.
Crech na (n)-Ailean do Gallaib na (n)-Inse, .i. lucht .uii. long, (&) ra chroid Araind & Inse Mod & Inis Aingin (&) co tucsat dechenbur & .uii. fichte essib do brait.
Indred Cill(e) Do-Chellóc do h-U Dunchada & do Dunadach mc. Conaing.
Fássugud Imlecha Ibair & indred Lothra.
Ermor cell Muman do fassugud isin bliadain sin ar terca & essíd.
B. Kl.
Enair for Domnuch & .xuiii. fuirri.
Quies Cormaicc m. Dúnlaing, comarbai Barre.
Sloged mór la mc. m-Briain co Loch Rí coro ort Inis Clothrand & Inis Bó Finne & co tuc ethru Mail Sechnaill{folio 21d} & Lethe Cuind & cora gaib giallu Muman ó Chnámchaill siar.
Mors Meicc Raith m. Muirethaich, ríg Ciarraige Luachra.
Boethán macc Dúnlaing do marbad do ríg Osraige h-i Lethglinn.
Ár n-Arne diaro marbad h-Ua Lochlaind, rígdamna Corcu Mruad, h-i Purt Chiarain i n-Áraind, .i. Conmacne rod marb.
Osnad gaethi móre isin bliadain sin isind fogomur coro bris na fidbada & na tige & robo bec narbtar mairb na doeni ar h-uamon.
Bás Muirethaich m. Cadlai, rí Conmacne Mara.
Cath mor eter macc n-Eochada & mc. Duib Thuinne coro marbad de mc. Duib Thuinne & Domnall h-Ua Loingsich & alii multi.
Kl.
Enair for Mairt & .xxix. furre.
Inis Gaill Duib do loscud, & Anmchad mc. Murchada, primollam Lethe Moga Nuadat, do badud{folio 21e} isind loch.
Bás Oengussa m. Carraich.
Mors Donnchada mc. Duib da Bairend do marbad do Mael Muad.
Bas Con Chrechmaile h-Ui Nechtain.
Kl.
Enair for Cetain & .xxi. fuirri.
Ciarmaccán h-Ua Maíl Chaissil, epscop Tuadmuman, quieuit in Christo.
Gormgal ind Ardailéoin quieuit.
Bróen macc Muíl Mórdai, rí Laigen, do dallad la Amlaíb.
Bas Ragnaill m. Ímair, rí Puirt Lárgge.
Kl.
Enair for Dardain & .xxi. fuirri.
Domnall macc Maíl Sechnaill, athlaech & martír, comarba Finnian, quieuit in Christo.
Mathgamain mc. Conaing quieuitin Christo.
Teidm mór i n-Araind insin bliadain sin, .i. treagait, corro marb sochaide inte.
Cú Luachra mc. Conchobuir, rí Ciarraige Luachra, do marbad a fill.
Bualad Donnchada m. Bríain do Domnall mc. Cathrannaich do h-Uíb Cassíne & a marbad ar{folio 21f} ind fótsain fo chétóir: buille chlaidib ina chend m. Briain & conos tarla in m-buile cétna isin láim n-deiss conos tall de oc bun na h-orddan fo chétoir arind inud sin. Ge(a)rrudh Donchada meic Briaín.
B. Kl.
Enair for Aine & aile h-uathaid fuirri.
Muirethach h-Ua Aililleáin, fer legind Tomma Grene, quieuit in Christo.
Máel Muire mc. Eochada, comarba Patraicc, quieuit in Christo.
Ard Macha do loscud eter dam liac & chloicthech & uli cumtach.
Cormacc h-Ua Find, in sui-epscoip, quieuit.
Maelgorm Ruad, in suí a Eoganacht, quieuit.
Kl.
Enair for Domnuch & xiii. fuir(ri).
Máel Muire h-Ua Gebennaich, h-uasalsacard Dál Chais, quieuit.
Bás Branacáin, air(ri) Mide.
Bás Comaltain h-ui Chomaltain, rigdomna h-Ua Fiachrach.
Bás Cennetich h-Ui Mathgam(na).
Kl.
Enair for Luan & .xxiii. fuir(ri).
Bás Gillai Phatra(ic) m. Cerbaill, rí h-Ele.
Quies Flainn h-Ui Thacain, airchinnich Durmai(ge).{folio 22a}
Bás Maíl Sechnaill meicc Domnaill, ríg Temrach.
Cathassach, fer legind Cluana Macc Nóis, quieuit.
Kl.
Enair for Mairt & .u. h-uathaid fuirri.
Tart mór ó Notlaic Bic co Beltaine.
Tadg mc. Briain, rígdamna h-Erend, do marbad tre fell.
Bás Lochlaind, rí Inse Eogain.
h-Ua Duib da Bairend do dallad.
H-erchra ngrene in h-óc anno, .i. errach in duibneóil.
B. Kl.
Enair for Cetain & bliadain bissich & .xui. furri.
Úgare mc. Dúnlaing cona rigraid do marbad do Dund Slébe mc. Maíl Morda isind oen tich, & a marbadsom féin do Laignib isin bliadain chétnai.
Quies h-Ui Maíl Sluaig, comarbai Mo Chutu.
Máel Mórda h-Ua Arrochtáin, fer legind Imlecha Ibair, cend dérce & tidnaigthe na Muman, quieuit in Christo.
Dúngal h-Ua Donnchada {folio 22b} ina ailithre.
Cuan h-Ua Lothcháin, ardfile h-Erend & senchaid, a marbad do feraib Tethba; ocus in fer ro m-marb do marbad fo chétoir, .i. mc. Gillai Ultain m. Roduib.
Senchán mc. Flaithbertaich ina ailithre co Inis Cathaig.
Niall h-Ua Cellaich, fer legind Tómma Grene, quieuit in Christo.
Kl.
Enair for Aine & .xxuii. fuirri.
Dungal h-Ua Donnchada do éc ina ailithre.
Bás Maíl Sechnaill Goit, rígdamna Temrach.
Quies Muirethaich meicc Mugróin, comarba Ciarain .
Bás Briain h-Ui Dubtai.
Bás Rónáin m. Cuirc, rí Muscraige Mittaine.
Serbrethach, comarba Ailbe, quieuit in Christo.
Cellach h-Ua Selbaig, comarba Barre, ina ailithre.
Kl.
Enair for Sathrun & .ix. h-uathaid fuirri; & bliadain tanaise fuir bisex.
Sluaged mór la Donnchad macc{folio 22c} Briain, co tuc giallu fer Mide & Breg, & co rabe féin tri thrath i n-Áth Chliath i síd, & a longphort h-i farrad in dúine, & co tuc giallu Laigen & Osraige.
Comarba Patraicc cona sruithib & Donnchad mc. Gillai Phátraicc, ri Osraigi, i tich Donnchada m. Briain fon Caisc oc Cind Chorad.
Moel Ruanaid h-Ua Maíl Doraid, rí in tuascirt, ina ailithre co Cluain Ferta Brenainn, co n-deochaid as side co h-Ii Coluim Cille, & as side co Róim Letha.
Mael Petair h-Ua Ailecain, fer legind Duin da Lethglas, quieuit in Christo.
Quies Neill h-Ui Meicc Duib, comarbai Barre.
Conall h-Ua Cillín, comarba Crónain Tómma Grene, dormiuit.
Fergal, rí Fer Cell, ina ailithre.
Kl.
Enair for Domnuch & .xx. furri.
Bas Crínain m. Failbe, ri Corcu Duibne.
Quies Airt h-Ui Airt, comarbai Barre.{folio 22d}
Sluaged la Donnchad mc. m-Briain i n-Osraige co tuc gabala mora as & brait n-imda, & co tarras drem dia muintir & coro h-imred dochraite luirg forro la Mc. Raith h-Ua n-Donnchada ro bui ar cocud i n-Osraige, & la h-Ua n-Gillai Pátraicc, coro marbad and Gadra mc. Dúnadaich, rí h-Ua Mane, & Domnall mc. Sencháin, rígdomna Muman, & Ócán h-Ua Cuirc, & da mc. Cuileáin m. Conchobuir, & Conall mc. Écertaich, rígdomna Cassil.
Bás Conchobuir m. Maíl Sechnaill, rí Corcu Mruad.
Róen do marbad do Gallaib Atha Cliath, & Dúnchad mc. Duind, rí fer m-Breg, do marbad & alii multi.
Tadg mc. Echach, abb Cille Da Lua, quieuit.
Flaithnia h-Ua Tigernain, fer legind Cille{folio 22e} Da-Chellóc, quieuit.
Forbais do Muirethach h-Ú Flaithbertaich i n-Inis Crema for Loch Forbsen for Cathal mc. Ruadrí & roind a thíre fris.
Béc, rí Tethba, moritur.
B. Kl.
Enair for Luan & óen h-uathaid fuirri.
Lathir ingen Donnchada do éc ina h-ailithri i Corcaich.
Snechta mór isin Chorgus na bliadna sin, trí lathe & tri aidche conna tegtís doene ná h-innile asa tigib.
Soerbrethach h-Ua Suairlich do éc.
Macc Amlaib ina ailithre do Róim.
Brian h-Ua Conchobuir, rigdamna Connacht, moritur.
Bás h-Uí Dubchroin, rí h-Ele.
Quies Airt h-Uí Dúnchada, abbad Mungarat.
Kl.
Enair for Cetain & .xii. fuirri.
Tech do gabail for Aed h-Ua Ruairc coro loscit cethri fichit and & secht n-airchinnich cell cona minnaib immalle friu isind oentich.{folio 22f}
Muirchertach h-U Aeda, rí Muscraige, moritur.
Bás Conchobuir, rigdamna h-Ua Conaill.
Bás Cennetich m. Cind Faelad, rigdomna h-Ua Conaill Gabra.
Fell do Donnchad mc. Muirchertaich h-Ui Aeda for da mc. Cind Foelad m. Muirchertaich h-Ui Aeda.
Bás m. Cathgussa, ríg Corcu Bascind.
Flaithbertach h-Ua Neill ina ailithri co Ard Macha.
Innarbu Cathail m. Ruadri assa thír i m-Mumain.
Kl.
Enair for Dardain & .xxiii. fuirri.
Bressal, comarba Ciarain, quieuit.
Macc Endai, comarba Flannain, quieuit in Christo.
Ingen Murcha[da] m. Find, rigan Muman, moritur.
Tadg h-Ua Conchobuir, rí Connacht, do marbad do Chonnachtaib.
Domnall Got, rí Mide, do marbad.
Conchobur mc. Taidg h-Ui Chellaich do marbad h-i Midiu.
Long Lorcain h-Ui Briain do badud & .iii. rigdamnai Corcu Bascind.{folio 23a}
Kl.
Enair for Aíne & iiii. h-uathaid furri.
h-Ua Taidg, comarba Flaind m. Fairchellaich, do marbad
Macc Mathgamna m. Mail Ruanaid, rigdomna h-Ua n-Echach, mortuus est.
Máel Suthain, sruithsenóir h-Erend, quieuit in Christo; ocus Macc Uíge ánchara in hóc anno.
Cath eter na Désse & ár mór do chor ettarru.
Mc. Gillai Phatraicc h-i Mumain coro oirg Dún na Sciach & coro marb a rechtaire.
Donnchath mc. Briain da dígail i n-Osraige co tuc brait móir as & indile, & coro lad ár for Mumain fo thrí and, coro marbad and Mael Coluim, rí Cainraige, & da rígdamna h-Ua Conaill Gabra & alii multi.
Eochu mc. Scolaige, epscop Cluana Ferta Brenainn, quieuit; ocus dán do Mc. Mara ar throscud dó ra Brenaind oc Ard Ferta.
Cell Dara do loscud & Port Lárgge.
h-Ua Donnocáin, rí Arad, do marbad do macc{folio 23b} Domnaill m. Briain.
Da mc. Duib Daire m. Cinaeda, da rígdomna h-Ua Maine, do marbad do mc. Con Chonnacht.
Kl.
Enair or Sathurn & .xu. luna. In dara bliadain .xxx. ar mile ó Inchollugud Crist.
Macc Delbaith, comarba Cronáin, quieuit.
Fland mc. Mathgamna, rí Ciarraige Luachra, do marbad.
Diarmait mc. Echach, airri Muman, moritur.
Ailill h-Ua Flaithim, airchinnech Aird Ferta Brenainn, quieuit. Ollam Muman a brethemnas h-é.
Donnchad mc. Briain do tauairt ingene Regnaild. Inde dictum est errach ingene Regnail(d).
Murchad h-Ua Nioc, comarba Iarlathe & sui-epscop.
h-Ua Fogartaich, rí fer Cera, mortu[u]s est.
Etru h-Ua Conaing, rigdomna Muman, do marbad oc sarugud Ailbi.
Kl.
Enair for Luan & .xxui. fuirri.
Cond h-Ua Sinnaich, ánchara h-Erend, quieuit i n-Inis Celtra.
Muirethach h-Ua Móenachain, sruithsenoir na n-Góedel, quieuit in Christo.
Cond mc. Muil Phatraicc, comarba Deochuin Nessain, quieuit.{folio 23c}
Conchobur h-Ua M(ui)rethaich, rí Ciarraige Luachra, do marbad a fill dia braithrib fein.
Aed mc. Ruadri do marbad do h-Ú Nechtain.
Murchad h-Ua Muíl Sechnaill do marbad i n-Insi Locha Samtide.
Teidm mór for cethraib [ ] do neuch as ferand do [ ]acc Briain, .i. Dond(chad).
h-Ua Léce, comarba Senain, quieuit.
Oengus h-Ua Cathail, rí Eoganachta Locha Lein, do marbad.
Catha(l) Berlaid, comarba Fináin Chaim, quieuit.
Cormacc mc. Foelain, comarba Meicc H-Íii, quieuit.
Bróen h-Ua Clérich, rí h-Eli, do marbad.
h-Ua Dunlaing, rí Muscraige Tíre.
Domnall h-Ua Muil Doraid, rí Ceneóil Eogain & Chonaill, do marbad.
Kl.
Enair for Mairt & .uii. h-uathaid fuirri.
Dub Dainggen do marbad do h-Uíb Mane.
Diarmait h-Ua Nechtain ina ailithre.
Mc. Gillai Crist h-Ui Nechtain do marbad.
Muirethach h-Ua Flaithbertaich do marbad do Chonnachtaib.{folio 23d}
Oengus mc. Flaind, fer legind Cluana, quieuit.
Cathal martír, comarba Barre, quieuit. Oengus mc. Cathain i n-apthaine dara ési.
Flaithbertach h-Ua Neill do gabail Ailich dorithise & a riarugud do thuasciurt h-Erend ar sinserecht.
Mael Coluim mc. Cinaeda, rí Alban, moritur.
Kl.
Enair for Cetain & .xuiii. fuirri.
Cluain Ferta Brenainn do orgain do feraib Bréfne. Donnchad mc. Briain dia tarrachtain lucht óenluinge & siatsom lucht cethri serrcend déc, & maidm forru reme & a n-ár do chor dosom imon Soicc & imon Sinaind.
B. Kl.
Enair for Tardaín & .xxix. fuirri.
Flaithbertach h-U Neill do éc.
Mael Sechnaill mc. Cormaic, rigdamna h-Ua m-Briuin, do marbad.
Murchad mc. Muirethaig h-Ui Flaithbertaich moritur.
Oengus h-Ua Flaind, comarba{folio 23e} Brenainn Cluana Ferta, quieuit.
Oengus mc. Cathain, in t-epscop & in mc. óge, quieuit in Christo.
Cellach h-Ua Selbaich, comarba Barre & ailithir Róma & primánchara h-Erend, quieuit in Christo.
Kl.
Enair for Sathurn & .x. fuirri.
Port Largge do loscud do Gallaib l^ do Laignib & a dílgend.
Cú Chaille mc. Cennetich, rí Múscraige, do marbad & a mc. i n-dorus daim liac Lothrai arna thabairt ar ecin asind altóir, & Mathgamain h-Ua Cathail do marbad isind aidchi sin féin.
In t-epscop h-Ua Bruic, comarba Senain, ina ailithre. Murchertach i n-apthaine dia éiss.
Bás m. Dunlaing, rig Laigen, la Osraige.
Comaltán h-Ua Lochlaind do marbad a fill.
Cernachán Got do marbad do h-Uíb Mane.
h-Ua Con Cenaind, rigdamna Connacht, do marbad iar mbrith creche Brenainn.
Kl.
Enair for Domnuch & .xxi. fuirri.{folio 23f}
Mc. Loingsich, fer legind Cluana M. Nóis, quieuit in Christo.
Cuinnedeán Ultach quieuit.
Cathal h-Ua Cathail, rí Eoganachta Locha Léin.
Kl.
Enair for Luan & .ii. h-uathaid fuirri.
Mael Finniae, epscop Imblecha Ibair, quieuit in Christo.
Mors h-Ui Neill, ríg Ailich.
Mors Domnaill mc. Donnchada, rígdomna Laigen.
Erchra n-grene in hóc anno.
Mors Con Dulig h-Ui Donnchada, rigdomna Cassil.
Bás Donnchada m. Gillai Phatraicc, ríg Osraige.
B. Kl.
Enair for Mairt & xiii. fuirri.
Coscrach mc. Aingeda, epscop & comarba Brennaind & Flannáin, quieuit in Domino.
Mors Gillai Meicc Uíbleáin h-Ui Chongaile, rig Corcu Duibne.
Corcrán Clerech, cenn crabuid na h-Erend, quieuit in Christo i Liss Mór Mo Chutu.
h-Ua Muil Ruanaid do marbad do h-U Chonchobuir a fill.
Cáin & rechtge do dénam{folio 24a} oc mc. Briain innas na dernad ó ré Patraicc I n h-Érind conna laimthe gait do dénam na h-enggnam Domnaig na h-imthecht nach aire ar muin i n-Domnuch; ocus dano na laimthe míl innille do thabairt hi tech.
Macc Raith h-Ua Donnchada do chumrech isin bliadain sin.
Kl.
Enair for Dardaín & .xxiiii. fuirri.
Quies Muirethaig h-Ui Rebachain, comarbai Mo Chutu.
Bás Donnchada m. Muirchertaich, ríg Muscraige.
Cath eter Laigniu i torchair mc. Maíl na m- Bó.
Cath eter Múscraige i torchair Muirethach mc. Donchada h-Ui Aeda & mc. Con Dulig & alii multi.
h-Ua in Chanaige, fer légind Aird Macha, quieuit.
Quies h-Ui Taidg, fir légind Cille Dara.
Mc. Laain, comarba Senáin.
h-Ua Ségdai, rí Corcu Duibne, do marbad.
Kl.
Enair for Aine & .u. h-uathaid fuirri.{folio 24b}
Mc. Amlaíb, rí Átha Cliath, do éc.
h-Ua Anmchada, rígdamna h-Ua Liatháin, do marbad.
Mathgamain h-Ua Failbe, rígdamna Corcu Duibne, do marbad.
h-Ua Domnaill m. Duib da Buirend ina ailithre do Róim.
Loingsech h-Ua Flaitheain, comarba Ciarain & Chronain, quieuit in Domino.
Aed h-Ua Cathail, ri Eoganachta Locha Léin, do marbad.
Cath eter Laigne& Osraige co torchratar sochaide and do Osrugu, & co torchair and Murchad mac Dúnlaing, rí Laigen, & rig imdai archena.
Ailill, cenn manach, h-i Colaine quieuit in Domino.
Kl.
Enair for Sathurn & .xui. fuirri.
Cathal mc. Ruadri do éc ina ailithre i n-Ard Macha.
Cluain Ferta Brenainn do orcain do Challraigib.
Echdaigernd h-Ua Donnacain, rí Arad, do marbad.{folio 24c}
B. Kl.
Enair for Domnuch, prima feria, & .xxuii. furri.
Mc. Raith h-Ua Muirethaich, rí Ciarraige Luachra, do éc.
Crínóc ingen Muirethaig do éc.
Aed ánchara i n-Enuch Dúin quieuit.
Celechair ánchar[a] quieuit i Cluain Ferta Brenainn.
Quies Moenaich Muccruma i n-Achud Déo.
Aed Scelic, in t-huasalsacart & in macc óge & cend crabuid na n-Goedel, quieuit in Christo.
Kl.
Enair for Mairt & .ix. h-uathaid fuirri.
Maid[m] Chais[ ] in hoc ann[o].
Morchertach [h-Ua] Neill o[c]cissus est.
Congalach h-Ua Lochlain, rí Corcu Mdruad, moritur.
Regnall h-Ua Eochada, rígdamna Ulad, do marbad do Gallaib Átha Cliath i r-Rechrain, .ccc. do mathib Ulad imme.
Flaithbertach h-Ua Canannain, rí Ceneuil Conaill, moritur.
Dam liac Cluana Ferta Brenainn do loscud do h-Uib Mane, & mc. Godra m. Dunadaich do thabairt doib ass & a marbad i faithche na cille.
Carthach, rí Eoganachta Cassil, do loscud & alii multi secum.{folio 24d}
Domnall h-Ua Cétfada do éc.
h-Ua Cind Faelad do marbad do Araib.
Mc. Donnocain, rí Múscraige, do marbad.
Digal choi[t]chend i n-Herind isin bliadain sin coro mill na toirthi.
Canu, sacart Achaid Bó, dormiuit.
Muirchertach h-Ua Néil, rí Ceneoil Eogain, moritur.
Amalgaid mc. Flaind, rí Callraige, do marbad do Chiarán & do Brenaind.
Kl.
Enair for Cetain, .xx. furri.
h-Ua Flaind Chua, comarba Ailbi, ina ailithri.
h-Ua Cairpre m. Flaind, rí Eoganachta Locha Léin, do marbad.
h-Ua Cerbaill, soerchland Muman, do marbad.
Dam liac Aird Ferta do brissiud don tenid geláin.
Art h-Ua Ruairc, rí Connacht, do marbad.
h-Ua Bileoci, fer legind Aird Macha, quieuit in Christo.
Kl.
Enair for Dardain & h-oen h-uathaid fuirri.
Snechta mór isin bliadain sin o Feil Brigte co Feil Patraicc{folio 24e} conna clos reme na (i)arum a samail.
Niall h-Ua Ruairg, rí Bréfne, do marbad.
Comarba Brigti dormiuit.
B. Kl.
Enair for Aine &.xii. furri.
Mc. Con Mara do marbad a fill.
Clothna Muimnech , comarba Ailbi, quieuit in Christo.
Inis Locha Cimme do thogail & a múrad do h-U Chonchobuir do ríg Connacht.
h-Ua Cuill, priméces h-Erend, do éc fri commain & saccrafic.
Aneslis mc. Domnaill do marbad.
Sadb ingen Briain do éc.
Kl.
Enair for Domnuch & xxiii. fuirri.
Amalgaid, comarba Patraicc, do éc.
Assíd mc. Domnaill, rí Corcu Bascind, do marbad.
Conchobur h-Ua Cind Faelad, .i. ri h-Ua Conaill Gabra, do marbad.
Sloged la mc. m-Briain co tuc giallu Laigen & Osraige.