Kl. Ianair .ii. f., l. i. Anno Domini M.xx.uiii.
Tadhg m. Eachach airchinnech Cille Da Lua, Art airchinnech Mungairti, in Christo dormierunt.
Gilla Crist m. Duibh Cuilinn, uasal-shacart Aird Macha, do ec i r-Ros Comain.
Brian H. Concobair, & Scornn H. Ruairc,{folio & column H57ra} Flaithbertach H. h-Erudhan, Conchobur mc. Echada occisi sunt.
Mael Mochta, ri Fer Rois, o Conaillib occisus est.
Orccain Doim Liacc la Firu Manach.
M. Con Cuailgne, ri H. n-Eachach, do ec.
Sitriuc m. m. Amlaim, ri Gall, & Flannacan H. Ceallaig, ri Breg, a n-dul do Roim.
Crech la Cinel Eogain i Tir Conaill co tucsat gabala mora.
Dertach Slane do thuitim.
Donn H. Conghalaig do marbad do Chonaillibh.