Kal. Ian. ui. f., l. xx., Anno Domini M.c.lx.
Donnchadh h-Ua Mael-Sechlainn, ri Midhe, do marbadh do macaibh h-Ui Fhindallan i mebhail.
Ua Canannan, rí Ceniuil Conaill, do marbadh la Cenel Conaill fadhéin, .i., tech do loscudh{folio & column MS2 51d} d'Ua Baighill fair.
Flaithbertach h-Ua Cathusaigh, ri Saitne do éc.
Finn h-Ua Gorman, epscop Cille Dara, abb manach Ibhair Cinn Trachta fri ré, ad Christum migrauit.
Brodur, mac Torcaill, ri Atha Cliath, do marbadh do Deiscert Bregh.
Maidm Maighi Lughad ria Cenel n-Eogain Tolcha Oac for h-Ua n-Gailmredhaigh & for Domnall h-Ua Crichan & for Ua Fiacrach, co ro marbadh drem mór dibh. Ocus is don chur-sin do-rochair co neímh-chíntach Muircertach h-Ua Neill la Lochlann h-Ua Lachlainn, co torchair iar sin Lochlann i n-a dhighail la mac h-Ui Neill.
Sluaghadh la Muircertach h-Ua Lochlainn co Ceniul Eogain & co n-Airgiallaibh, co