Kal. Ian. ui. f., l. x. u., Anno Domini M.c.lx.u.
Tairrdelbach h-Ua Briain do innarba a righi Muman la a mac, .i., la Muircertach & sé fein do ghabail righi d'eis a athar.
Domhnall h-Ua Gilla Patraic, ri Tuaisceirt Osraighi, & Concobur h-Ua Broigthe, rí Cinn Caille & Paitin h-Ua h-Aedha, cainneal h-Ua Ceinnselaigh uile, do mharbadh do Mac Craith h-Ua Mordhai & do Laichis tria drochfhatha.
Cocadh eter Fhiru Midhe & h-Uibh Bríuin & isin chocadh-sin ro marbadh Sitriuc h-Ua Ruairc la h-Ua Ciardhai & la Cairpri.
Impudh Uladh dano for Ua Lochlainn & crech leo for h-Uibh Meith, co rucsat bú imda & co ro marbsat sochaidhe do dainibh. Crech dono leo for Ui Bresail Oirrther & crech aile for Dail Ríatai.
Sluaghadh la Muircertach h-Ua Lochlainn, eter Conall & Eogan & Airgiallu, i n-Ulltaibh, co ro airgset in tir uile, cenmothat prim-chella Uladh &
Diarmait Mac Artan, toisech Clainne Fogartaigh, enech & eghnumh h-Ua n-Echach uile, mortuus est.
Tochustal Saxan & Gall Atha Cliath la Mac na Perisi do ghabhail forbhaisi for Bretnaibh & ro batar uile re ré leith-bliadhna ic a toghail & nír' fhetsat. Et reuersi sunt sine pace retro.
Mael Coluim Cennmor, mac Eanric, ardri Alban, in cristaidhe as ferr do bai do Gaidhelaibh re muir anair, ar deirc & aínech & crabudh, do éc.
Triallaidh Eochaidh doridhisi righi Uladh do ghabhail, co ro dichuirset Ulaidh h-e, ar h-uamhon h-Ui Lochlainn & co ro geimhlighedh h-e la Donnchadh h-Ua Cerbaill, la h-ardrigh Airgiall, tre forchongra h-Ui Lochlainn.
Sluaghadh aile la Muircertach h-Ua Lochlainn co Ceníul Eogain co h-Inis Lachain,{folio & column MS2 52c} co ro loiscet in indsi & co rus-múrsat & co tucsat Ulaidh uile a m-braighti d' U Lochlainn. Tecait iarsin Cenel n-Eogain im h-Ua Lochlainn dia tighibh, co coscur mor & co longaibh ímdaibh leo & co setaibh imdaibh archena. As-seidhe h-Ua Lochlainn d'Ard Macha. Ticc iar sein Donnchadh h-Ua Cerbaill, airdri Airgiall & Eochaidh Mac
{§LATE} Domhnall Mac Gilli Patraic, ri Osraighi; Maghnus h-Ua Canannan, ri Ceineoil Conaill; & Gilla Crisd h-Ua Mail Brenaind, taisech Clainni Conchobuir, & Mac Craith h-Ua Concobuir, ri Ciarraide Luacra, mortui sunt. §